Wednesday, December 19, 2007

သောက်ခါမပြောကောင်း

အတိတ်က ရွှေထီးဆောင်း ငွေထီးဆောင်း
မင်းထီးမင်းဘာ ဝေသာလီသျှစ်သောင်း
ပင်းဝါချီစစ်ကြောင်း ဘင်းဂါချီစစ်ကြောင်း
သောက်ခါ မပြောကောင်း
ပြောခါ မသောက်ကောင်း --။

ဒေ၀န်းကြီးအကြောင်း အသျှင်ဥတ္တမအကြောင်း
ဦးရွှေဇံအကြောင်း ရဲကျော်သူအကြောင်း
အမျိုးဘာသာ သာသနာ မည်သည်မည်ဝါ
သောက်ခါ မပြောကောင်း
ပြောခါ မသောက်ကောင်း --။

ငါ့လိုင်ခြောင်း မင်းလိုင်ခြောင်း
တသီဖြည့်လို့ မပြည့်ရေလှိုဏ်ခေါင်း
စကားကောင်းနန့် တန်လားမတန်လားမသိ
ဝိုင်းမိကတ်ပျာယ်ဆိုကေ သာလို့ခြီ
ချောင်းကျ မြောင်းကျပေါင်း အလီလီ --။

သမိုင်းစာအုပ်ထဲက မင်းထီးမင်းဘာ
အေကနိမှာ ရှင်ပြီး နိုးထလာကေ
ရင်ကြီးကျိုးကျပါမည် --။

ငါ့ယောင်လည်းကောင်း သူ့ယောင်လည်းကောင်း
ယမကာနံ့တထောင်းထောင်း
လူပျင်းလူဖျင်း အငြင်းသန်အပေါင်းရို့ကို
သွားကျွတ် ပါးကျွတ် ပရွတ်နရွတ်
ထထွတ်ကြီလားအောင်
(ထည့်) ပလိုက်မည်လား မဆိုနိုင် --။

ယေကေလဲ့ အဆွေ
အေကဗျာကိုတော့
သောက်ခါလည်း ဖတ်ကောင်း
မသောက်ခါလည်း ရွတ်ကောင်းပါရေ --။

ရိုးမရင်သွီး
(23/10/2001)

No comments:

Post a Comment