Friday, June 30, 2017

ပြိုနီယာ

ပြိုနီယာ
=====

အိမ်ကြီးရခိုင်
လေးဟပ်ယိုင်
ကျိုင်တောက်ချေကို
ထောက်ထားပိုင် --။

(သာလှဧူး)

Thursday, June 29, 2017

ခြားနားချက်

ခြားနားချက်
=========

ချင်း တလဂုင်္နီနိ
ဘုရားကျောင်းတက် --။

ရခိုင်သားမှာ
ကျိပီကျိပက်
ဖဲဝိုင်းခင်းလို့ အခြင်းနှက် --။

ကုလား သောက္ကြာ
ဗလီတက် --။

ရခိုင်သားမှာ
စုတ်ပီစုတ်ပက်
လေးကွင်နင်းလို့ ပုလင်းဖက် --။

(သာလှဦး)

ကောက်ရိုးမီး

ကောက်ရိုးမီး
=========

လက်ခုပ်တဖြောက်
တဟုတ်ချေတောက်
ပျောက် --။

(သာလှဦး)




Wednesday, June 28, 2017

မြေခွေးယုတ်


မြေခွေးယုတ်
=======

မြေခွေးမြန်မာ တတူလာ
မြန်မာကိုသတ် ခွေးကိုလွှတ်
"ဗ" ပါကေ "ဗူး" ပင်လည်း ခွတ် --။

(စကားပုံ)

Tuesday, June 27, 2017

ငပိန်ငညှောင်


ငပိန်ငညှောင်
=========

ငါဆိုရေ အကောင်က
တချက်လီသလပ်စွာနှင့်
ဖက်ရွက်ချေပိုင်
ရွင့်စိုင်ကျလားဖို့
ငပိန်ငညှောင်
အကောင်ချေပါရာ --။

ကျားစားလို့မကုန်ရေ ခန္ဓာ
မဟာမုဏိကျောင်းတိုင်လောက်သန်ရေ လက်မောင်းတိနှင့်
ဆင်ပြောင်ကြီးတိက
ဖင်ကချီးထွက်အောင်
သီးခြားလွတ်လပ်ရီး
ကျွီးအော်ပြီးကေ
တယောက်ပြီးတယောက်
ဒူးထောက်လားခကတ်တေ ---။

ယေကေလည်း
ယင်းချင့်ထဲမှာ
ငါကားမပါ --။

တော်လှန်ရီးလည်းမလုပ်ဖူးဘဲနှင့်
ဖင်ကချီးထွက်အောင်
တော်လှန်ရီး တော်လှန်ရီး ကျွီးအော်နီကတ်တေ
အကောင်တိထဲမှာလည်း
ငါကား မပါ --။

ငါဆိုရေ အကောင်
တချက်လီသလပ်စွာနှင့်
ဖက်ရွက်ချေပိုင်
ရွင့်စိုင်ကျလားဖို့
ငပိန်ငညှောင်
အကောင်ချေပါရာ --။

ယေကေလည်း
ဗမာစစ်တပ်က
မီးစိမ်းတချက်ပြလိုက်စွာနှင့်
ဒယွားမရ ထပိန်မရ
နောက်ကျခြီထောက် သစ္စာဖောက်
ဒူးထောက်လားခရေ သူရဲကောင်းတိထဲမှာ
ငါကား မပါ --။ ။

(သာလှဦး)(December 17, 2015) (ကသစ်ဗုဒ္ဓိနိ)။

Monday, June 26, 2017

သာလှဧူး (2)

သာလှဧူး (2)
======

လွတ်လပ်ရီး လွတ်လပ်ရီး
ကျွီးလို့အော်အော် --။

တော်လှန်ရီး တော်လှန်ရီး
ကျွီးလို့အော်အော် --။

တကြိုင်းကေ လက်နက်ချ ဒူးထောက်
အလှပလှ နောက်က
ကျောက်သတ်ပစ်လိုက်ဖို့ကောင်းရေ --။

ကျားစားလို့ မကုန်ရေ ခန္ဓာ
အဂယင့် နွားက
အဘာခေါ်လောက်တေ --။

(သာလှဦး)

ဝဋ်

ဝဋ်
==
ကံမကောင်းခါ
ကျားဂေါင်းမှာ အိုးစွပ် --။

(သာလှဧူး)

သင်္ခန်းစာ

သင်္ခန်းစာ
====
အစွယ်ကိုအားကိုးလို့
ခြင်္သေ့မျိုး စည်ကိုဖောက်
ကြီးစွာ ဒုက္ခရောက် --။

(သာလှဧူး)

ပြိတ္တာကြီး

ပြိတ္တာကြီး
=====

သြ၀ါဒစရိယ
အဂ္ဂမဟာပဏ္ဍိတ
နိုင်ငံတော်သံဃမဟာနာယက။

ဘွဲ့ထူး ရာထူး ဂုဏ်ထူးများ
အလွန်ရှည်လျား
ကုလားမဆာရီ အလား။

အိပ်အိပ်စားစား
အိမ်သာသွား
မခြားတိရိစ္ဆာန်။

အိပ်မက်လှလှ
ဇိမ်လည်းကျ
ဘ၀ပစ္စုပ္ပန်။

မဂ်ဖိုလ်လည်းရ
ဈာန်လည်းကြွ
ကူးကြရွှေနိဗ္ဗာန်။

(မောင်မှန်)
မှတ်ချက်။ ။ မြန်မာကဗျာ

Friday, June 9, 2017

အညှီအဟောက်

အညှီအဟောက်
=========

တော်လှန်ရီးမှာ
သစ္စာဖောက် --။

စာပီမှာလည်း
အညှီအဟောက် --။

သဘာဝ၏နိယာမ
ယှောင်လွှဲလို့ မရ --။

သစ္စာဖောက်ကို
ထောက်ခံကေ မြောက်ကြွ --။

အညှီအဟောက်သည်လည်း
လောက်၏အဟာရ --။

သစ္စာဖောက်ဆို အပြတ်ယှင်း
အညှီအဟောက်ကို လွတ်ကင်း --။

စင်ထက်တက်လို့ ဟောက်ဟောက်
မိုက်ကိုင်လို့ ဟောက်ဟောက်
မိုးကြိုးပစ်ယှောင် ဟောက်
လိပ်ဂေါင်းထွက်အောင် ဟောက်
လျှာရည်ယိုလို့ မွှမ်လို့ဟောက်ဟောက်
ဟောက်ချင်ဆီဟောက်
အညှီအဟောက်သည် အညှီအဟောက်
အညှီဟောက်လို့
မလွတ်မြောက် --။

(သာလှဧူး)(မြောက်ဧူး)

Thursday, June 8, 2017

ဒီမိုကရေစီ

ဒီမိုကရေစီ
======
လူများခါ
ဖဲသမားလည်း
ဘုရားတကာ --။

(သာလှဧူး)(မြောက်ဧူး)

သစ္စာဖောက်

သစ္စာဖောက်
=========

ရခိုင်စာပီ၏အညီအဟောက်တိကို
တတိုင်သားက
ထမင်းမစား ဟင်းမစား
ရိုက်သွင်းနီကတ်တေ
အေပိုင် ချစ်ဖို့ကောင်းစွာမဟုတ် --။

ရောင်နီစွာကို ဆီဆွတ်
နွားပြီးစွာမှာ ဖျာဆိုးရွင့်
လီပင့်ပီးနီရေလူတိကလည်း တတိုင် --။

ညိတိုင်းညိတိုင်း
မစားမသောက်ပဲ
ကွန်ပျူတာရှိမှာ ဆောင့်ခြောင်ထိုင်
(Keyboard) ကို တတောက်တောက် လက်ခေါက်
မတောက်တခေါက်နှင့်
သစ္စာဖောက်တိရာ မဟိခဆိုကေ
ရခိုင်စာပီတော်လှန်ရီးလည်း ခရီးပေါက်စွာ ကြာယာ --။

ဂြင်းကပ်လို့ ကြပ်လိုက်ကေ
ချွတ်မရ
လွတ်လပ်ရီးကို ကျွီးအော်နီရေ လူတိကလည်း
ချပူချေတိနောက်ကိုလိုက်
ကရစ်ကထစ် လဒထိပ်ပိုင် အထစ်အထစ်
ဖြစ်ချင်တိုင်းဖြစ် --။

မရှက်မကြောက် သစ္စာဖောက်တိက
ကျွီးအော်လိုက်သိမ့်ရေ
အမျိုးသားစည်းလုံးညီညွတ်ရီး
သီးခြားလွတ်လပ်ရီးလတ် --။

မတ်ရို့တိရွီးရေ စာတိ ကဗျာတိကိုဖတ်ကေ
ဗိုလ်ရာဇာတပ်ကို အာဏာသိမ်းလို့
လက်နက်လုလားခရေ
(ACP) က (တိုက်စိုး) (ထွန်းအောင်ကျော်) (သိန်းဖေ) မျက်နှာတိကို
လားလို့စီမြင်ရေ --။

သစ္စာဖောက်မှာလည်း
အထောက်အထားနှင့်
အကိုးအကားနှင့်
အုပ်စုနှင့် အင်အားနှင့် --။

(သာလှဧူး)(မြောက်ဧူး)
May 19, 2017 (သောက္ကြာနိ)

ဇတ်ပျက်ခန်း

ဇတ်ပျက်ခန်း
========

ပါတီဝင်လည်းမဟုတ်
အမတ်လည်း မခံ
ထောက်ခံမဲချေ တမဲရဖို့
ပရစ်မျက်နှာ သွားခြဲလို့
ပြုံးပြဖို့လည်း မတတ် --။

လက်ခုပ်တီးခံရဖို့မလို
ကျောက်ခဲပစ်ခံရစွာ မကြောက် --။

လုများကေ
ဖဲသမားလည်း
ဘုရားတကာဖြစ်တေ ခေတ်မှာ
တရားဇရပ်မှာ ဖဲနှက်လို့
သူများအခြင်းကို လတင်းတုတ်
ပုတ်နှင့်ရာ ကောက်ဖို့ဆိုကေ
တနှစ်တနှစ်ကို
တင်းသုံးရာကျော်လောက်ထွက်ဖို့ --။

ဟိဟိဟားဟား
ပျော်ကတ်ပါးကတ်
တကြိုင်းကေ ရန်ဖြစ်ကတ်
ကော်နှက်ကတ်
တကြိုင်းကေ ဖက်ကတ်နမ်းကတ်
အချစ်မွှမ်းကတ်
ခရမ်းသီးဇတ်က အလွမ်းခန်းပိုင်
ပုဝါချေကိုင်လို့
ဝမ်းနည်းပက်လက်
မျက်ရည်စက်လက်
ဇတ်စင်အောက်မှာက
စုတ်ပီစုတ်ပက် --။

လူနာ လူအို လူသီ ရဟန်း
သိဒ္ဓတ္ထ တောထွက်ခန်းပိုင်
ပုတီးကိုင်လို့
တရားထိုင်ရခန့်သိမ့် --း ။

(သာလှဧူး)(မြောက်ဧူး)
May 17, 2017 (ဗုဒ္ဓူးနိ)