သတင်းလည်းကျွတ် ဝါလည်းကျွတ်

သီတင်းလည်းကျွတ် ဝါလည်းကျွတ်
====================

မိုးသောက်မယေအာရုဏ်
လင်းပြန်တုံက
ရဂုံမြိုင်အတွင်းမှာ
နှင်းမြုံမြုံနှင့် ပန်းပေါင်းစုံလည်း
မွှီးသင်းထုံ၍ ဖူးပွင့်တဝီဝီ။

တောင်ဘယံမှာ ဝဲကာပျံ၍
မဖိုတွန် အသံချိုအီး
ကျီးငှက်သရကာ ထွေတထူးလျှင်
ကျူးမြည်လာသည်
အလွန်ကေမှာရာလည်း ညံညံစီစီ။

တသိတမန် ရှက်ကွန်ချေနှင့်
ဆံစညို ပျိုမေတကျိတ်
ပုဏ္ဏရိတ်ကေ
အချိတ်ထပိန် ပိုးထပိန်နှင့်
၀တ်စားယင်သော်
အသွင်ကေမှာရာလည်း ဆင်တူညီညီ။

စုံလီညှင်းညှင်း သဇင်ခိုင်မှာ
မွှီးကြိုင်သင်းကေ ဖြူဝင်းဝင်းနှင့်
သီတင်းလည်းကျွတ် ဝါလည်းကျွတ်ခါ
အထွဋ်တင် သျှင်ကျော်ဘုရား
ဖူးဇောင်လားရေ
ဝတ်တွားရေလည်း ဝတ်တွားရေ။

ဝါကျွတ်လွန်ကေ
အယင်အမြန် ပြန်လာစီကြောင်း
ချစ်မောင်းမောင်နှင့် ပြန်ဆုံပေါင်းဖို့
ထေရ်သျှင်ကျောင်းမှာ
ဆုတောင်းရေလည်း ဆုတောင်းရေ။

(ကောင်းကျော်ဖြူ)
ရွှီလုံးလက်ရွီးဖြစ်ပါသည် ဘုရား။
June 21, 2025 (Saturday) (စနီနိ)