==================
အမျေလေ ရောက်မလေ
ပန်းခူးဇောင် လားကတ်မေ။
ဝါကျွတ်လတ်ပျာ ပန်းပွင့်ပျာ
ပန်းပွင့်ပွင့်ချိန် ပန်းခူးချိန်
လုစ္ဆဝီပန်း ဘုရားပန်း။
နွယ်ခက်ဖြာဖြာ ပွင့်တရာ
ညှာရိုးစီစီ ပွင့်ဝီဝီ
နီနီညို့ညို့ ပန်းတချို့။
ဘုရားပန်းယင် ပွင့်လတ်ယင့်
အကျွန်ရို့မှာ ဆွတ်ကတ်ယင့်။
ဆွတ်ရို့ရကေ ဇာပြင်မေ
ဆရာသျှင် ထေရ်မွန်ကျောင်း လားကတ်မေ။
ကျောင်းကြီးအသျှင် ကန်တော့ယင့်
ဇေတဝန် မြတ်မွန်ကျောင်းမှာ ပန်းတင်ယင့်။
တယောက်တတိုင် ဆီမီးတိုင်
ပြိုင်ပျာထွန်းလို့
ဘုရားပလ္လင် ပန်းတော်တင်
ဇီသျှင်လည်းကိုး
လက်ဆယ်ဖြာ ထိပ်မှာမိုး
ရှိခိုးရေလေး။
ကြက်တောပြင် ဆရာတော် ကျေးဇူးပြုသည်။
No comments:
Post a Comment