အစွန်းရောက် သတ်ပုံများ

အစွန်းရောက် သတ်ပုံများ
=================

စိုက်တွေမြို့သားတယောက်
င်္အကျီအသိုက်ဝတ်လို့
ကျွီးရေထမင်းကိုစားလို့
တွီးယင်းတွီးယင်းလမ်းလျှောက်ပါလတ်စွာ
အေပိုင် ချိုက်ဖို့ကောင်းစွာမဟုတ်
ဘီးကို ဖယ်ပါ
ငါ့မီးခွန်းကို ဖြီပါ
ငါ့ကို ၀ီမဖန်ကဲ့
မလိုအပ်စွာကို ၀ီးပစ်လိုက်
အေကိစ္စ အရီးကြီးရေ
လုပ်ဖြိုက်အောင် လုပ်ပါ
ဆွီးနွီးတိုင်ပင်ပါ
ဆရာမကို လီးစားပါရေ။

(သာလှဦး)

စတုတ္ထ ဓည၀တီ

စတုတ္ထ ဓည၀တီ
===========

ကိုယ့်စာ ကိုယ့်စကားကို တန်ဖိုးမထား
သူများစကား အငှားရွီးလို့
ခေါင်းဆောင်ဆိုပြီးသနာ
နဖူးမှာ စာကပ်ထားကတ်တေ --။

မိုးဦးကျ တွင်းအောင်းဖားချေတိ
ပုပွင် ပုပွင် မြည်နီကတ်တေ --။

နောက်ကုန်းမှာ တုံးပိုင်းကျကေလည်းမမှတ်
အရာလည်း မပီကလာ ပီကလာနန့်
ယောက်ဖနွားကို အလကားကျောင်းနီကတ်တေ --။

ယင်းပိုင်ရာ သံယောင်လိုက်နီကတ်ဖို့ဆိုကေ
နောက်ထပ် နှစ်ပေါင်း (၂၀၀) ကျော်ကေလည်း
တဖ၀ါး ရွိဖို့မဟုတ် --။

အာရီယံ လိုင်သားတက် မြက်စားခြင်္သေ့
ဖော်သီဖော်သတ် အိပ်ရီးမ၀သိမ့်ရေအခါ
ခဲဝါတရွီ ၀မ်းအူနှုတ်စားလားခယင့် --။

ရခိုင်မဂ္ဂဇင်းတအုပ်ကို စဖွင့်ကြည့်လိုက်စွာနှင့်
ထိပ်ဆုံးက အဖွင့်စာမျက်နှာမှာ
ပန်းဖော်ဒယွား ပြင်ခံအင်္ကျီနန့် ဆရာကြီး
ခေါင်းပေါင်းထီးထီးနှင့် ငါးဖယ်အယပ်ကို ဘယ်ကချလို့
မြန်မာက အဘာခေါ်လောက်တေ --။

အေပိုင်တော်ရေ ရခိုင်မသား
ဧကောဇမ္ဗူ နှစ်ဆူမဟိ
ဘုရားချီးတွင်းကျ ရှာမရ
ကမ္ဘာနိုဘဲလ်ဆုကို ရွှီမောင်းတန်းကျင်သန်ကြီးတိပိုင်
အရွှားပြတ်ကပ်လို့ လိုင်ဖင်းမှာ စွပ်ထားဖို့ကောင်းရေ --။

စတန့်လည်းထွင် လစန့်ကင်
ချီးထက်ရွံဖို့ကောင်းရေ အကောင်တိ
ကိုယ့်စွာကို ဆရာကြီးစတိုင်နန့်
အောက်တန်းစား စကားလုံးတိနန့်လက်ခဲပစ်
ကောသလမင်းကြီးအိမ်မက်ပိုင်
ဗူးခေါင်းရီမှာ မြုတ်လို့
ကျောက်ဖျာ ပေါ်ရေခေတ် ဖြစ်နီယာ --။

စတုတ္ထ ဓည၀တီ
ပဋရီကို လောကျိတ်
အတိတ်ကို စိန်ခေါ်နီလီယင့် --။

(သာလှဦး)(March 5, 2017)(တလ္လင်္ာနိ)

ငပိအိုး

ငပိအိုး
====

ဇာလောက် အမျိုးချစ်တေ ပြောပြော
ဇာလောက် နိုင်ငံရီးလုပ်လုပ်
ဇာလောက် တော်လှန်ရီးလုပ်လုပ်
ဇာလောက် လူမှုရီးလုပ်လုပ်
ကိုယ့်စာကို မလေ့လာ
ကိုယ့်စာကို ကိုယ်မရွီး
သူများစာ အငှားရွီး
ကျန်ရေလူမျိုးတိလည်း နားလည်ယောင်
ဆင်ခြီဆင်လက်ပီး
အသူတယောက်ကလည်း အထင်မကြီး
ယခီးမှာ ယခီး --။

တခါလာလည်း မြန်မာကို စာသူခိုး
ဘုရားသူခိုး လက်ညှိုးထိုး
ကိုယ်ရို့ခိုးစွာ ကိုယ်ရို့မသိ
ရခိုင်မဂ္ဂဇင်းတအုပ်ကို လှန်လို့ဖတ်
မပီကလာ ပီကလာ ချိချီချိချွတ်
ပညာဟိက၀ိ နဖူးမှာ စာတိကပ် --။

မြွေပွေးနဲ့ ရခိုင်ကို တွေ့ရင်
ရခိုင်ကို အလျင်သတ်
သူရို့တိက ရန်ငါစည်းပြတ် --။

မြေခွေးမြန်မာ တတူလာ
မြန်မာကိုသတ် ခွီးကိုလွှတ်
(ဗ) ပါကေ (ဗူး) ပင်ကိုလည်း ခွတ်
ငါရို့တိက မပြတ် --။

ဓည၀တီ ပက္ခဒိန်ကို ကြည့်လိုက်
ခုနှစ်ရက် ရက်သတ္တတပါတ်
ရခိုင်ပိုင်ယှောင် မရွီးတတ်
ပိန္နဲသီးဒုတ်သတ် --။

မြန်မာနှင့်မတူယောင်
(မာ) လို့တမျိုး (ဟထိုး) ဖျောက်
(ဧ့) မှာ အောက်ကပေါက်
(နဲ့) လို့ တယောက် ငါးပါးမှောက်
အားလုံး ကရောက်ကထောက် --။

ကောင်းစွာကျ အတုမယူ
မကောင်းစွာကျ ဆူပူမြောက်ကြွ
ခြီထောက်မြီမှာ မကျ
ရခိုင်သားဗီဇ ရခိုင်ဧက ဒွေးမရ
လူက နှစ်ယောက် ပါတီက သုံးပါတီ
ဓည၀တီ လေးဝတီ
ချစ်လီညီလီ စည်းလုံးလီ --။

အယ်ဒီတာချုပ်က ဒုတိယတန်းသတ်ပုံ
မြန်မာသဏ္ဍာန် ပြောင်းပြန်လှန် ရခိုင်သားလည်းလှန်
မြန်မာဘုရားမျက်ဆံပြူး ရခိုင်သားလည်း ပြူး
မြန်မာက (တစ်) ရခိုင် (တစ်)
အားလုံး ကရစ်ကထစ် --။

ဂဟဇာ ထခါ ရွှီဘုံထက်မှာ လူးလို့ကျ
ငပိအိုးက ဂရင်သီးနံ့ထွက်တေ --။

(သာလှဦး)(March 14, 2017)(အင်္ဂါနိ)