ဖက်ခွက်တိုင်းပြည်

ဖက်ခွက်တိုင်းပြည်
==========

ပြောပြန်ရင်လည်း
အောင်မင်းလွန်ရာကျမယ်။

ဘယ့်နှယ်လည်းဗျာ
တတိုင်းပြည်လုံးအပစ်အခတ်ရပ်စဲရေးဆိုပြီး
(AA) မပါဝင်ရ
တကယ့်ကို တရားမျှတတဲ့ ဒီမိုကရေစီပါလား --။

အာဏာအစိတ်သား
လွှတ်တော်မှာ အလကားအချောင်ရတာအကြောင်းမဟုတ်။

ငြိမ်းချမ်းရေးအလုပ်မှာ
ဝင်ရှုပ်နေတာ ပြဿနာ
စစ်တိုက်မှ ထမင်းစားရ ဝမ်းဝတဲ့လူတွေ။

တူရကီနဲ့ အီရန်က
ဗုံးကြဲမယ်လုပ်တော့
ဒူးတုန်နေလိုက်ကြတာ
(သနားစရာ)
ရေစွတ်နေတဲ့ ကြွက်စုတ်ကလေးလိုဘဲ --။

ကချင်ကျတော့
ရုရှကပေးထားတဲ့ လေယာဉ်အစုတ်ပလုပ်တွေနဲ့
လက်သံပြောင်နေလိုက်ကြတာ --။

ပေးတာယူ ကျွေးတာစား (NCA) ကလည်း
AA, TNLA, MNDAA ကို နောက်ချန်ထားခဲ့
စကောလောက်မှ ဇောက်မနက်တဲ့လူတွေ။

အခုတော့ ” ခွဲမထွက်ရ”
လက်ထိပ်အခတ်ခံနေရပြီ။

မကြာခင်မှာ ခင်ဗျားတို့လည်ပင်းကို
ကြိုးကွင်းစွပ်တော့မယ်
မသေခင်မှာ
ထမင်းဝအောင်စားထားကြပေတော့ --။

သစ္စာဖောက်တွေ မညီညွတ်လို့
အမဲဖျက်ခံနေရပြီ --။

ဒေါ်စုကလည်း
"မကြာမှီ စင်္ကာပူကို ကျော်တက်မည်" တဲ့။

လေလုံးကြီးလိုက်ပုံကလည်း
မပြောချင်ဘူး
ဘင်္ဂလားဒေချ်လောက်ကိုဘဲ
မှီအောင်လိုက်ကြစမ်းပါ --။

“ပြည်ထောင်စု” “ပြည်ထောင်စု” နဲ့
ဘာတခုမှ စောက်သုံးမကျတဲ့တိုင်းပြည်
သွားကြားထိုးတံတောင်
နိုင်ငံခြားက တင်သွင်းနေရတယ် --။

(21) ရာစု ပင်လုံညီလာခံလုပ်ပြီး
ငြိမ်းချမ်းရေးကို မျက်ကွယ်ပြုနေရင်တော့
ဖက်ခွက်ပြည်ထောင်စုကြီးလည်း
ပဲပြားနံချပ်လို
တာရှည်ခံပါ့မလား --။

ဟုတ်မှလည်း လုပ်ကြစမ်းပါ
ရွှေမြန်မာတို့ရယ်။

သိပ်ပြီးတော့လည်း
ဖင်ခေါင်းကျယ်မနေကြပါနဲ့။

ဒီလိုဘဲ ကျွဲခြေရာကွက်မှာ
လက်ပစ်ကူးနေကြအုံးမယ်ဆိုရင်တော့
မကြာခင် ကုလားဆီမှာ
ဆီဆွတ်ခံရလိမ့်မယ် --။

(မောင်မှန်)(June 11, 2018)(တလင်္လာနိ)
မှတ်ချက်။ ။ (မြန်မာကဗျာ)