ပန်းတိုင်

ပန်းတိုင်

======

သီဖို့စွာကြောက်လို့

မလျှောက်ဘဲ ရပ်နီကေ

မရောက်ဘဲ သီကတ်ဖို့ယေ --။

(ဘာသာပြန်)

ခရမ်းသီးမျက်ရည်

ခရမ်းသီးမျက်ရည်

===========

ဂုတ်ကျပြီးကေ လဒမိူင်လို့

အစာ စုတ်ခီရဖို့ရောင်။

နခေါင်းချေရှုံ့လို့

မျက်နှာကို လက်ကိုင်ပုဝါနှင့်သုတ်

တရှုတ်ရှုတ်ငိုလို့

သနားဖို့ကောင်းလိုက်တေ

အဘာငါ့သား

ကောင်းကောင်းဝမ်းနည်းရေလား။

အမျိုးသီလ နှစ်ဌာနကို

ပြည့်ဝမဏ္ဍိုုင် စောင့်စွမ်းနိုင်သည့်

ရခိုင်သမ

ဘောက်သာဆိုးနှင့် ခိုးရွာလိုက်ခါ

ငိုဖို့မျက်ရည်

တစက်ချေလည်း ကျန်မည်မဟုတ် --။

သနားဖို့ ကောင်းလိုက်တေနန့်

နွားရာဆို (အဂယင့်) အမှန်

ခွတ်လို့ရာ စားပစ်လိုက်ချင်ရေ။

"တော်လှန်ရီးနိ" ကျင့်ပကတ်မေဆို

ကြောက်ကြီးသံဖက်ဝင်လို့

ကျားကိုမြင်ကေ ခဲဝါပိုင်ယှောင်

ခါးသတ်လားယာ။

Facebook ထက်က ဝက်ခွတ်ဒါး

အသွားတုံးလားခယာလား။

(ဝရင်းတုတ်)

Feb 9, 2020 (တလင်္ဂုနီနိ)

ဖဖရဲသီး ရဲရဲကြီး

ဖဖရဲသီး ရဲရဲကြီး

==========

မက္ကလာယေ ရိုင်ရိုင်

ကြိမ်သားတုတ်ကို နောင်းနောင်းကိုင်

ပြည်မဏ္ဍိုင်က ရခိုင်သားမှာ

မြန်မာစာကို ရခိုင်စာဟု

အာဘောင်အာရင်း ငြင်းခုံခြင်းကြောင့်

ချင်းချင်းကွဲပြား

အောက်စကားဖြင့် မှောက်မှောက်မှားမှား

ရွီးငြားသောခါ ရခိုင်စာမှာ

ကွယ်ကာလည်းပျောက် ငါးပါးမှောက်တေ။

ယောက်ဖဖတ်ဖို့ နားလည်ဖို့ဟု

ကိုယ့်စာကိုဖျောက် ငါးပါးမှောက်သော်

ယောက်ဖဧကန် ခေါ်ခြင်းဟန်ကား

အမှန်မောင်ကြီး ယခီးငပြာ

ပြောသောခါတွင် ရင်မှာမီးတောက်

ဗြောက်အိုးဖောက်သို့ ဒေါသပေါက်ကွဲ

နောက်ပြန်လဲသည်

ဖောက်လွဲဖောက်ပြန်နီတုန်းသိမ့် --။

ရခိုင်ရို့သွီး ရဲတွီးနီတျာ

သံထက်မာလည်း

အယူလွဲသော်

ဖရဲသီးကြီး ကွဲယှောင်တည်း --။ ။

(သာလှဦး)(မြောက်ဦး)

February 1st, 2020 (စနီနိ)

ခဲခတ်

ခဲခတ်

====

သမိုင်းပါရဂူ

စင်မြင့်ထက်မှာ ဘွဲ့တက်ယူ

ယူလည်းမလွတ်

ရခိုင်စာကို မရွီးတတ်

လူခဲခတ် --။

မြန်မာပါရဂူ

စင်မြင့်ထက်မှာ ဘွဲ့တက်ယူ

ယူလည်းမလွတ်

ရခိုင်ပိုင်ယှောင် မရွီးတတ်

လူခဲခတ် --။

သိပ္ပံပါရဂူ

စင်မြင့်ထက်မှာ ဘွဲ့တက်ယူ

ယူလည်းမလွတ်

ရခိုင်စာပီ မရွီးတတ်

လူခဲခတ် --။

မြန်မာတိနှင့် ရင်ဘောင်တန်းဖို့

ကိုယ့်အတ္တကို ထုတ်လို့ဖော် --။

မပီကလာ ပီကလာနှင့်

မြန်မာကဗျာ စာမျက်နှာမှာ

ငါးရာကျော် --။

တော်ပါသော်လည်း လွန်ဆင်းရဲသည်

လူမွဲရခိုင်

ဦးဏှောက်ကြီးကေ ထန်းသီးပိုင် --။ ။

သာလှဧူး (မြောက်ဧူး)

January 9, 2020 (ကသစ်ဗုဒ္ဓိနိ)

ဖိတ်ခေါ်သံ

ဖိတ်ခေါ်သံ
=======

အဝေ အဝေ အစိတ်ကေ
အခန်းဒေါင့်မှာ ဆောင့်ခြောင်ထိုင်လို့
ပဇာဖြစ်လို့ ငိုနီလေ။

မုနိမဟာ ကြီးမြတ်စွာကို
လိုချင်ရေဇု ငိုပါရေ --။

မုနိမဟာ ကြီးမြတ်စွာကို
လိုချင်ရေဆို
ထိုင်ငိုနီလို့ရဖို့လား --။

နက်ဖန်ရက်ခါ ရက်ရာဇာ
တော်လှန်ရီးနိ မိုးထခါ
ရခိုင့်အောင်လံ အောင်တင်းခွန်ကို
အောင်မာန်အောင်မောင်း သောင်းသောင်းညံညံ
အောင်မာန်ဟိန်းကေ ဗြိန်းစောင်းသံနှင့်
မိုးစွန်တိမ်ကြား တောင်ထိပ်ဖျားမှာ ရွှင့်ကတ်မေ။

လဒကေပိုင်
အခန်းဒေါင့်မှာ ဆောင့်ခြောင်ထိုင်
မှိုင်မနီကဲ့။

"သတ္တိဟိကေ ထွက်ပါလတ်"

(သာလှဦး)(မြောက်ဦး)
January 11, 2020 (စနီနိ)

၀က်ထီး

၀က်ထီး

======

လက်နက်ချလို့

ဒူးထောက်လားပြီးခါမှ

ရခိုင်ပြည်ကြီး

သီးခြားလွတ်လပ်ရီးလို့

ကျွီးလို့ကြွေးကြော်

အသားဖော်သော်

ပိဿနှစ်ရာကျော် --။

လက်သီးလက်မောင်း

ဖြောင်းဖြောင်းလည်းခတ်

သတ္တိဟိကေ ထွက်ပါလတ်

ရပ်ကွက်ထဲမှာ စိန်ခေါ် --။

ကမ္ဘာတခွင် လွန်ထင်ပေါ်

အောင်လအန်ဆန်းနှင့် အမျိုးတော် --။

သာလှဧူး (မြောက်ဧူး)

January 16, 2020 (ကသစ်ဗုဒ္ဓိနိ)

ပီတိ (Rapture)

ပီတိ (Rapture)

==========

တလင်းပြောင်ပြောင်

ကုန်းခေါင်ခေါင်မှာ

တောင်လီလာကေ

ရင်မှာစူးစူး

တရိပ်ရိပ်ကေ စိတ်ကြည်နူးရေ

သာယာအီးလေ သာစွလေ --။

(သာလှဦး)

January 18, 2020 (စနီနိ)