ပဟေဠိ

ပဟေဠိ
=====

ဖွဲ့နွဲ့လို့ ခေါ်စီလို
ချိုယီး ချိုယီး --။

ချွဲနွဲ့လို့ ခေါ်စီလို
ချိုယီး ချိုယီး --။

ချိုယီး ချိုယီး
အစံနိုသည်
အလွန်ရွံဖို့ကောင်း၏တည်း --။

(သာလှဦး)

"ဧ့"

"ဧ့"
===

အသင့်ကဗျာ
စာဖတ်လျှင်
ရင်မှာ အန်ချင်ပါလတ်တေ --။

(ဝေဖန်သူ)

သရက်သီးသနပ်

သရက်သီးသနပ်
========

သီနတ်ကိုင်ထားပြီးသနာ
တော်လှန်ရီးနိကို ကျင့်ပ၀န့်ရေ သတ္တိမဟိကေ
မောင်းမောင်ကိုင်ထားစွာက
လက်သုပ်သုပ်စားရေ
မဆမဆိုင်က
သရက်သီးသနပ်လား ---။

သာလှဦး (December 26, 2015)(စနီနိ)

ဥာဏ်ကောင်းသူများ

ဥာဏ်ကောင်းသူများ
===========

ရန်ကုန်ရောက်စွာ
တပါတ်တောင်မပြည့်သိမ့် --။

"လက်ခုတ်သီး" လားဝယ်လူက
"သော့ခလောက်" ဖြစ် --။

"ဂယိုင်သီး" ကြိုက်တေလူက
"မာလကာသီး" ဖြစ်လာ --။

"ဆရာ" ကို "ဆယာ" လို့ခေါ်
"ယကေလဲ့" ကို
"ဒါပေမဲ့" ပြော
"အဖ" ကိုပင်
"အမိလင်" လို့ခေါ်ချင်လူတိ
"ကောက်စရီ" ကိုမိလို့
"ဗေဒါ" ကိုချစ်တတ်လာ
"လွှ" ကို "သျွှ" ထွက်ခါထွက်
ခလုန့်သတ်စွာ
"အမလေး" လို့ယောင်
ပြောရကေ
နားရှက်တေ --။

(၀ရင်းတုတ်)
(July 4, 2005) (တလင်္လာနိ)။

ချခရော်သတ်

ချခရော်သတ်
========

(သည်) ကို မပြောင်း
(၏) ကို ပြောင်း
ကကောင်းတော်တတ်
ချခရော်သတ် --။

(သာလှဦး)

မောင်ဖက်ခွက် မဖက်ခွက်

မောင်ဖက်ခွက် မဖက်ခွက်
=============

ရခိုင်ကိုချစ်
ရခိုင်စကားနှင့်ချစ်
ဖက်ခွက်စကားနှင့် ချစ်ပြမနီကဲ့ --။

ရခိုင်ကိုချစ်
ရခိုင်သွီးနှင့်ချစ်
ဖက်ခွက်သွီးနှင့် ချစ်ပြမနီကဲ့ --။

ဖက်ခွက်စကားချေ ကြွိလို့
ဖက်ခွက်ကပင် အဖခေါ်ရလောက်အောင်
ဖက်ခွက်ထက် ညှက်တေ
ဖက်ခွက်စိတ်ဓါတ်နှင့်
ဖက်ခွက်အကျင့်ကိုကျင့်
ဖက်ခွက်ပိုင်ယှောင် တွေး
ဖက်ခွက်ပိုင်ယှောင် ရွီး
ဖက်ခွက်အမွီဆိုးတိကို
ဖက်တွယ်မနီပါကဲ့ဖိ ဆရာကြီး ဆရာမကြီး --။

ဖက်ခွက်ကိုပင်
ခပစာတင် --။

ဖက်ခွက်ကို ယက်
ခွီးထက် ညှက် --။

ဖက်ခွက်ကို တိုး
ခွီးထက်ဆိုး --။

(မောင်ထိုးကန်း)

ဆရာသို့ (၂)

ဆရာသို့
======

လက်တဆစ်လောက် အသိဥာဏ်ချေနှင့်
ဆရာကို အလိုက်ချောင်း အငိုက်ချောင်း
မြောင်းကျလားအောင်
နောက်က ကျောက်ကန်ပစ်လိုက်ကတ်တေ
သစ္စာတော်ခံ လူယုံတော်တစု
အကြံပက်စက် ခြီမျက်စိလောက်
ဇောက်မနက်တေ လူတိ --။

ငါ့ဖို့ တခုတည်းကိုရာ သိ
ငါ အမတ်ဖြစ်ရကေ ကျီ
အမတ်လစာချေ
နှစ်ပြားတစိကိုမက်
နွားပိုင် တာယက်လို့
လိုင်သားတက်နီကတ်တေ --။

ဆရာ့ကို မာန်အောင်ကျွန်းကို
ပို့ပစ်လိုက်ကတ်တေ --။

အားလုံးကို မဆိုလိုပါ
မာန်အောင်ကျွန်းမှာ
လူတချို့က ရခိုင်ဖြစ်ပြီးသနာ
မြန်မာစိတ်ဝင်နီကတ်ယာ
1990 ခု ရွီးကောက်ပွဲမှာလည်း
မြန်မာကိုရာ မဲပီးခကတ်တေ
ယင်းချင့်ကိုရာ ကြည့်ပါလီဖိ --။

လေးနှစ်လောက်က သည်းခံလိုက်ပါ
တပတ်ပြန်လည်ပါလိမ့်မည်
သံမဏိစိတ်ဓါတ်မှန်
ခေါင်းငိုက်မကျ ဦးမညွတ်
မသီမချင်းခွပ်တတ်တေ စာမရီစိတ်ဓါတ် --။

သက္ကရာဇ် (2020) ရွီးကောက်ပွဲမှာ
မြောက်ဦးကို လာလတ်ပါ
မြောက်ဦးမှာ လာရပ်ပါ
ဆန့်ကျင်ဝန့်ရေ အကောင်
ကန့်ကွက်တေ အကောင်တိဟိကေ
တချက် ကြည့်ကတ်မည် --။

ဘူမိနက်သန်မြီက ၀မ်းမြောက်စွာဖြင့်
လက်ကမ်း ဖိတ်ခေါ်လိုက်ပါသည်
ရခိုင်ပြည်ကို
ရခိုင်သားရာ အုပ်ချုပ်ရမည်
ဖက်ခွက်တိ
လာအုပ်ချုပ်ဖို့ အကြောင်းမဟိ --။ ။

သာလှဦး (မြောက်ဦး) December 24, 2015 (ကသစ်ဗုဒ္ဓိနိ)။

ဇန္န၀ါရီလ (၁) ရက်နိ ရခိုင့်တော်လှန်ရီးနိအားကြိုဆိုခြင်း (၂)

ဇန္န၀ါရီလ (၁) ရက်နိ ရခိုင့်တော်လှန်ရီးနိအားကြိုဆိုခြင်း (၂)
==========================================

ဒီဇင်ဘာ (၃၁)
ရခိုင်သားလဒမှိုင်နိကို
အမိမှာ နောက်လင်ရယှောင်
ပျော်ကြီးကျ ကျင့်ပ
တတိုင်က ကခါက ခုန်ခါခုန်
အလှပလှ ဘုံပျောက် --။

တော်လှန်ရီးလုပ်တေဆိုပြီးသနာ
ရခိုင့်တော်လှန်ရီးနိကျ
ကျင့်ပကတ်ဖို့ သတ္တိမဟိ
ဖုံပြာပြာနှင့် လဒမှိုင်မျှက်နှာတိကို
မကြာခင် မြင်တွိရဖို့ယာ --။

နှစ်သစ်ကို
တော်လှန်ရီးနှင့်မကြို
အသုဘ မသာချယှောင်
အခြင်းကြီးချငိုလို့
အသူတယောက်ကလည်း မသနား
ပြင်ကကြည့်လို့
ဝိုင်းဟားနီကတ်ယင့် --။

တကမ္ဘာလုံးသားက
နှစ်သစ်ကို မင်္ဂလာနှင့်ကြို ချိန်မှာ
ရခိုင်သား ငယောင်းဖလာတိက
အမင်္ဂလာနှင့်ကြိုလို့
ကြက်သရေတုံးလိုက်တေ --။

ဇန္န၀ါရီလ (၁) ရက် နှစ်ဆန်းတရက် မင်္ဂလာမိုးထက်မှာ
ရခိုင့်တော်လှန်ရီးနိကို
ကမ္ဘာထိန့်ထိန့်ကြိုးလားအောင်
အောင်စည်အောင်မောင်းတီးလို့
လက်ခေါင်းဖြောင်းဖြောင်းခတ်လို့
ခြိမ့်ခြိမ့်သဲ ကျင့်ပကတ်မည်
ဂုတ်ကျပြီးသနာ လဒမှိုင် မှိုင်မနီကတ်ကဲ့
သတ္တိဟိကေ ထွက်ပါလတ်ကတ် လူရို့ --။

(သာလှဦး)(December 15, 2015)(အင်္ဂါနိ)။

ချော်ကျ

ချော်ကျ
=====

အယ်ဒီတာချုပ်က
ဒုတိယတန်းသတ်ပုံ --။

ပါရဂူကြီးက
ချိုယီး --။

သုတေသီကြီးက
မြန်မာ --။

တည့်တည့်မကျ
ချော်ကျ --။

(သာလှဦး)(December 15, 2015)(အင်္ဂါနိ)။

ရွှေမောင်းတန်းကျင်သန်ကြီးများသို့ (Second Version)

ရွှေမောင်းတန်းကျင်သန်ကြီးများသို့
=========================

နိုင်ငံရီးစကားပြောချင်ကေ
နိုင်ငံရီးထဲ ၀င်လုပ် --။

တော်လှန်ရီးစကားပြောချင်ကေ
တော်လှန်ရီးထဲ ၀င်လုပ် --။

နိုင်ငံရီးထဲကိုလည်း မ၀င်ရဲ
လူကြီးလူကျယ် နိုင်ငံရီးစကားပြောလို့
တော်လှန်ရီးလည်း မလုပ်ရဲ
လူကြီးလူကျယ် တော်လှန်ရီးစကားပြောလို့
Facebook ထက်မှာ
ကျင်ကွင်းပြနီကတ်တေ --။

တော်လှန်ရီးကွင်ထဲရောက်ကေ
စီးပွားရီးကို အကြောင်းပြ
ယနာနာနှင့် ထွက်ပြီးပါလတ်ကတ်တေ --။

အမောင်ရခိုင်သား
စကားကြီးကေ လူမယုံ
(------) ကေ
ခွီးမစား ---။

(သာလှဦး) (Second Version)

စုတ်ပီစုတ်ပက်

စုတ်ပီစုတ်ပက်
========

ဆရာဇီးယို
တပည့်ယိုသည်
ဇီးယိုဆရာများလတ္တံ့ --။

(သာလှဦး)
December 8, 2015, အင်္ဂါနိ။

ဌက္ကဥ (ငှက်ကအု)

ဌက္ကဥ (ငှက်ကအု)
============

သူရဲကောင်းဖြစ်ဖို့လားလို့
တချက်အာဏာသိမ်းကြည့်ခီမှာ
သစ္စာဖောက်လို့ လူတိကသမုဒ်
ကောင်းကောင်း ဒုက္ခရာ မနား --။

လက်အောက်ငယ်သားတိကလည်း
တစိချေလည်း မလိမ္မာ
ကျွဲထက်ညှက်တေ
အချင်းချင်ခတ်လို့ ဘေးအူပွင့်
လစန်ကင့်လားစွာတိကလည်း မနည်း --။

သုံးရာကျော်လက်နက်
မောင်းတုန်းဖြုတ်လို့ အလင်းဝင်လားခကတ်ကေ
ဘသားကြီးမှာ မီးမှုတ်ဖို့
ပြောင်းကျိုင်တိရာ ကျန်ရေ
လီသေနပ်နှင့် တာဖြစ်
စစ်တိုက်ဖို့ ရယင့် --။

ပွေသာကုန်ရိက္ခာပြတ်
ဓမြတိုက်စားခီပြန်ကေလည်း
လုပ်စားမိုးခေါင် ခိုးစားခွီးဟောင်ဆိုရေပိုင်
တိုက်စားကေလည်း အချုပ်ထောင် --။

ညီညွတ်ရေးကို ဗန်းပြ
ANC ပေါ်လာမှ အသက်စကေချေ လျှူဖို့ရ
ဌက္ကဥနီရာ ပြန်ရ
မလေးသျှားက ရခိုင်သား ရခိုင်သမတိကောင်းမှု
သာဓုအနုမောဒနာ ခေါ်လောက်တေ --။

အားလုံးသူက လက်နက်ချ
အလင်းဝင်လားခကတ်ကေ
ကျန်လိုက်တေလူက
ဥက္ကဌနှင့် အတွင်းရေးမှုး
အစည်းအဝေးတခါလုပ်ကေ
တက်ရောက်သူက နှစ်ယောက်တပိုင်း
ဥက္ကဌအဆိုတင်သွင်းကေ အတွင်းရေးမှုးက ကန့်ကွက်
အတွင်းရေးမှုးအဆိုတင်သွင်းကေ ဥက္ကဌက ကန့်ကွက်
ချာလပတ်လည်လို့ --။

သီးခြားလွတ်လပ်ရီးလည်း မအော်နိုင်
ဖက်ဒရယ်ရေး ဒီမိုကရေစီရေးလည်း မအော်နိုင်
လူတန်းစားရေးလည်း မအော်နိုင်
နောက်ဘိတ်ဆုံးမှာ လဒမှိုင်
ပုတီးကိုင်လို့ ကျောင်းထိုင်ရခန့်လားမသိယာ --။

အဘာလေ လူရို့လေ
မုဆိတ်လည်း ဖြူလားခယာ
သျှင်ဘုရင်မလုပ်ရကေ
ပတ်တာဖြစ်ဖောက်ဖို့ ပတ်ရှာ
ပတ်ကိုရှာလို့ မတွိ
ဆိတ်လစိတာဖြစ် ဖောက်လီဖို့ယာ --။ ။ ။

(ရဲဖော်ဌက္ကဥ)
အောက်တိုဘာ (၂၁) ရက် ဗုဒ္ဓူးနိ (၂၀၁၅)

ဘာလာနံ တိရိစ္ဆာန်စကားပုံများ

ဘာလာနံ တိရိစ္ဆာန်စကားပုံများ
==================

ရွာသားညီ
နွားခိုးစား --။

အများညီ
(ဤ) ကို (ကျွဲ) ဖတ် --။

ကျွဲတဖက်
နွားတဖက် --။

ရှိကနွား ကောက်ကောက်လား
နောက်ကနွား ကောက်ကောက်လိုက်
ပိုးထိုးလောက်ကိုက် --။

ကိုယ့်ငါးပိ ကိုယ်မွှီး
ချီးမစားရရေ ခွီး
ဂေါင်းညီး --။

(ဥပမာစုံ စကားပုံ)

ဝမ်းနှုတ်ဆီး

ဝမ်းနှုတ်ဆီး
======

(ဆ) ဆရာကြီး
ဝမ်းနှုတ်ဆီး --။

(အ) အယင်
သောက်ပီးပါ --။

ဝမ်းပြည့်ဝမ်းရောင်
ဆီးကိုဆောင် --။

အစာမကြီ
စားပါလီ --။

စအူနာဖြစ်
ဝမ်းချူလိုက် --။

(သာလှဦး)

လောကမှာ အလှဆုံး

လောကမှာ အလှဆုံး
============

နှာခေါင်းတချောင်း၏
ဘယ်နှင့်ညာမှာ
မျက်စိနှစ်လုံးပေါက်စွာတူကေလည်း
မမြင်ချင်းက မတူ --။

စစ်ရူးခေတ်မှာ နှာဘူးထပြီး
ထွန်းကားလာရေ
လှယဉ်ကျေးမယ်ပြိုင်ပွဲယဉ်ကျေးမှု
စင်ထက်မှာ အရှက်လှန်ပြီး
မျောက်ဖင်နီမချေတိပိုင်
ကော့လန်ကော့လန်လှမ်းလျှောက်
ချိုချိုနိုင် ဒုတိယရလို့
သိန်း (၃၀) ဆယ်ဆုပေါက်ကေလည်း
မောင်ကြီး မပျော်နိုင်ပါ --။

ကိုးရီးယားမှာ မေမြတ်နိုးကို
ပိုးစိုးပက်စက်ပျင်ပစ်လိုက်စွာ
ကြားရတိုင်းရင်နာရေ --။

မောင်ကြီးအတွက်
ကြက်သရေ မင်္ဂလာအဟိဆုံးဓါတ်ပုံက
ဒေါင့်ချေမှာ ကုတ်လို့ချေထိုင်
ဝါဘိုက ပါးလ၀ိုက်ချေနှင့်
ရခိုင်သမချေပုံ
ဂုဏ်မဟိကေလည်း ရိုးရေ
ပဇောင်ပိုင်လှလေ ပုယေ --။

(သာလှဦး)(October 3, 2015)(စနီနိ)

မျောက်ငိုသီး

မျောက်ငိုသီး
=======

အသီးစားချင်
အပင်ကို စိုက်ရရေ --။

အပင်မစိုက်ပဲ
အသီးစားချင်ကေက
တောထဲမှာ
မျောက်ငိုသီးတိ ဟိလီယင့် --။

အသျှင် မျောက်ကြီး
အသီးစားချင်
အပင်ကို ရီမလောင်း
မျောက်ကြီးဝမ်းဟောင်းလောင်း --။

(သာလှဦး)

စာပီပျောက်က လူမျိုးပျောက်၏ဆိုပြီးသနာ ကိုယ့်စာကိုယ်မရွီးဘဲ သူများစာကျည်း လိုက်ရွီးနီကတ်တေ ရခိုင်သား ရခိုင်သူချေတိအတွက်။

သုထပိန်

သုထပိန်
============

(ဧ့) လို့ တခု ရွံကောင်းထမန်း
ပေါင်ကိုနှစ်ခြမ်းခြမ်းလို့ လမ်းလျှောက်
အောက်ကလည်း အပေါက်ဖောက်
သုထပိန် အညှီအဟောက်
အာလောက်လောက် အာလောက်လောက် --။

(သာလှဦး) (September 28, 2015)(တလင်္လာနိ)

ကျန်ရစ်မင်းသား၏ဝေဒနာကဗျာ

ကျန်ရစ်မင်းသား၏ဝေဒနာကဗျာ
======================

နန်းထိုက်တော်ဝင်
ပန်းသဇင်
ပင်ယံမြင့်ဖျား
သူစံစား
လက်ဖျားနှင့်ထောင် မတို့ဝန့်ပါ --။

သဇင်ရနံ့ကို လျှူလျှိုက်လို့
မောင်ကြီးရင်မှာ
အချစ်စိတ်တိ တိုးဝင်လာ --။

သဇင်ကို
မမြင်ရကေ မနီနိုင် --။

သဇင်ကို မြတ်နိုး
ဘုရားကိုပိုင် ရှိခိုးလို့ ထားချင်ရေ --။

သဇင်သာလျှင်
မောင်ကြီး၏ဘ၀ --။

သဇင်အလှ
ရှုမ၀ကို
အ၀ီးက ကြည့်ချောင်း
ရက်ပေါင်းမရွီတွက်နိုင်ပျာယ် --။

မောင်ကြီးချစ်တေသဇင်
ဘောက်သာဆိုးနှင့်
လင်နောက်လိုက်လားသောအခါ
မောင်ကြီးမှာ အသဲနှစ်ခြမ်းကွဲ
တခုပိုင်လည်း မတတ်နိုင် --။

ကျန်ရစ်မောင်ချစ်
ကလောင်ခြစ်
ကဗျာများစွာဖြစ် --။

(ခိုင်မာဆက်)(September 27, 2015) (တလင်္ဂုနီနိ)

အဂြိုဆိုးကို ချိုးပစ်လိုက်

အဂြိုဆိုးကို ချိုးပစ်လိုက်
=============

မြန်မာစကားချေကြွိလို့
ကဗျာရွီးလို့ခြီနီပါသော
အမျိုးချစ်ကြောင်း သွီးစစ်ကြောင်းကို
ရှိဟောင်းနှောင်းဖြစ် ကလောင်ခြစ်လို့
အမျိုးချစ်ပြနီသော ဆရာကြီး ဆရာမကြီး
ဆရာကြီး ဆရာမကြီးမသီခင်
မြီးချေမြစ်ချေ အပုချေရို့
နမူနာစံ အတုယူဖို့
လမ်းညွှန်ပြနီစွာပါလား --။

နို့သောက်ကပင် ဒုတ်ထောက်ချိန်ထိ
အိုလို့ရာ ဂြိုကျိုးလားရေ
ယေလည်း အပိုးမသီ
မြန်မာစကားနှင့်ရွီးရေ
စစ်တွေထုတ် ရခိုင်မဂ္ဂဇင်းမှာ
ရှိဆုံးစာမျက်နှာ အဖွင့်ကဗျာအဖြစ်
ဖော်ပြခြင်းခံရကေပင်
ကောင်းကောင်းကြေနပ်နီရေ --။

အဆိပ်ရည်ကိုသောက်လို့
ဘုစုခရုပန်းချေတိ
ဇာလောက် ကြွီကျလားခယာလဲ
ဇာလောက်သီကျလားခယာလဲ --။

မသီခင်လျှင်
အယင်ပျင်ပါ --။

သီကျလားခကေ
ပျင်လို့မရယာ --။

ရခိုင့်အာဇာနည်
က၀ိမဟာ ပညာသျှင်ကြီး
ကောင်းကောင်းပင်လည်း တော်ပါရေကား
ပြောလိုက်ရကေ မကောင်း
မျက်နှာကို
အလှပလှ ရွှေချပြီးသနာ
အိမ်ဦးခန်းမှာ
ဘုရားကိုပိုင် အရုပ်ထုလို့
ကိုးကွယ်ထားဖို့ကောင်းရေ --။

(သာလှဦး)(September 20, 2015)

ဝမ်းပြည့်ဝမ်းရောင်

ဝမ်းပြည့်ဝမ်းရောင်
==========

ဆရာ့ကဗျာမှာ
ထမင်းစားပြီးစ
မဖတ်ရ
စာတန်းကပ်ထားပါ
အန်ချင်လို့ --။

(သာလှဦး)(September 10, 2015)

ဇီးယိုထုပ်

ဇီးယိုထုပ်
=====

(ဧ့) (ဧ့) နန့်
ကကောင်း (ညှဲ့) နီပါကား ဆရာ --။

ဝေဖန်လို့
မာန်မပါပါကဲ့ --။

ဆရာ့ကဗျာက
ဇာနန့် အလားသဏ္ဍန်တူရေလဲဆိုကေ
တရုတ်လုပ်တေ
ဇီးယိုထုပ်ကို
ငရုပ်သီးစပ်စပ်
လက်သုပ်သုပ်ထားပိုင် --။

မြန်မာမှာ
စကားပုံတခုဟိရေ
"ဖင်မနိုင်ကေ
ပဲကြီးဟင်းမစားကဲ့" လတ် --။

ယင်းစကားပုံကို ဥပမာယူလို့
ရခိုင်သားမှာလည်း
စကားပုံထွင်ရကိန်းဆိုက်နီပါရေ
"ဖင်မနိုင်ကေ
ရခိုင်ကဗျာမဖတ်ကဲ့" လို့ --။

သာလှဦး
(September 10, 2015)

တရီးနိုး

တရီးနိုး
=====

ခဲဝါအူသံကြားလို့
တချက်ပျောကြည့်လိုက်တေမှာ
မိုးလင်းလားခယာ --။

(သာလှဦး)

အမွီ

အမွီ
===

မကြားဖူးခ မဟိရအောင်
နားထောင်လိုက်ပါ အိုမောင်းမောင် --။

မပြောဖူးခ မဟိရအောင်
ပြောပြလိုက်ပါ အိုမောင်းမောင် --။

မလုပ်ဖူးခ မဟိရအောင်
လုပ်ထားခပါ အိုမောင်းမောင် --။

ဘ၀တခဏ တချက်ချေမှာ
သီကေ ဇာယူလားဖို့လဲ --။

(သာလှဦး)(August 28, 2015 သောက်ကြာနိ။)

ခေါင်းရောင်

ခေါင်းရောင်
=======

အကောင်းကြီးလည်း
အလီးမစီး --။

(သာလှဦး)

သင်္ဘောမာလိန်

သင်္ဘောမာလိန်
==========

ပညာဟိ ဂျီသုဉ်းလို့
ဦးနှောက်မှာ သံချီးတက်ကေ
အောင်တံခွန်ဘုတ်ပျက်ကို တက်စီးယှောင်
ဝမ်းပေါက်လို့
ဒုက္ခရောက်ဖို့ယေ --။

(မောင်ပေါက်)(July 8, 2015) (စနီနိ)

သာလှဦး

သာလှဦး
======

အသံကို ပျင်ချင်လို့
သတ်ပုံကို ဖျက် --။

အသံလည်း တည့်မလာ
သတ်ပုံလည်း ပျက် --။

မြတ်ဖို့လားနှင်းခံ တပွာယော့
(အလှပလှ) ဘော်ကျော့ သာလှဦး --။

လူထက်ထူးကေ
မောင်ပေါက်တူး --။

(မောင်ပေါက်)(July 15, 2015) (ဗုဒ္ဓူးနိ)

ငှက်ရာဇ၀င်

ငှက်ရာဇ၀င်
========

ငှက်ဆိုကေလည်း
မပျံတတ်ကေ
ကြက်ဖြစ်တေ --။

ဝံလက်ဆိုကေလည်း
အပုတ်စားကေ
လဋဖြစ်တေ --။

(မောင်ပေါက်)(7/7/2015) အင်္ဂါနိ။

ရိုးရာ

ရိုးရာ
====

ရိုးရာ
ကော်လံမပါ
လိုင်ဖင်းတိတုံး
ရင်ဖုံးကအမဲ
ဆံထုံးက  အုံးသီးလုံးလောက်
သဇင်ဥကလည်း
အမြစ်ဖွားဖွား
ကုလားမုဆိတ်ပိုင် --။

ထပိန်က ရွှေရောင်
ဒေါင်လိုက်အစင်းက အမဲ
တခုပိုင်လည်း မလိုက်ဖက် --။

စိန်ခေါက် စိန်ခေါက်
ညာခြီတခေါက်တင်
ဘယ်ခြီတခေါက်ချ
ယေထက် တိုးလို့မလာ --။

ရိုးရာ ရိုးရာ ဖရိုးဖရာ
ရိုးလားခယာ --။

(ငပေါက်)(27/06/2015)(စနီနိ)

တန်ရာတန်ကြေး

တန်ရာတန်ကြေး
===========

ဒါးနှင့်မရယာ
ကျည်သင့်ကေ
အူပွင့်ရေ --။

(သာလှဦး)

ဆရာသမား

ဆရာသမား
========

ဆရာ ...
ဆရာ အရုပ်ကလှပါ၏ --။

ဆရာ ...
ဆရာ နှုတ်ကချို၏ --။

ပြီးလျှင်ဆရာ ...
ဆရာ သမုဒ်ကကျယ်၏ --။

(၀ရင်းတုတ်)

မြန်မာများလည်းနားလည်ယောင် ရခိုင်မဂ္ဂဇင်းများတွင် မြန်မာကဗျာရွီးစပ်နီကတ်တေ ရခိုင်သား၊ ရခိုင်သမများအား ဤကဗျာဖြင့် ဂုဏ်ပြုပါသည်။

ဆရာဒေါင်းပြောက် မောင်ဂေါင်းစောက်

ဆရာဒေါင်းပြောက် မောင်ဂေါင်းစောက်
==========================

ဆရာဒေါင်းပြောက်
မောင်ဂေါင်းစောက်
ဦးနှောက်မမှန်
မောင်အရွှန်
အကြံကြီးကြီး
စာလိုက်ရွီး --။

ပုတီးလည်းစိတ်
မျက်စိမှိတ်
ပရိတ်လည်းရွတ်
ဘောက်ကတတ် --။

အတတ်ချွန်းချွန်း
လူထက်ဆန်း
အစွန်းလည်းရောက်
(ဧ့) ကပေါက် -။

(သာလှဦး)
June 19, 2015 သောက်ကြာနိ။

ရောင်းပန်းလှ

ရောင်းပန်းလှ
=========

ငါးမဟိလို့
မျှိုင်စွံ --။

(သာလှဦး)

ကျွန်အာရီယံ

ကျွန်အာရီယံ
=======

ကိုယ့်အမျိုးသားနိကို
ကိုယ့်စကားနှင့် စာတန်းထိုးခွင့်မရ
ကုလားပါးမှာလည်း အသတ်ခံ
မြန်မာပါးမှာလည်း အသတ်ခံ
ကျွန်အာရီယံ ရခိုင်သားတိဘ၀ --။

အမျိုးသားနိကျင်းပရစွာက
အမျိုးသားရီးစိတ်ဓါတ်
နိုးထလာစီဖို့မဟုတ်လား --။

"အမျိုးသားနေ့" လတ်
အတုလမာရဇိန်ဘုရားကြီး
ရခိုင်အမျိုးသားနိပွဲအပြီးမှာ
ရခိုင်သားတိ အားကောင်းမောင်းသန်
ဘ၀ဂ်ညံအောင် ကမ္ဘာပထ၀ီမြီကြီး
ထိန့်ထိန့်တုန်အောင်
အသံကို ဇကုန်အော်လို့
ဝင်သီးကွဲအောင်
လိပ်ဂေါင်းထွက်အောင်
ကြွေးကြော်လိုက်သည့်အသံ
ကျွန်အာရီယံ
ရခိုင်မျိုးဟေ့ ဒို့မြန်မာ --။

(မောင်ပေါက်)(ရခိုင်ပြည်)
ဒုတိယအကြိမ်မြောက် ရခိုင်အမျိုးသားနိ။ June 2nd, 2015 အင်္ဂါနိ။ အမှတ်တရ ရွီးစပ်ပါသည်။

ရွှေမောင်းတန်းကျင်သန်ကြီးများသို့

ရွှေမောင်းတန်းကျင်သန်ကြီးများသို့
==========================

နိုင်ငံရီးစကားပြောချင်ကေ
နိုင်ငံရီးထဲ ၀င်လုပ် --။

တော်လှန်ရီးစကားပြောချင်ကေ
တော်လှန်ရီးထဲ ၀င်လုပ် --။

နိုင်ငံရီးထဲကိုလည်း မ၀င်ရဲ
လူကြီးလူကျယ် နိုင်ငံရီးစကားပြောလို့
အစိုးရအလုပ်ပြုတ်လို့
ထမင်းငတ်ဖို့စွာကြောက်ကေ
Facebook ထက်မှာ
ကျင်ကွင်းပြနီကတ်တေ --။

တော်လှန်ရီးထဲကိုလည်း မ၀င်ရဲ
လူကြီးလူကျယ် တော်လှန်ရီးစကားပြောလို့
တော်လှန်ရီးကွင်ထဲရောက်ကေ
ကဗျာရွီးဖို့ အကြောင်းပြ
ယနာနာနှင့် ထွက်ပြီးပါလတ်ကတ်တေ --။

အမောင်ရခိုင်သား
စကားကြီးကေ လူမယုံ
(------) ကေ ခွီးမစား ---။

(သာလှဦး)

သံဝေဂ

သံဝေဂ
=====

အလှဆိုကေလည်း
တခဏ အသက်ကြီးလာကေ
အချေခါက အလှ
သုံးစားမရ ပျက်စီးတတ်တေ --။

မိတ်ကပ်ဖို့လည်း
မပို့ --။

အရီတွန့်ကို
ဆန့်လို့ မစန့် --။

သံဖရာသီးက
ကြီးလီချဉ်လီ --။

သရက်သီးက
ကြီးလီချိုလီ --။

လူအိုသီးက
ကြီးလီပြိုလီ --။

ဆံပင်ကဖြူ
သွားကလည်း ကျိုး
ခါးချေက ကုန်း
မျက်စိက မှုန်
နားကလည်း ပင်း
အခြင်းပြောလို့
မကြားစွာ တခုရာ ကောင်းယင့် --။

(သာလှဦး)

အညင်းသီးအငေါင်း

အညင်းသီးအငေါင်း
=============

မချေမှာ
လင်မရခင် (ဧ့) ကိုက်ခံရ --။

နပျိုးတုံးကို ခေါင်းအုံးလို့
ဆုံးဖို့ယေ တဘ၀ --။

(သာလှဦး)

LET'S JOIN TOGETHER

LET'S JOIN TOGETHER
=================

Come on brothers come on
Let's join together.
Come on sisters come on
Let's sing together.

Forget your past
Forget your nights
Forget everything.

Come on sisters come on
Let's join together.
Come on brothers come on
Let's sing together.

Forget your sins
Forget your chains
Forget everything.

We are brothers, we are sisters
We are all the friends.
We are sisters, we are brothers
We are all cousins.

We are stars, we are moon
We are everything.
We are flowers, we are sun
We are butterflies.
We are rivers, we are stones
We are all the waves.

Cross the roads, cross the shields
Let's cross the mountains,
Cross the seas, cross the fields
Let's cross all the plains.

Tha Hla Oo
(22/5/2001)
This song is dedicated to the children.

လူသတ်ဘုရားအား ဦးတိုက်သူများသို့

လူသတ်ဘုရားအား ဦးတိုက်သူများသို့
===================

ဒေ၀န်းအောင်ကျော်ရွှီရို့
ရခိုင်ပြည်ကို
ပြန်လည်သိမ်းပိုက်ခါ
မြောက်ဦးမှာ
မြန်မာတိုက်ဝန်တည်ထားခရေ
ရွှေဂူမစေတီကို
အမြစ်မကျန် တူးလှန်
ဖြိုသတ်ပစ်လိုက်တေ --။

ရခိုင်သားတိ
ရခိုင်တော်လှန်ရီးလုပ်လို့
ရခိုင်ပြည် လွတ်လပ်ရီးရလာကေ
သန်းရွှေအထုပ်တင်ထားခရေ
ရတနာပုံစေတီခေါင်းချွန်းနှင့်
စစ်တွေမြို့က အထင်ကရ
လောကနန္ဒာစေတီတော်မြတ်ကြီးကို
ဖြိုဖျက်ဝန့်ဖို့ သတ္တိဟိကတ်ဖို့သိမ့်လား --။

ရခိုင်ပြည်လွတ်လပ်ရီးရခါလည်း
ရခိုင်သားအရိုး တိုင်းရင်းသားအရိုး
ဘုန်းကြီးအရိုးတိကို ဌာပနာလို့
တည်ထားခရေ
လောကနန္ဒာစေတီကိုရာ
အရာလည်း ရှိခိုးရခန့်ဆိုကေ
ဂိုးချေရို့ လွတ်လပ်ရီးက
ကောင်းက ကောင်းယင့်
ယေကေလည်း
မျက်စိစပ်တေ --။

(သာလှဦး)
ဧပြီလ (၂၁) ရက် ၂၀၁၅။ အင်္ဂါနိ။

အဘာ (၏) သီတမ်းစာ

အဘာ (၏) သီတမ်းစာ
===============

ငါက ဇာမဟုတ်တေ
အညတရ
အက္ခရာချေ တလုံးပါရာ
တချို့က သရလို့လည်း ပြောကတ်တေ --။

သစ္စာဖောက်တိက
ငါ့ကို ကျောက်ထဲမှာ ပုန်းနီကေလည်း
ဆောက်နှင့်ထွင်းလို့ ဖျက်
ပြတိုက်ထဲမှာ ၀ှက်နီကေလည်း
ဘူဒိုဇာနှင့် ဖြို
ပီအုပ်ထဲမှာ အောင်းနီကေလည်း
နာဠာဂီရိနှင့် ထိုး
အမျိုးမျိုးတိုက် ဖျက်ကတ်တေ --။

ကြာလာကေ ငါ့မျက်နှာမှာ
အစက်အပြောက်
ကျောက်ပေါက်ခရာနှင့်
ရစရာ မဟိဗျာ --။

မိုးကြိုးပစ်လို့ မကျွတ်တေ လူတိကို
ငါ မသီခင် တခုချေက မှာခမည်
အဘာမဟိခါ
ကောင်းကောင်း ပျော်လို့ရာ နီလီဖိ
သကာစားတိ --။

(သာလှဦး)

VAPOUR

VAPOUR
=========

Oh! My fellow men!
Do not worry.
Dictators are just a vapour.

Sipping a cup of strong plain tea,
Please sing a song
And carrying the crops
Smile for a while.

Though we have nothing
To eat
As they have seized,
Do not worry!

Because we are not surviving
Just to eat.
Eating alone also cannot survive us.

Oh! My fellow men!
Do not worry.
Approach to a bough
And puff a cigar.

Lay your head on the root
And nap for a while.
Wipe out the drops of sweat
From your forehead
And drink a cup of cold water.

Chew tasting the betel
Which your wife gives to you.

Dictators are just a vapour.

(K. Kyaw)
Nov, 1999.

ရခိုင်ရာမယနဇတ်

ရခိုင်ရာမယနဇတ်
============

ဗီဇကပင် ဇတ်ကဖို့ဝါသနာပါလို့
ပတ်သံကြားစွာနန့်
ရွစိစိဖြစ်ပါလတ်တေ --။

မယ်သီတာကို ဒသဂီရိခိုးခန်း
ပတ်ကြမ်းကြမ်းနန့်
တခန်းနွှဲလိုက်ချင်ရေ --။

ဟာနုမန်မျောက်ကလည်း
လိမ္မာလိုက်တေနန့်
သိန်းခိုပြည်ကို မီးတိုက်လို့
အလောင်းတော်ရာမဖက်က
စစ်ကူတိုက်တေ --။

ဇတ်သိမ်းမှာ
အလောင်းတော်ရာမနန့် မယ်သီတာပေါင်းဖက်
ပရိဿတ်ကျမျက်ရည်
ဝမ်းသာကြည်နှုးဖြစ်ရရေ --။

ရခိုင်သားတိ မျန်မာစကား မပီကလာ ပီကလာနန့်
ကပြရေ ခရမ်းသီးဇတ်ကို
ရှိဆုံးက ဖျာခင်း
မိုးတလင်းကြည့်လည်း မညီး --။

ယေလည်း လက်တွိမှာ
မယ်သီတာကို ဒသဂီရိ ခိုး
မုဒိမ်းလည်းကျင့် အသီသတ်
ခေါင်းလည်းဖြတ်ပစ်လိုက်တေ --။

အလောင်းတော်ရာမလည်း သူခိုးလိုက်စွာ
သူခိုးက အပြန်လိုက်လို့
ဒယွားမရ ထွက်ပြီးဖို့ကျရေ --။

ဟာနုမန်မျောက်ကလည်း
ရိက္ခာတိုက်ကို ၀င်ဖောက်လို့
ထမင်းငတ်ကေ
မြို့ထဲပြန်ဝင်လာရရေ --။

ညီတော်လက္ခဏလည်း
ကာလနဂါးဖြစ်လို့
ကောက်ရိုးပုံထက်မှာ အိပ်နီစွာ
မိုးကြိုးပစ်လို့ မနိုး --။

ပတ်သံ ဗုံသံ နှဲသံကြားကေ မနီနိုင်လို့
တချက် ထကကြည့်ခီမှာ
အလောင်းတော်ရာမနန့် ညီတော်လက္ခဏ
မျက်ရည်စက်လက်နန့်
(နောက်ဘိတ်ဆုံးမှာ)
မယ်သီတာအုပ်ဂူရှိမှာ
ပန်းခွီချဖို့ရာကျရေ --။ ။

(သာလှဦး) (April 2, 2015) (ကသစ်ဗုဒ္ဓိနိ)

အမှန်ပြောကေ လူနန့်မသင့်

အမှန်ပြောကေ လူနန့်မသင့်
===============

မြန်မာစကားချေ ကြွိလို့
တော်လိုက်တေပင် ငါသား
အမင်စကား မိလို့လားကေ
မွီးရေအမင် မင်းအမိမှာ
ဝမ်းရီဆာရေ --။

ဝမ်းရေးမ၀ စားရဖို့တွက်
ရွီးပါရသည် မြန်မာပိုင် --။

Project ကျဖို့ ခါးလှဖို့တွက်
ပြောပါရသည် မြန်မာပိုင် --။

ရခိုင်စာကို မတတ်ပါ၍
ရွီးပါရသည် မြန်မာပိုင် --။

တော်လှန်ရေးလား ကျွန်ခံရေးလား
အာရီယံများ
နဖူးပြင်မှာ လက်ချေတင်လို့
စဉ်းစားစဉ်းစား --။

(သာလှဦး)

ဖက်ခွက်ကြီးနှင့် ဖက်ခွက်ချေ

ဖက်ခွက်ကြီးနှင့် ဖက်ခွက်ချေ
===============

ဖက်ခွက်လက်အောက်
ကျရောက်သောကြောင့်
ကကောင်း ၀မ်းမြောက်မနီကဲ့ --။

ဖက်ခွက်အောက်က
လွတ်မြောက်ဖို့တွက်
ရုန်းထွက်ကြိုးစား
ရခိုင်သား --။

ဖက်ခွက်ကိုပင်
ခပဇာတင်
ဖက်ခွက်ကိုယက်
ခွီးထက်ညှက် --။

ယက်ကေ ယက်ဝေ
ဖက်ခွက်ချေ
နာမည်ရမည်
မရှက်လားဝေ --။

(ကိုးလံ)

ရရခိုင်သား ၀အောင်စား

ရရခိုင်သား ၀အောင်စား
============

မျန်မာလက်အောက် ကျရောက်သောကြောင့်
ရခိုင်သားမှာ ကိုယ်၏စာကို
မျန်မာစကားဖြင့် ရွီးပါသည် --။

အင်္ဂလိပ်လက်အောက် ကျရောက်သောကြောင့်
ရခိုင်သားမှာ ကိုယ်၏စာကို
မျန်မာစကားဖြင့် ရွီးပါသည် --။

ပြည်ထောင်စုအောက် ငါးပါးမှောက်၍
ရခိုင်သားမှာ ကိုယ်၏စာကို
မျန်မာစကားဖြင့် ရွီးပါသည် --။

ဆရာဆရာ ၀မ်းရီဆာ
ထီးပျောက်နန်းပျောက် တိုင်းပြည်ပျောက်လို့
လူမျိုးပါပျောက်ခါမှ
ရခိုင်သားမှာ ရခိုင်စာကို
ရခိုင်စကားဖြင့်ရွီးပါဖို့လား --။

(သာလှဦး)

ALONE TRAVELER

ALONE TRAVELER
==============

(Rain)
Falling down heavily,
And it pours all the fields,
The river is flowing on forever.

(Summer)
Hot is the weather
And it is so painful,
The desert is dry always.

(Winter)
Chill is the wind
And it is so snowy,
The world is cold all the times.

(However)
I will continue my journey.
I am alone but I am not lonely.
Against the current, through the piercing winds,
I will cross the sea.

(Tha Hla Oo)

ရခိုင်ကျောက်သင်ပုန်း

ရခိုင်ကျောက်သင်ပုန်း
===============

(က) ကိုမူကား ကတောင်းရီခွက်ဥက္ခောင်းထက်မှာ တင်ကာသော်လည်း ဟန်စွလေ။
(ခ) ကိုမူကား ခရင်းတောင်းကိုရက်ကာသော်လည်း ဟန်စွလေ။
(ဂ) ကိုမူကား ဂဏန်းသင်္ချာ တွက်ကာသော်လည်း ဟန်စွလေ။
(င) ကိုမူကား ငရံ့ကိုယ်လုံး ရုန်းကာသော်လည်း ဟန်စွလေ။
(စ) ကိုမူကား စပါးတောင်ယာ စိုက်ကာသော်လည်း ဟန်စွလေ။
(ဆ) ကိုမူကား ဆရာမိဘ ရိုသေရလည်း ဟန်စွလေ။
(ဇ) ကိုမူကား ဇရပ်သာယာ ရွာဦးကျောင်းမှာ ဟိပါသော်လည်း ဟန်စွလေ။
(ဈ) ကိုမူကား ဈီးပြုလားကာ လားကာသော်လည်း ဟန်စွလေ။
(ည) ကိုမူကား ညဇာသားခါ လပယာလည်း ဟန်စွလေ။
(တ) ကိုမူကား တရားနာကာ နာကာသော်လည်း ဟန်စွလေ။
(ထ) ကိုမူကား ထမင်းဆီဆမ်း ရွှီလောင်ပွန်းနှင့် စားကာသော်လည်း ဟန်စွလေ။
(ဒ) ကိူမူကား ဒယွားပန်းဖော် ၀တ်ကာသော်လည်း ဟန်စွလေ။
(ဓ) ကိုမူကား ဓပြုတ်သီးကို ပြုတ်ကာသော်လည်း ဟန်စွလေ။
(န) ကိုမူကား နဂါးအမောက် ကောက်ကာသော်လည်း ဟန်စွလေ။
(ပ) ကိုမူကား ပိတောက်ဂေါင်းမှာ ပန်ကာသော်လည်း ဟန်စွလေ။
(ဖ) ကိူမူကား ဖရဲသီးကို ခွဲကာသော်လည်း ဟန်စွလေ။
(ဗ) ကိုမူကား ဗုဒ္ဓမြတ်စွာ ကြွလာသော်လည်း ဟန်စွလေ။
(ဘ) ကိုမူကား ဘုရားမြတ်စွာ သာသနာကို စောင့်ကာသော်လည်း ဟန်စွလေ။
(မ) ကိုမူကား မင်းထီးမင်းဗာ စိုးပါသော်လည်း ဟန်စွလေ။
(ရ) ကိုမူကား ရထားစီးကာ လားကာသော်လည်း ဟန်စွလေး။
(ယ) ကိုမူကား ယမုံနာ မြစ်ရီချိုးကာ ချိုးကာသော်လည်း ဟန်စွလေ။
(လ) ကိုမူကား လမုတောမှာ ချောင်းနားမှာလည်း ဟန်စွလေ။
(၀) ကိုမူကား ၀ရံတာ အိမ်တန်းပျင်းမှာ ထိုင်ကာသော်လည်း ဟန်စွလေ။
(သ) ကိုမူကား သရက်ချိုအီး မွှီးပါသော်လည်း ဟန်စွလေ။
(ဟ) ကိုမူကား ဟင်္သာငှက်များ နားကာသော်လည်း ဟန်စွလေ။
(အ) ကိုမူကား အသံကြားသော် နာသာသော်လည်း ဟန်စွလေ။

(သာလှဦး)

သတိ

သတိ
===

လူမျိုးတမျိုးမှာ
စာပီဆိုစွာ အသက် --။

လူမျိုးတမျိုး၏တံတိုင်း
လူမျိုးတမျိုး၏ခံတပ်ဆိုကေလည်း ဖြစ်တေ --။

စာပီပျောက်ကေ
လူမျိုးပျောက်တေ
စာပီမှောက်ကေ
လူမျိုးမှောက်တေ
မင်းလည်းအသိ ငါလည်းအသိ --။

(ယကေလည်း)
ချင်ဆီ ဖျက်ချင်တိုင်းဖျက်
ချိုးချင်တိုင်းချိုးဖို့
မင်းရို့အိမ်နောက်က
ရှောက်ခြမ်းစိတ်မဟုတ် --။ ။

(သာလှဦး)

အံကြိတ်သံ

အံကြိတ်သံ
======

မိုးကောင်းတုန်းခါ
ရွာရာရွာ --။

(သာလှဦး)

ယောက်မတုံးရေ

ယောက်မတုံးရေ
===========

မောင်းမောင်ရို့ တိုက်စွာ
လီလား --။

မောင်းမောင်ရို့ တိုက်စွာ
ကြမ်းလား --။

မောင်းမောင်ရို့ တိုက်စွာ
ပြောင်းလား --။

မောင်းမောင်ရို့ ဖောက်စွာ
ဝါးပြောက်လား --။

ထားလိုက်ပါ မောင်းမောင်
အလကား ယင်းစကား
နားခါးရေ --။

ငပိလိုလား ဆားလိုလား
(ပြော) ယောက်မတုံးရေ --။

(သာလှဦး)

ဂြင်း

ဂြင်း
==

သံထဲကိုယ်၌
သံကဖြစ်သည်
သံချီးကိုက်ခြင်းအကြောင်းရင်း --။

(သာလှဦး)

မောင်ကြီးသျှင်သို့ စာတစောင်

မောင်ကြီးသျှင်သို့ စာတစောင်
===================

စောင့်နီပါရေ မောင်းမောင်
ဇာခါလာဖို့လဲ
သွီးတောင်ဆုံးလားယာ --။

တိုက်စိုးရို့ပိုင်
လက်နက်ချရစွာကို
မှိုရမျက်နှာနန့်
ပြန်ဝင်လာဖို့လား --။

မောင်းမောင်ရို့ကို
တချို့က ပြောကတ်တေ
(လက်နက်ရှာဖွေရေးအဖွဲ့) ဆို --။

မယုံပါ မောင်းမောင်
မနာလိုလို့ ပြောစွာရာဟိဖို့ --။

မောင်းမောင်ရို့ အစွာလောက်
မျိုးခြစ်စွာကို သိပါရေ --။

မောင်းမောင်သူရဲကောင်း
မင်းအလောင်းကို
ပန်းခွေစွပ်လို့ သဂြိုဟ်ပါဖို့ --။

လာရာလာလတ်
ပြန်မလွှတ်ပါ --။

လက်ရွီးမလှ စာလုံးကျ၍
သတ်ပုံမှားက
သည်းခံ၍ဖတ်ပါ
မောင်းမောင်ရည်းစား မကြိုင်ဖြူ  --။

(သာလှဦး)

အစ (နှင့်) အဆုံး

အစ (နှင့်) အဆုံး
========

အစမှာ တက်ကြွ
အဆုံးမှာ ကြွတက် --။

(သာလှဦး)

မျက်နှာငယ်ပန်းခင်း

မျက်နှာငယ်ပန်းခင်း
=============

သူ့ပန်းခြံမှာ
ဖြူပြာနီဝါ
တင့်တယ်ပါ၏ --။

ငါ့ပန်းခြံမှာ
ပြာပြာဟောက်ဟောက်
သွိခြောက်၏ --။

ဆလိမ်နွယ်အုပ်
ထွီးယှုတ်ခြာခြူ  သပွတ်အူလိုက်
ငါ၏စိုက်ခင်း
ကြည့်ယင်း စိတ်ညစ်ရပါသည် --။

ထုပ်ပိုးသယ်ကူ
သျှင်လူနောက်လိုက်
ပန်းကမစိုက်
ပေါင်းရာစိုက် --။

မောင်ပေါက်
(ရခိုင်ပြည်)

မျက်နှာငယ်ပန်းခင်း  = ရခိုင်စာပီအိမ်