အဖခြီရာ
=====
ပုယေ ပုယေ အပုယေ
ကြိုးနှင့်လွယ် ပုခက်ချေမှာ
အမင်သိပ် အိပ်ပါလေ။
ပုယေဖခင် စစ်မြီပြင်
စစ်ခွင်ကိုရောက်
မီးပေါက်ဖောက်လို့
ပြောက်ကျားလုပ်စောင်လားခရေ။
ပုယေဖခင် မွီးဖခင်
မွှီးသျှင်အဖ
ရွှီနို့သျှင်လေ မွီးသျှင်မကို
မှာခရေ။
ခမောင်းသုံးကြိမ် ကျေးသုံးကြိမ်
ဂလိမ်ငါးဆင့်
ဆင်ဝေပွင့်နှင့် ငုံးပွင့်ပွင့်ကေ
ရောက်လတ်မေ။
ပုယေပြိုင်းပေါက်
လူလားမြောက်
ကြီးမြောက်သောခါ ဖခြီရာ
ကိုယ့်ပြည်ရွာ သာပါစီကြောင်း
ကောင်းကောင်းမယေ
တည့်တည့်လမ်း လှမ်းလတ်ကေ
တခု နှစ်ခု သုံးလေးခု
ချစ်များစွာလေ ပြုံကာစုလို့
ယုယလွန်ကြင်
ပုယေမျက်နှာ လစန္ဒာကို ဝင်းလို့မြင်ရေ။
အယင့်ယင်လေ
အမင်သိပ် အိပ်ပါလေ။
သာလှဧူး (မြောက်ဧူး)
November 24, 2025 (တင်္လလာနိ)
No comments:
Post a Comment