သတင်းလည်းကျွတ် ဝါလည်းကျွတ်

သတင်းလည်းကျွတ် ဝါလည်းကျွတ်
====================

မိုးသောက်မယေအာရုဏ်
လင်းပြန်တုံက
ရဂုံမြိုင်အတွင်းမှာ
နှင်းမြုံမြုံနှင့် ပန်းမျိုးစုံလည်း
မွှီးသင်းထုံ၍ ဖူးပွင့်တဝီဝီ။

မဖိုတွန်ကေ အသံချိုအီး
ကျီးငှက်သရကာ ထွေတထူးလျှင်
ကျူးမြည်လာသည်
အသံကေမှာရာလည်း ညံညံစီစီ

တသိတမန် ရှက်ကွန်ချေနှင့်
ဆံစညို ပျိုမေတကျိတ်
ပုဏ္ဏရိတ်ကေ
အချိတ်ထပိန် ပိုးထပိန်နှင့်
၀တ်စားယင်သော်
အမြင်ကေမှာရာလည်း ဆင်တူညီညီ။

တခွန်းခေါ် တတောင်ကျော်လမ်း
ကျောင်းတက်လမ်းမှာ
ခြီလှမ်းချေကို
မလှမ်းချင်ကေ လှမ်းချင်ရေနှင့်
မေမဒီမှာ အိန္ဒြေနှင့် သိက္ခာနှင့်။

တူတူပျော်ကေ
အဖော်တသင်း စုံလီညှင်းညှင်း
သဇင်ခိုင်မှာ
မွှီးကြိုင်သင်းကေ ဖြူဝင်းဝင်း။

သတင်းလည်းကျွတ် ဝါလည်းကျွတ်
အထွဋ်လည်းတင် ပန်းလည်းတင်
သျှင်ကျော်ဘုရား ဖူးဇောင်လား
ဝတ်တွားရေလည်း ဝတ်တွားရေ။

ဝါကျွတ်လွန်ကေ
အယင်အမြန် ပြန်လာစီကြောင်း
ရီစက်မကုန် နဖူးစာမှာ ကံကောင်း
ချစ်မောင်းမောင်နှင့် ပြန်ဆုံပေါင်းဖို့
ထေရ်သျှင်ကျောင်းမှာ
ဆုတောင်းရေလည်း ဆုတောင်းရေ။

(ကောင်းကျော်ဖြူ)
ရွှီလုံးလက်ရွီးဖြစ်ပါသည် ဘုရား။
June 21, 2025 (Saturday) (စနီနိ)