===================
ကျဆုံးခြင်းကို
မှတ်တိုင်မစိုက်။
ကျဆုံးခြင်းကို
အထိမ်းအမှတ်လုပ်လို့
ငါ့သားကို သျှင်မပြု။
ကျွန်သက်တန်းစိ
သျှင်ပြုပွဲလုပ်လို့
တနှစ်ထက်တနှစ်
ကျွန်သျှင်လောင်းတိ များလာစွာကို
မနှစ်မြို့။
ဝက်သားဆီပြန် အဆီယွဲ့ယွဲ့
ချင်ဆီကောင်းလီပတ်စီ
စားရငါမခြီ။
ဆရာတော်ရို့ သျှင်လောင်းလှည့်ခါ
စည်တီးသံ ငါမကြား
ငိုကျွီးသံရာ ငါကြားရေ။
သံစည်တီးသံ ငါမကြား
ရင်ဖတ်ခတ်သံ ငါကြားရေ။
သာဓုခေါ်သံ ငါမကြား
ကျိန်စာတိုက်သံ ငါကြားရေ။
တရွာလုံးသား
ဝက်ဆီယစ်လို့
ပျော်လုံးဆို့လို့
ဝမ်းတင်းတင်းနှင့်ပြန်လာရေခါ
တယောက်တည်းငါ
ဂျောင်မှာကုတ်လို့
ဝမ်းဆာဆာနှင့်
ထမင်းရည်သောက်လို့
ငါခြီရေ။
(မောင်ပေါက်တူး)
Nov 24, 2021 (ဗုဒ္ဓူးနိ)
No comments:
Post a Comment