မယားဖတ်ဖို့
========
ငါသီလားသော်
လက်ဖျားမကိုင် ခြီမကိုင်သည်
ခွီယိုင်ထိုးလို့ မနီကဲ့။
ငါသီလားသော်
လုပ်စားမတတ် နားကပ်ချွတ်ရောင်း
အိမ်ကိုရောင်းလို့ မစားကဲ့။
ငါသီလားသော်
အူယားဖားယား အိမ်တိုင်းလားလို့
တောင်းစားလို့ခြီ မနီကဲ့။
အခုကပင် တွေးဆင်ခြင်ကြည့်
အိမ်သျှင်မကောင်း ချိန်မနှောင်းခင်။
ဟိခါ သူကောင်း
မဟိခါ ဘူဖောင်း
ကောင်းကောင်းမှတ်ထား
ငါ့မယား။
ယောက်ျားအားကိုး မယားဆိုးလို့
လူမျိုးတကာ ကဲ့ရဲ့ခါလေ
ငါသီခါမှ သိလိမ့်မည်။
အားကိုးမဲ့ခါ လမ်းဘေးမှာ
ကြီးစွာနောင်တ ရလိမ့်မည်။
ရွှေလည်းမကျန် ငွေမကျန်
အိမ်လည်းမကျန် ခြံမကျန်
အခွံတုံးတိဖြစ်လိမ့်မည်။
ရွှေခွက်ငွေခွက် အုံးမှုတ်ခွက်ဟု
မျက်ခွက်တွန်းဆီးပစ်လိမ့်မည်။
လင်မဟိက ဘဝသုည
ခွီးကျဝက်ကျ ကျလိမ့်မည်။
ဟိသမျှပေါင် တက်တက်ပြောင်ကေ
ကောင်သီလင်းဋကျလိမ့်မည်။
သာလှဧူး (မြောက်ဧူး) 😁😁
No comments:
Post a Comment