Saturday, March 21, 2009
ဇာဖြစ်နီမှန်းမသိ (ဟာသ)
ကုမ္ပဏီတခုတွင် ၀န်ထမ်းများက စခန်းကြီးသောမန်နေဂျားအား ဘ၀င်မတွိဖြစ်လျှက်ဟိသည်။
တနိ မန်နေဂျာက ယုံးနားတွင်ဟိသောဆိုင်ကို ဖြတ်လားယင်း ဆိုင်ရှိတွင် ၀ထုပ်များတန်းစီးရောင်းချနီသည်ကိုတွိသဖြင့် ယုံးတက်ကေဆောင်းဖို့ အညိုရောင် ၀ထုပ်တလုံးကောက်ဝယ်လိုက်သည်။
နောက်နိတွင် မန်နေဂျာသည် လမ်းဘေးက သူဝယ်လာသော ၀ထုပ်ကိုဆောင်းလျှက် ယုံးတက်လာသည်။ ၀ထုပ်မှာ ကောင်းဘွိုင်ဝထုပ်ဖြစ်နီသဖြင့် ဟာသဖြစ်နီသည်။
ရက်အနည်းကြာလာသောအခါ သူ့ဝန်ထမ်းနှစ်ယောက်က ဆိုင်ဘေးနားဖြတ်လျှောက်ယင်း မန်နေဂျာဆောင်းသော ၀ထုပ်ကိုတွိသဖြင့် နတ်ချင်သွမ်းချင်သောကြောင့် ဆိုင်ထဲသို့ဝင်ပြီး အညိုရောင်ထဲက ၀ထုပ်ဆိုဒ်ကြီးကြီတလုံး ၀ယ်လိုက်သည်။
မန်နေဂျာ ထမင်းစားချိန် အပြင်ထွက်လားသောအခါ မန်နေဂျာ၏၀ထုပ်ကိုယူပြီး သူရို့ဝယ်လာသော ဆိုဒ်ကြီးကြီးဝထုပ်ဖြင့် လှဲချိတ်ထားလိုက်သည်။
မန်နေဂျာယုံးအပြန် ၀ထုပ်ဆောင်းသောအခါ ၀ထုပ်ကကြီးနီသဖြင့် ဇာဖြစ်လို့လဲ စဉ်းစားရကျပ်နီသည်။
နောက်နိ မန်နေဂျာ လုပ်ငန်းစစ်ရန် စက်ရုံဘက်သို့ရောက်နီဆိုက် ၀ထုပ်အငယ်ချေတလုံးနှင့် ပြန်လှဲထားလိုက်ကတ်ပြန်သည်။
မန်နေဂျာက ယုံးပြန်အဆင်း ၀ထုပ်ဆောင်းသောအခါ ဂေါင်းကကြီးပြီး ၀ထုပ်က ငယ်နီသည်။
“၀ထုပ်ကလည်းကျပ်လိုက်စွာ ဇာဖြစ်နီလဲမသိ” ဂေါင်းစားနီသည်။
နှစ်ပတ်လောက်ကြာသောအခါ ၀ထုပ်က ကြီးလိုက်၊ ငယ်လိုက်၊ နောက်နိ ပုံမှန်ဖြစ်လိုက်၊ မန်နေဂျာက “မဖြစ်ပျာ ဆရာဝန်ပြမှဖြစ်ဖို့” အတွက်ရသည်။
မန်နေဂျာက ဆရာဝန်ကိုပြောသည် -
“ဆရာ ကျွန်တော့် ဥက္ခောင်းက ပုံမှန်တော့မထင်။ တနိ ကြီးလိုက်၊ တနိငယ်လိုက်၊ ဇာဖြစ်နီမှန်းမသိ။”
(စမိုင်းမေဘလောခ့် (Link) မှ ကူးယူဖော်ပြသည်။)
Subscribe to:
Post Comments (Atom)
No comments:
Post a Comment