ရခိုင် ဗျည်း (၃၃) လုံး အက္ခရာဖတ်နည်း။
ထရိပူရ ရခိုင်ဗျည်း (၃၃) လုံး ဘုရားရှိခိုး
============================
က (ကကြီး) ဟူသည်ကား ကိလေသမာရ်ကို အောင်တော်မူသော မြတ်စွာဘုရား။
ခ (ခငယ်) ဟူသည်ကား ခန္ဓမာရ်ကို အောင်တော်မူသော မြတ်စွာဘုရား။
ဂ (ဂဂုံး) ဟူသည်ကား ဂန္ဓကုဋီ ရွှီတိုက်မှ ကျွတ်ထိုက်သောသတ္တဝါကို ခပ်သိမ်းသောအချိန်အခါ သိမြင်တော်မူသော မြတ်စွာဘုရား။
ဃ (ခကျောက်ရှည်) ဟူသည်ကား ဃဋိကာယ ဗြဟ္မာမင်းကြီးဆက်ကပ်သော ရွှီသင်္ကန်းကို ဆင်မြန်းတော်မူသော မြတ်စွာဘုရား။
င (င) ဟူသည်ကား ငါးပါးမာရ်ကို အောင်တော်မူသော မြတ်စွာဘုရား။
စ (စလုံး) ဟူသည်ကား စက္ကြာဝဠာအတွင်းမှာ တုဖက်ပြိုင်ဖက်ကင်းတော်မူသော မြတ်စွာဘုရား။
ဆ (ဆလိမ်) ဟူသည်ကား ဆယ်ပါးသောဒုစရိုက်ကို ပယ်ဖျက်ခုတ်ထွင် အောင်တော်မူသော မြတ်စွာဘုရား။
ဇ (ဇကွဲ) ဟူသည်ကား ဇာတိဿရဉာဏ်ကို ရတော်မူသော မြတ်စွာဘုရား။
စျ (စျပြင်ဆွဲ) ဟူသည်ကား စျာန်သမာပတ်အပေါင်းနှင့် ပြည့်စုံတော်မူသော မြတ်စွာဘုရား။
ည (ည) ဟူသည်ကား ဉေ ယျဓံတရား (၅) ပါးနှင့် ပြည့်စုံတော်မူသော မြတ်စွာဘုရား။
ဋ (ဋတလင်းချိတ်) ဟူသည်ကား ဋီကာလက်သန်းကျမ်းအသွယ်သွယ်ကို ဆရာမဟိ ကိုယ်တော်တိုင်သိမြင်တော်မူသော မြတ်စွာဘုရား။
ဌ (ဌ၀မ်းချိတ်) ဟူသည်ကား ပဋ္ဌာန်းကျမ်းကို ဟောတော်မူသော မြတ်စွာဘုရား။
ဍ (ဍဆံကောက်) ဟူသည်ကား ကောဏ္ဍညပုဏ္ဏားသည် လက်ညှိုးတချောင်းထောင်ပြ၍ ဘုရားဧကန်ဖြစ်လိမ့်မည်ဟု ဟောတော်မူသော မြတ်စွာဘုရား။
ဎ (ထလိမ်မြို့) ဟူသည်ကား ဒီပင်္ကရာဘုရားရှိတော်၌ နိယတဗျာဒိတ်ပန်းကို ဆင်မြန်းတော်မူသော မြတ်စွာဘုရား။
ဏ (နကြီး) ဟူသည်ကား တဏှာတည်းဟူသောအမိုက်မှောင်ကို ပယ်ဖျက်ခုတ်ထွင်အောင်တော်မူသော မြတ်စွာဘုရား။
တ (တ၀မ်းပူ) ဟူသည်ကား တထောင်မကသောတိတ္ထိရို့အား ပြာဋိဟာပြ၍ဆုံးမတော်မူသော မြတ်စွာဘုရား။
ထ (ထဆံထုံး) ဟူသည်ကား ထူးမြတ်သောဂုဏ်ကျေးဇူးအပေါင်းနှင့် ပြည့်စုံတော်မူသော မြတ်စွာဘုရား။
ဒ (ဒဘယတ်) ဟူသည်ကား ဒိဗ္ဗစက္ခုဉာဏ်တော်ကို ရတော်မူသော မြတ်စွာဘုရား။
ဓ (ဓ၀မ်းချိတ်) ဟူသည်ကား ဓမ္မစက္ကြာတရားတော်ကို ဟောတော်မူသော မြတ်စွာဘုရား။
န (နငယ်) ဟူသည်ကား နိဗ္ဗာန်အောင်ချာရွှီပြည်နန်းသို့ ပို့ဆောင်တော်မူသော မြတ်စွာဘုရား။
ပ (ပစောက်) ဟူသည်ကား ပုဗ္ဗေနိဝါသဉာဏ်တော်နှင့် ပြည့်စုံတော်မူသော မြတ်စွာဘုရား။
ဖ (ပဖလိပ်) ဟူသည်ကား ဖိုလ်မဂ်ချမ်းသာကို အောင်တော်မူသော မြတ်စွာဘုရား။
ဗ (ဗလုံး) ဟူသည်ကား ဗောဓိဥာဏ်ကို အောင်တော်မူသော မြတ်စွာဘုရား။
ဘ (ဘဘုံးချပ်) ဟူသည်ကား ဘုန်းတော် (၆) ပါးနှင့် ပြည့်စုံတော်မူသော မြတ်စွာဘုရား။
မ (မ) ဟူသည်ကား မစ္စုမာရ်ကို အောင်တော်မူသော မြတ်စွာဘုရား။
ယ (ယ) ဟူသည်ကား သရက်ဖြူပင်ရင်းတွင် တိတ္ထိရို့အား ရီမီးအစုံ ယမိုက်ပြာဋိဟာကို ပြ၍ဆုံးမတော်မူသော မြတ်စွာဘုရား။
ရ (ရ) ဟူသည်ကား ရောင်ခြည်တော် (၆) သွယ်နှင့် ပြည့်စုံတော်မူသော မြတ်စွာဘုရား။
လ (လ) ဟူသည်ကား လူသုံးပါးတွင် တုဖက်ပြိုင်ဖက်ကင်းတော်မူသော မြတ်စွာဘုရား။
၀ (၀) ဟူသည်ကား ၀သုန္ဒြေမြီနတ်သားသည် သက်သီခံပြု၍ မာရ်နတ်မင်းခုခံသည်ကို အောင်တော်မူသော မြတ်စွာဘုရား။
သ (သ) ဟူသည်ကား သစ္စာလေးပါးတရားကို သိမြင်တော်မူသော မြတ်စွာဘုရား။
ဟ (ဟ) ဟူသည်ကား "ဟန္ဒဒါနိ ဘိက္ခဝေ" ပါဠိတော်လာသည်နှင့်အညီ ရဟန်းတော်ရို့အား ဆုံးမတော်မူသော မြတ်စွာဘုရား။
ဠ (လကြီး) ဟူသည်ကား လပြည့်၀န်းကဲ့သို့ ပြည့်ထွန်းသော ရွှီမျက်နှာတော်နှင့် ပြည့်စုံတော်မူသော မြတ်စွာဘုရား။
အ (အ) ဟူသည်ကား နီအာရုဏ်မတက်မှီ အာသဝေါကင်းကွာ၍ အာသ၀က္ခယဉာဏ်တော်ကိုရတော်မူသော မြတ်စွာဘုရား။
No comments:
Post a Comment