=========
တတွတ်တွတ်ကေနှင့်
စကားတတ်တေ
ခက်လံဖျားက
ဇရက်ငှက်ချေ။
သွီးသံရဲရဲ
အာကာထဲမှာ တွဲလောင်းဆွဲလို့
ရင်ကွဲနာနှင့် ကျိန်စာသင့်ရေ
လက်ပံပွင့်ကို။
အခြီနှင့်ချိတ်
နှသွီးနီနှင့် တောက်ဆိတ်လို့
စားတတ်တေ။
နီပူခေါက်ခေါက်
နွီရောက်လို့
လက်ပံပွင့်တိ
ရဲရဲတောက် ပွင့်လတ်ပျာ။
ဖော်အပေါင်းနှင့်
ရရောင်းသတ်လို့
ရောက်လတ်ကေ ဝင်လို့စား
နားခလိုက်ပါ။
လက်ပံပွင့်တိ သွီးသံရဲရဲ
မြီထက်မှာ ကြွီကျလို့
ပြန့်ကြဲကျန်ခ
ငါမျက်ရည် မကျ။
လီသွတ်သွတ်ကေနှင့် စကားတတ်တေ
သာလိကာလေ
အာကာထက်က ဇရက်မချေ။
ပေါ်မလာကေ
လယ်ကွင်းပြောင်ပြောင် ကုန်းခေါင်ခေါင်မှာ
မောင်တယောက်တည်း မျှော်ရရေ။
(သာလှဦး)
September 25, 2021 (Tuesday) (အင်္ဂါနိ)
No comments:
Post a Comment