ပကျင်း

ပကျင်း

====

ထမင်းဝလို့

ဝမ်းတင်းနီကတ်တေလား။

မိုးမျှော်တမ်းလွမ်းခြင်း

မိုးမျှော်တမ်းလွမ်းခြင်း

===============

(၁)

တက်သီးတချက်

ပြင်းပြင်းခေါက်လိုက်မိသည် --။

ရင်ထဲမှာ မကြေနပ်ချက်တိ မွန်းကျပ်

အသက်လျှူမ၀ --။

လက်သီးကို နနောင်းဆုပ်

အကြောင်းမဲ့ ကြမ်းပြင်ကို ထုလိုက်မိရေ --။

ပါးစိကို တင်းတင်းကိုက်ထား

မိတ်ရိုးများ ကားထွက်လာ၏ --။

ဂေါင်းထဲမှာ ထိုအတွေး ဒေအတွေး

အတွေးပေါင်းများစွာ ယောက်ယက်ခတ်

ယှုတ်ထွီးလျှက်ဟိရေ --။

မျက်စိကို စစိမှိတ်

ထွက်သက်ကို နခေါင်းထဲက

မှုတ်ထုတ်ပစ်လိုက်တေ --။

ဒေါသအငွေ့ကြောင့်

ထွက်လီ၏အပူရသ

ကြောင်းလို့ ခံစားလိုက်ရရေ --။

နားဂျီနှစ်ဖက်က

စမုတ်ကြောများ ထောင်တက်တင်းမာ

သံချောင်းများ ပမာ --။

ကုတ်ထားသည့်မျက်မှုန်

ရှုန့်တက်လာရေ တွန့်ကြောင်း

အပေါင်းများစွာ --။

ခံစားချက်များ ပြင်းထန်

အောင့်အည်းသည်းမခံနိုင်ရေ အဆုံး

မချိပြုံး ပြုံးလိုက်မိသည် --။

(၂)

နီရာတကာ မသမာမှုတိကြီးစိုး

ကကောင်း အရုပ်ဆိုး၏ --။

ဒုက္ခကို ဂြင့်ခါးသီးပိုင်

ချိုမြိန်စွာ စွဲလမ်း

တမ်းတမ်းတတ လောဘရမက်

သက်ပြင်းချရ အခါခါ --။

မကောင်းမှုကို ချိုမြိန်စွာ သောက်သုံး

ယစ်မှုးနီကတ်သူများ

ဝင်းကြွားမင်းမူ အောင်လံထူလျှက် --။

အဆိုးအညှက် အမှိုက်သရိုက်တိကို

တိုက်စားပစ်ဖို့

တော်လှန်ရေးမြစ်ရီခမ်းခြောက်

မျက်တွင်းဟောက်ပက် လူမမာ --။

နာရီစက်ဝန်း မိနစ်စက္ကန့်ရို့သည်

အခိုက်အတန့်လိုက် ကုန်ဆုံး

နီလုံးညိုညို ညရိပ်ခို --။

အတ္တအတ္တ

အတ္တအမှောက်ထု တွင်းနက်အောက်

တယောက်ပြီးတယောက်

ဒိုးယိုပေါက် တောက်လျှောက်ကြီးဆင်း

ခွာသံပြင်းပြင်း --။

နောက်ကျိကျိ အမှောင်အတိပြီးသော

ငရဲအိုင်ကြီးထဲက

လွတ်လမ်းမဲ့ ငါးချေတိပိုင်

ကျုပ်ပုတ်ရည် ညစ်ညမ်းသည်ရာ

အသက်ရှင်ရာလား လွတ်မြောက်ရာလား --။

အရောင်နှမ်းနှမ်း မွဲခြောက်ခြောက်

လိုင်တံတို ပျိုင်းအိုတချို့ကလည်း

ပွက်သည့်ငါးကို အလိုက်ချောင်း

အကြောင်းအားလျှော်စွာ --။

ဘုရားသခင် ဖန်တီးထားသည့်

ဤကမ္ဘာမြီကြီးသည်ကား

ဒုက္ဖအတိမွှမ်း ဆိုးသွမ်းလှပါဘိတကား --။.

ပူလောင်ထန်ပြင်း

ဆင်းရဲလှပါဘိတကား --။

အပူမီးများချုပ်ငြိမ်း

အီးချမ်းသော အနာဂါတ်မိုးထက်ကောင်းခင်

စက္ကြာဝဠာတခွင်လုံး

လှပသာယာ ကြည်လင်လာဖို့

ရတနာမိုး ပေါက္ခရဝဿမိုး

ထိန့်ကြိုးရွာသွန်း လောင်းဖြန်းပီးပါဖိလော့ --။ ။

(သာလှဦး)

29/5/2000

မြန်မာနိုင်ငံတော်သီချင်း

မြန်မာနိုင်ငံတော်သီချင်း

===============

ကမ္ဘာမကျေ

မသာမြေ

သူခိုးတွေနေ --။

"ပြည်ကျွန်ပြု" ကို အသက်ပေးလို့

ဒို့ကာကွယ်မယ် --။

မီးလောင်မြေ

အကျည်းတန်နေ

အီးပေါက်တာနဲ့ ကွဲကြေနိုင်တဲ့

မုန့်လပွေ --။

အသက်ပေးမရရင်

နှမပေးလိုက်လေ

အနူထဲက လူချောလေးတွေ

သိပ်တော်ပါတယ် --။

(မောင်ပေါက်တူး)

မှတ်ချက်။ ။ မြန်မာကဗျာ

အမိုး (နန့်) သူခိုး

အမိုး (နန့်) သူခိုး

===========

သူခိုးတိက အစိုးရ

အမိုးဘ၀ မသက်သာ

အမိုးခွက်ကို

သူခိုးခိုးသောအခါ --။

အမိုးမှာ မျက်စိမမြင်ပါ

ခွက်ပျောက်လို့ လိုက်လို့ရှာ --။

(သာလှဦး)

AMO AND THIEVES
============

The thieves are the governors,
Therefore, Amo's life is very difficult.

They stole Amo's cup.
Amo is blind,
And looking for her stolen cup.

(Translated by Tha Hla Oo)

ရခိုင်ရာမယနဇတ်

ရခိုင်ရာမယနဇတ်

============

ဗီဇကပင် ဇတ်ကဖို့ဝါသနာပါလို့

ပတ်သံကြားစွာနန့်

ရွစိစိဖြစ်ပါလတ်တေ --။

မယ်သီတာကို ဒသဂီရိခိုးခန်း

ပတ်ကြမ်းကြမ်းနန့်

တခန်းနွှဲလိုက်ချင်ရေ --။

ဟာနုမန်မျောက်ကလည်း

လိမ္မာလိုက်တေနန့်

သိန်းခိုပြည်ကို မီးတိုက်လို့

အလောင်းတော်ရာမဖက်က

စစ်ကူတိုက်တေ --။

ဇတ်သိမ်းမှာ

အလောင်းတော်ရာမနန့် မယ်သီတာပေါင်းဖက်

ပရိဿတ်ကျမျက်ရည်

ဝမ်းသာကြည်နှုးဖြစ်ရရေ --။

ရခိုင်သားတိ မျန်မာစကား မပီကလာ ပီကလာနန့်

ကပြရေ ခရမ်းသီးဇတ်ကို

ရှိဆုံးက ဖျာခင်း

မိုးတလင်းကြည့်လည်း မညီး --။

ယေလည်း လက်တွိမှာ

မယ်သီတာကို ဒသဂီရိ ခိုး

မုဒိမ်းလည်းကျင့် အသီသတ်

ခေါင်းလည်းဖြတ်ပစ်လိုက်တေ --။

အလောင်းတော်ရာမလည်း သူခိုးလိုက်စွာ

သူခိုးက အပြန်လိုက်လို့

ဒယွားမရ ထပိန်မရ ထွက်ပြီးဖို့ကျရေ --။

ဟာနုမန်မျောက်ကလည်း

ရိက္ခာတိုက်ကို ဝင်ဖောက်လို့

ထမင်းငတ်ကေ

မြို့ထဲပြန်ဝင်လာရရေ --။

ညီတော်လက္ခဏလည်း

ကာလနဂါးဖြစ်လို့

ကောက်ရိုးပုံထက်မှာ အိပ်နီစွာ

မိုးကြိုးပစ်လို့ မနိုး --။

ပတ်သံ ဗုံသံ နှဲသံကြားကေ မနီနိုင်လို့

တချက် ထကြည့်ခီမှာ

အလောင်းတော်ရာမနန့် ညီတော်လက္ခဏ

မျက်ရည်စက်လက်နန့်

(နောက်ဘိတ်ဆုံးမှာ)

မယ်သီတာအုပ်ဂူရှိမှာ

ပန်းကွင်းချဖို့ရာကျရေ --။ ။

(သာလှဦး) (April 2, 2015) (ကသစ်ဗုဒ္ဓိနိ)

ပြည်ကြီးရခိုင်

ပြည်ကြီးရခိုင်

========

ရက္ခပူရီ၊ တိုင်းဌာနီကား

ရီကြိုင်မြမြ၊ ကစ္ဆပနှင့်

စိမ်းမြညိုရောင်၊ ရိုးမတောင်နှင့်

ကမ်းမြောင်ရှည်စွာ၊ ပင်လယ်ပြာနှင့်

ရောင်ဝါသွယ်ဖြာ၊ သာသနာနှင့်

စိုင်လာသမိုင်း၊ ဤတိုင်းနိုင်ငံ

နက်သန်ဘုမ္မိ၊ ရာဇဝင်ဟိ၏ --။

ရက္ခပူရီ၊ ဤသည်နိုင်ငံ

အောင်လံဝင့်ဝင့်၊ ထီးဖွင့်နန်းတည်

ပိတောက်စည်နှင့်၊ နယ်ပြည်သမုဒ်

အချုပ်အချာ၊ အာဏာပိုင်စိုး

မြင်းမျိုးသိန္ဓဝ၊ ကေသရာဇာ

ဗျာလပဉ္စရူ၊ ဆင်ဖြူဆင်နီ

သက်သီသာဓက၊ သင်္ဂေတနှင့် --။

ရက္ခပူရီ၊ ဤမြီဇာတိ

သီရိမဟာ၊ ရာဇာသွီးရင်း

မြတ်ခြင်းသီလ၊ စောင့်ထမျိုးရိုး

ထိန့်ကြိုးငလျင်၊ ပဲ့တင်ဟိန်းဟိန်း

ဗြိန်းစောင်းသံပြိုင်၊ စည်တော်မြိုင်နှင့်

ရခိုင်သားသွီး၊ ထိန်ထိန်ညီးသည်

ဘုန်းမီးနီလတောက်ထွန်းတည်း --။ ။

(နရသီဟ)

အောက်အီးအီးတွန်သော ဝံလက်

အောက်အီးအီးတွန်သော ဝံလက်

====================

ရဲရဲတောက်

အမောက်နီနီနန့်

တိုက်ကြက်ဖကြီး

အီကရီးမတွန် --။

မာန်ပေါက်ပေါက်

တွန်ဟောက်လိုက်သည်

အောက်အီးအီးအွတ် --။

(သာလှဦး)

မိုးသောက်ရောင်နီ (ကြောင်ရီချွတ်လင်္ကာ)

မိုးသောက်ရောင်နီ (ကြောင်ရီချွတ်လင်္ကာ)

(LIGHT IN THE SKY)

(၁)

ပြောခါရခိုင် ရွီးခါမြန်မာ

မပီကလာ ပီကလာသည်

ကိုယ့်ဘာသာမိ စာကိုမိလျှက်

မသိတရား လွန်ပွားများ၍

အသိတရား လွန်ခေါင်းပါးသည်

ဖားတပိုင်း ငါးတပိုင်း

ပုံနှိုင်းရမူ ခွီးတူဝက်တူ

ထိုသည်လူလျှင် အယူမှောက်မှား

ကောက်ကရားတည်း လားလီရာမှာ

မျက်နှာမလှ ဗီဇမပီ

ပဒရီစွပ် ကြောင်ရီဝတ်လျှက်

အမှတ်သညာ ကိုယ့်စာစကား

ဟိသော်ငြားလည်း အောက်နွားနောက်လိုက်

သူလျှင်ဖြစ်ရ ဘဝကျွန်ယုတ်

စုန်းစုန်းမြုတ်ကာ ဒုတ်ပိုင်းနောက်ကုန်း

ဘုန်းဘုန်းကျမှ အဘာထအော်

ယောက်ဖခေါ်သည်

မပေါ်ဖပျောက်သူလျှောက်တည်း --။

(၂)

ဖပျောက်မပေါ် ယောက်ဖခေါ်သား

သူဖုန်းစားလျှက် စကားပရိယာယ်

အလွန်ကြွယ်၀ ပြောကတဖုံ

လုပ်တုံတမျိုး သူခိုး၏ညာဏ်

အကောက်ကြံတတ် ဘောက်ကတတ်လျှင်

ပြောလတ်ပါသည် ရခိုင်ပြည်မှာ

ဇာတာမကောင်း မင်းလောင်းကိုမျှော်

ပင့်ဖိတ်ခေါ်ကတ် ဆွီမျိုးစပ်ပါ

ပီးအပ်နှမ အလှပကို

ရောင်းကြစားကြ ဝမ်းဝမှရာ

ပြည်သာယာမည် လာရာလာလတ်

ပြန်မလွှတ်ပါ ဖြတ်ဖြတ်လူးလူး

စုန်းနတ်ပူးသို့ ဦးဖျားထိပ်တင်

လျှောက်ခန်းဝင်သည်

အယင်ဒုန်းပေါက်ဆောက်၏တည်း --။

(၃)

ဒုန်းပေါက်အယင် လျှောက်ခန်းဝင်သည်

ထိပ်တင်လက်မိုး ရှိတော်ခိုးလို့

ငါကျိုးကိုမျှော် ပူဇော်ပသ

ပြည်ဓညမှာ ဖြစ်ကြပါသည်

ငါ့မည်နာမ မာနတက်လျှက်

ငါထက်လည်းသာ မနာဝန်တို

စိတ်ငြင်ငြိုလို့ မလိုမုန်းပွား

ရန်ငြိုးပွားကာ ခိုက်ရန်ရှာသည်

ဗာလာလူမိုက် နောက်လိုက်အငှား

သူတောင်းစားလျှင် ကောင်းစားပါကြ

ခုကာလ၌ ဖြစ်ကြဖုံဖုံ

အလုံးစုံကို ပုံတိုပုဒ်စ

ထုတ်ကာပြမည်

ဟုတ်ကမနာကြစီသတည်း --။

(၄)

မနာဟုတ်က ထုတ်ကာပြမည်

ပုဒ်စပုံတို နားထောင်လိုက

လာလတ်ကြပါ ရောဂအနာ

ပျောက်ချမ်းသာအောင် ဆရာသမား

ကုစားသည်သို့ ရခိုင်ရို့ကို

ပြောဖို့ဥပမာ လင်္ကာစီကုံး

ကာရန်သုံးလို့ နှလုံးသာယာ

ဟိစိမ့်ငှာလျှင် ရွီးကာလည်းပြ

ဆိုကာပြမည် ကြောင့်ကြစိတ်ပူ

မငြူစူကဲ့ သျှင်လူတကာ

စိတ်ချမ်းသာမှ ဓညာရွှေပြည်

ရပ်ကြီးစည်လိမ့် တေဇာဘုန်းမိုး

ကြက်သရေတိုးလိမ့် အမျိုးဘာသာ

ထွန်းလင်းဖြာလိမ့် ဝေနေယျသတ္တဝါ

ဖီးကင်းကွာလိမ့် ဖြစ်စိမ့်သောငှာ

စေတနာသည်

ပြည်ရွာလွတ်မြောက်ရကြောင်းတည်း --။

(၅)

လွတ်မြောက်ပြည်ရွာ စေတနာနှင့်

ပြောခါနားထောင် လက်မထောင်ကဲ့

ထောင်ရေလက်မ အောက်သို့ချလိုက်

မာနတင်းခွန် မိုးထက်ပျံလို့

ဖောက်ပြန်သမှု မပြုကတ်ကဲ့

ပြုသည့်မာန အောက်သို့ချလိုက်

ဝါဒယှဉ်ပြိုင် ကြီးနိုင်ငယ်ညှင်း

အချင်းချင်းကို လုပ်ခြင်းရက်စက်

အစွယ်ထက်လို့ တောဝက်ပိုင်ယှောင်

မာန်မစောင်ကဲ့ စောင်သည့်စွယ်မာန်

နောက်ပြန်လှန်လိုက် အပြစ်ကိုမြင်

အယင်ပျင်ကတ် စာမတတ်ကဲ့

ဆိပ်ကျပ်ဆင်ချောင် လူ့ဘောင်လောက

မမျှတလို့ ပွပွပူပူ

ကျွက်ကျွက်ဆူရ ပုန်ကန်ကြသည်

ဒုက္ခကြွက်တွင်းနက်ရသတည်း --။

(၆)

ကြွက်တွင်းဒုက္ခ နက်ပါရသည်

စောရငပျင်း လက်ကြောတင်းနှင့်

မင်းဆိုးမင်းညစ် မှိုက်သရိုက်လျှင်

ဖြစ်ကြတဖုံ မွှီတုံယမ်းကား

ထွားထွားညက်ကြီ စစန့်သီရ

ကာလနာလျှင် ဆိုက်ကြပါကြောင်း

အလောင်းတောင်ပုံ ပုပ်ပွကုန်ကြ

ခွဆုံလမ်းကြား ဝမ်းလျားမှောက်လဲ

ကွဲပြဲသွီးယို ဗဗြန်းပြို၏ --။

ငိုယိုပြီးလွှား ကျောင်းသားသူငယ်

အရွယ်နုနု သက်ကိုလု၍

ဥပမာမူ ဖုတ်ပူမီးတိုက်

ကုလားတိုက်ကို ကျားဝင်ကိုက်သို့

မိုက်မိုက်မှောင်မှောင် လောင်လောင်ကျွမ်းကျွမ်း

သောင်းကျန်းပြည်ရွာ ပျက်ရပါသည်

မြန်မာမင်းညစ်ဆိုးသောကြောင့် --။

(၇)

မင်းညစ်မြန်မာ ဆိုးသွမ်းပါ၍

ပြည်ရွာမအီး ဒုက္ခဖီးနှင့်

ကပ်ကြီးလည်းဖြစ် ကာလနာလျှင်

ဆိုက်ကြတဖန် ရာဇဒါဏ်ကြောင့်

မှန်ကန်ဖြောင့်မတ် သင့်မြတ်သောသူ

ထိုသူလူကို ဆွဲယူသတ်ပုတ်

ချိုင်နှောင်ချုပ်၏ မဟုတ်မမှန်

လုပ်ကြံစွပ်စွဲ တရားစွဲ၏

ငရဲမီးတောင် ပေါက်ကွဲယောင်သို့

လှောင်တိုက်ကိုသွင်း နှိပ်စက်ခြင်းကြောင့်

ခြီချင်းတွဲလွဲ ဆင်းရဲမလှ

ခံရထိုထို တချို့ကိုလျှင်

အရှင်လတ်လတ် ကြိုးကွင်းစွပ်၍

သတ်ဖြတ်ယုတ်မာ လုပ်ကြပါသည်

ကြမ်းကြုတ်ဖရုဿာ ဝါသနာတည်း --။

(၈)

ကြမ်းကြုတ်ဖရုဿာ ဝါသနာကြောင့်

ပြည်ရွာပျက်ကျ ပုန်ကန်ကြ၏ --။

ထကြသူပုန် အလုံးစုံတည်း

အကုန်သူငါ တော်လှန်ပါ၏ --။

ပြည်ရွာအတွင်း မကြွင်းသျှင်လူ

ဆူပူအုံကြွ ဆန္ဒပြ၏ --။

မျောက်မဝင်စား ဗိုလ်ချုပ်များလျှင်

ဘုရားပလ္လင် တက်လျှင်းပင်တင်

ဖင်ကိုကွကွ လှန်ကာပြ၏ --။

အသရေယုတ် အရုပ်ဆိုးဆိုး

ပုပ်သိုးနံစော် ရွံစရာတည်း --။

(သို့ပါသော်ကြောင့်)

ယှောင်ခွာဝီးဝီး ဖီးလွတ်ရာကို

ခိုကာပြီးလို့ ရွီးသားလင်္ကာ

စီကုံးပါသည်

မှန်စွာကြောင်ရီကျွတ်အံ့သတည်း --။

(၉)

ကြောင်ရီမှန်စွာ ကျွတ်အံ့ရာတွက်

ရာဇဝင်မှာ ဖြစ်ပါလာသော

အရာများကို တိုတိုတုတ်တုတ်

ဆိုကာနှုတ်လို့ အကျွန်ုပ်လျှင်

တင်ပြပါမည် ရှိဝယ်အယင်

လောင်းကြက်တွင်ထ ထိုပြည်မကို

ရလိုချင်ဇော လောဘအားဖြင့်

စော်ကားရန်မူ မြန်ဟူခေါ်ထ

အင်းဝသမုဒ် ဇနပုဒ်က

အယုတ်မင်းခေါင် လက်မထောင်လို့

ခေါင်ပုတ်ပမာ ခိုးကာလာလျှက်

ပြည်ရွာသိမ်းဖျက် ဖြိုလုယက်၍

မြို့ပျက်တခါ ကြုံခပါ၏ --။

အရာတခေါက် မြို့မြောက်ဦးမှာ

ငကောက်ငကိုင်း ငလဝိုင်းက

ရိုင်းစိုင်းသမှု ပြည်ကိုလုလို့

တုပယှဉ်ပြိုင် အနိုင်လိုငြား

ပိုင်လိုအားဖြင့် ပိုင်းခြားပုန်ကန်

တိုက်ဖျက်ပြန်သည်

အကြံယုတ်စွ ပုပ်ပွသတည်း --။

(၁၀)

ယုတ်စွအကြံ ရခိုင်မှန်လျှင်

အရှင်လတ်လတ် ထူးခတ်သုတ်သင်

ဒါးစီရင်၏ --။

နီဝင်မိုးချုပ် အမျိုးပြုတ်အောင်

ကြိုးတုတ်နှောင်၍ လက်ပေါင်ကိုခွတ်

ဂေါင်းကိုဖြတ်လျှက် သတ်ကြတသွယ်

မြစ်ပင်လယ်မှာ ချပစ်ပေ၏ --။

အချေသူငယ် အစိတ်ကေဆို

ခြီကိုကိုင်မြှောက် ထုတ်ချင်းပေါက်အောင်

ဒါးထောက်ဝါးချွန် ထိုးသတ်ပြန်၏ --။

ကျန်လူမိမ္မ အလှပကို

ကျင့်ကြမုဒိန်း သွီးစိမ်းရှင်ရှင်

အမြင်မကောင်း ဖင်ဟောင်းလောင်းနှင့်

အလောင်းကိုလျှင် ရင်ကိုလည်းခွဲ

အထဲကိုယ်ဝန် မှောက်ကာသွန်လျှက်

မကျန်အငုတ် နိဂုံးချုပ်သည်

မျိုးပြုတ်အစိုင်တုံးအံ့သတည်း --။

(၁၁)

အစိုင်မျိုးပြုတ် အချုပ်နိဂုဏ်း

မဆုံးသိမ့်ပါ တောရွာပန်ဇင်း

လာခြင်းမကောင်း ဖင်ခေါင်းဦးနု

စိုးပြုမှောင်မိုက် ဖဆပလခေတ်တွင်

စစ်တပ်မြန်မာ ပစ်ခတ်ပါသည်

တရွာလုံးကျွတ် အပုတ်ပြတ်တည်း --။

နောက်ထပ်စစ်တွေ ဆယ်သုံးသြဂုတ်

ဖားပြုတ်နေဝင်း စီမံခြင်းကြောင့်

ထမင်းငတ်ရ ဝမ်းမဝသော

ဓညဝတီ ဝေသာလီဖွား

ရခိုင်သားကို ကျားထိုးသနတ်

လက်စသတ်၏ --။

မှတ်ကြရခိုင် ကုလားထိုင်မွတ်

အောက်ခြီလွတ်သည်

သီကတ်အကောင် ရောင်ရောင်တည်း --။

(၁၂)

အကောင်သီကတ် ခြီကိုခွတ်၍

မပြတ်တော်လှန် ပုန်ကန်ပါသည်

ဦးစွာမိုးလင်း စယင်းလူစု

အံကိုတုလို့ လူထုထောက်ခံ

လက်ခုပ်သံနှင့် တဖန်စံကျော်ထွန်း

စခန်းထူထောင်

အောင်လံလွှင့်လွှင့် ရွက်ကိုရွှင့်၏ --။

သို့ဖြင့်ချီတက် အသက်ရာသီ

မကျီအခဲ ရဲရဲတောက်လောင်

သွီးမီးတောင်နှင့် အကောင်တီဖြစ်

ရိုးတွန်ရစ်၏ --။

အသစ်ရာဇာ ဆက်ခံလာသည်

လူရာသီလား သူကားမသီ

အာဇာနီတည်း --။

ဤမြီဤသို့ လွတ်ဖို့ကြံစဉ်

သံယောဇဉ်ကြောင့် မယိုင်မလဲ

(ခိုင်ခိုင်မြဲ) သည်

အောင်ပွဲဆက်ကာခံလိမ့်သတည်း --။

(၁၃)

ဆက်ကာအောင်ပွဲ ခြိမ့်ခြိမ့်သဲလိမ့်

အမြဲမစံ လောကဓံကြောင့်

အမှန်မုက္ချ သူရို့ကျအံ့ --။

ဓညဝတီ သိင်္ဂီရွှီပြည်

အောင်စည်အောင်မောင် သောင်းသောင်းညံညံ

သံပြိုင်အမြောက် ပေါက်လတ္တံ --။

ဝံလက်ဓိဌာန် တောင်ဖံညီညာ အောင်လံချီလာရောက်လတ္တံ --။

ပျံတက်ဗိမာန် တောင်ယံတိမ်သာ ရောင်လျှံထိန်ဝါတောက်လတ္တံ --။

(Light In The Sky)

(ကြောင်ရီချွတ်လင်္ကာ)

ခရစ်သက္ကရာဇ် (၂၀၀၅) ခုနှစ် ဒီဇင်ဘာလ (ရ) ရက် ဗုဒ္ဓူးနိ ရွီးပြည့်စုံသည်။

နိဗ္ဗာန ပစ္စယော ဟောတု။

ပဒရီစွပ် ကြောင်ရီဝတ်လျှင်

သီကတ်အယင် ထိုခါတည်း --။

မောင်ပေါက် (ရခိုင်ပြည်)

ကျေးဇူးကန်း

ကျေးဇူးကန်း

========

ခမောင်းသီးကို

လူလည်းမစား

နွားမစား --။

ခမောင်းပန်းကို

လူလည်းမပန်

နတ်မပန် --။

ခမောင်းပင်ထက်က

သဇင်ကိုပန်ချင်လို့

ခမောင်းပင်ကိုဒါးနန့်ခွတ်

ရခိုင်ဒါးစောင်း

ကောင်းကောင်းပြတ် --။

(သာလှဧူး)(မြောက်ဧူး)

(May 31, 2018)(ကသစ်ဗုဒ္ဓိနိ) 

ရခိုင်ပြည်

ရခိုင်ပြည်

======

မိုးရီချိန်လက်မ (၂၀၀) ကျော်ရွာပြီးကေ

ရီယှားရေ တိုင်းပြည် --။

ကိုယ့်စာကို ကိုယ့်စကားနှင့်မရွီး

သူများစကားနှင့် အငှားရွီးရေ တိုင်းပြည် --။

ရွှေကျင် သုဓမ္မ ကံဒွါရ

မြန်မာဘုန်းကြီးဂိုဏ်းတိ ထွန်းကားရေ တိုင်းပြည် --။

စေတီအပြိုအပျက်နှင့်

ဘုရားမျက်ပြူးပေါရေ တိုင်းပြည် --။

အမြင်ကျယ် အာကျယ် လူကျယ် လူတွင်ကျယ်

(---) ကျယ်တိများရေ တိုင်းပြည် --။

ရခိုင်ပြည်မှာနီပြီးကေ

ကုလားခွတ်လို့

ထွက်ပြီးရရေ တိုင်းပြည် --။

အဆိုးထုပ်နှင့်

အညှက်ဆိုးပေါရေ တိုင်းပြည် --။

အာရီယံဆိုပြီးကေ

အသားမဲရေ တိုင်းပြည် --။

ဘုရားပွဲမှာ

ခရမ်းသီးဇတ်ကရေ တိုင်းပြည် --။

တော်လှန်ရီးလုပ်တိုင်း

ဒုံးပေါက်ဆောက်တေ တိုင်းပြည် --။

ရခိုင်ဧက ဒွေးမရ

အမည်နာမမှာ

မင်းရူးများရေ တိုင်းပြည် --။

လိမ္မာမြင်ပြင်း ဆင်းရဲအားရ

ကြွယ်ဝမနာလို ကိုယ့်ထက်သာမကြိုက်

အမိုက်လေးပါး ထွန်းကားရေ တိုင်းပြည် --။

ပါတီဥက္ကဌက

မဲမရရေ တိုင်းပြည် --။

ဓညဝတီပက္ခဒိန်ကို

မြန်မာနိနှင့်ထုတ်တေ တိုင်းပြည် --။

အမျိုးသားနိတခုတည်းကို

(နိန့်) (နေ့) (နိ့)(နိ)

လေးစိကွဲရေ တိုင်းပြည် --။

တတိုင်က (နဲ့)

တတိုင်က (ဧ့)

တတိုင်က (မာ)

ရခိုင်ဝဏ္ဏအက္ခရာ ထွန်းကားရေ တိုင်းပြည် --။

ကျောက်စာနှင့်

မျောက်စာထွန်းကားရေ တိုင်းပြည် --။

အတတ်ဆန်းနှင့်

အချွန်းတပ်တိများရေ တိုင်းပြည် --။

မြန်မာ (တစ်) ကေ ရခိုင် (တစ်)

မြန်မာ (ပြူး) ကေ ရခိုင် (ပြူး)

သာလှဦးတိပေါရေ တိုင်းပြည် --။

ရခိုင်မဂ္ဂဇင်းကို

မြန်မာပိုင်ယှောင်ရွီးရေ တိုင်းပြည် --။

ရခိုင်ဖြစ်ပြီးကေ

မြန်မာကို မဲပီးရေ တိုင်းပြည် --။

မြန်မာစစ်တပ်မှာ

ရခိုင်သား သူရဘွဲ့ရရေ တိုင်းပြည် --။

သဇင် ရိုးထက်မှာ မပွင့်

တုံးထက်မှာပွင့်ရေ တိုင်းပြည် --။

ရခိုင်ဘုရင်

ပုဏ္ဏားခေါင်းပေါင်း ဆောင်းရေတိုင်းပြည် --။

အိမ်ကထွက်တေ (Gas) ကို

သူများတိုင်းပြည်ရောင်းပြီး

ထင်းနှင့် ထမင်းချက်တေ တိုင်းပြည် --။

မြစ်ချောင်းအင်းအိုင်ပေါပြီး

ရီအားလျပ်စစ်မဟိရေ တိုင်းပြည် --။

ပင်လယ်လီကို လျှူ

ဝမ်းပူပူနှင့်

လီအားလျပ်စစ်ထုတ်တေ တိုင်းပြည် --။

နွီခါ ရီခမ်း

မိုးခါ ရီကြီးရေ တိုင်းပြည် --။

လူဂတုံးနှင့်

တောင်ဂတုံးတိပေါရေ တိုင်းပြည် --။

သစ်ပင်ကို ခွတ်

ပြန်မစိုက်တတ်တေ တိုင်းပြည် --။

ပင်လယ်ကမ်းစပ်မှာ မွီးပြီးကေ

ထိုင်းဘုတ်မှာ

ငါးဖမ်းလုပ်တေ တိုင်းပြည် --။

(ဖက်ခွက်) ကို

(ယောက်ဖ) ခေါ်ရေ တိုင်းပြည် --။

(ဗချီး) က

(ယခီး) လို့ ခေါ်ရေ တိုင်းပြည် --။

"မြေပွေးနဲ့ရခိုင်တွေ့ရင်

ရခိုင်ကို အလျင်သတ်"

"မြေခွေးမြန်မာ တတူလာ

မြန်မာကိုသတ် ခွီးကိုလွှတ်"

"(ဗ) ပါကေ (ဗူး) ပင်ကိုလည်းခွတ်"

လှောင်ကြက်အချင်းချင်း

အိုးမဲသုတ် ခွတ်နီကတ်တေ တိုင်းပြည် --။

ဇန္နဝါရီလ (၁) ရက် "ရခိုင့်တော်လှန်ရီးနိ" ကျ

ကျင့်ပကတ်ဖို့ သတိမရ

ဒီဇင်ဘာလ (၃၁) ရက် "လဒမှိုင်နိ" ကျ

အခြင်းကြီးချ ငိုကတ်တေ တိုင်းပြည် --။

ဆုတ်လခြမ်း

လေးခြမ်းခြမ်းရေ တိုင်းပြည် --။

ဘုရားရောက်တေဆိုပြီးကေ

ကရားငါးပါးမှောက်တေ တိုင်းပြည် --။

"သာကီဝင်" လို့

ဘဝင်မြင့်ပြီးကေ

အောက်ခြီလွတ်တေ တိုင်းပြည် --။

ဝါးလုံးခေါင်းထဲက

လပရေ တိုင်းပြည် --။

ခြင်ထောင်ထဲက

ပစိကိုက်ပြ လျှာထုတ်ပြ

လက်သီးဆုတ်ပြ သွားခြဲပြ

မျောက်ခြောက် တိုင်းပြည် --။

တွင်းအောင်းဖား

အသံကြောင့်သီရေ တိုင်းပြည် --။

မမနှင့်နှုံးရန်ဖြစ်

မဆီမဆိုင် ပရံလူကို

အမိအဖနှင့်တရစ် တိုက်ခိုက်

အောက်တန်းစားတိလည်း ဟိရေ တိုင်းပြည် --။

တခုပြီးတခု ပြဿနာစု

မလာဥ တိုင်းပြည် --။ ။

(မောင်ပေါက်တူး)

ဒီဇင်ဘာ (၃၁) ရက် ၂၀၁၆ လဒမှိုင်နိအကြို ရွီးစပ်သည်။ :)

ဒေါက်တာအေးချမ်းသို့ ဂုဏ်ပြုကဗျာ

ဒေါက်တာအေးချမ်းသို့ ဂုဏ်ပြုကဗျာ

==========================

မပြောချင်လို့ ထိုင်ကြည့်နီကေလည်းမရ

ပြောဖို့စီကျပါလတ်တေ --။

ရခိုင်သားတိ

(အန္ဓဗာလ) တိ အသိအမြင်မဟိဘဲ

(ဆရာ့) ကို

အောက်တန်းစား စကားလုံးတိနှင့်လက်ခဲပစ်

တိုက်ခိုက်နီကတ်တေ --။

(ငါလုပ်တေအလုပ်၏ဆယ်ပုံတပုံလောက်ကိုရာ

မင်းလုပ်ပြ)(မင်းစိုက်တေချီးကို ငါစားပြဖို့)

ဆရာပြောရေစကား သွီးထွက်အောင်မှန်ပါရေ --။

ရခိုင်ပြည်ကိုအသျှင်ခံလို့

နိုင်ငံတကာမှာ ကုလားတိရယ်ပြ ငိုပြ

ရခိုင်ပြည်ကို ကုလားပြည်ဆိုပြီးကေ

ယူနိုးရွီးရေ (Arakan, Past and Present) စာအုပ်ကိုဖတ်ကြည့်ပါ

မဟုတ်မဟပ်လုပ်ဇတ်ခင်းပြီးကေ လိမ်စား

နိုင်ငံတကာ (UN) အပါအဝင်

(NGOs) တိက မျက်နှာများရာ ဟင်းဖတ်ပါ

နိုင်ငံရီးလုပ်စားနီရေ ကာလ

(Indigenous people) တိကို အမျိုးဖြုတ်ဖို့

အမျိုးမျိုးလုပ်နီကတ်တေကာလ

နိုင်ငံတကာမှာ အပြစ်မဲ့ပြည်သူတိ၏လိုင်ဖင်းကို

နွားတကောင်ပိုင် ဒါးနှင့်ဖြတ်

Facebook နှင့် YouTube ထက်မှာ

သက်သီသာဓကတိ ကန်ကမကန်

ယေလည်း အမှန်တရားကိုမျက်ကွယ်ပြု

အကြမ်းဖက်သမား (Terrorists) တိကို

(လူ့အခွင့်ရေး) ဆိုရေ စကားလုံးတိနှင့်ဖုံးဖိ

(အဓမ္မ) ကို ရှိနီလိုက်နီကတ်တေကာလ

(BBC)(VOA)(RFA) တိကလည်း လျှာပိတ်နီရေကာလ

ငပိအိုးကို ရွှေကပ်နီကတ်တေ ကာလ

ကောင်းကောင်းမကြာသိမ့်

မောင်တောမှာ သမ္မာအာဇီ၀ ဘ၀၀မ်းရီးအတွက်

လိပ်ရှာဖို့လားရေ

ရခိုင်သား ရွာသားလေးယောက်ကို

လိုင်ဖင်းဖြတ် သတ်ပစ်လိုက်ကတ်တေ

(UN) တိ(UNHCR) တိ (NGOs) တိ တခွန်းမဟ

(BBC)(VOA)(RFA)(DVB) ကလည်း

ယောင်လို့တောင်မအော်

အောင်ဆန်းစုကြည်အစိုးရကလည်း

အိပ်ရီးတောင်မပျက်

(မျက်ဖြူ) ဆိုက်လီ (ဆရာ) ကြိုက်လီ

ရခိုင်သားကို ယလောက်ထိချစ်တေ

ရခိုင်သားတည်ထောင်ထားရေ

ရခိုင့်စစ်တပ် (AA) (Arakan Army) ကို

ရခိုင်ပြည်နှင့် ရခိုင်သားတိဘဝကို ကာကွယ်ဖို့ အခွင့်မပီး

မြန်မာစစ်တပ်က ပွဲလန့်တုန်းဖျာခင်း

လုံခြုံရီးကို အကြောင်းပြ

စစ်အုပ်ချုပ်ရီးနှင့် ရခိုင်ပြည်ကို ပြန်အုပ်ချုပ်ဖို့

ဖက်ခွက်တိက တာစူနီကတ်တေ --။

ကိုယ့်နိုင်ငံမှာကိုယ် (Refugees) ဘ၀ (ဒုက္ခသည်) ဘဝနှင့်

ဒယွားမရ ထပိန်မရ အိုးမရ ခွက်မရ

ထွက်ပြီးဖို့ ကျရေ

အသူတယောက် International စာမျက်နှာမှာ

ရခိုင်သားဖက်က မားမားရပ်လို့

ရခိုင်သားသတ္တိ ကမ္ဘာကသိအောင်

အမောက်ထောင်လို့ တိုက်ဝန့်ရေအကောင်

ဇာမျှကောင်ဟိလို့လဲ --။

(ဒေါက်တာအေးချမ်း) နှင့် ဂျာမဏီက (ဦးခင်မောင်စော)

နှစ်ယောက်တည်းရာဟိရေ --။

ပရစ်မျက်နှာနှင့် (---) ရုပ်တိက

မိုက်ချေကိုင်လို့ လိုင်ကြောတင်းတင်းနှင့်

ခြင်ထောင်ထဲက လက်သီးဆုပ်ပြ ပစိကိုက်ပြ

မျောက်ပိုင်ယှောင် သွားခြဲပြ လျှာထုတ်ပြ

(အန္ဓဗာလ) တိက လက်ခုပ်တီး ထောက်ခံအားပီး

ကိုယ့်စွာကို ဆရာကြီးစတိုင်နှင့်

(ဆရာ့) ကို အောက်တန်းစားစကားလုံးတိနှင့်လက်ခဲပစ်

ပဋရီကိုလောကျိတ်လို့

Facebook ထက်မှာ

အမျိုးချစ်ပြ ကျင်ကွင်းပြနီကတ်တေ --။

(အံ) ဖို့ (ရွံ) ဖို့ ကောင်းပါရေ ဆရာ

ဆရာပြောစွာက သူတေသနအမြင်နှင့်

တောင်ပေါက်ကြီးကျောက်စာကို မမြင်ခရ မတွိခရ

ရခိုင်ပြည်ကို ဘုရားမရောက်ခလို့တောင်မပြောသိမ့်

(မဆမ) ပါးစထက်ညှက်တေစကားလုံးတိနှင့်

ကျောက်ခဲပစ်လိုက်ကတ်တေ

ယင်းချင့်တိအထဲမှာ ဘုရားသားတော်ဆိုရေ

ဘုန်းကြီးတိလည်းပါရေ --။

ရခိုင်ပြည်ကို ကောင်းခင်ခရီးနှင့် လီထက်က ပျံလို့

ဘုရားရောက်ခရေဆိုကေ

ဇာဖြစ် အမေရိကရို့ ဂျပန်ရို့ တရုပ်ရို့ ကိုးရီးယားရို့

မလေးသျှားရို့ အာဖန်ကန်နစ္စတန်ရို့

ဆော်ဒီအာရေဗီးယားရို့ အင်္ဂလန်ရို့ နော်ဝေရို့ ပြင်သစ်ရို့

ရရှားနိုင်ငံရို့ တောင်အာဖိရိကနိုင်ငံရို့

အခု ကမ္ဘာမှာ အကြီးမားဆုံး (ယေသျှု) ရုပ်ထုဟိရေ

ဘရာဇီးနိုင်ငံရို့ကို

ငါရို့ကိုးကွယ်ရေ ဗုဒ္ဓဘုရားက ဇာဖြစ်

ကောင်းခင်ထက်မှာ ငှက်ပိုင်ပျံလို့

တရားမဟောခစွာလဲ --။

ဗုဒ္ဓဘုရားက ငှက်ပိုင် ကောင်းခင်ထက်မှာပျံလို့

တရားရာဟောခဖို့ဆိုကေ

ကမ္ဘာမှာ (ခရစ်ယာန်ဘာသာ) နှင့် (အစ္စလာမ်) ဘာသာ

သန်းတထောင်ကျော်ဖို့မဟုတ်

အားလုံး ဗုဒ္ဓဘာဘာသာဖြစ်လို့ ဟိဖို့ --။

အယင်ခါ ဗုဒ္ဓဘာသာနိုင်ငံတိဖြစ်ခရေ

ကမ္ဘာမှာ တာလီဘန်တိဘားမှာ ဗုံးခွဲခံလိုက်ရရေ

ကျောက်တောင်တခုလုံးကိုထွင်းလို့ ရပ်တော်မူဘုရားဟိရေ

အာဖကန်နစ္စတန်နိုင်ငံ

အခု (အစ္စလာမ်) နိုင်ငံဖြစ်လားခယာ ---။

ကမ္ဘာမှာ အကြီးဆုံးဗုဒ္ဓကျောင်းတော်ကြီးဟိရေ

အင်ဒိုနီးသျှားနိုင်ငံ အိမ်နီးနားချင်း မလေးသျှားနိုင်ငံ

အနောက်ပါကစ္စတန် အရှိပါကိစ္စတန် (အခု) ဘင်္ဂလားဒေချ့်

အားလုံး(အစ္စလာမ်) နိုင်ငံဖြစ်လားခယာ --။

ထိုင်းနိုင်ငံတောင်ပိုင်း

ရခိုင်ပြည်မြောက်ပိုင်း (ဘူးသီးတောင်)(မောင်တော)(ရသေ့တောင်)

အများမကြာ (အစ္စလာမ်) နိုင်ငံဖြစ်ဖို့ယာ

ရခိုင်သားတိ အခုထက်ထိ

(ပဋရီ) ကို လောကျိတ်လို့ (----) ကျယ်နီကတ်တုန်းသိမ့်

ငကုသလပိုင် ပညာဟိတိကို

(ခွီး) ပိုင်ယှောင် (စိုး) တိုက်တိုင်းကိုက်

အုပ်စုအားကိုးနှင့် (ဝိုင်း) နှိပ်ကွပ်

အနံ့ (လျှူ) လို့ အစိ (မျို) လို့

(ပျော်) နီကတ်တုန်း (ခြီ) နီကတ်တုန်းသိမ့် --။

ဆရာကို မကြိုက်စွာတခုက ဟိပါရေ

(အန္ဓဗာလ) တိ တိုက်ခိုက်လို့ရာ

အယှုံးပီးလိုက်ရဖို့ နောက်ဆုတ်လိုက်ရဖို့ဆိုကေ

(ယင်းချင့်) သူရဲကောင်းစိတ်ဓါတ်ကမဟုတ်ပါ

သူရဲကောင်းမှန်ကေ

(အန္ဓိဗာလ) တိကို (အရီကိုလှန်) လို့

(ထူး) ခတ်ပစ်လိုက်ရပါဖို့ --။

နောက်လည်း မကြိုက်စွာ တခုဟိပါသိမ့်ရေ

ဆရာရွီးရေ စာမှာ (နဲ့) မြန်မာအလုံးတလုံးကို

တွိမြင်လိုက်ရပါရေ

ယင်းချင့်ကိုလည်း မနှစ်မြို့ပါ --။

ဆရာက သမိုင်းပညာသျှင် စာပီပညာသျှင်မဟုတ်

ကိုယ်ရွီးရေ စာတိ ကဗျာတိမှာလည်း

သတ်ပုံတိ အမှားမှား အယွင်းယွင်းမကန်

(ယေဇူး) ယင်း မြန်မာ (နဲ့) ကိစ္စကိုက

ယင်းလောက်ထိ (ဗွေ) မယူပါ

ရခိုင်တေးခြင်း ဗွီဒီယိုတိမှာ ရက်ပြတ် ရက်ပြတ်တွိမြင်နီရလို့

ပြောလို့လည်း လျှာပေါက် အာပေါက်လားခပါယာ ---။

နောက်ဆုံးပြောချင်ရေစကားက

ရိုးရိုးချေပါရာ

နောက်မဆုတ်ပါကဲ့ဆရာ

(အန္ဓိဗာလ) တိက ခြင်ထောင်ထဲက ပစိကိုက်ပြနီကတ်စွာပါရာ

ဝါးလုံးခေါင်းထဲမှာ လပနီကတ်စွာပါရာ

(International) စာမျက်နှာမှာ

တတိယကမ္ဘာစစ်ကြီးဖြစ်နီစွာမှာ

ရှိတန်းက အသီခံလို့ မားမားရပ်လို့တိုက်ပွဲဝင်ဖို့

ဆရာ့ပိုင် (လူမိုက်ကြီး) တိ

(ကိုလှမြင့်) ရို့ပိုင် လူမိုက်ကြီးတိ

(ကိုဘအေး)(ခိုင်ထူး) ရို့ပိုင် လူမိုက်ကြီးတိ

(အသျှင်နာယက) ရို့ပိုင် လူမိုက်ကြီးတိ

(ဒေါက်တာအေးကျော်) ရို့ပိုင် လူမိုက်ကြီးတိ

(ဒေါက်တာအေးမောင်) ရို့ပိုင် လူမိုက်ကြီးတိ

(ဦးသာလှ) ရို့ပိုင် လူမိုက်ကြီးတိ

(ဘာလင်ခင်မောင်စော) ရို့ပိုင် လူမိုက်ကြီးတိ

အများကြီးလိုအပ်ပါရေ --။

ရခိုင်ပြည်၏အထင်ကရ

(အေး) ပါရေ ကြယ်သုံးလုံး ဒေါက်တာသုံးယောက်

ဒေါက်တာ (အေး) မောင်၊ ဒေါက်တာ (အေး) ကျော်၊ ဒေါက်တာ (အေး) ချမ်း

ရာဇဝင်တလျှောက် ဘုန်းမီးနီလတောက်ထွန်း

(အေး) သုံး (အေး) ရာ (ဒေါက်) မထောက်ခကေ

ရခိုင်ပြည်လည်း (ပျောက်) လားခစွာ ကြာယာနှန်း --။

ရခိုင်ပြည်က (မျောက်) ရောဂါကို

(အေး) (ဒေါက်) တာတိ ကုမှရာ

(ပျောက်) ဖို့ --။

အမှန်ရာ ရခိုင်ပြည်ကို

ကောင်းခင်ထက်က ဘုရားရောက်လို့

ဗုဒ္ဓဘာသာ အစစ်အမှန်ဖြစ်တေဆိုကေ.....

တောင်ပေါက်ကြီးကျောက်စာလည်း

ဗြဟ္မီအက္ခရာနှင့် ရွီးထွင်းလို့

ဂျပန်တိ လမ်းဖောက်လို့

ပျောက်လားခရေဆိုကေ.....

ပါဠိဂါထာလည်း ခေတ်သစ်မဟုတ်ပဲ

ခေတ်ဟောင်းဂါထာ

အစစ်အမှန်ရာ ဖြစ်တေဆိုကေ.....

လူတိပြောနီကတ်တေပိုင်

ညောင်ပင်ဈီးဆရာတော်ရာ

အမှန်အကန် မရွီးပီးခဆိုကေ.....

(အေး) သုံး (အေး) ကို

(ကျေး) ဇူးမကန်းသင့်ပါ --။

နောက်ဘိတ်ဆုံး ပြောချင်စွာက

ဆရာက ခံသာပါသိမ့်ရေ

မမနှင့် နှုံးရန်ဖြစ်ပြီးကေ

မဆီမဆိုင် ပရံလူကို အမိအဖနှင့်တရစ်တိုက်ခိုက်

ကိုယ်မွီးစပ်တေမျောက်က ကိုယ့်ကိုပြန်ခြောက်

(အန္ဓိဗာလ) ထက် ညှက်တေ

(အောက်တန်းစား) တိလည်း ဟိပါသိမ့်ရေ --။

စိတ်မပျက်သင့်ပါ

(ခွီးဟောင်) လို့ မိုးမလင်းပါ ဆရာ --။

အောက်သကွာနှက်လို့ ပါးစက

အယုတ္တအနတ္တ ထွက်ရဖို့ဆိုကေ

အလှပလှ (-----) ရုပ်တိ --။ ။😛😜😝😛

(သာလှဦး)(July 7, 2017)(သောက္ကြာနိ)(7:33 PM)

ကာလံဒေသံ

ကာလံဒေသံ
=======
အညှက်ဆိုး ကြွမ်းဆိုး
အညာရီမှာ မျှိုး။

ရခိုင်ပြိုင်လောင်းသံကျပ်

ရခိုင်ပြိုင်လောင်းသံကျပ်

===============

ပြိုင်လောင်းပွဲ အားပီးလာ
အရီးအခင် မာပါယင့်လား။

ခေါက်ထီးဆောင်းလို့ မမလေ
ဂေါင်းကိုစကေ ဖွင့်လို့ပြလိုက်။

ပြုံးစိစိနှင့် မမချေ
ပါးချိုင့်ချေနှင့် ချစ်ကောင်းထမန်း။

သနပ်ခါး ပါးလဝိုက်ကျံ
အဂယင့်အမှန် ချစ်ကောင်းထမန်း။

ရွှေဘယက်ကြီး အကြီးမသန်
ဘုန်းနှင့်ကံနှင့် သူဌီးမကြီး။

ပြိုင်လောင်းပွဲ ပွဲကြည့်လာ
အားလုံးကျမ္မာ မာကတ်ယင့်လား။

ပြိုင်လောင်းပွဲ အားပီးလာ
ပွဲကြည့်လာရေ ပရိဿတ်အပေါင်း
ကျမ္မာစီကြောင်း ဆုတောင်းဆုတောင်း
ငါရို့နိုင်ဖို့ ဆုတောင်းဆုတောင်း။

ဆုတောင်းပီးလို့ ငါရို့နိုင်
သံကျပ်မြိုင်မြိုင် ထိုးခပါယင့်။

(မောင်ရို့မောင်ရို့)(လေးလေးလေးလေး)၂ (မောင်ရို့မောင်ရို့)

သုံးတောင်ကျော်လို့ ခွတ်လတ်တေ
ဆယ်နှစ်လံရှည် ငါရို့ပြိုင်လောင်း။

ပြိုင်လောင်းအပြည့် ငါရို့ထိုင်
အားကောင်းမောင်းသန် ရခိုင်သားတိ။

လူစိတက်စိ ထိုင်ပြီးသကာ
ဦးစီးဆရာ သံကျပ်ထိုးလို့။

နောက်ကလောင်းတိ တန်းလို့စီ
တက်ညီလက်ညီ ပျော်ကောင်းထမန်း။

အောင်လံကိုထမ်း ငါရို့လာ
ဝမ်းပန်းတသာ ကြိုလိုက်ဆိုလိုက်။

အပွဲပွဲ နွှဲလို့လာ
ယှုံးရေဆိုစွာ တခါမဟိ။

အမျိုးဇာတိ ရခိုင့်မာန်
ရခိုင့်အောင်လံ လွှင့်လို့ထူလို့။

ဇမ္ဗူတလွှား များထင်ပေါ်
ဟိုးဟိုးကျော်ရေ ရခိုင်သားတိ။

အပွဲပွဲ နွှဲလို့လာ
ယှုံးရေဆိုစွာ တခါမဟိ။

(အောင်တပ်ချောင်း သောင်းသောင်းညံ
ပြိုင်လောင်းလှော်သံ မကြားကတ်လား။)၂

ဆံပင်နီကို ကြောင်တောင်ဆို့လို့
ကြောင်နံသာနှင့်အလားတူ
ဘိန်းဘင်းသောက်လျှူ ရခိုင်သားတိ။

ဖျာလိပ်ခေါင်း ဂေါင်းထက်တင်
ယောက်ဖခေါ်ချင် နီကတ်တုန်းသိမ့်။

မက္ကလာကို ဂေါင်းမှာဆောင်း
ကမ်းထောင်းထက်က မရီးချေ
လူးကျလိမ့်မေ သတိထားကတ်။

ပဋရီကို ဂေါင်းမှာစွပ်
အမတ်လောင်းကြီးကြွလို့လာ
လက်ခုပ်သြဘာ ပီးလိုက်ပီးလိုက်
လက်ခုပ်သြဘာ တီးလိုက်တီးလိုက်။

မပီကလာ ပီကလာနှင့်
ဇတ်မင်းသားကြီး ဦးဖိုးစိန်
မစားရကေ နီလို့မကောင်း။

(အောင်တပ်ချောင်း သောင်းသောင်းညံ
ပြိုင်လောင်းလှော်သံ မကြားကတ်လား။)၂

ခွီးနှင့်ခဲဝါ တတူလာ
ခဲဝါကိုလွှတ် ခွီးကိုလိုက်သတ်။

(အောင်တပ်ချောင်း သောင်းသောင်းညံ
ပြိုင်လောင်းလှော်သံ မကြားကတ်လား။)၂

တက်ပဲ့မနိုင် ကမ်းပိုင်ချောင်းက
ဇာ (--) စုပ်ဖို့ လာကတ်တေ
ပြောလိုက်ရကေ လုံးဝမကောင်း။

(အောင်တပ်ချောင်း သောင်းသောင်းညံ
ပြိုင်လောင်းလှော်သံ မကြားကတ်လား။)၃

လောက

လောက
=====

ရခိုင်စာပီလောကမှာ
တတိုင်က သတ်ပုံဖျက်
ယောက်ယက်ကြီးခတ်လို့။

တတိုင်က
(ဂရု)(လဟု)နှင့် တိုင်ပတ်
ချခဲကြီးမွိလို့။

ရခိုင်သမ ရက်ကန်းခတ်စွာမှာ
ဝါကြီးမ ခြည်ခင်ထုပ်
ကောင်းကောင်းယှုတ်တေ။

ဆံပင်က အမြစ်
မုဆိတ်က ထွက်တေ လူရို့လေ။

(မောင်ပေါက်တူး)

ရခိုင်စာပီပြိုင်လောင်း

ရခိုင်စာပီပြိုင်လောင်း
==============

(ဧ့) လို့ တတိုင်
(၏) လို့ တတိုင်။

(မာ) လို့ တယောက်
(မှာ) လို့ တယောက်။

အောက်ကလည်းပေါက်
တက်လည်းပျောက်
သောင်မရောက် ကမ်းမရောက်
လောင်းကြီးမှောက်။

ဦးမြဝါဒုံးယိမ်း

ဦးမြဝါဒုံးယိမ်း

ရက္ခမဏ္ဍလတိုင်းမြတ်ကျော် ပညာဟိများပေါ်ပေါ်
ပညာကျော် ပညာကျော် တိုင်းအသိ ကဝိအမော်
တိုင်းသိအကျော် တိုင်းသိအကျော် တိုင်းသိအမော်
အမတ်တော်လည်း (ဝိမလ) ၂ ရဲစွမ်းရေ (ဦးမြဝါ) ၂
(စာဆိုမှာ) ၂ မင်းညိုပါလေး --။

ရွှီပြည်ရက္ခတိုင်းမြတ်အလယ်
ကစ္ဆပက မြတ်လှတင့်တယ်
လက်ဝဲဖက်မြို့ ကိုးဆယ်ကိုးလေ
လက်ယာဖက်မြို့ ကိုးဆယ်ကိုးလေ
မြင်ရေမြင်ရေ အယင်ရှိဝယ်
ရင်ထဲရင်ထဲ ဘဝင်ဆွေးရေ။

မင်းစောမွန်တည် မြို့မြောက်ဦးလေ
အခုထက်တိုင် ဟိပါသိမ့်ရေ။

မြို့ရိုးကြီးနှင့် နန်းရာကုန်းလေ
ရှိခေတ်ဟောင်းကို အောင့်မိပါရေ။
(အောင့်မိရေ) ၂ အောင့်မိပါရေလေး။

(ဦးမြဝါ) ၂ အသက်ကိုစွန့်ပျာယ် လားရေလေးလေ
ဘုရင်ကြီးနှင့်ပြည်သူအများ သောကပူပင်ပွားရေလေးလေ
ရက္ခမဏ္ဍလတိုင်းကိုလ အံမတုနိုင်ရန် တခြားနိုင်ငံ
အာဇာနီဇာနီသွီးယေက ပြေငြိမ်းလီပြန် ငြိမ်းလီပြန်
ပူဇော်ဖို့အရေး ဈာပနပွဲ ဖောင်တော့်တင်ပျာယ် ဆွဲရေလေးလေ
(ဆွဲရေးလေ) ၂ ဆွဲပါရေလေး --။

မင်္ဂလကြက်သရေစုံစွာ တည်ဇာထွန်းရေ
ဇမ္ဗုဒိပ္ပါလက်ယာကျွန်းမှာ မော်ကွန်းတင်ခရေ
လေးဝတီထင်ရှားပါလှရေ ဘုရားမြတ်စွာဗျာဒိတ်ပီးခရေ
ဖီးဘယာဝီးလို့ စည်ပင်သာလှရေ --။

ဇမ္မူဒိပါလက်ယာကျွန်းမှာ နီရောင်လရောင်ထိန်ပြောင်လင်းရေ
ရက္ခမဏ္ဍဓညဝတီ ငရို့ဌာနီ ရွှီပြည်ကြီးကို
စန္ဒသူရိယာဓိဌာန်ပြုလို့ ငရို့ဘုရားကြွချီလာ
ထိုစဉ်အခါ ပြိုင်စံယှားရေ ငရို့အမတ် ပညာကျော်
ဝိမလခေါ် သုခမိန်ကြီးနှင့် ပညာဝံသငလက်ရုံး
မျိုးရခိုင်ဘုန်း မိုးသို့ချုံး
ယိုးဒယားနှင့်တိုင်းဟံသာ ဒေလီပဆာ အာသံရို့မှာ
ဘဏ္ဍာတော်မြတ်ဆက်ရရှာ (ငရို့ဘုန်းရောင်နီသို့အလား)
ငရို့ပြည်ငရို့မျိုး ငရို့ဘုရင် (ငရို့ဘုန်းရောင်နီသို့အလား)
ရာဇာကြီးနှင့်မြတ်မင်းဘာ (စောမွန်ဘွဲ့မှာ ယဉ်နုပါ၏
(ဦးမြဝါလေးစားပါယင့်) ၃ --။

(ယိမ်းလိုက်လေ ယိမ်းလိုက်ယိမ်းလိုက်)
(ယိမ်းလိုက်လေ ယိမ်းလိုက်မောင်ရို့) --။

မဟာမုနိဒုံးယိမ်းသံကျပ်

မဟာမုနိဒုံးယိမ်းသံကျပ် (အစ/အဆုံး)
===============

သုံးပါရတနာ မြတ်ဆရာနှင့်
မာတာပီတ အနန်တကို
ဂါရဝနှင့် လက်ဦးချီ
သုံးခါသုံးလီ လက်စုံမိုးလို့
ရှိခိုးကန်တော့လိုက်ပါသည်။

ပဝေသဏီ လွန်လီရှိက
ရာဇတိက္ကမ ကျမ်းအလို
ရာဇဝင်ကို ဆိုကာနှုတ်
တိုတိုတုတ်တုတ် ပြောပါမည်။

နှစ်လေးသင်္ချေ ကမ္ဘာတသိန်း
ကိန်းခန်းလွန်မြောက်ပြီးသောအခါ
ဗုဒ္ဓမြတ်စွာ ပေါ်လာထွန်း
သျှင်လူရဟန်း ကျွတ်တမ်းဝင်။

သတင်းပေါ်တွင် လွန်ထင်ရှား
ဘုရင်ရွှီနားကြားသောခါ
စန္ဒာသူရိယာ တောင်းပန်ပြု
ဒိဗ္ဗစက္ခု ရှုကြည့်သော်
အခြံရံဖော် ယာဉ်ရထားနှင့်
ငါရို့ဘုရား ကြွမြန်းလာ။

ထိုစဉ်အခါ ဘုရင်ကြီး
ရွှီထီးလှူဒါန်း ပီးပြီးသော်
ဆွမ်းပန်းကပ်လှူ ပူဇော်ပြီးက
ဗုဒ္ဓတရား ဟောကြားရေ။

ရဟန်းသျှင်လူ ပြည်သူအပေါင်းမှာ
ပြည်နိဗ္ဗာန်ကို ကြံစည်ညောင်းလို့
သောင်းသောင်းသာထု ခေါ်ကတ်တေ။

ပြည်လည်း (နိဗ္ဗာန်) ၂ ဗုဒ္ဓလည်း (မြတ်စွာ) ၂
(ကိုယ်စားတော်) ၂ ထားခပါရေလေး။

ဗုဒ္ဓသာသနာ ထွန်းခပါသည် ထွန်းခပါသည်
ဗုဒ္ဓသာသနာ ထွန်းခပါသည် ထွန်းခပါသည်။

အေဂနိတိုင် အေခုတိုင်
ဗုဒ္ဓဘာသာထွန်းခပါသည်လေး။

ဗုဒ္ဓလည်း (မြတ်စွာ) ၂
(ကိုယ်စားတော်) ၂ ထားခပါသည်လေး။

သာသနာနီရောင်လင်း စိုင်းဒြားမင်းစိုးခပါရေ
ဝေသာလီ ကျောက်လှီကားမှာ
ကျောက်စာရွီးထိုး ထားခပါရေ
(စောမွန်တည်ကေ ရွှီမြောက်ဦးလေ)၂
သျှစ်သောင်းဘုရားမှာ
ထောင်ထားလို့ ဟိလီပါသိမ့်ရေ။

ဖိုးဖီးစိုင်လာ (ဖိုးဖီးစိုင်လာ)၂
ဖိုးဖီးဇူဇာ (ဖိုးဖီးဇူဇာ) ၂
ဗုဒ္ဓသျှင်ဘုရား (ကိုယ်စားတော်) ၂
ကိုယ်စားတော် မြတ်ဘုရားကို
တည်ထားလို့ ကိုးကွယ်ပါခရေ။
(ဟန်စိလေ) (ဟန်စွလေ) ကိုးကွယ်ပါရေလေး။

ကျောက်တော်တောင် တောင်ခြီရင်း
ရွှီအဆင်းနှင့် တင့်တင့်တယ်တယ်
မျက်နှာတော် ရွှင်ကာပြုံး
သီတင်းသုံးလို့ ကိန်းဝပ်စံမ္ပါယ်
(ကြည်နူးဖွယ်) ၂ ကြည်နူးဖွယ်လေး။

ထက်အောက်အနန္တ စက္ကြဝဠာ
လူနတ်ဗြဟ္မာ သတ္တဝါအပေါင်း ကောင်းကျိုးချမ်းသာ
မေတ္တာ ဂရုဏာ ဥပေက္ခာ မုဒိတာ နိဗ္ဗာန်ချမ်းသာ ရနိုင်ပါစီ
ကျမ္မာချမ်းသာကြောင်းကို
အကျွန်ရို့က ဆုတောင်းမေတ္တာဝီ။

(ယိမ်းလိုက်လေး ယိမ်းလိုက်ယိမ်းလိုက်)
(ယိမ်းလိုက်လေး ယိမ်းလိုက်မောင်ရို့)

ပြည်လည်း (နိဗ္ဗာန်) ၂ ဗုဒ္ဓလည်း (မြတ်စွာ) ၂
(ကိုယ်စားတော်) ၂ ထားခပါရေလေး။

(ယိမ်းလိုက်လေး ယိမ်းလိုက်ယိမ်းလိုက်)
(ယိမ်းလိုက်လေး ယိမ်းလိုက်မောင်ရို့)

ရမ္မာဒွါရ မေဃဝတီ ဓညဝတီရခိုင်သားရို့
ဖလံဗိုလ်မင်း ဘင်္ဂလားမကျန်
ကျမ္မာပါစီ ဆုတောင်းပီးလိုက်

(ချမ်းသာပါစီ ဆုတောင်းပီးလိုက်)။

ရခိုင်ပြည်ကြီး အီးချမ်းစီ
ငြိမ်းချမ်းပါစီ ဆုတောင်းပီးလိုက်။

(ယိမ်းလိုက်လေး ယိမ်းလိုက်ယိမ်းလိုက်)
(ယိမ်းလိုက်လေး ယိမ်းလိုက်မောင်ရို့)။

ကောင်းကျော်ဖြူ
(ရွှီလုံးလက်ရွီးဖြစ်ပါသည်ဘုရား) (June 8, 2025) (တလင်္ဂုနီနိ)