ဆရာသို့
======
လက်တဆစ်လောက် အသိဥာဏ်ချေနှင့်
ဆရာကို အလိုက်ချောင်း အငိုက်ချောင်း
မြောင်းကျလားအောင်
နောက်က ကျောက်ကန်ပစ်လိုက်ကတ်တေ
သစ္စာတော်ခံ လူယုံတော်တစု
အကြံပက်စက် ခြီမျက်စိလောက်
ဇောက်မနက်တေ လူတိ --။
ငါ့ဖို့ တခုတည်းကိုရာ သိ
ငါ အမတ်ဖြစ်ရကေ ကျီ
အမတ်လစာချေ
နှစ်ပြားတစိကိုမက်
နွားပိုင် တာယက်လို့
လိုင်သားတက်နီကတ်တေ --။
ဆရာ့ကို မာန်အောင်ကျွန်းကို
ပို့ပစ်လိုက်ကတ်တေ --။
အားလုံးကို မဆိုလိုပါ
မာန်အောင်ကျွန်းမှာ
လူတချို့က ရခိုင်ဖြစ်ပြီးသနာ
မြန်မာစိတ်ဝင်နီကတ်ယာ
1990 ခု ရွီးကောက်ပွဲမှာလည်း
မြန်မာကိုရာ မဲပီးခကတ်တေ
ယင်းချင့်ကိုရာ ကြည့်ပါလီဖိ --။
လေးနှစ်လောက်က သည်းခံလိုက်ပါ
တပတ်ပြန်လည်ပါလိမ့်မည်
သံမဏိစိတ်ဓါတ်မှန်
ခေါင်းငိုက်မကျ ဦးမညွတ်
မသီမချင်းခွပ်တတ်တေ စာမရီစိတ်ဓါတ် --။
သက္ကရာဇ် (2020) ရွီးကောက်ပွဲမှာ
မြောက်ဦးကို လာလတ်ပါ
မြောက်ဦးမှာ လာရပ်ပါ
ဆန့်ကျင်ဝန့်ရေ အကောင်
ကန့်ကွက်တေ အကောင်တိဟိကေ
တချက် ကြည့်ကတ်မည် --။
ဘူမိနက်သန်မြီက ၀မ်းမြောက်စွာဖြင့်
လက်ကမ်း ဖိတ်ခေါ်လိုက်ပါသည်
ရခိုင်ပြည်ကို
ရခိုင်သားရာ အုပ်ချုပ်ရမည်
ဖက်ခွက်တိ
လာအုပ်ချုပ်ဖို့ အကြောင်းမဟိ --။ ။
သာလှဦး (မြောက်ဦး) December 24, 2015 (ကသစ်ဗုဒ္ဓိနိ)။
No comments:
Post a Comment