Friday, March 27, 2015

ပလ္လင်ကောက်ရိုး ဂေါင်းတော်ထိုး


ပလ္လင်ကောက်ရိုး ဂေါင်းတော်ထိုး
(နွားလားဥဿဘမော်ကွန်း)
====================

ဆောက်ကတာရှည် ဖျက်ကေခဏ
ဒေါသလွန်ပွား ရခိုင်သားမှာ
စိတ်ထားမမှန် အကောက်ကြံတတ်
အောက်ခြီလွတ်၏ တနပ်စာကို
လျှာရည်ယိုလို့ မလိုသူ့ကျိုး
အမဲရိုးကို တိုးကတ်လုကတ်
ရန်စောင်တတ်၏ မလွတ်ခြီထောက်
တယောက်သောသူ တက်လတ်မူသော်
ငြူစူငဲ့စောင်း အလိုက်ချောင်းလျှက်
ဖြောင်းဖြောင်းလည်းကျိုး ရိုက်ကာချိုး၏
“အမျိုးသားရေး လွတ်လပ်ရေး” ဟု
ကြွေးကြော်သံလှ မျောက်ပြဆန်တောင်း
ဝမ်းဟောင်းလောင်းဖြင့် ကောင်းကောင်းလှည့်ဖျား
ညာဝါးစား၏ သားမယားဝမ်းဝ
ခါးလှဖို့ရေး သွားကိုဖြဲ၏
ကြဲတဲကြောက်တောက် ဆဲဆိုငေါက်လျှက်
ယောက်ကျားဘသား ၀က်ထီးအားကိုး
အကျင့်ဆိုးသည် သူခိုးအုပ်စိုးလီကုန်သတည်း --။

သူခိုးအုပ်စိုး အကျင့်ဆိုး၍
မကြိုးမစား အင်အားကိုသုံး
လက်ရုံးမာန်ထောင် တကောင်ကောင်ကို
တကောင်ကခတ် တကောင်သတ်ဖြင့်
တကောင်ပင့်၏ အခွင့်ကိုချောင်း
တကောင်ညောင်းသော် တကြောင်းတကန်
တက်လာပြန်၏ဥာဏ်နီဥာဏ်နက်
ကြံဖန်လျှက်တည်း လက်နက်အားကိုး
သူခိုးဓမြ တိုက်ကြတလီ
ပါတီမုဒိန်း အာဏာသိမ်း၍
ဘိန်းစားလူမိုက် စိုးရဖြစ်ကာ
ပစ်ကတ်သတ်ကတ် ဖြတ်ကတ်သည်မှာ
ဟင်္သာကိုးသောင်း ရရောင်းဆာလျှက်
ပျက်သည့်ပုံပမာ နည်းတူစွာတည့်
ကြံရာခဲခက် လက်နက်ကိုရောင်း
မောင်းတုန်းကိုဖြုတ် အထုပ်ထုပ်၍
တုတ်ကြအယင် တွင်းဆုံးဝင်သည်
ငါ့သျှင်ဒုန်းပေါက်ဆောက်၏တည်း --။

ငါ့သျှင်ဒုန်းပေါက် ၀မ်းယားမှောက်၍
ဆိုက်ရောက်မောင်တော ဖုန်းဆိုးတောမှာ
ကြီးပွားပါသား မြက်ခြောက်စားသည့်
“နွားလားဥဿဘ ရာဇဘုရင်”
“ပလ္လင်ကောက်ရိုး ဂေါင်းတော်ထိုး” သည်
ဘုန်းမိုးရွာသွန်းဖြိုးလီသတည်း --။ ။

(ရခိုင်ပေါင်းကူး သာလှဦး ရွီးစပ်သည်။)

No comments:

Post a Comment