=======
အေးလားမောင်ထွီး
ပန်းယောင်မွှီး
မေကြီးချစ်စု မေ့မျက်ရှု။
တန့်ဟုံ့ တန့်ဟုံ့
မလားကဲ့ဦး
မေကြီးပြောမေ နားထောင်ဦး။
တပွင့်ပန်းကို လိုချင်တောင်းတ
ပန်းကဟိရေ ခက်ဖျားမှာ။
မောင်တယောက်ကို လိုချင်တောင်းတ
မောင်ကဟိရေ အဝီးမှာ။
ခက်လံဖျားက ပန်းတခက်ကို
မေလိုချင်
လိုချင်သော်ငြား
တက်လို့ကူ
ဆွတ်ဖို့လူ ရှာမတွိ။
မေကြီးသျှင်မှာ
ပန်းပင်အောက်သို့
ရောက်လို့ဟိ။
တက်ဆွတ်ပီးပါ
လက်ယပ်ခေါ်တောင်
ပြန်တောင်မကြည့်
လှည့်လို့မလာ
ထွက်ခါလားရေ အဝီးမှာ။
လပပြောင်ပြောင် တောင်တလင်းမှာ
ငှက်ဝါမြည်သံကြားလိမ့်မေ။
ငှက်ဝါတွန် မြည်သံကြားက
မေ့စကားကို အတွက်ရလို့
အိမ်မက်မက်ခါ ပေါ်လိမ့်မေ။
(ဗိုလ်မင်းထောင်က ဇမ်းကဗျာ)
No comments:
Post a Comment