မြန်မာမှုပြုမရသော ရခိုင်ကာရံများ (အစ/အဆုံး)

Download


မြန်မာမှုပြုမရသော ရခိုင်ကာရံများ
======================

ဓည၀တီနိဂုံးရွာများသမိုင်းသာခြင်း အပိုဒ် (၂၈) မှ (၃၁) အထိ မြန်မာမှုပြုမရသော ရခိုင်ကာရံများကို ဖော်ပြပြီးဖြစ်သည်။ ယခု အပိုဒ် (၂) မှ အပိုဒ် (၂၇) ထိ မြန်မာမှုပြုမရသော ရခိုင်ကာရံများကို ဆက်လက်ဖော်ပြပါမည်။

ဓည၀တီနိဂုံးရွာများသမိုင်းသာခြင်း (အစ/အဆုံး)
---------------------------------
မြောက်ဦးမြို့ ကျောက်ရစ်ကေဆရာ မောင်စံလှ စပ်ဆိုသည်။ ကောဇာသက္ကရာဇ် (၁၁၁၆)၊ ခရစ်သက္ကရာဇ် (၁၇၅၄) ခုနှစ် ရွီးကူးပီမူ။

(၁) အောင်ကြောင်းမယေမင်္ဂလံ၊ အောင်ဆုပန်ကေ၊ အောင်သံညောင်းညောင်း၊ အောင်ပါစီဟု၊ ညောင်ရီလောင်းလို့၊ ဆုတောင်းပဌနာ၊ အဖန်ဖန်လေ၊ မှန်ယ္ခုလျှင်၊ ပြုပြီးခါဝယ်၊ မြတ်စွာဗုဒ္ဓ၊ အတုလံကေ၊ သမ္ဗုဒ္ဓနှင့်၊ ဓမ္မသံဃာ၊ မြတ်ဆရာလေ၊ မာတာပီတ၊ ဂုဏ်ကဲလွန်ကေ၊ အနန္ဒကို၊ ကာယဝဇီ၊ မနောချီကေ၊ သုံးလီဒွါရ၊ ကံသုံးဖြာလေ၊ ပဏာမဖြင့်၊ ညွတ်ခရိုကျိုး၊ လက်ဆယ်ဖြာကို၊ ထိပ်မှာမိုးလို့၊ ရှိခိုးဦးချ၊ ကြိမ်ဖန်ဖန်ဖြင့်၊ ကျွန်ယ္ခုကေ၊ ပြုပြီးမှလျှင်၊ သူရဿတီ၊ လှဆင်းညီကေ၊ ဒေဝီရတနာ၊ ကျွန်ုပ်မှာတွင်၊ တည်ပါစီကြောင်း၊ အဓိဌာန်နှင့်၊ ဆုမွန်တောင်းမှ၊ ရှိဟောင်းပီစာ၊ ကျမ်းအလာကို၊ ယူကာညှိနှိုင်း၊ မြို့ဓညာကို၊ ပတ်ခါဝိုင်းသည်၊ သမိုင်းစဉ်လာ၊ နိဂုဏ်းရွာကို၊ ပြရာအခဏ်း၊ နောက်တဖြာ၌၊ ထပ်ခါညွှန်းသော်၊ ရွှီနန်းတည်ရာ၊ မြို့ဓညာဝယ်၊ စန္ဒာသူရိယ၊ ဘုန်းတောက်ထိန်ကေ၊ ရာဇိန္ဒနှင့်၊ ဗုဒ္ဓမြတ်စွာ၊ ဘဂဝါရို့၊ မဟာမုနိ၊ ခြောက်သွယ်ရောင်ဖြင့်၊ ပြောင်ပြောင်ညီး၍၊ သောင်းထီးကျော်လှန်း၊ မြတ်ဘုန်းမော်လေ၊ ကိုယ်တော်ရုပ်ကို၊ သွန်းလုပ်ခန်းနှင့်၊ မြို့နန်းဖြာဖြာ၊ တည်ထောင်ရာတွင်၊ ရှည်ကြာသက်တမ်း၊ အတန်တန်ကို၊ ကာရန်ဆန်းနှင့်၊ ညွှန်းကာခုဝယ်၊ နောက်နောင်လာကို၊ သိပါရအောင်၊ ပြလိုက်မည်လေး။


(၂)

“မိုးထမှုံရီ၊ နှင်းဝီဝီနှင့်၊ စုံလီဖြူးဖြူး၊ တကျော်ကျော်နှင့်၊ ငှက်တော်ကျူးကေ၊ ရက်ဦးမင်္ဂလာ၊ ချိန်အခါတွင်”

”မိုးထမှုံရီ၊ နှင်းဝီဝီနှင့်၊ စုံလီဖြူးဖြူး”

ဤအပိုဒ်တွင် (ရီ၊ ၀ီ၊ လီ) ကို ကာရံယူထားသည်ကို တွိရပါလိမ့်မည်။ မြန်မာမှုပြုလျှင် “မိုးထမှုံရေ၊ နှင်းဝေဝေနှင့်၊ စုံလေဖြူးဖြူး” ဟု ရသည်။ မြန်မာတွင်လည်း (မှုံရေ) ဟုမဟိပါ (မှုံရီဝိုးတ၀ါး) စသဖြင့် (မှုံရီ) ဟုရာ ဟိပါသည်။ ၄င်းကို အဓမ္မမြန်မာမှုပြုပါက (မိုးထမှုံရေ) ဟုဖြစ်လားပါသဖြင့် အဓိပ္ပါယ်ကင်းမဲ့လားပါသည်။ ထို့ကြောင့် ဤကာရံများမှာ မြန်မာမှုပြုမရသော ရခိုင်ကာရံများဖြစ်ပါသည်။

“ရွက်ဟောင်းလည်းကြွီ၊ ညွန့်ရိုးတံမှာ၊ ပတ်ရံစုကေ၊ ရွက်နုဝီလို့၊ အနီအဝါ၊ ပန်းများစွာလည်း၊ မုံကာပွင့်ဖူး၊ သင်းပျံ့ကြိုင်ကေ၊ ဂနိုင်ဦးမှာ၊ ပျော်မြူးဝဲပျံ၊ ကျီးငှက်သံဖြင့်၊ ညိုးညံချိုမြ၊ တောဂနိုင်လေ၊ မြိုင်အလှကို၊ ဝဝရှုကာ၊ တတောဝင်ကေ၊ တပြင်သန်းလို့၊ လှမ်းလတ်ပါသော်”

“ရွက်ဟောင်းလည်းကြွီ၊ ညွန့်ရိုးတံမှာ၊ ပတ်ရံစုကေ၊ ရွက်နုဝီလို့၊ အနီအဝါ”

ဤအပိုဒ်တွင်လည်း (ကြွီ) (၀ီ) (နီ) ကို ကာရံယူထားသဖြင့် မြန်မာမှုပြုလျှင် ”ရွက်ဟောင်းလည်းကြွေ၊ ညွန့်ရိုးတံမှာ၊ ပတ်ရံစုကေ၊ ရွက်နုဝေလို့၊ အနေအဝါ” ဟုရပါသည်။ မြန်မာတွင်လည်း (အနေအ၀ါ) ဟုမဟိပါ။ (အနီအ၀ါ) ဟုရာဟိပါသည်။ ထို့ကြောင့် ဤကာရံမှာလည်း မြန်မာမှုပြုမရသော ရခိုင်ကာရံစစ်စစ်ဖြစ်ပါသည်။

”သနားတုံပြီး၊ ကြောင်းထိုထိုကို၊ သိလိုခြင်းနှင့်၊ သတင်းမီးလို့”

ဤအပိုဒ်တွင်လည်း (ပြီး) နှင့် (မီး) ကို ကာရံယူထားပါသည်။ ၎င်းကို မြန်မာမှုပြုမည်ဆိုပါက “သနားတုံပြေး၊ ကြောင်းထိုထိုကို၊ သိလိုခြင်းနှင့်၊ သတင်းမေးလို့” ဟု ရပါသည်။ မြန်မာတွင်လည်း (စားပြီး) (သောက်ပြီး) ဟုရာ ဟိပါသည်။ (စားပြေး၊ သောက်ပြေး) ဟု မဟိပါ။ ထို့ကြောင့် (သနားတုံပြေး) ဆိုသည်မှာ လုံးဝအဓိပ္ပါယ်မဟိပါ။ ထို့ကြောင့် ဤကာရံသည်လည်း မြန်မာမှုပြုမရသော ရခိုင်ကာရံဖြစ်ပါသည်။

ထို့ကြောင့် (မေး) ဆိုသည်မှာ ရခိုင်စာမဟုတ်ပါ။ မြန်မာစာ၊ မြန်မာစကားဖြစ်ပါသည်။ စာရွီးသောအခါ (မေးမြန်းသည်၊ သတင်းမေးသည်) ဟု ရွီးနီကတ်ပြီ မြန်မာစာကို ရခိုင်စာဟု အသျှင်ခံနီကတ်သည်များမှာ ရခိုင်သား၏၀မ်းတွင်းပါ ကာလနာဖြစ်ပါသည်။

နောက် အပိုဒ် (၃) (၄) (၅) စသည်ဖြင့် ကျန်အပိုဒ်များ၌ ကျန်ဟိနီသော မြန်မာမှုပြုမရသောကာရံများကို တခုချင်း တပိုဒ်ချင်းဖော်ပြလားပါမည်။

ကိုးကားချက်အပြည့်အစုံ
------------------------------
(၂) တောင်ကျွန်းမယေဒီပါ၊ မဟီချာမှာ၊ စီကာလှပ၊ မြရိပ်မြိုင်နှင့်၊ တောင်စဉ်ဝိုင်းကေ၊ တိုင်းရက္ခတွင်၊ စန္ဒသုဓမ္မ၊ မည်တွင်ခေါ်၍၊ ဘွဲ့တော်ရကေ၊ မင်းလှဘုန်းကြွယ်၊ နတ်မြို့ဟန်သို့၊ အလွန်ထူးကေ၊ မြောက်ဦးပြည်တွင်၊ ဂုဏ်ရည်မညှိုး၊ လက်ရုံးထောင်ကေ၊ အခေါင်မိုးလို့၊ စိုးသည့်အခါ၊ များစည်းစိမ်နှင့်၊ ပြည့်ညီလတ်ကေ၊ ဘောင်းဒွတ်ရွာက၊ သညာနာမ၊ ပန်းဖြူအောင်နှင့်၊ မောင်ထွန်းမြဟု၊ လှပတင့်တယ်၊ သက်နှစ်ဆယ်ကေ၊ အရွယ်တူမြောက်၊ လုလင်ပျိုလေ၊ ထိုနှစ်ယောက်မှာ၊ ဘုန်းတောက်ပေါ်ထင်၊ မုနိသျှင်ကို၊ ဖူးမြင်လိုလှ၊ တိုင်ပင်ခံကေ၊ အကြံမျှလို့၊ မိဘအထံ၊ လားချင်လိုသည်၊ ထိုအကြောင်းကို၊ ခွင့်တောင်းပန်၍၊ လျှင်မြန်ဆွဆွ၊ ဝတ်စားယင်၍၊ ဆင်ပြီးမှလျှင်၊ မိုးထမှုံရီ၊ နှင်းဝီဝီနှင့်၊ စုံလီဖြူးဖြူး၊ တကျော်ကျော်နှင့်၊ ငှက်တော်ကျူးကေ၊ ရက်ဦးမင်္ဂလာ၊ ချိန်အခါတွင်၊ နှစ်ဖြာတူကွ၊ မိမာတာနှင့်၊ ပီတာဖကို၊ ဦးချပြီးသော်၊ ဓညမည်ကေ၊ မြို့ဒေသကို၊ မှန်းဆမျှော်လို့၊ ပျော်ပျော်ပါးပါး၊ ရွှီဇင်္ခါလေ၊ မဂ္ဂါလမ်းကို၊ လှမ်းလို့လားသော်၊ များပြားလှစွာ၊ ကျေးလက်ရွာကို၊ လွန်ကာကျော်မြောက်၊ ရိပ်မြိုင်မြိုင်နှင့်၊ ဂနိုင်တန်းမှာ၊ စခန်းထောက်လို့၊ ရှိနောက်ဘယ်ညာ၊ ကြည့်သောခါတွင်၊ စီကာညွတ်ပျောင်း၊ များစုံလင်ကေ၊ သစ်ပင်ပေါင်းမှာ၊ ရွက်ဟောင်းလည်းကြွီ၊ ညွန့်ရိုးတံမှာ၊ ပတ်ရံစုကေ၊ ရွက်နုဝီလို့၊ အနီအဝါ၊ ပန်းများစွာလည်း၊ မုံကာပွင့်ဖူး၊ သင်းပျံ့ကြိုင်ကေ၊ ဂနိုင်ဦးမှာ၊ ပျော်မြူးဝဲပျံ၊ ကျီးငှက်သံဖြင့်၊ ညိုးညံချိုမြ၊ တောဂနိုင်လေ၊ မြိုင်အလှကို၊ ဝဝရှုကာ၊ တတောဝင်ကေ၊ တပြင်သန်းလို့၊ လှမ်းလတ်ပါသော်၊ သာယာလှပ၊ ဇီးချောင်းရွာလေ၊ ရပ်ဂါမကို၊ ရောက်ကြတုံလျှက်၊ မြပြိုင်ညောင်နှင့်၊ ကံဘောင်ထက်မှာ၊ တန့်လျှက်တူညီ၊ ထိုင်လို့နီကေ၊ ထိုသည်အခါ၊ သာမောစည်၍၊ ပျော်ဘွယ်ကောင်းကေ၊ ဇီးချောင်းရွာက၊ ကလျာရူပ၊ သိန်းကျော့ဝေနှင့်၊ မငွေလှရို့၊ လျှင်ဆွမကြာ၊ ရီကန်သာကို၊ လှမ်းလာဆတ်ဆတ်၊ ညချမ်းနီမှာ၊ သောက်ရီခပ်၍၊ တက်လတ်ကာလ၊ ပန်းဖြူအောင်လေ၊ ပျိုမောင်ထွားမှာ၊ စကားစလို့၊ မြွက်ဟခြင်းရာ၊ မောင်ရို့မှာကေ၊ ပြည်ရွာညွန့်ဖူး၊ ထီးနန်းဆောင်ဖြင့်၊ ထွန်းပြောင်တောက်ကေ၊ မြို့မြောက်ဦးက၊ သုံးလူ့ထိပ်ပန်၊ ကိုယ်စားမွန်ကို၊ ဖူးရန်စိတ်ဟိ၊ ဒေရပ်ရွာကို၊ ရောက်လာဘိလည်း၊ အသိမိတ်ဆွေ၊ မဟိပေကေ၊ နှမအိမ်မှာ၊ တညည့်တာကို၊ တည်းပါစီရန်၊ လှတင့်တယ်လေ၊ ပျိုမေနှောင်းကို၊ မောင်တောင်းပန်ဟု၊ ဆိုပြန်တုံငြား၊ သိန်းကျော့ဝေလေ၊ ပျိုမေကြားက၊ စကားသာယာ၊ မောင်လူပျိုကို၊ နှုတ်ချိုပျားနှင့်၊ ပြောကြားရာကား၊ မဟာမုနိ၊ မြတ်ဘုန်းမိုကို၊ ဖူးလိုဘိ၍၊ ခရီးထွက်ခါ၊ မေရို့ရွာသို့၊ ရောက်လာတုံရ၊ သိမိတ်ဆွေလေ၊ ကေတန္ဒိလျှင်၊ မဟိကြသော်၊ ချမ်းမြရိပ်ငြိမ်၊ မေရို့အိမ်မှာ၊ တည်းမှီဖို့ရာ၊ ယခုပင်လျှင်၊ မှန်စင်စစ်ကေ၊ လိုက်လတ်ပါဟု၊ ခေါ်ကာသူထ၊ တူမကွာဘဲ၊ လိုက်လာကြသော်၊ မွီးဖမိခင်၊ ဝီးကပင်လျှင်၊ ရှုမြင်တုံငြား၊ သားပမာကေ၊ မိတ္တာပွား၍၊ သနားတုံပြီး၊ ကြောင်းထိုထိုကို၊ သိလိုခြင်းနှင့်၊ သတင်းမီးလို့၊ သိပြီးတုံမြောက်၊ ရွယ်နုပျိုကေ၊ ထိုနှစ်ယောက်အား၊ စားသောက်စရာ၊ ဟင်းမိစ္ဆာနှင့်၊ ညစာထမင်း၊ မေလျှင်နီကေ၊ အိမ်အတွင်းမှာ၊ တည်ခင်းပြီးသော်၊ ရှိပြုပ္ပါလေ၊ ဥဒေစွန်းက၊ လဝန်းပေါ်ရေ။


(၃)

“ကျွန်းဦးမြီမှာ၊ သပြီခလို့၊ ရောင်မြဝီဝီ၊ အောင်ခြင်းညံ၍၊ အောင်သံကျူးလို့၊ ဇမ္ဗူဒီမှာ၊ သညီဝေါဟာ၊ ထောပနာနှင့်၊ သြဘာသောင်းသောင်း၊ သတင်းပေါ်၍၊ နင်းကျော်ဘိကေ၊ သီရိချောင်းတွင်“

(မြီ) (ပြီ) (ဝီ) (ဒီ) (ညီ) ကာရံယူထားသည်ကို တွိရပါသည်။

ဤအပိုဒ်ကို မြန်မာမှုပြုလျှင်

“ကျွန်းဦးမြေမှာ၊ သပြေခလို့၊ ရောင်မြဝေေ၀၊ အောင်ခြင်းညံ၍၊ အောင်သံကျူးလို့၊ ဇမ္ဗူဒေမှာ၊ သညေဝေါဟာ” ဆိုပြီးကေ ရပါသည်။ “သညေဝေါဟာ” ဆိုသည်မှာ ကကောင်းရယ်ဖို့ ကောင်းပါသည်

“ပထွန်းကျက်သရီ၊ လှဆန်းညီကေ၊ အိမ်ခြီများစွာ၊ လီညင်းသွန်၍၊ ပျော်ရန်ကောင်းကေ၊ ဇီးချောင်းရွာက”

(ရီ) (ညီ) (ခြီ) ကာရံယူထားသည်ကို တွိရပါသည်။

ဤအပိုဒ်ကို မြန်မာမှုပြုလျှင်

“ပထွန်းကျက်သရေ၊ လှဆန်းညေကာ၊ အိမ်ခြေများစွာ၊ လေညှင်းသွန်၍၊ ပျော်ရန်ကောင်းဘိ၊ ဇီးချောင်းရွာ“ ဟု ရပါသည်။

မြန်မာတွင်လည်း “ညီညာသည်” ဟုရာဟိပါသည်။ “ညေညာသည်“ ဟု မဟိပါ။ ထို့ကြောင့် “လှဆန်းညေ“ ဆိုသည်မှာ ရယ်စရာဟာသဖြစ်ပါသည်။

“မကြာထုတ်ချောက်၊ မောင်သက်ဝီမှာ၊ လှမ်းချီရောက်က၊ တထောက်နားကာ“

(၀ီ) (ချီ) ကာရံယူထားသည်ကို တွိရပါသည်။

ဤအပိုဒ်ကို မြန်မာမှုပြုလျှင်

“မကြာထုတ်ချောက်၊ မောင်သက်ဝေမှာ၊ လှမ်းချေရောက်က၊ တထောက်နားကာ“ ဟု ရပါသည်။ မြန်မာတွင်လည်း “လှမ်းချီသည်” ”ချီတက်သည်“ စသည်ဖြင့်ရာ ဟိပါသည်။ “လှမ်းချေသည်“ ဟူ၍ မဟိပါ။

“သိချင်လို၍၊ ရှိကိုလားသော်၊ ထူးခြားသာလွန်၊ ဥယျာဉ်ခြံနှင့်၊ သီးနှံမျိုးမျိုး၊ တူးဆွလှန်ကေ၊ ပေါက်ထွန်တိုးလို့”

(သိ) နှင့် (ရှိ) ကို ကာရံယူထားပါသည်။ မြန်မာမှုပြုမည်ဆိုလျှင်

“သေ့ချင်လို၍၊ ရှေ့ကိုသွားသော်၊ ထူးခြားသာလွန်၊ ဥယျာဉ်ခြံနှင့်၊ သီးနှံမျိုးမျိုး၊ တူးဆွလှန်ကေ၊ ပေါက်ထွန်တိုးလို့” ဟု ရပါသည်။ မြန်မာစာတွင်လည်း “သေ့သည်” ဟူ၍ မဟိပါ။ “သိသည်” ဟူ၍ရာ ဟိပါသည်။

တချို့အပိုဒ်တွင် “ကျက်သရီ” တချို့အပိုဒ်တွင် “ကျက်သရေ“ စသည်ဖြင့် ၀ိဝါဒကွဲလွဲချက်များဟိသည်။ “ကျက်သရီ“ လား “ကြက်သရေ“ လား “ကျက်သရေ“ လားဆိုသည်ကို သုတေသနပြုရန်လိုအပ်သည်။

အများနားလည်အောင် မြန်မာများလည်းဖတ်လို့ရအောင် အကြောင်းပြချက်ဖြင့် ရခိုင်စာကို မြန်မာမှုပြုချင်ပါရေလား။ ဂေါင်းအီးအီးထား စဉ်းစားသင့်သည်။ ဆီဆွတ်ဝါဒဖြင့် ရခိုင်စာပီကို မဖျက်ဆီးသင့်ပါ။ မြန်မာစာကို မြန်မာများက မြန်မာအတိုင်းရွီး၍ ရခိုင်များနားလည်းနိုင်လျှင် ပဇာအတွက်ကြောင့် ရခိုင်စာကို ရခိုင်အတိုင်းရွီး၍ မြန်မာများက နားမလည်နိုင်ဖြစ်ရပါမည်နည်း။

ကိုးကားချက်အပြည့်အစုံ
-------------------------------

(၃) လဝန်းပေါ်ကေ၊ ထိုရော်ကာလ၊ သိန်းကျော့ဝေနှင့်၊ မငွေလှရို့၊ တူကွမကွာ၊ ဆီးကွမ်းယာကို၊ လှမ်းကာပြီးမြောက်၊ မောင်လူပျိုလေ၊ ထိုနှစ်ယောက်မှာ၊ စားသောက်ပြီးကေ၊ ကြောင်းများဖျင်ကို၊ သိချင်ရီးနှင့်၊ မီးလတ်တေကား၊ ရွှီပြည်အောင်နန်း၊ ကြငှန်းထူကေ၊ ထီးဖြူရွန်းလို့၊ မင်းခဏ်းတန်တန်၊ စည်တော်သံဖြင့်၊ ဆူညံဟိလတ်၊ ဓညခေါ်ကေ၊ မြို့တော်မြတ်ကို၊ ရံပတ်ဝိုင်းကာ၊ နိဂုဏ်းရွာ၏၊ သညာနာမ၊ တွင်ခေါ်ပုံလျှင်၊ ဟူသမျှကို၊ နှမကညာ၊ သိတုံပြန်သော်၊ မကျန်ရယောင်၊ ပြောပြပါဟု၊ ထိုခါကာလ၊ သိန်းကျော့ဝေကေ၊ မေအလှက၊ မောင်လှတင့်တယ်၊ မေပြောဆိုကေ၊ ထိုစကားကို၊ ထောင်နားတည်ပါ၊ ပြန့်ကျယ်စွာလှ၊ ကျွန်းဦးမြီမှာ၊ သပြီခလို့၊ ရောင်မြဝီဝီ၊ အောင်ခြင်းညံ၍၊ အောင်သံကျူးလို့၊ ဇမ္ဗူဒီမှာ၊ သညီဝေါဟာ၊ ထောပနာနှင့်၊ သြဘာသောင်းသောင်း၊ သတင်းပေါ်၍၊ နင်းကျော်ဘိကေ၊ သီရိချောင်းတွင်၊ မင်းကောင်းကြိမ်ဖန်၊ ဗဟိုညံ၍၊ စည်သံရိုက်ဟီး၊ ရွှီနန်းဆောင်ဖြင့်၊ ပြောင်ပြောင်ညီးကေ၊ မြိုကြီးဓညာ၊ အောင်ချာချက်မှာ၊ ဒိသာနောက်ယွန်း၊ ကျီးငှက်သံဖြင့်၊ ညိုးညံညောင်းကေ၊ ဇီးချောင်းကမ်းတွင်၊ ပထွန်းကျက်သရီ၊ လှဆန်းညီကေ၊ အိမ်ခြီများစွာ၊ လီညင်းသွန်၍၊ ပျော်ရန်ကောင်းကေ၊ ဇီးချောင်းရွာက၊ မကွာဝီးမြောက်၊ သံကျော်ကျော်ဖြင့်၊ တခေါ်လောက်တွင်၊ ရှိနောက်တည့်ခါ၊ သီရိမာ၏၊ ဒိသာနောက်ကမ်း၊ နတ်ရို့ရွာနှင့်၊ ပမာညွှန်းကေ၊ ကြောင်းလမ်းဇင်္ခါ၊ ဘယ်နှင့်ညာမှာ၊ သွယ်ကာစီတန်း၊ အဝေယာလေ၊ နော်ဇာပန်းကေ၊ ဒန်းထပ်တရာ၊ ဇီသဝါရို့၊ အခါမလပ်၊ ပွင့်ဟောင်းလွန်၍၊ မုံဟန်ရင့်ကေ၊ ပွင့်သစ်ထပ်လို့၊ ခိုင်ညွတ်ဖြူဝါ၊ ပန်းနံ့ကြိုင်၍၊ ရိပ်မြိုင်ကောင်းကေ၊ ပုန်းချောင်းရွာကို၊ မကြာထုတ်ချောက်၊ မောင်သက်ဝီမှာ၊ လှမ်းချီရောက်က၊ တထောက်နားကာ၊ ထိုသည့်ရွာမှ၊ အရာတဖန်၊ နောက်ရပ်ထံသို့၊ ခေါ်သံတကြား၊ သိချင်လို၍၊ ရှိကိုလားသော်၊ ထူးခြားသာလွန်၊ ဥယျာဉ်ခြံနှင့်၊ သီးနှံမျိုးမျိုး၊ တူးဆွလှန်ကေ၊ ပေါက်ထွန်တိုးလို့၊ စိုက်ပျိုးကြအင်၊ ပွင့်ဖူးဆင်၍၊ အောင်မြင်ဖြစ်ထွန်း၊ ကွင်းပြင်ကျယ်မှာ၊ မြထည်ရွှန်းသို့၊ စိမ်းလမ်းစိုပြေ၊ ကျက်သရေနှင့်၊ တင့်ပေတုံလတ်၊ လုပ်တိုင်းအောင်ကေ၊ ဒေါင်းဒေါင်ရပ်ကို၊ မချွတ်မသွေ၊ မပန်းခင်ပင်၊ မြင်ကာတွိကေ၊ ရောက်လိမ့်မည်လေး။
---------------------------------------------------------------------------------------------

(၄)

”လှည့်ကာပတ်ဝန်း၊ ကြည့်ပြီးကေလျှင်၊ ရွာလယ်လမ်းက၊ ဖြောင့်တန်းမှန်စွာ၊ တောင်ဒိသာသို့၊ လှမ်းလာပြန်က၊ ဥဿပကေ၊ နွားလှနှစ်ထွန်၊ ခရီးစွန်တွင်၊ ဝင်းခြံပြိုင်းပြိုင်း၊ တဆိုင်းဆိုင်းနှင့်၊ တံတိုင်းပမာ၊ ရံဝိုင်းကာ၍၊ များစွာအိမ်ခြီ၊ ပြည့်ဝှန်းစီကေ၊ ဆန်ရီစပါး၊ ဝတ်အထည်ကေ၊ ရွှီငွေများနှင့်“

ဤအပိုဒ်တွင်

“များစွာအိမ်ခြီ၊ ပြည့်ဝှန်းစီကေ၊ ဆန်ရီစပါး“ (ခြီ) (စီ) (ရီ) ကို ကာရံယူထားသည်ကို တွိရပါသည်။

၎င်းအပိုဒ်ကို မြန်မာမှုပြုလျှင်

“များစွာအိမ်ခြေ၊ ပြည့်ဝှန်းစေကာ၊ ဆန်ရေစပါး” ဟု ရပါသည်။

မြန်မာတွင်လည်း (စီသည်။ စီတန်းသည်။ တန်းစီသည်) ဟူ၍ရာ ဟိပါသည်။ (စေတန်းသည်။ တန်းစေသည်) ဟုမဟိပါ။ ထို့ကြောင့် (ပြည့်ဝှန်းစေသည်) ဆိုသည်မှာ လုံးဝအဓိပ္ပါယ်မဟိပါ။ ထို့ကြောင့် ဤကာရံသည်လည်း မြန်မာမှုပြုမရသော ရခိုင်ကာရံစစ်စစ်ဖြစ်ပါသည်။ (အိမ်ခြီ၊ ဆန်ရီစပါး) ဆိုသည်မှာ ရခိုင်စကား၊ ရခိုင်စာ၊ ရခိုင်ဝေါဟာရစစ်စစ်ဖြစ်ပါသည်။ (ဆန်ရေစပါး) ဟု ရွီးပြီး မြန်မာစာကို ရခိုင်စာဟု အသျှင်မခံသင်ပေ။

ကိုးကားချက်အပြည့်အစုံ
-------------------------------
(၄) ရောက်လတ်ပြန်ကေ၊ ပျော်ရန်ကောင်းခြင်း၊ လောကဓံမှာ၊ ပြိုင်စံကင်းအောင်၊ သန့်ယှင်းသာယာ၊ ဒေါင်းဒေါင်ရွာကို၊ လှည့်ကာပတ်ဝန်း၊ ကြည့်ပြီးကေလျှင်၊ ရွာလယ်လမ်းက၊ ဖြောင့်တန်းမှန်စွာ၊ တောင်ဒိသာသို့၊ လှမ်းလာပြန်က၊ ဥဿပကေ၊ နွားလှနှစ်ထွန်၊ ခရီးစွန်တွင်၊ ဝင်းခြံပြိုင်းပြိုင်း၊ တဆိုင်းဆိုင်းနှင့်၊ တံတိုင်းပမာ၊ ရံဝိုင်းကာ၍၊ များစွာအိမ်ခြီ၊ ပြည့်ဝှန်းစီကေ၊ ဆန်ရီစပါး၊ ဝတ်အထည်ကေ၊ ရွှီငွေများနှင့်၊ ကျော်ကြားလူ့ခွင်၊ လွန်စည်ပင်၍၊ လိုအင်ပြည့်ငြား၊ ကြီးငယ်ဟူကေ၊ လူအများမှာ၊ ရိုးသားဖြောင့်မှန်၊ လုပ်အကြံကို၊ အားသွန်ကြိုးပန်း၊ လုံလသန်၍၊ ဇွဲမာန်ကြွကေ၊ မယော့တန်းဖြင့်၊ လုပ်ငန်းဆောင်တာ၊ အရာရာတွင်၊ ညီညာစည်းလုံး၊ ကိုယ်ချင်းစာကေ၊ သမ္မာထုံးကို၊ နှလုံးပိုက်ခါ၊ မကောင်းရာကို၊ ပယ်ခါစွန့်ထား၊ ကောင်းစီရန်လေ၊ ညွှန်စကားကို၊ နားထောင်နာယူ၊ တယောက်လူတွင်၊ အပူရောက်က၊ တရွာသူမှာ၊ ဝိုင်းကူကြလို့၊ ဖေးမကယ်တင်၊ လူတိုင်းပင်လျှင်၊ ကြည်လင်နှလုံး၊ ရှိအဟော်က၊ သူတော်ထုံးကြောင့်၊ ရွာလုံးစုံစွာ၊ ရတနာဖြင့်၊ ချမ်းသာကြွယ်ဝ၊ သာသနာမှာ၊ ရောင်ဝါပလို့၊ ဖက်မျှမမြင်၊ ဖော်သဟာရို့၊ ပျော်ရာကောင်းကေ၊ အဒေါင်းပြင်ဟု၊ သောင်းခွင်ကျော်ညာ၊ ထိုသည်ရွာကို၊ ရောက်ပါလတ်သော်၊ ကုန်းထိပ်ပေါ်တွင်၊ ရောင်တော်ထိန်လျှပ်၊ မွေသရီလေ၊ စေတီမြတ်သို့၊ ချည်းကပ်ပြီးလျှင်၊ လက်နှစ်ပြင်ကို၊ ထိပ်တွင်ချီမိုး၊ ခါသုံးကြိမ်ဖြင့်၊ ဦးနှိမ်ကျိုးလို့၊ ရှိခိုးပြီးခါ၊ ရပ်ပြုပ္ပါသို့၊ ဖြောင့်စွာတန်းတန်း၊ ဝါးပြန်တာဖြင့်၊ သျှစ်ရာခန်းကို၊ ချီလှမ်းတုံပြန်၊ စည်မောင်းညံ၍၊ ပျော်သံမတိတ်၊ လူ့ရပ်ဘုံမှာ၊ ဂုဏ်တံဆိပ်နှင့်၊ ပုဏ္ဏရိပ်ရွာမ၊ ခေါ်တွင်ပေကေ၊ ရပ်ဒေသကို၊ ရောက်ပါလိမ့်မည်၊ ရှိမြောက်ယံကို၊ တဖန်ထပ်လို့၊ ရှုလတ်ချေသော်၊ မသွေခြားကွာ၊ တာငါးရာတွင်၊ လွန်စွာစည်ကား၊ ရောင်းအဝယ်ဖြင့်၊ ကုန်သည်များရို့၊ ကမ်းပါးတခွင်၊ လောင်းစပ်တင်နှင့်၊ လွမ်းကြင်ထောင်ပေါင်း၊ နားခိုပြန်ကေ၊ ကုန်ဝယ်ရောင်းလို့၊ သောင်းသောင်းလည်းဆူ၊ များသျှင်လူရို့၊ ဝယ်သူမပြတ်၊ မြစ်ကမ်းပြင်မှာ၊ ထွက်ဝင်ငြားကေ၊ ပျားပန်းခပ်သို့၊ လှည့်ပတ်လူးလာ၊ ဤရပ်ရွာကား၊ သာယာတင့်တယ်၊ ရခိုင်ပြည်မှာ၊ ကျော်သည်ဂုဏ်ဟိတ်၊ လိုရာစုံကေ၊ ပုံဏ္ဏရိပ်ဟု၊ တံဆိပ်နာမည်၊ တပ်ဝင်းခြံနှင့်၊ ပတ်ရံလစ်ကေ၊ ရွာသစ်တည်ဟု၊ နုမေပျိုလှ၊ သိချင်လိုကေ၊ လူပျိုချောကို၊ ပြောလို့ပြရေ။



(၅)
“များလှလူသျှင်၊ စေတီပြင်ဟု၊ ခေါ်တွင်မညီး၊ ဓညမည်ကေ၊ ပြည်တော်ဝှမ်းမှာ၊ ပန်းသို့မွှီးလို့၊ ရပ်ကြီးသာယာ၊ ဤသည်ရွာလည်း၊ ဓညာနိဂုဏ်း၊ ပတ်ဝိုင်းကျင်ကေ၊ ဆင်ခြီဖုန်းဟု၊ ရွှီဘုန်းသက်ဝီ၊ မြဲမကွာဘဲ၊ စွဲကာထားကေ၊ မှတ်သားလီလေး”

ဤအပိုဒ်တွင်လည်း

“ခေါ်တွင်မညီး၊ ဓညမည်ကေ၊ ပြည်တော်ဝှမ်းမှာ၊ ပန်းသို့ မွှီးလို့၊ ရပ်ကြီးသာယာ”

(ညီး၊ မွှီး၊ ကြီး) ကာရံယူထားသည်ကို တွိရပါသည်။

၎င်းကို မြန်မာမှုပြုမည်ဆိုပါက

“ခေါ်တွင်မညေး၊ ဓညမည်ကေ၊ ပြည်တော်ဝှမ်းမှာ၊ ပန်းသို့မွှေးလို့၊ ရပ်ကြေးသာယာ” ဟု ရပါသည်။

(ရပ်ကြေးသာယာ) ဟူသောစကားမှာ ဟာသဖြစ်ပါသည်။ မြန်မာစာတွင်လည်း (ကြီးသည်၊ ငယ်သည်) ဟုရာဟိပါသည်။ (ကြေးသည်၊ ငယ်သည်) ဟုမဟိပါ။

ထို့ကြောင့် ဤကာရံမှာ မြန်မာမှုပြုမရသော ရခိုင်ကာရံများဖြစ်ပါသည်။ ဤကာရံကိုထောက်၍ (ညီး၊ မွှီး၊ ကြီး) ကို ကာရံယူထားသဖြင့် ( မွှီး ) ဆိုသည်မှာ ရခိုင်စကား၊ ရခိုင်စာ၊ ရခိုင်ဝေါဟာရဖြစ်ပါသည်။

(မွေှ့း) ဟုရွီးပြီး မြန်မာစာကို ရခိုင်စာဟု အသျှင်မခံသင့်ပေ။


ကိုးကားချက်အပြည့်အစုံ
-------------------------------
(၅) ပြောလို့ပြကေ၊ ထိုမှတဖန်၊ တောင်ရပ်ထံသို့၊ ဝါးပြန်ခြောက်ရာ၊ လှမ်းသောခါတွင်၊ ငါးရာအိမ်ခြီ၊ ရိပ်ဝီဝီနှင့်၊ နီလည်းမထိုး၊ ပန်းသစ်ပင်ရို့၊ ရွာတွင်မိုးလို့၊ ကျော်ဟိုးလူခွင်၊ ရတနာနှင့်၊ ဥစ္စာပေါကေ၊ ပန်းတောပြင်ကို၊ အလျှင်အမြန်၊ ရောက်လတ်ပြန်သော်၊ တဖန်ထိုမှ၊ ဒက္ခိဏသို့၊ မျှော်ကာလှည့်လျှင်၊ ကြည့်လတ်ကကေ၊ မြမြမို့မို့၊ စိမ်းစို့စို့နှင့်၊ မှိုင်းညို့မှုံပြာ၊ ရွာတရွာကို၊ မြင်ပါလိမ့်မည်၊ ထိုသည်ရွာ၏၊ မည်နာမကို၊ သိရပေအောင်၊ နှမပြောကြား၊ မှတ်သားရန်ကေ၊ ညွှန်စကားကို၊ ထောင်နားလည်းနာ၊ ဤသည်ရွာတွင်၊ ရှည်ကြာမြင့်လစ်၊ စည်ပင်ရွာကေ၊ ဝေသာခေတ်က၊ ပြေပြစ်လှစွာ၊ ပိသုကာရို့၊ ကောင်းစွာထုလုပ်၊ လက်ရာမွန်၍၊ လွန်ချောညက်ကေ၊ ကျားနက်ရုပ်ကို၊ ရွက်အုပ်ညိုမှောင်၊ မြပြိုင်ညောင်နှင့်၊ ကံဘောင်ထက်မှာ၊ ဝပ်လျှက်အမှန်၊ လွဲမဖယ်ဘဲ၊ မြဲတည်ဘိကေ၊ ဟိခြင်းဟန်ကြောင့်၊ ရီကန်ကျားနက်၊ ပေါင်းစပ်ပြန်၍၊ နံနှစ်ချက်ကို၊ တွဲဖက်ပြီးခါ၊ ယင်းရပ်ရွာကို၊ သညာနာမ၊ ကျားနက်ကန်လေ၊ တွင်ပြန်ရဟု၊ မောင်လှကောင်းစွာ၊ မှတ်ပြီးခါဝယ်၊ ပြုပ္ပါစူးစူး၊ လှိုင်းကြက်ခုန်ကေ၊ ယမုန်မြစ်ကို၊ စစ်စစ်ကူးလျှင်၊ ကြည်နူးစမ္ပါယ်၊ လွန်သပ္ပါယ်၍၊ တင့်တယ်ယောက်ပတ်၊ ခြောက်ရောင်ညီးကေ၊ စေတီမြတ်ကို၊ မြင်လတ်လိမ့်မည်၊ သမိုင်းမှန်နှင့်၊ တည်ဟန်များကို၊ ပြောကြားမည်ကား၊ လွန်သည်ရှိက၊ လောင်းကြက်မည်ကေ၊ ရွှီပြည်မတွင်၊ ဗလပညာ၊ ဘုန်းအာဏာနှင့်၊ ရာဇာမင်းထီး၊ နန်းရိပ်ခိုကေ၊ ထိုမင်းကြီးမှာ၊ သတ္တိပြည့်စုံ၊ ရဲစွမ်းဂုဏ်နှင့်၊ ကိုယ်ယုံမတ်လှ၊ အရာရာတွင်၊ လိမ္မာသိကေ၊ ဝိမလလျှင်၊ မိစ္ဆဌာနေ၊ သက်တိုင်းပြည်က၊ ပြန်သည်ကာလ၊ စေတီရာတွင်၊ ဗိုလ်တာဝန်းကေ၊ စခန်းချလို့၊ ခတ္တဒီဝါ၊ နားပြီးခါလျှင်၊ အောင်ချာကနက်၊ ရွှီနန်းဘုံဖြင့်၊ ဂုဏ်မချို့ကေ၊ မြို့လောင်းကြက်သို့၊ ချီတက်ပြီးခါ၊ များမကြာပင်၊ ပြန်လာတုံလတ်၊ အုတ်ချပ်စီကေ၊ စေတီမြတ်ကို၊ ယောက်ပတ်တင့်တယ်၊ တည်ထားပေ၍၊ မြင့်ရှည်လွန်ညောင်း၊ အလီလီကေ၊ ရာသီပြောင်းလို့၊ နှစ်ပေါင်းများစွာ၊ ကြာသောခါတွင်၊ သေနာပဓိ၊ ရဲစွန်းဂုဏ်ဖြင့်၊ ပြည့်စုံလတ်ကေ၊ မတ်ကဝိနှင့်၊ မင်းထီးဘုရင်၊ နတ်နန်းဝင်သော်၊ တဆယ်ကျော်၍၊ စွန်းပေါ်ခုနစ်၊ မင်းစောမွန်လျှင်၊ နန်းစံခေတ်တွင်၊ သက္ကရာဇ်ကောဇာ၊ ခုနစ်ရာနှင့်၊ စွန်းလာခြောက်ဆယ်၊ သျှစ်ခုဝယ်တွင် နှိပ်စက်များစွာ၊ သို့တွက်တာကြောင့်၊ ပြည်ရွာပျက်စီး၊ (-----)၊ အိုးအိမ်ခွာ၍၊ ထွက်ခွါပြီးသော်၊ ပြည်ကြီးမဏ္ဍိုင်၊ ရွှီရခိုင်မှာ၊ အိမ်တိုင်နွယ်ရစ်၊ မြက်သစ်အုံ၍၊ ရှက်ခြုံနှောကေ၊ လယ်တောဖြစ်လို့၊ အနှစ်နှစ်ဆယ်၊ ကာလရှည်အောင်၊ ကြာပေသောခါ၊ မစ္ဆိမာက၊ ရာဇဘုန်းသန်၊ သူရတန်လျှင်၊ ထောက်ကန်ပြီးငြား၊ သောင်းထိဝီအောင်၊ ဗိုလ်ခြီများနှင့်၊ မင်းသားစောမွန်၊ ပြည်တော်ပြန်၍၊ ရန်ကိုနှိမ်ပြီး၊ လောင်းကြက်ခေါ်ကေ၊ မြို့တော်ကြီးမှာ၊ နန်းထီးထပ်မံ၊ စိုးမိုးစံလျှင်၊ နိုင်ငံအဝှမ်း၊ ရီနှင့်ကြာကေ၊ ပမာညွှန်းသို့၊ အီးချမ်းသာယာ၊ ဟိလတ်ခါတွင်၊ ပြန်လာမစဲ၊ ကိုယ့်ရပ်နယ်လေ၊ ရွာပြည်ထဲမှာ၊ စုစည်းဝိုင်းအုံ၊ သစ်နွယ်ခြုံကို၊ အကုန်ယှင်းမြောက်၊ ညီအညာဖြင့်၊ အိမ်ယာဆောက်လို့၊ ဝမ်းမြောက်ဝမ်းသာ၊ များလူသျှင်မှာ၊ သာရွှင်ပျလို့၊ ပြန်ကြခါဝယ်၊ မည်သာလွှမ်းကျော်၊ တောင်ဦးမော်ဟု၊ တွင်ခေါ်တုံငြား၊ များပြားစွာကေ၊ ထိုရွာသားမှာ၊ ပေါက်ဖွားဇာတိ၊ မိမိရွာကို၊ စွန့်ခွာဘိ၍၊ ဘုန်းဟိထင်ပေါ်၊ စေတီတော်နှင့်၊ တခေါ်လောက်ဝယ်၊ တူမကွာဘဲ၊ စုလာလတ်ကေ၊ ရွာရပ်တည်လို့၊ အမည်နာမ၊ မြတ်စေတီကို၊ မှီသဟဲကေ၊ စွဲပြီးမှလျှင်၊ များလှလူသျှင်၊ စေတီပြင်ဟု၊ ခေါ်တွင်မညီး၊ ဓညမည်ကေ၊ ပြည်တော်ဝှမ်းမှာ၊ ပန်းသို့မွှီးလို့၊ ရပ်ကြီးသာယာ၊ ဤသည်ရွာလည်း၊ ဓညာနိဂုဏ်း၊ ပတ်ဝိုင်းကျင်ကေ၊ ဆင်ခြီဖုန်းဟု၊ ရွှီဘုန်းသက်ဝီ၊ မြဲမကွာဘဲ၊ စွဲကာထားကေ၊ မှတ်သားလီလေး။


(၆)

“မှတ်သားမယေကောင်းစွာ၊ ဤရပ်ရွာက၊ အရာတထောက်၊ ၀ါးပြန်တာဖြင့်၊ ငါးရာဟိကေ၊ အရှိမြောက်သို့”

(ဟိ) နှင့် (ရှိ) ကို ကာရံယူထားသည်ကို တွိရပါသည်။

၎င်းကိုမြန်မာမှုပြုလျှင်

“ငါးရာရှိကာ၊ အရှေ့မြောက်သို့” ဟု ရပါသည်။

(ရှိ) နှင့် (ရှေ့) ကာရံလွတ်လားပါသည်။

(ရှိ) သည် ရခိုင်စကား ရခိုင်ဝေါဟာရစစ်စစ်ဖြစ်ပါသည်။ အသံထွက်သောအခါ (Rhi) ဟု အသံထွက်ပါသည်။ မြန်မာပိုင်ယှောင် (shi) ဟု အသံမထွက်ပါ။

စာရွီးသောအခါ (အရှိဖက်၊ အရှိအနောက်) စသည်ဖြင့် ရွီးရပါမည်။ (အရှေ့ဖက်၊ အရှေ့အနောက်) ဟု ရွီးပြီး မြန်မာစာကို ရခိုင်စာဟုအသျှင်ခံပါက သင့်ကိုလူအများ ရယ်ခြင်းပြုပါလိမ့်မည်။

(ရှိ) သည်မြန်မာကဲ့သို့ ပိုင်ဆိုင်သည်ဟုအဓိပ္ပါယ်မရဘဲ (East) အရှိအရပ်ဟုအဓိပ္ပါယ်ရပါသည်။


ကိုးကားချက်အပြည့်အစုံ
-------------------------------
(၆) မှတ်သားမယေကောင်းစွာ၊ ဤရပ်ရွာက၊ အရာတထောက်၊ ၀ါးပြန်တာဖြင့်၊ ငါးရာဟိကေ၊ အရှိမြောက်သို့၊ အရောက်တခါ၊ ကြိုးအားဆောင်၍၊ ချစ်မောင်မြတ်မှာ၊ လှမ်းလတ်ပါသော်၊ သာယာသန့်ယှင်း၊ ပန်းနံ့လှိုင်၍၊ မွှီးကြိုင်သင်းလို့၊ ခပင်းလူသျှင်၊ အိမ်တိုင်းတွင်ဝယ်၊ ခြည်ငင်ဗိုင်းဝင့်၊ တန်းခါလှည်ကေ၊ အထည်ဆန်းအောင်၊ ရက္ကန်းရက်လို့၊ အသက်မွီးရာ၊ ယဉ်သယ်ရွာကို၊ မကြာခဏ၊ ရောက်ပြန်သော်လျှင်၊ မောင်တော်လှမှာ၊ မြင်ရလိမ့်မည်၊ ယိုင်သယ်ရွာက၊ တခါထပ်လို့၊ ကြည့်လတ်ခီသော်၊ ဌာနီဒိသ၊ ဥတ္တရတွင်၊ နွားလှတထွန်၊ မြစ်ကမ်းယံတွင်၊ လီသွန်ချိုမြ၊ ရိပ်ဝီ၀ီနှင့်၊ နီမခဘဲ၊ လှပသာယာ၊ ရွာတရွာကို၊ မြင်ပါလိမ့်မည်၊ သိစီရန်လျှင်၊ မှန်သမျှကို၊ ပြောပြမည်ကား၊ ရှိဝယ်အစ၊ ဤဂါမ၏၊ မူလသညာ၊ များလူသျှင်ရို့၊ ခေါ်တွင်လတ်ကေ၊ ဂေါက်ပတ်ရွာတည်း၊ အရာတဖန်၊ ဤသည်ရွာကို၊ သညာထပ်လို့၊ ခေါ်လတ်ဟန်ကား၊ ဘုန်းကံကြီးလှ၊ လက်ရုံးရောင်ဖြင့်၊ ပြောင်ပြောင်ပကေ၊ ဒဿရာဇာ၊ မင်းမြတ်စွာလျှင်၊ အာဏာဖြန့်မိုး၊ တိုင်းရက္ခာကို၊ အုပ်ကာစိုးသော်၊ ဖီးဖိုးစဉ်လာ၊ ကိုးကွယ်ပါခ၊ မဟာမုနိ၊ ခြောက်ရောင်ညီးကေ၊ မြတ်သီရိကို၊ ခရီးဝီးကွာ၊ မြစ်သိင်္ဂါ၌၊ သညာကျော်ဟိုး၊ သေလာတောင်လေ၊ မြင့်ခေါင်ထက်ကေ၊ ၀က်သတိုးက၊ ရှိခိုးပန်ထွာ၊ ပင့်ဆောင်လာ၍၊ စန္ဒသူရိယ၊ မင်းရာဇိန်နှင့်၊ မုနိန္ဒရို့၊ မူလသွန်းရာ၊ မြို့ဓညာဝယ်၊ တောင်သာပုလု၊ မြရိပ်မြိုင်လေ၊ ကတညုတွင်၊ ပြုစုထပ်မံ၊ တည်ထားပြန်၍၊ ကာရံတံတိုင်း၊ မင်းရာဇာမှာ၊ သဒ္ဓါလှိုင်း၍၊ မဆိုင်းလျှင်စွာ၊ ပြုလုပ်ခါတွင်၊ ဤရွာ၌၀ယ်၊ ကျောက်များစွာကို၊ ညီညာဖြတ်၍၊ ဆတ်လတ်တေစု၊ ထိုသည်ကစ၊ ဤဂါမကို၊ များလှသူငါ၊ နောက်တဖန်ဝယ်၊ တွင်ပြန်လတ်ကေ၊ ကျောက်ဆတ်ရွာဟု၊ သညာလွမ်းကျော်၊ ယခုတိုင်လေ၊ စဉ်အဆက်ကေ၊ မြွက်လို့ခေါ်ရေ၊ မောင်တော်မှတ်သား၊ ဤရပ်ရွာမှ၊ တခါလားသော်၊ အများမကွာ၊ မြောက်ရပ်သာတွင်၊ စဉ်လာသက်ဆင်း၊ မြို့ဓညာက၊ ရာဇာမင်းရို့၊ မယွင်းစုံညီ၊ အောင်မောင်းစီ၍၊ ရာသီမိဿ၊ စိတ္တရံလေ၊ သင်္ကြန်လမှာ၊ ထူးစွသဘင်၊ လောင်းပွဲတင်၍၊ ပျော်ရွှင်တုံကြ၊ ကျဉ်းမကျယ်ကေ၊ ချောင်းငယ်ဝတွင်၊ စိုက်ထပန်းတိုင်၊ ယှုံးအနိုင်ကို၊ ပွဲထိုင်ရှုရာ၊ ဤသည်ရွာကို၊ များစွာလူပေါင်း၊ တွင်အစဉ်ကေ၊ ပန်းတိုင်ချောင်းဟု၊ နှစ်ပေါင်းမြင့်ရှည်၊ များသူငါလျှင်၊ ဤရပ်ရွာကို၊ ခေါ်လတ်တေလေး။


(၇)
မုနိသျှင်မှာ၊ ခုလျှင်တလီ၊ စံမြန်းပျော်ကေ၊ သိမ်တော်အောက်မှ၊
ကွယ်ပျောက်ပြီဟု၊ စာပီရွီးလျှက်”

(လီ) (ပြီ) (ပီ) ကို ကာရံယူထားသည်ကိုတွိရပါသည်။

၎င်းကိုမြန်မာမှုပြုလျှင် “ခုလျှင်တလေ၊ စံမြန်းပျော်ကာ၊ သိမ်တော်အောက်မှ၊ ကွယ်ပျောက်ပြေဟု၊ စာပေရွီးလျှက်” ဟု ရပါသည်။

မြန်မာတွင်လည်း (ကွယ်ပျောက်ပြေ) ဟု မဟိပါ။ (ကွယ်ပျောက်ပြီ) ဟုရာ ဟိပါသည်။
ထို့ကြောင့် ကာရံ (လီ) (ပြီ) (ပီ) ကိုထောက်၍ (စာပီ) ဆိုမှရာ
ရခိုင်ဝေါဟာရအမှန်ဖြစ်ကြောင်း တပ်ပြအပ်ပါသည်။

ရခိုင်စာပီနှင့်ယဉ်ကျေးမှုကော်မီတီ တက္ကသိုလ်များ (ရန်ကုန်)
ရခိုင်သားကြီးစာပီ ဟူ၍ရာ ဖြစ်ရပါမည်။

ကိုးကားချက်အပြည့်အစုံ
-------------------------------
(၇) ခေါ်လတ်မယေသူငါ၊ ပန်းတိုင်ရွာက၊ တခါနှစ်ထပ်၊ တာငါးရာလျင်၊
ပြန်ကာထောက်ကေ၊ မြောက်အရပ်သို့၊ တည့်မတ်ဖြောင့်စွာ၊ မောင်သက်နှံမှာ၊
တဖန်လှည့်လို့၊ ကြည့်သောခါတွင်၊ ညိုပြာမှိုင်းမှိုင်း၊ တဆိုင်းဆိုင်းနှင့်၊
ရှုတိုင်းသာယာ၊ ရခိုင်ပြည်မှာ၊ နာမည်ကောင်းကေ၊ ညောင်ချောင်းရွာကို၊
သေချာကျန၊ မောင်ပန်းတန်မှာ၊ မှန်မုချလျှင်၊ မြင်ရလိမ့်မည်၊
ရောက်ဖူးယောင်လေ၊ မောင်သက်ထားမှာ၊ လားလို့လည်ပါ၊ ပျော်ဖွယ်စုံခြင်း၊
ကောင်းသတင်းနှင့်၊ သောင်းတွင်းကျော်ညာ၊ ဤသည်ရွာကို၊ ရှည်ကြာရှိက၊
များလူဗိုလ်ပါ၊ ခေါ်ဆိုကြကေ၊ နာမသညာ၊ လောကဓံမှာ၊ စံမညီးကေ၊ ကံကြီးရွာတည်း၊
တခါနောက်ထပ်၊ ညောင်းချောင်းရွာဟု၊ သညာတပ်လို့၊ ခေါ်လတ်ခြင်းရာ၊
သမိုင်းလာကို၊ ထုတ်ခါပြသ၊ သိလောက်ပေအောင်၊ သံခေပဖြင့်၊ အစအဆုံး၊ ရာဇ၀င်မှာ၊
စာတင်ထုံးကို၊ ရွှီဘုန်းချစ်မောင်၊ အမြဲပင်လျှင်၊ စိတ်ဝင်စား၍၊
မောင်နားထောင်လေ၊ ယခေါင်ကာလ၊ တိုင်းအောင်မြီလေ၊ ရွှီရက္ခတွင်၊ မြို့ပြအင်္ဂါ၊
စုံလင်စွာနှင့်၊ အောင်ချာကနက်၊ ထီးနန်းတည်ကေ၊ စမ္ပ၀ှက်မှာ၊ နန်းတက်စိုးစံ၊
ကုသလံလေ၊ ရှိကံလည်းထူး၊ ဘုန်းသဖောနှင့်၊ တေဇာပြင်းကေ၊ မင်းဘီလူးကို၊
ဥာဏ်ထူးစီမံ၊ (----)၊ မင်းဘယလျှင်၊ နန်းမရိပ်ခို၊ မြပေါက်ညိုနှင့်၊
နှစ်ကိုယ်တူလှ၊ ဖီးလွတ်ရာသို့၊ ပုန်းကာဝှက်လို့၊ ထွက်ပြီးကြသော်၊ တမ္ပ၀တီ၊
တွင်မည်ချီကေ၊ ဌာနီမြတ်မွန်၊ ပြည်ပုဂံကို၊ ရောက်ပြန်သည်ဖြစ်၊ ထီးနန်းစံကေ၊
မင်းကျန်စစ်သို့၊ ဦးတိုက်ခိုဝင်၊ မြင့်ကြာတင်၍၊ ဘုရင်ကျန်စစ်၊ ဇီဝိကွာ၍၊
နတ်ရွာလိုက်က၊ မြီးချစ်သဲအူ၊ အထက်ရှိက၊ ပြည်ရခိုင်ကို၊ ပိုင်ဆိုင်ခြင်းကေ၊
မင်းဘယ၏၊ ပုတ္တစီတာ၊ ရွှီဂူသာနှင့်၊ လက်ယာမင်းနန်၊ မျိုးရိုးမှန်ကို၊
မင်းမွန်ခေါင်ဖျား၊ သောင်းထိဝီအောင်၊ ဗိုလ်ခြီများကို၊ သနားပြီးခါ၊
တိုင်းရက္ခာသို့၊ မကြာမဆိုင်း၊ လောင်းမင်းနန်ကို၊ အပြန်ခိုင်း၍၊
မြို့တိုင်းပြည်ရွာ၊ ဘိုးရိပ်ရာကို၊ ပြန်ကာသိမ်းမြောက်၊ မြို့ပရိန်မှာ၊
ရောင်ထိန်လွှမ်းအောင်၊ ရွှီနန်းဆောက်လို့၊ ဘုန်းတောက်ရှိန်ဝါ၊ စိုးစဉ်ခါတွင်၊
တမ္ပါဒီပ၊ မြို့ပုဂံမှာ၊ ဘုန်းလျှံပကေ၊ ရာဇမှန်ကူ၊ ကြီးပညာနှင့်၊
တေဇာပြင်းကေ၊ မင်းစည်သူက၊ နတ်လူရိုညွတ်၊ မုနိတွင်ကေ၊ အသျှင်မြတ်ကို၊
ပီးအပ်လာရန်၊ စာသ၀ဏ်ဖြင့်၊ တောင်းခံလတ်ရာ၊ ထိုအခါတွင်၊ လက်ယာမင်းနန်၊
မယ်တော်ဝန်နှင့်၊ ကြိမ်ဖန်များလှ၊ ညီလာခွင်မှာ၊ တိုင်ပင်ကြလို့၊
ဗုဒ္ဓဆင်းလျော်၊ ရုပ်ပွားတော်ကို၊ ထင်ပေါ်ကျော်ဟိုး၊ တောင်ထိပ်ချွန်လေ၊
မြင့်ချွန်တက်ကေ၊ ၀က်သတိုး၌၊ ပုန်းလျိုးဝှက်ထွေ၊ တိတ်တိတ်ကေဖြင့်၊
ထားပေပြီးမှ၊ စာသ၀န်ကို၊ ပုဂံမြို့မှာ၊ ဆက်ပို့ကြလို့၊ ရွီးထခြင်းရာ၊
အကြောင်းမှာကား၊ ရာဇာတုလွတ်၊ ဘုန်းတေဇာဖြင့်၊ အာဏာပြင်းကေ၊
သျှင်မင်းမြတ်လေ၊ လူ့ရပ်ပေါ်ထင်၊ မုနိသျှင်က၊ ယခင်ရှိများ၊ တလိုင်းဟူကေ၊
ပြူအများနှင့်၊ စစ်သားဆိုးသွန်း၊ အသျှင့်ကျွန်ရို့၊ ပေါင်တံကြောသား၊
ဖြတ်ယူပါကေ၊ ခြင်းရာများကြောင့်၊ ခြောက်ပါးရောင်လွင်၊ မုနိသျှင်မှာ၊
ခုလျှင်တလီ၊ စံမြန်းပျော်ကေ၊ သိမ်တော်အောက်မှ၊ ကွယ်ပျောက်ပြီဟု၊
စာပီရွီးလျှက်၊ မြို့ပုဂံမှာ၊ တမန်ဆက်၍၊ လရက်နှစ်တာ၊ အချိန်ကြာသော်၊
ပက္ခဒိန်မှာ၊ ရက်ချိန်ညောင်းလို့၊ ပြောင်းလတ်ကလျှင်၊ ဒဿရာဇာ၊ နန်းတက်ခါဝယ်၊
မဟာမုနိ၊ တန်းခိုးတော်ဖြင့်၊ လွှမ်းကျော်လတ်ကေ၊ မြတ်ဗောဓိကို၊
မည်ဟိကျော်ဟိုး၊ ခါတဖန်တွင်၊ မင်းနန်ဝှက်ကေ၊ ၀က်သတိုးက၊ ရှိခိုးပန်ထွာ၊
ပင့်ဆောင်လာ၍၊ ဤရွာ၌၀ယ်၊ ရွှီပန်းမြိုင်ကေ၊ ယာဉ်ရထားကို၊ ရပ်နားပေ၍၊
ပန်းဖြေညောင်းညာ၊ တန့်နားပါ၍၊ ထိုခါကစ၊ သာမောစည်ကေ၊ ဤဒေသကို၊
ညောင်ချောင်းတွင်ရေ။
------------------------------------------------------------------------------

(၈)

“ဆီမီးပြောင်ပြောင်၊ ညှိထွန်းထောင်၍၊ အရောင်ထိန်လက်၊ လင်းအာရုံတွင်၊
သံစုံကျူးကေ၊ ဖူးဝတ်တက်လို့၊ နှုတ်မြွက်ချိုမြ၊ များသတ္တေလေ၊ ဝေနေယျကို
အမျှအညီ၊ ရကြစီဟု၊ ပီးဝီတုံပြီး၊ ခေါင်းလောင်းသံဖြင့်၊ ဆူညံဟီးလို့”

“အမျှအညီ၊ ရကြစီဟု၊ ပီးဝီတုံပြီး” (ညီ) (စီ) (၀ီ) ကို
ကာရံယူထားသည်ကိုတွိရပါသည်။

၎င်းကို မြန်မာမှုပြုလျှင် “အမျှအညေ၊ ရကြစေဟု၊
ပေးဝေတုံပြီး” ဟု ရပါသည်။

(အမျှအညေ၊ အညေအမျှ) ဟု မြန်မာတွင်လည်းမဟိပါ။
(အညီအမျှ) ရာဟိပါသည်။

(ပီးဝီသည်။ ၀ီခြမ်းသည်၊ ၀ီမျှသည်၊ ၀ီငှသည်)
စသည့်ဝေါဟာရများမှာ ရခိုင်စာဖြစ်ပါသည်။

(ဝေငှသည်၊ ပေးဝေသည်) ဆိုသည်မှာ မြန်မာစာဖြစ်ပါသည်။

(ညီ၊ စီ၊ ၀ီ) ကာရံကိုထောက်၍ ဆုတောင်းအမျှဝီရာတွင်လည်း (ကျမ္မာပါစီ၊ ချမ်းသာပါစီ၊ လုပ်တိုင်းအောင် ကြံတိုင်းမြောက်ပါစီ) ဟု စီကာရံဖြင့် ရွီးသားရမည်ဖြစ်ကြောင်း သိသာထင်ရှားသည်။

(ပုံနှိပ်ထုတ်ဝေသည်) ဟူသောစကားတွင်လည်း (၀ီခြမ်းသည်။ ၀ီမျှသည်)
(ဖြန့်ချီသည်) ဟုအဓိပ္ပါယ်သက်ရောက်သဖြင့် (ထုတ်ဝီသည်) ရာ
အမှန်ဖြစ်သည်။ (ထုတ်ဝေသည်) ဟူသည်မှာ မြန်မာစကား၊ မြန်မာစာဖြစ်သည်။ (ထုတ်ဝေသည်) ဟု ရွီးသားလျှက် မြန်မာစာကို ရခိုင်စာဟု အသျှင်မခံသင့်ပေ။

ကိုးကားချက်အပြည့်အစုံ
--------------------------------
(၈) ညောင်ချောင်းမယေရပ်ရွာ၊ ထိုနီရာက၊ တခါမျှော်ထောက်၊ ပြန်ကိုးရာလျှင်၊
တိုင်းတာဟိကေ၊ အရှိမြောက်တွင်၊ ဘုန်းတောက်ပေါ်ထင်၊ မုနိသျှင်၏၊
စံရွှင်ပျော်မှီး၊ ကုန်းထိပ်ပေါ်မှာ၊ သိမ်တော်ကြီးကို၊ ထိန်ညီးတင့်တယ်၊
ကြည်နူးဖွယ်နှင့်၊ မြင်မည်မလွဲ၊ တပြောင်ပြောင်နှင့်၊ သိမ်ဆောင်ထဲမှာ၊
အမြဲမှန်စွာ၊ စဉ်အလာဖြင့်၊ အခါမိဿ၊ စိတ္တရံကေ၊ ၀ိုင်းရံပလို့၊ မာသတန်းခူး၊
နှစ်ဟောင်းလွန်၍၊ သင်္ကြန်ကျူးသော်၊ ပျော်မြူးသာရွှင်၊ များလူသျှင်ရို့၊
ဖြူစင်ဝတ်စား၊ ပန်းနံ့သာလေ၊ ကြက်သျှာများကေ၊ ကုက္ကားတင်းခွန်၊
လက်ဆောင်မွန်နှင့်၊ လာပြန်တုံပြီး၊ မြတ်ဘုန်းမော်၏၊ သိမ်တော်ကြီးမှာ၊
ဆီမီးပြောင်ပြောင်၊ ညှိထွန်းထောင်၍၊ အရောင်ထိန်လက်၊ လင်းအာရုံတွင်၊
သံစုံကျူးကေ၊ ဖူးဝတ်တက်လို့၊ နှုတ်မြွက်ချိုမြ၊ များသတ္တေလေ၊ ဝေနေယျကို
အမျှအညီ၊ ရကြစီဟု၊ ပီးဝီတုံပြီး၊ ခေါင်းလောင်းသံဖြင့်၊ ဆူညံဟီးလို့၊
ကောင်းချီးနုမော်၊ သာဓုခေါ်၍၊ ပူဇော်ပြီးလျှင်၊ ပတ်ဝန်းကျင်မှ၊
ပျော်ရွှင်မဆုံး၊ စည်ပင်သာကေ၊ ရွာအားလုံးက၊ ရွှင်ပြုံးကြည်လင်၊
အလှူသျှင်ရို့၊ စီရင်ပြုစု၊ ပျားရည်သွန်ကေ၊ သင်္ကြန်မုံ့ကို၊ ရှိဦးအလျှင်၊
မုနိသျှင်အား၊ ဆွမ်းတင်ပြီးလတ်၊ များသံဃာကို၊ သဒ္ဓါလွှမ်းကေ၊
မုန့်ဆွမ်းကပ်လို့၊ နောက်ထပ်တသွယ်၊ ဥပုသ်သယ်နှင့်၊ ကြီးငယ်မဟူ၊
ရောက်လာသူကို၊ ပီးလှူတုံမြောက်၊ မွန်းတည့်နီကေ၊ ဆွမ်းချိန်ရောက်လျှင်၊
ဝမ်းမြောက်သာရွှင်၊ မုနိသျှင်၌၊ ဆွမ်းတင်ပြီးခါ၊ မြတ်သံဃာအား၊
ရွယ်ကာလှူဒါန်း၊ သဒ္ဓါဖြူ၍၊ ကပ်လှူကြကေ၊ မွန်းတည့်ဆွမ်းကို၊ ရဟန်းဘုန်းဟိ၊
လွန်စင်ကြယ်ကေ၊ ထေရ်မုနိရို့၊ ပဋိကုလ၊ အဟာရဟု၊ ပစ္စ၀က္ခဏာ၊ အခါခါပင်၊
တင်ကာလည်းရှု၊ ဆွမ်းဘောဇဉ်ကို၊ မတ္တညုဖြင့်၊ ဓာတ်စုလေးဖြာ၊ မျှရုံသာဖြင့်၊
ချိန်ကာချင့်ထောက်၊ ၀ိနည်းလမ်းကေ၊ ကျမ်းအထုံးနှင့်၊ သုံးပြီးနောက်တွင်၊
စားသောက်ဖွယ်ရာ၊ ဆွမ်းရသာကို၊ သျှစ်ဖြာသီလ၊ ဆောက်တည်သူကေ၊ ဟူသမျှကို၊
ကျွေးကြပြီးလျှင်၊ သိမ်တော်ပြင်မှာ၊ လူသျှင်စုရုံး၊ ထေရ်မဟာလေ၊ ဆရာဘုန်းထံ၊
လက်ဦးဆယ်စုံ၊ ထိပ်ထက်ရုံ၍၊ ရွှီဘုံအမတ်၊ ပြည်နိဗ္ဗာန်သို့၊ လမ်းညွှန်ပြကေ၊
ဓမ္မထူးချွန်၊ တရားမွန်ကို၊ နာခံပြီးမှ၊ သုန္ဒရီကို၊ သက်သီမြွက်ကေ၊
ရီစက်ချလို့၊ ကိစ္စကုန်စင်၊ ပြီးစုံလင်သော်၊ ရောင်လွင်တောက်ထွန်း၊
ဖာလ်စက္ကြာမှာ၊ ဂေါယာကျွန်းသို့၊ စောင်းယွန်းခါမှီ၊ မွန်းလွဲနီမှာ၊
စုံညီလှငြား၊ ရွာထိုထိုမှ၊ လူပျိုများနှင့်၊ နုထွားပျိုရွယ်၊ ကညာမေရို့၊
တင့်တယ်လျှောက်ပတ်၊ မုနိတွင်ကေ၊ အသျှင်မြတ်ကို၊ ရီသပ္ပါယ်ရန်၊ လာကြဟန်ကို၊
တဖန်မေက၊ ကြောင်းအရာကို၊ ပေါင်းကာနှောကေ၊ ပြောလို့ပြမည်၊ နတ်ဆင်းယောင်လေ၊
မောင်သက်ထားမှာ၊ ထောင်နားတည်လေး။

-------------------------------------------------------------------------------------------------

(၉)

“မျက်စပြုံးချို၊ မောင်လူပျိုရို့၊ သံချိုအီးအီး၊ အံခြင်းဆို၍၊
စည်ကိုတီးလျှက်၊ သံကြီးသံလတ်၊ ဘုံမောင်းစီ၍၊ ပြွီကိုမှုတ်ကေ၊
လက်ခုပ်ခတ်လို့”

“သံချိုအီးအီး၊ အံခြင်းဆို၍၊ စည်ကိုတီးလျှက်” ဟု (အီး) နှင့်
(တီး) ၊ (စီ) နှင့် (ပြွီ) ကို ကာရံယူထားသည်ကို တွိရပါလိမ့်မည်။

၎င်းကို
မြန်မာမှုပြုပါက “သံချိုအေးအေး၊ အံခြင်းဆို၍၊ စည်ကိုတေးလျှက်၊ သံကြေးသံလတ်၊
ဘုံမောင်းစေ၍၊ ပြွေကိုမှုတ်ကေ၊ လက်ခုပ်ခတ်လို့” ဟု ရပါသည်။

မြန်မာတွင်လည်း (တီးခတ်သည်၊ တီးမှုတ်သည်) ဟုရာဟိပါသည်။ (တေးခတ်သည်။ တေးမှုတ်သည်) ဟု မဟိပါ။

ထို့ကြောင့် (စည်ကိုတေးလျှက်) ဟူသည်မှာ ဟာသဖြစ်ပါသည်။ (သံချိုအီးအီး၊
အံခြင်းဆို၍၊ စည်ကိုတီးလျှက်) ဟူသော (အီး) (တီး) ကာရံကိုထောက်၍ (အီးချမ်းသည်၊
ချမ်းအီးသည်) ဆိုမှရာ ရခိုင်စကား၊ ရခိုင်စာဖြစ်ပါသည်။

(အေးချမ်းသည်၊ ချမ်းအေးသည်) ဆိုသည်မှာ မြန်မာစကား မြန်မာစာဖြစ်ပါသည်။

(ဘုံမောင်းစီ) ဆိုသည်မှာ ဘုံမောင်းများကို အစီအညီချထားသည့်သဖောဖြစ်ပါသည်။ (ဘုံမောင်းစေ) ဆိုသည်မှာ အဓိပ္ပါယ်မဟိပါ။

ထို့ကြောင့် (စီ) ကာရံကိုထောက်၍ (ပြွီ) ဟူဆိုမှသာလျှင် ရခိုင်ဝေါဟာအမှန်ဖြစ်ကြောင်းကောက်ချက်ချနိုင်ပါသည်။

(ပြွေ) ဆိုသည်မှာ မြန်မာစကားမြန်မာစာဖြစ်ပါသည်။ (သံကြီးသံလတ်) ကို (သံကြေးသံလတ်) ဟု မြန်မာမှုပြုသောအခါတွင်လည်း (သံသတ္တု၊ ကြေးးသတ္တု) ဟု
အဓိပ္ပါယ်သက်ရောက်လားပါသဖြင့် ဤကာရံများကို မြန်မာမှုပြုမရသော
ရခိုင်ကာရံများဟုခေါ်ဆိုရခြင်းဖြစ်ပါသည်။


ကိုးကားချက်အပြည့်အစုံ
------------------------------
(၉) ထောင်နားတည်ကေ၊ ကွလယ်ရို့က၊ ကုန်းထိပ်ပေါ်မှာ၊ သိမ်တော်လှသို့၊
အားရစိတ်ရွှင်၊ လားဖို့ပျင်ကေ၊ ဆင်ယင်ဝတ်စား၊ ဆယ့်နှစ်တောင်လေ၊
တောက်ပြောင်ရွှန်းကေ၊ ပန်းဒွယားကို၊ ဆန်းပြားအောင်ပင်၊ ခါး၌ဆင်၍၊
ညိုလွင်ရောင်ဟပ်၊ မြကြိုးနွယ်ဟု၊ အမည်ထိုးကေ၊ ပိုးခါးပတ်နှင့်၊
စည်းလတ်ပြီးထွေ၊ လှဆန်းကြယ်ကေ၊ ခါးကျယ်လက်ကျပ်၊ ပိုးအင်္ကျီမှာ၊
ဘော်စီကပ်လို့၊ ဆင်ဝတ်ပြီးခါ၊ ဆံကေသာကို၊ ညီညာစုရုံး၊ ရစ်ပတ်နှောင်၍၊
ပျိုမောင်ဂေါင်းမှာ၊ တစောင်းထုံးလို့၊ ပွတ်လုံးဖော်ကာ၊ ပိုးအချာကေ၊
အ၀ါဂေါင်းပေါင်း၊ လူပျိုမောင်ရို့၊ လှယောင်ပေါင်းလို့၊ နွဲ့နှောင်းတင့်တယ်၊
ရုပ်ပိုင်းပြင်ကို၊ မြင်မညီးအောင်၊ ဆင်ပြီးကေလျှင်၊ တသွေထို့နောက်၊
လှပြုံးချိုကေ၊ ပျိုဆဒေါက်ရို့၊ ၀မ်းမြောက်ဝမ်းသာ၊ သူ့ထက်ငါလျှင်၊
လှပါစီငြား၊ ကြီးမှန်ပြင်ကို၊ ရှိတွင်ထားလို့၊ မြသားအဟန်၊ ဂေါင်းကေဆံကို၊
ဆီကျံသိမ်းရုံး၊ ဖြီးပြီးပြန်သော်၊ ကောင်းမွန်ထုံးကေ၊ နားကုံးရတနာ၊
ဆင်တန်းဆာနှင့်၊ ယဉ်စွာနွဲ့နှောင်း၊ ကညာမေ၏၊ လက်ဆယ်ချောင်းမှာ၊
နှစ်ချောင်းကိုလွှတ်၊ သျှစ်ချောင်းတွင်၌၊ ဆင်ကာဝတ်ကေ၊ လက်စွပ်များစွာ၊
မေဟတ္တာကေ၊ ဘယ်ညာနှစ်ရပ်၊ ရွှီသိင်္ဂီကို၊ ထိန်ထိန်တောက်အောင်၊ လက်ကောက်ဝတ်လို့၊
ချောမွတ်တင့်တယ်၊ မယ့်လိုင်တွင်၌၊ မြင်မညီးကေ၊ ပုတီးသွယ်လေး၊
ရင်ကျယ်ခါးတွန့်၊ ပမာဆောင်ကေ၊ စွန်တောင်ဖြန့်ယောင်၊ ပိုးညွန့်အင်္ကျီ၊
မယ်သညှာလျှင်၊ လွန်စွာဆန်းကေ၊ နန်းလုံးဝီနှင့်၊ ထမီပိုးသား၊
စိမ်းညိုရောင်နှင့်၊ တောက်ပြောင်ငြားကေ၊ ခနားနှစ်ဆင့်၊ နီအ၀ါဖြင့်၊
စီကာတွဲကေ၊ မကျည်းပွင့်ကို၊ လှတင့်ညီစွာ၊ မြီကမ္ဘာနှင့်၊ ပွတ်ခါလည်းဝတ်၊
မြိတ်တထွာနှင့်၊ ရစ်ခါပိုးကေ၊ ခါးကြိုးပတ်လို့၊ ဆန်းလတ်တဖုံ၊
လွှမ်းထပ်ခြုံကေ၊ ရောင်စုံပြိုးပြက်၊ အမျိုးမှန်ကေ၊ ပိုးတံပါက်နှင့်၊
တင့်တင့်တယ်တယ်၊ ခင်ကညာရို့၊ ဆင်ကာဝတ်၍၊ ပြီးလတ်ချေသော်၊ သက်ရွယ်ကြီးငြား၊
အဖိုးအိုနှင့်၊ ဒါအိုများလည်း၊ ၀တ်စားဖြူစင်၊ ကိုယ်ရုံတင်၍၊ ယူငင်ကုက္ကား၊
မုလေးပွားကေ၊ ဘုရားလက်ဆောင်၊ ပန်းများမြောင်ကို၊ ကိုင်ဆောင်ပြီးငြား၊
မုနိသျှင်ကို၊ ဖူးမြင်ရအောင်၊ ရှိကလားလို့၊ ဖိုးဖွားနောက်မှာ၊ ပျိုကညာရို့၊
ယဉ်စွာနွဲ့ပါး၊ နံ့သာရည်ကို၊ ငွေဖလားနှင့်၊ ထည့်ထားပြီးလျှင်၊
လွန်ရိုသေကေ၊ ပျိုမေပေါင်းမှာ၊ ဂေါင်းထက်တင်လို့၊ နောက်တွင်တချို့၊
ညွန့်ဝီ၀ီနှင့်၊ သပြီထိုး၍၊ ရီအိုးကိုယ်စီ၊ ရွက်ထမ်းချီလျှက်၊ အညီတူရာ၊
ထိုနောက်တွင်လျှင်၊ ဆင်ယင်သကေ၊ မျက်စပြုံးချို၊ မောင်လူပျိုရို့၊
သံချိုအီးအီး၊ အံခြင်းဆို၍၊ စည်ကိုတီးလျှက်၊ သံကြီးသံလတ်၊ ဘုံမောင်းစီ၍၊
ပြွီကိုမှုတ်ကေ၊ လက်ခုပ်ခတ်လို့၊ ထက်ရပ်နဘံ၊ မိုးတိမ်စွန်သို့၊ အသံဟီးကာ၊
ကြောင်းဇင်္ခါက၊ ညီညာတူကွ၊ မုနိသျှင်၏၊ ရင်ပြင်စသို့၊ လှမ်းကြပြီးသော်၊
ထိုသိမ်တော်ကို ၊ ကော်ရော်လေးမြတ်၊ ရိုသေစွာဖြင့်၊ သုံးခါပတ်လို့၊
ရှိရပ်ပြုပ္ပါ၊ ဥပစာက၊ အသာလှမ်းလျှက်၊ မုနိသျှင်လေ၊ စံရွှင်မြန်းကေ၊
ကုန်းတန်းထက်သို့၊ တက်ကြပြီးခါ၊ လက်ဆယ်ဖြာကို၊ ထိပ်မှာတင်မိုး၊
သုံးခါကြိမ်ကေ၊ ဦးနှိမ်ကျိုးလို့၊ ရှိခိုးပြီးလျှင်၊
ရောင်ခြောက်သွယ်နှင့်၊ တင့်တယ်ဘိကေ၊ မုနိသျှင်ကို၊ ကြည်လင်စီကြောင်း၊
သာဓုသံကေ၊ ညံသောင်းသောင်းဖြင့်၊ မွှီးကောင်းနံသာ၊ ရီကြိုင်စွာဖြင့်၊
သွန်းခါလောင်းထွေ၊ ခါသင်္ကြန်မှာ၊ ထိန်ညံလတ်အောင်၊ ရီသပ္ပါယ်ရေ။


(၁၀)

“သာဂီဝင်ကေ၊ ဘုရင်ဆက်ကို၊ တွက်စစ်ရွီထား၊ များသွယ်သွယ်နှင့်၊
ငါးဆယ့်ငါးလျှင်၊ စံစားပျော်မှီ၊ နှစ်လီလီကို၊ တွက်ရွီသောခါ၊ ဆဧကာနှင့်၊
အဋ္ဌာဧက”

ဤအပိုဒ်တွင် “စံစားပျော်မှီ၊ နှစ်လီလီကို၊ တွက်ရွီသောခါ” ဟု (မှီ) (လီ)
(ရွီ) ကို ကာရံယူထားသည်ကို တွိမြင်ရပါလိမ့်မည်။

၎င်းကို မြန်မာမှုပြုမည်ဆိုပါက “စံစားပျော်မှေ၊ နှစ်လေလေကို၊ တွက်ရွေသောခါ” ဟု
ရပါသည်။

(တွက်ရွေ) ကိုလိုက်၍ (ပျော်မှေ၊ နှစ်လေလေ) ဖြစ်လားပါသဖြင့်
လုံးဝအဓိပ္ပါယ်ကင်းလွတ်လားပါသည်။

ထို့ကြောင့် ဤကာရံများကိုထောက်၍ (ရွီတွက်သည်) ရာ ရခိုင်စကားအမှန်ဖြစ်ကြောင်းကောက်ချက်ချနိုင်ပါသည်။
(ရွေတွက်သည်) ဆိုသည်မှာ မြန်မာစကားမြန်မာစာဖြစ်ပါသည်။

”ဆက်နွယ်မပျက်၊ ထီးနန်းထိုင်၍၊ စိုးပိုင်ပြီးကေ၊ သားမြီးဆက်လို့”

ဤအပိုဒ်တွင်လည်း “စိုးပိုင်ပြီးကေ၊ သားမြီးဆက်လို့” ဟု (ပြီး) နှင့် (မြီး)
ကို ကာရံယူထားသည်ကိုတွိရပါသည်။ ထို့ကြောင့် (မြီးမြစ်တီတွတ်၊
သားစိုင်မြီးဆက်) စသည်ဖြင့် (မြီး) သည်ရာ ရခိုင်စကားအမှန်ဖြစ်ပါသည်။

၎င်းကာရံကို မြန်မာမှုပြုလျှင် “စိုးပိုင်ပြေးကေ၊ သားမြေးဆက်လို့” ဟူ၍
ရပါသည်။ (ပြေး) သည်ဆိုပါက ထီးနန်းစိုးပိုင်သည်ဟု အဓိပ္ပါယ်မရဘဲ (ထီးနန်းထက်က
ထွက်ပြီးသည်) ဟု ပြောင်းပြန်အဓိပ္ပါယ်သက်ရောက်ပါသည်။ ထို့ကြောင့် Grand son
ကို (မြီး) ဟု သုံးမှ ရခိုင်စာဖြစ်ပါသည်။ (မြေး) ဟု သုံးပြီး
ရခိုင်စာဟုအသျှင်ခံသည်မှာ ရှက်ကောင်းထမန်းဖြစ်ပါသည်။ အာရီယံများ
စဉ်းစားသင့်ချိန်တန်ပြီးဖြစ်သည်။

ကိုးကားချက်အပြည့်အစုံ
-------------------------------

(၁၀) ဤသို့မယေဖြာဖြာ၊ မြို့ဓညာကို၊ ရံကာပတ်ရုံး၊ လွန်သာယာကေ၊
ရွာအားလုံးကို၊ သိမ်းကျုံးပြီးခါ၊ မေပြောဆိုကေ၊ ထိုစကားကို၊ မှတ်သားပါဟု၊
သံသာချိုမြ၊ သိန်းကျော့ဝေမှာ၊ ဆိုပေကလျှင်၊ လှပ၀င်းပြောင်၊
ပန်းဖြူအောင်မှာ၊ ဇောင်လည်းတခါ၊ ပျိုပန်းတန်ကေ၊ လှစံသီးကို၊ မီးလတ်ရာကား၊
မဟာမုနိ၊ ရုပ်ပွားသျှင်ကို၊ ယခင်ရှိက၊ သွန်းဘိခြင်းရာ၊ သမိုင်းလာကို၊
သေချာကျန၊ လှမေခေါင်မှာ၊ ရုပ်ပွားသျှင်ကို၊ အယင်ကို့ကို၊ ပြောလို့ပြပါ၊
ဆိုသောခါတွင်၊ ရယ်ကာပြုံးပြုံး၊ သိန်းကျော့ဝေလေ၊ စပါယ်ကုံးမှာ၊
နန်းသုံးပီစာ၊ သမိုင်းလာနှင့်၊ နှိုင်းကာတသွယ်၊ မောင်လူပျိုကို၊
သံချိုနှောလို့၊ ပြောလတ်တေကား၊ ရှိဝယ်ကာလ၊ ပြည်ရခိုင်မှာ၊ မြို့ဓညတွင်၊
သက်ကျသာဂီ၊ မဟာဆွီကေ၊ ဇာနီဘုန်းတု၊ မြတ်ရာဇာလေ၊ မာရယုလျှင်၊ ပြုစုတည်ထောင်၊
နန်းထီးဖြူနှင့်၊ ခွန်ယူမိုးလို့၊ စိုးပြီးနောင်တွင်၊ များမြောင်နန်းတက်၊
သာဂီဝင်ကေ၊ ဘုရင်ဆက်ကို၊ တွက်စစ်ရွီထား၊ များသွယ်သွယ်နှင့်၊
ငါးဆယ့်ငါးလျှင်၊ စံစားပျော်မှီ၊ နှစ်လီလီကို၊ တွက်ရွီသောခါ၊ ဆဧကာနှင့်၊
အဋ္ဌာဧက၊ မျိုးခြားနိုင်၍၊ စိုးပိုင်သကေ၊ ရာဇဘုရင်၊ ခြောက်ဆက်တွင်ဝယ်၊
စံရွှင်နှစ်နှစ်၊ ဓညမည်ကေ၊ ပြည်အသက်ကို၊ ပေါင်းတက်လိုက်သော်၊
တွက်စစ်များမြောင်၊ နှစ်တထောင်နှင့်၊ ထိုနောင်သျှစ်ရာ၊ တဆယ်မှာတွင်၊
ကျော်ကာသျှစ်နှစ်၊ သက္ကရာဇ်ကို၊ တွက်စစ်ပြန်ရာ၊ တိဧကာနှင့်၊ အဋ္ဌာသတ္တ၊
ထိုခါဝယ်လေ၊ ပြည်ဓညလျှင်၊ ဖြစ်ကပျက်ပြန်၊ လောကဓံကို၊ မလွန်နိုင်ပြီး၊
နန်းထီးဖြူကို၊ ပိုင်သူကင်းကေ၊ ယွင်းပျက်စီးလို့၊ တသီးနောက်မှာ၊ ကံရာဇာဟု၊
သညာနာမ၊ သတင်းကျော်၍၊ ဘွဲ့တော်ရကေ၊ မင်းလှဘုန်းကြွယ်၊ တိုင်းရက္ခာမှာ၊
ဓညာမြို့ကို၊ ထပ်လို့တည်လျှက်၊ ဆက်နွယ်မပျက်၊ ထီးနန်းထိုင်၍၊
စိုးပိုင်ပြီးကေ၊ သားမြီးဆက်လို့၊ နန်းတက်တုံမြဲ၊ မြို့ဓညာမှာ၊
စဉ်ကာဖြစ်ကေ၊ နှစ်ဆယ့်လေးတွင်၊ ထူးကဲတေဇ၊ နှုံးမတန်အောင်၊ ဘုန်းကံပကေ၊
ရာလမာယု၊ ဘွဲ့မည်တော်ဖြင့်၊ တွင်ခေါ်ကျူးကေ၊ နှိုင်းတုမရ၊ ပြင်းအာဏာနှင့်၊
မင်းရာဇလျှင်၊ ဏ၀စန္ဒီ၊ ခန်းကြုံလီကေ၊ ကောဇာနှစ်ကို၊ ဖျက်ပစ်ခြီ၍၊ တလီအသစ်၊
စန်းသင်္ချာဖြင့်၊ တည်ကာခင်းကေ၊ အကြွင်းနှစ်က၊ တွက်စစ်မှတ်ရာ၊ ထိုသင်္ချာကို၊
စဉ်ကာသုံးလျှက်၊ ဓညမည်ကေ၊ ရွှေပြည်တွင်းမှာ၊ မင်းလေးဆက်လျှင်၊ နန်းတက်စံဘိ၊
အဆုံးစွန်မှာ၊ ဘုန်းကံဟိကေ၊ သီရိရာဇာ၊ ဘွဲ့မည်တော်ဖြင့်၊ တွင်ခေါ်လတ်ကေ၊
မင်းမြတ်စွာမှာ၊ တောင်ညာနန်းစံ၊ ကုမ္မာရံဟု၊ အလွန်ကျော်ကြား၊ လှတင့်တယ်၍၊
အသရေဟိကေ၊ မိဖုရားတွင်၊ တက်ပွားကောဇာ၊ ဒွေးသတ္တာနှင့်၊ မှုံဝါရီမြ၊
ဆီးနှင်းယိုကေ၊ ပြာသိုလ၏၊ ပြည့်ထရက်တွင်၊ အာကာပြင်မှာ၊ နီဝင်လုခါ၊
လစန္ဒာလျှင်၊ ပေါ်ကာထွက်စ၊ လနှင့်နီကို၊ နှစ်လီပလို့၊ မြင်ရချိန်မှာ၊
သားပုတ္တာကို၊ တောင်ညာနန်းမ၊ မွီးသန့်စင်၍၊ ဖွားမြင်ရသော်၊ နီလနှစ်ဆူ၊
ပေါင်းဖက်ထူ၍၊ ကောက်ယူပြီးခါ၊ နန်းလောင်းလျာကို၊ စန္ဒသူရိယ၊
သောင်းလုံးကျော်အောင်၊ ဘွဲ့တော်သ၍၊ ထိမ်းယများစွာ၊ နွယ်မဟာအား၊ ဘယ်ညာရံပတ်၊
စံမြန်းပျော်ကေ၊ နန်းတော်တွင်းမှာ၊ ကြီးပြင်းလတ်လို့၊ မျိုးမြတ်သာဂီ၊
ပါရမီနှင့်၊ ဇာနီယောင်္ကျား၊ သက်အရွယ်လျှင်၊ နှစ်ဆယ့်ငါးတွင်၊ ဖဖွားပီတာ၊
မင်းရာဇာက၊ ပြည်ရွာနန်းရပ်၊ အလုံးစုံကို၊ အကုန်အပ်သော်၊ မိုးနတ်တမျှ၊
ရုပ်ပိုင်းပြင်နှင့်၊ အသွင်လှကေ၊ စန္ဒမာလာ၊ ဒေ၀ီချာကို၊ တောင်ညာနှင်းအပ်၊
ကြငှန်းလယ်ကေ၊ ရဝေမြတ်မှာ၊ လက်ထပ်ပြီးခါ၊ ဖရိပ်ရာကို၊ ယူကာသိမ်းမြန်း၊
နန်းဘုံဆောင်မှာ၊ အောင်အတိတ်နှင့်၊ ဘိသိက်သွန်းလို့၊ ရွှေနန်းစိုက်တည်၊
တိုင်းမြို့ပြည်ကို၊ ပြန်လည်မွန်းမံ၊ ကျုံးလေးတန်နှင့်၊ ကာရံတံတိုင်း၊
မြိုဓညာကို၊ ပတ်ခါဝိုင်းလျှက်၊ ရံဆိုင်းတန်းခါး၊ လေးမျက်နှာတွင်၊
ခိုင်စွာပြုကေ၊ လေးခုထားလို့၊ လေးပါးမျိုးနွယ်၊ ရပ်လေးသွယ်နှင့်၊
လမ်းငယ်လမ်းကြီး၊ ပြည့်ဖြိုးဝှန်ကေ၊ ရီကန်ကြီးနှင့်၊ မြို့ကြီးကျယ်ဝန်း၊
ပြဿဒ်ရုံကေ၊ ဘုံရွှေနန်းပါ၊ အဆန်းတကြည်၊ ပြုစုတည်သော်၊ ထိုသည်ကစ၊ တတိယကေ၊
ဓည၀တီ၊ တွင်မည်ချီ၍၊ ရောက်လီကောဇာ၊ သတ်န၀ါတွင်၊ ရာဇာဘုန်းကြွယ်၊ အသစ်ဖန်၍၊
ရွှေဌာန်နန်းမှာ၊ စံမြန်းရေလေး။

---------------------------------------------------------------------------------

(၁၁)

“မြတ်စွာဘုန်းဟိ၊ တန်းခိုးဖန်ကေ၊ ယာဉ်ပျံထက်က၊ ဆင်းသက်ဘိ၍၊ အရှိမျက်နှာ”

ဤအပိုဒ်တွင် (ဟိ) (ဘိ) (ရှိ) ကို ကာရံယူထားသည်ကို တွိရပါလိမ့်မည်။

၎င်းကို မြန်မာမှုပြုမည်ဆိုပါက “မြတ်စွာဘုန်းဟေ့၊ တန်းခိုးဖန်ကေ၊ ယာဉ်ပျံထက်က၊ ဆင်းသက်ဘေ့၍၊ အရှေ့မျက်နှာ“ ဟု ရပါသည်။

(မြတ်စွာဘုန်းဟေ့) (ဆင်းသက်ဘေ့၍) ဟူသောဝေါဟာရများမှာ လုံးဝအဓိပ္ပါယ်ကင်းမဲ့သော ဝေါဟာရများဖြစ်သဖြင့် မြန်မာမှုပြု၍မရနိုင်ပေ။

ကိုးကားချက်အပြည့်အစုံ
--------------------------------
(၁၁) စံမြန်းမယေကောင်းစွာ၊ မြို့ဓညာမှာ၊ ရှည်ကြာနှစ်ရောက်၊ တွက်စစ်ပေသော်၊ နှစ်ဆယ့်ခြောက်သို့၊ ကျရောက်သောခါ၊ နှစ်ကောဇာကို၊ ရွီကာတွက်စစ်၊ ကိန်းသင်္ချာမှာ၊ မှန်မလွဲကေ၊ တိနောအစ်တွင်၊ ရောင်မြစ်ဝင်းထိန်၊ အသူရိန်ကေ၊ ပူဟိန်ပြင်းပြ၊ မြုံခိုးချုံကေ၊ ကဆုံလ၌၊ အဋ္ဌဒီဝါ၊ နိဗုဒ္ဓါတွင်၊ မြတ်စွာသုံးလူ့၊ ဂုဏ်ပေါင်းလှိုင်ကေ၊ သဗ္ဗုညုလျှင်၊ ပေါင်းစုများစွာ၊ ထေရ်ငါးရာနှင့်၊ အာကာခရီး၊ တန်းခိုးဖန်ကေ၊ ယာဉ်ပျံစီးလို့၊ တိုင်းကြီးပူရ၊ ပြဿဒ်ဘုံဖြင့်၊ ဂုဏ်မချို့ကေ၊ မြို့ဓညသို့၊ မြန်းကြွချီလာ၊ ရောက်တုံပါကေ၊ သေလာဂီရိ၊ မည်ဟိတံဆိပ်၊ မှိုင်းညိုမှောင်ကေ၊ ကျောက်တောင်ထိပ်မှာ၊ ဣဒ္ဓိပါဒါ၊ ရဟန္တာနှင့်၊ မြတ်စွာဘုန်းဟိ၊ တန်းခိုးဖန်ကေ၊ ယာဉ်ပျံထက်က၊ ဆင်းသက်ဘိ၍၊ အရှိမျက်နှာ၊ မြို့ဓညာသို့၊ လှည့်ကာပြုလတ်၊ ရောင်ခြောက်ဆိုင်ကို၊ ပြိုင်မနှုံးအောင်၊ ကွန့်မြူးလွှတ်သော်၊ တိုင်းရပ်ပြည်ခွင်၊ များလူသျှင်နှင့်၊ ဘုရင်ဘုန်းကြွယ်၊ မြတ်ရောင်ခြည်ကို၊ မြင်သည်ကာလ၊ ယခုတုံ၌၊ ဖြစ်ပုံများမှာ၊ ထူးခြားလှဟု၊ ရာဇဘုရင်၊ မတ်စုံလင်ကို၊ ခေါ်ငင်နှီးနှော၊ ညီလာခွင်မှာ၊ တိုင်ပင်ပြောသော်၊ သဘောမှန်စွာ၊ ကြောင်းခြင်းရာကို၊ မဟာဝိမလ၊ မင်းဘုရင်ကို ၊ ဦးတင်သလို့၊ လျှောက်ထားသည်မှာ၊ ဇမ္ဗူချာကေ၊ ဒီပါကျွန်းလုံး၊ ရောင်ခြောက်ဆိုင်ရို့၊ ပြိုင်မနှုံးဘဲ၊ ကွန့်မြူးပြီးကေ၊ နီလရောင်ထက်၊ တောက်ပြောင်ဝင်းကေ၊ လင်းလက်တေဇု၊ အံ့ဖွယ်ကောင်းစွာ၊ ရောင်ခြောက်ဖြာမှာ၊ မုန်စွာမုချ၊ မာရဇိန်လေ၊ မုနိန္ဒလျှင်၊ မောရဂီဝါ၊ ပဗ္ဗတာကေ၊ သေလာဂီရိ၊ တောင်ထိပ်ဗွီမှာ၊ ရောက်နီခြင်းကို၊ သျှင်မင်းသိယောင်၊ လွှတ်သည့်ရောင်ခြည်၊ မှန်စင်စစ်လျှင်၊ ဖြစ်လိမ့်မည်ဟု၊ လျှောက်သည့်စကား၊ မင်းဘုရင်လေ၊ နားတွင်ကြားက၊ စိတ်ထားကြည်လင်၊ မြူးပျော်ရွှင်ကေ၊ ဖူးချင်အားကြီး၊ လင်းရောင်ပေါ်၍၊ စည်တော်တီးသော်၊ မူးကြီးမတ်ရာ၊ စစ်သေနာဖြင့်၊ ၀ိုင်းကာရံပတ်၊ မြတ်ဗုဒ္ဓါလေ၊ ဟိရာရပ်ကို၊ ဦးညွတ်ပြီးခါ၊ ရိုသေစွာဖြင့်၊ ယာဉ်သာမစီး၊ သဒ္ဓါပိုကေ၊ ထိုမင်းကြီးမှာ၊ ရွှီထီးမပါ၊ ခြီကျင်သာဖြင့်၊ လွန်စွာကြမ်းတမ်း၊ ဆူးငြှောင့်ပုံ၍၊ ရှက်ခြုံထီးကေ၊ ခရီးလမ်းကို၊ ဖြတ်သန်းကျော်ကာ၊ လားပြီးခါဝယ်၊ သေလာဂီရိ၊ စိမ်းညိုမှောင်ကေ၊ ကျောက်တောင်ထက်ကို၊ လှမ်းတက်ပြီးသော်၊ စောထီးဗုဒ္ဓါ၊ ရွှီမျက်နှာကို၊ သဒ္ဓါကြည်နူး၊ ကြိမ်များမြောင်လျှင်၊ ၀ယောင်ဖူးလို့၊ လက်ဦးချီထွေ၊ ခါသုံးကြိမ်လေ၊ ဦးနှိမ်ကျိုးကေ၊ ရှိခိုးရေလေး။



(၁၂) ရှိခိုးမယေလီလီ၊ လက်ဦးချီကေ၊ စုံညီရိုညွတ်၊ ရှိတော်ပြင်မှာ၊ ခိုဝင်ဖူးကေ၊ မင်းမှူးမတ်ကို၊ ယောက်ပတ်သင့်လျှော်၊ တရားတော်ဖြင့်၊ ထုတ်ဖော်ဟောငြား၊ ကြားနာသူလေ၊ လူအများမှာ၊ သုံးပါးသရဏာ၊ ပဉ္စင်္ဂါဟု၊ ငါးဖြာသီလ၊ မြဲအမှန်လျှင်၊ တည်ပြန်ကြသော်၊ စန္ဒသူရိယာ၊ မင်းရာဇာသည်၊ ဘဂ၀ါဗုဒ္ဓ၊ န၀ဂုဏ်နှင့်၊ ပြည့်စုံလတ်ကေ၊ မြတ်လူ့ဘနှင့်၊ သံဃာများစွာ၊ ထေရ်ငါးရာကို၊ ဓညာအောင်ခန်း၊ ရွှီအရောင်ဖြင့်၊ တောက်ပြောင်လျှပ်ကေ၊ ပြဿဒ်နန်းသို့၊ ကြွမြန်းပြီးခါ၊ ဆွမ်းရသာကို၊ သုံးကြပါရန်၊ လက်ဦးချီ၍၊ ၀စီညောင်းကေ၊ လျှောက်တောင်းပန်က၊ ပြန်လှန်မပြော၊ လျှောက်ခြင်းဟန်ကို၊ လက်ခံပြီးကေ၊ တုဏှိဘောဖြင့်၊ သျှင်စောမြတ်စွာ၊ နီသောခါတွင်၊ ရာဇာမင်းလှ၊ စိတ်ကြည်လင်ကေ၊ ရွှင်အားရလို့၊ များစွာဗိုလ်ပါ၊ ခြံရံကာဖြင့်၊ ပြန်လာတုံမြောက်၊ ရွှီနန်းယံကို၊ တဖန်ရောက်လျှင်၊ ထံမှောက်ဝင်ပြန်၊ နန်းတွင်းဝန်နှင့်၊ အလွန်ထူးဆန်း၊ နို့ဂဏှာလေ၊ ရသာဆွမ်းကို၊ လုံးပန်းစီမံ၊ ပြုတုံပြန်၍၊ ဗိမာန်နန်းတွင်း၊ တုသီတာမှာ၊ နီရာခင်းလို့၊ ခ၀င်းဥဿုံ၊ ပြီးပြည့်စုံသော်၊ ဆယ်စုံလက်မြှောက်၊ ဆွမ်းသုံးရန်ကေ၊ ချိန်တန်ရောက်ဟု၊ ပင့်လျှောက်သောခါ၊ ထေရ်ငါးရာနှင့် မြတ်စွာဗုဒ္ဓ၊ ထက်ဝဠာကေ၊ အာကာသက၊ ပါဒဘိညာဏ်၊ တန်းခိုးဖန်၍၊ လျှင်မြန်ကြွမြန်း၊ မြို့ဓညာလေ၊ ရာဇာနန်းသို့၊ ထူးဆန်းဣနြေ္ဒ၊ ကြည်ညိုဖွယ်ဖြင့်၊ ရောင်ခြည်ဝင်းဝင်း၊ ပန်းစုံရံကေ၊ နန်းခြံတွင်းမှာ၊ သက်ဆင်းသောခါ၊ မင်းရာဇာလျှင်၊ တရာ့သျှစ်ကွက်၊ ပြိုးပြက်ပေကေ၊ ပါဒေစက်ကို၊ ဦးချတိုက်ကာ၊ ကြိုဆိုလာ၍၊ မဟာကနက်၊ ဆန်းအမော်နှင့်၊ နန်းတော်ထက်သို့၊ ရွှီစက်ဖြန့်ကာ၊ တက်ကြွပါ၍၊ ကောင်းစွာခင်းအပ်၊ တင့်လျှောက်ပတ်ကေ၊ နီရာမြတ်၌၊ လူနတ်သရဖူ၊ ထိုင်တော်မူသော်၊ ကြည်ဖြူလေးမြတ်၊ မင်းဘုန်းမော်က၊ ဆွမ်းတော်ကပ်လို့၊ သင့်မြတ်တော်ယောင်၊ ဆွမ်းများမြောင်ကို၊ သုံးဆောင်ပြီးမှ၊ ရွှီနန်းသူလေ၊ ဟူသမျှအား၊ ဓမ္မကထာ၊ ဒေသနာကို၊ သေချာကောင်းမြတ်၊ မောဓနာဖြင့်၊ ဟောကာချွတ်သော်၊ သုံးရပ်သရဏာ၊ တည်ကြပါ၍၊ ငါးဖြာသီလ၊ နန်းတွင်းသူလေ၊ ဟူသမျှမှာ၊ နိစ္စမြဲထွေ၊ ခါမကျန်ကေ၊ လွန်မယိမ်းအောင်၊ စောင့်ထိန်းရေလေး။


(၁၃)

(နှစ်ကောဇာလျှင်၊ တရာ့နှစ်ဆယ်၊ သုံးခုကယ်တွင်၊ ရောင်ခြည်ဝင်းပ၊ ပူပြင်းတုံကေ၊ ကဆုံလ၏၊ ပြည့်ထရက်မှာ၊ နိဗုဒ္ဓါတွင်၊ စကာသွန်းဘိ၊ ဆုတ်ပက္ခာသို့၊ လွန်လာပြုကေ၊ ဂုရုနိတွင်၊ ထိန်ညီးရူပ၊ လျှပ်စစ်ရောင်သို့၊ ပြောင်ပြောင်လင်းကေ၊ ဆင်းဗုဒ္ဓကို၊ ပဉ္စလောဟာ၊ ရတနာဖြင့်၊ သွန်းကာလုပ်ကေ၊ ခြောက်ရောင်ထင်၍၊ မြင်မညီးအောင်၊ သွန်းပြီးရေလေး)

(စကာသွန်းဘိ၊ ဆုတ်ပက္ခာသို့၊ လွန်လာပြုကေ၊ ဂုရုနိတွင်)

(ဘိ) နှင့် (နိ) ကို ကာရံယူထားသည်ကို တွိရပါလိမ္မည်။

၎င်းကို မြန်မာမှုပြုလျှင်

(စကာသွန်းဘေ့၊ ဆုတ်ပက္ခာသို့၊ လွန်လာပြုကေ၊ ဂုရုနေ့တွင်) ဟု ရပါသည်။ (စကာသွန်းဘေ့) ဟူသည်မှာ အဓိပ္ပါယ်ကင်းမဲ့သော စကားလုံးဖြစ်သည်။ ထို့ကြောင့် ဤကာရံမှာ မြန်မာမှုပြုမရသော ရခိုင်ကာရံစစ်စစ်ဖြစ်ပါသည်။

ကိုးကားချက်အပြည့်အစုံ
-------------------------
(၁၃) စောင့်ထိန်းမယေမြဲစွာ၊ ထိုအခါတွင်၊ သဒ္ဓါပြင်းပြ၊ ပါရမီနှင့်၊ ရာဇိန္ဒမှာ၊ များလှသံဃာ၊ ထေရ်ငါးရာနှင့်၊ မြတ်စွာဗုဒ္ဓ၊ ကျိန်းအံ့ငှါလေ၊ ၀ိဟာရကို၊ လျှင်ဆွမကြာ၊ သစ်ဝါးရှာ၍၊ တောင်သာပုလု၊ မြရိပ်မြိုင်နှင့်၊ ကတညုတွင်၊ ရုံးစုညီညာ၊ များပြည်သူနှင့်၊ အားကူလှောက်လို့၊ ဆောက်ပြီးခါတွင်၊ ကျယ်စွာမဏ္ဍပ်၊ လွန်တင့်တယ်အောင်၊ ပြုပေလတ်၍၊ ရံပတ်သံဃာ၊ စောဗုဒ္ဓါကို၊ ပင့်ကာလှူငြား၊ ကျောင်းဝိဟာမှာ၊ ကောင်းစွာထားလို့၊ တရားဓမ္မ၊ ရက်မခြားအောင်၊ ကြားနာရ၍၊ သုံးဝသရဏာဂုံ၊ ပြည့်ဖြိုးထုံ၍၊ ငါးစုံသီလ၊ အဋ္ဌဂီဖြင့်၊ ကျင့်ညီမျှလျှက်၊ စန္ဒသူရိယာ၊ မင်းမြတ်စွာနှင့်၊ ပြည်ရွာတိုင်းသား၊ ခဿိန်းသူလေ၊ လူအများမှာ၊ စိတ်ထားကြည်ဖြူ၊ ပီးအလှူနှင့်၊ အယူဖြောင်တန်း၊ သာသနာမှာ၊ ရောင်ဝါထွန်းလို့၊ ပွင့်လန်းခါစ၊ ကျင့်ဆယ်ဖြာနှင့်၊ မင်းရာဇာလျှင်၊ ဗုဒ္ဓစံရာ၊ ကျောင်းဝိဟာသို့၊ လှမ်းကာချီကြွ၊ မာရဇိန်လေ၊ မုနိန္ဒကို၊ ဦးချပြီးခါ၊ ကြောင်းစုံလင်ကို၊ ဘုရင်မင်းမှာ၊ လျှောက်ခြင်းရာကား၊ သုံးဖြာလောက၊ တုမရကေ၊ ညာဏထွတ်ချာ၊ စောဗုဒ္ဓါလျှင်၊ ပြည်ရွာတမည်၊ သို့ဖြစ်ပေ၍၊ စိန္တေမြတ်စွာ၊ ဘဂ၀ါနှင့်၊ တူစွာမခြား၊ ရတနာနှင့်၊ သွန်းကာလုပ်ကေ၊ မြတ်ရုပ်ပွားကို၊ သနားမိတ္တာ၊ ကိုးကွယ်ရန်လေ၊ မှန်ယခုလျှင်၊ ခွင့်ပြုပါဟု၊ ရာဇာမင်းကောင်း၊ နှုတ်ဝါစာက၊ မြွက်ခါတောင်းသော်၊ ကျိုးကြောင်းထောက်ကာ၊ မင်းရာဇာကို၊ မြတ်စွာသုံးလူ့၊ ရွှီကျောင်းပေါ်မှာ၊ ခွင့်တော်ပြုသော်၊ ရှိဦးတင်ကာ၊ နန်းဘုံသာသို့၊ ပြန်လာပြီးမှ၊ မှူးမတ်ဝန်လေ၊ ပန်ရံခလို့၊ သီဟဥဂ္ဂင်၊ ညီလာခွင်မှာ၊ တိုင်ပင်ပြီးထွေ၊ မတ်တန်တန်ကို၊ တာဝန်ခွဲလို့၊ လွှဲပြီးချေသော်၊ ရွှီငွေကြီးသံ၊ တင်မကျန်ဘဲ၊ ငါးတန်လောဟာ၊ ရတနာလေ၊ သပြာချပ်ရွီ၊ ငါးမျိုးစီကို၊ စုပုံပြီးကေ၊ တကုဋေအား၊ ကြံညီဖြူဆွ၊ ငါးစီးဆင်မှာ၊ တင်ပြီးမှလျှင်၊ သတ္တရတနာ၊ ညီးလူလူကေ၊ ထီးဖြူမြတ်ကို၊ ဆောင်းလတ်ပါ၍၊ ရာဇာဘုန်းတု၊ လွန်မြိုင်ဆိုင်ကေ၊ ကတညုသို့၊ ရုံးစုညီညာ၊ အောင်မောင်းညံလို့၊ အောင်သံရွှန်းကေ၊ ချီလှမ်းခါဖြင့်၊ လွန်စွာကြီးကျယ်၊ မဏ္ဍပ်လယ်မှာ၊ ရောက်သည်ကာလ၊ ငါးစီးဆင်၏၊ ဥဂ္ဂင်မှလျှင်၊ ချကြပြီးငြား၊ ရတနာကို၊ ပုံကာထားမှ၊ ထင်ရှားကျော်လတ်၊ ပိသုကာလေ၊ ဆရာမြတ်နှင့်၊ လူနတ်များစွာ၊ ကိုးစားရာလေ၊ မဟာမုနိ၊ ရုပ်ပွားတော်လေ၊ သောင်းကျော်လတ်ကေ၊ မြတ်ဗောဓိကို၊ သွန်းသည့်အခါ၊ နှစ်ကောဇာလျှင်၊ တရာ့နှစ်ဆယ်၊ သုံးခုကယ်တွင်၊ ရောင်ခြည်ဝင်းပ၊ ပူပြင်းတုံကေ၊ ကဆုံလ၏၊ ပြည့်ထရက်မှာ၊ နိဗုဒ္ဓါတွင်၊ စကာသွန်းဘိ၊ ဆုတ်ပက္ခာသို့၊ လွန်လာပြုကေ၊ ဂုရုနိတွင်၊ ထိန်ညီးရူပ၊ လျှပ်စစ်ရောင်သို့၊ ပြောင်ပြောင်လင်းကေ၊ ဆင်းဗုဒ္ဓကို၊ ပဉ္စလောဟာ၊ ရတနာဖြင့်၊ သွန်းကာလုပ်ကေ၊ ခြောက်ရောင်ထင်၍၊ မြင်မညီးအောင်၊ သွန်းပြီးရေလေး။


(၁၄)

(ဦးထိပ်ရိုသေ၊ ဂါရဝေဖြင့်၊ တာရှည်စိတ်ညွတ်)

ဤအပိုဒ်တွင် (သေ) နှင့် (ဝေ) (ရှည်) ကို ကာရံယူထားသဖြင့် (ရိုသီ) ထက် (ရိုသေ) သည် အမှန်ဖြစ်ကြောင်း ကောက်ချက်ချနိုင်ပါသည်။ ရခိုင်စာတွင် (သဝေထိုး) ကာရံဟူသမျှကို (--ီ) ကာရံပြောင်း၍ မရနိုင်ပါ။

(မဟာမုနိ၊ အမည်တွင်ကေ၊ သျှင်ဗောဓိကို၊ နိညိမသွယ်၊ သိမ်တော်ပြင်မှာ၊ ဦးတင်ညွတ်ကေ၊ ဆည်းကပ်တေလေး)

(နိ) (ဓိ) (နိညိ) ကာရံယူထားသည်ကို တွိရပါသည်။

၎င်းကို မြန်မာမှုပြုလျှင်

(မဟာမုနေ့၊ အမည်တွင်ကေ၊ သျှင်ဗောဓေ့ကို၊ နေ့ညမသွယ်) ဟု ရပါသည်။

(မဟာမုနေ့၊ ဗောဓေ့) ဆိုသည်မှာ လုံးဝ ယုတ္တိယုတ္တာမဟိပါ။

ထိုကြောင့် ဤကာရံများမှာ လုံးဝ မြန်မာမှုပြုမရသော ရခိုင်ကာရံများဖြစ်ပါသည်။

(နိ) ဆိုသည်မှာ ရခိုင်စာ၊ ရခိုင်စကား၊ ရခိုင်ဝေါဟာရဖြစ်၍ (နေ့) ဆိုသည်မှာ မြန်မာစာ၊ မြန်မာစကား။ မြန်မာဝေါဟာရဖြစ်ကြောင်း ကောင်းစွာ သဘောပေါက်နားလည်သင့်ပါသည်။

ကိုးကားချက်အပြည့်အစုံ
-------------------------

(၁၄) သွန်းလို့မယေပြီးခါ၊ မြို့ဓညာက၊ မြတ်စွာဗုဒ္ဓ၊ ထေရ်ငါးရာနှင့်၊ ပြန်ကာကြွသော်၊ စန္ဒသူရိယာ၊ မင်းရာဇာမှာ၊ ရောင်ဝါထွန်းညီး၊ လွန်သပ္ပါယ်၍၊ တင့်တယ်လတ်ကေ၊ မြတ်မုနိကို၊ ဦးထိပ်ရိုသေ၊ ဂါရဝေဖြင့်၊ တာရှည်စိတ်ညွတ်၊ သတိုးနွယ်မှာ၊ ကိုးကွယ်လတ်လို့၊ ထပ်ထပ်လီလီ၊ ချိန်နာရီကေ၊ ရာသီရွှိပြောင်း၊ နှစ်လတာလေ၊ လွန်ကြာညောင်းအောင်၊ မင်းကောင်းရာဇာ၊ ဆည်းကပ်လာ၍၊ ကောဇာသက္ကရာဇ်၊ တရာကယ်၍၊ လေးဆယ့်သျှစ်သို့၊ ရောက်လစ်သောခါ၊ မစ္ဆိမာတွင်၊ မြတ်စွာဗုဒ္ဓ၊ ပြည်နိဗ္ဗာန်သို့၊ ၀င်စံကြသော်၊ လောကလူ့ဘောင်၊ ကျိုးများယောင်ဟု၊ ငါးထောင်သာသနာ၊ ထားလတ်ပါကေ၊ ထိုခါကာလ၊ မြို့ဓညာက၊ မင်းရာဇလျှင်၊ အဋ္ဌစတ္တာ၊ အစ်သင်္ချာကို၊ ဖြိုကာခွင်းထ၊ သာသနာနှင့်၊ ညီစွာမျှအောင်၊ တစ်မှစ၍၊ သက္ကကောဇာ၊ ပြုတုံပါကေ၊ စန္ဒာသူရိယ၊ သဒ္ဓါဖြူကေ၊ (လှူဒါနနှင့်)၊ ရောက်ထကောဇာ၊ တခုမှာတွင်၊ ခန္ဓာရုပ်နာမ်၊ ပျက်ချုပ်ပြန်သော်၊ တဖန်နန်းတက်၊ မင်းလီလီကို၊ တွက်ရွီမြောက်ကေ၊ တဆယ့်ခြောက်သို့၊ မပျက်ရောက်ခါ၊ သူရိယာကေ၊ နွယ်လာဝံသ၊ တန်းခိုးပြောင်၍၊ ဘုန်းရောင်ဟိတ်နှင့်၊ စိတြဟု၊ နာမတွင်ခြင်း၊ မြို့ဓညာက၊ ရာဇာမင်းလျှင်၊ ခန်းကြွင်းကြုံလာ၊ ကိန်းသင်္ချာကေ၊ န၀ါခဆ၊ နှစ်ကောဇာကို၊ ဖြိုကာချလို့၊ ထိုမှစဉ်လျှက်၊ နောက်ထပ်မံ၍၊ စိုးစံခြင်းကေ၊ မင်းကိုးဆက်ထိ၊ နန်းတက်ကြရာ၊ ကောဇာနှစ်ကို၊ တွက်စစ်ပါသော်၊ နှစ်ရာကျော်လစ်၊ စွန်းကာကယ်၍၊ လေးဆယ့်သျှစ်တည်း၊ နောက်၌တဖြာ၊ မှတ်စရာကေ၊ ဓညာကနက်၊ ထီးနန်းဘုံဖြင့်၊ ဂုဏ်မချို့ကေ၊ မြို့အသက်ကို၊ ရွီတွက်ပြန်ရာ၊ သတ်သုံညာနှင့်၊ န၀ါရောက်အောင်၊ နန်းဘုံဆောင်မှာ၊ ဘုန်းရောင်တောက်ပ၊ ရှိရာဇာရို့၊ ကျင့်ရာထုံးကို၊ သုံးနှုံးကြလျှက်၊ စန္ဒသူရိယာ၊ မြတ်ရာဇာ၏၊ နွယ်လာဝံသ၊ မျိုးအနွယ်နှင့်၊ စိုးသည်မင်းကို၊ ယှင်းလင်းပြသော်၊ ပဉ္စ၀ိသာ၊ ထိုရာဇာရို့၊ မဟာမုနိ၊ အမည်တွင်ကေ၊ သျှင်ဗောဓိကို၊ နိညိမသွယ်၊ သိမ်တော်ပြင်မှာ၊ ဦးတင်ညွတ်ကေ၊ ဆည်းကပ်တေလေး။
------------------------------------------------------------------------------------------

(၁၅)

(စိစိစပ်စပ်၊ နောင်အစဉ်လေ၊ ရခိုင်သားရို့၊ သိထားကတ်အောင်၊ လေးရပ်တိုင်းခွင်)

(စပ်) (ကတ်) (ရပ်) ကို ကာရံယူထားသည်ကို တွိရပါသည်။ (စဉ်) နှင် (ခိုင်) ကို ကာရံယူထားသည်ကို တွိရပါသည်။ ထို့ကြောင့် ရခိုင်စာ၌ (စဉ်) ကို (စိုင်) ဟု အသံထွက်သည်ကို သိသာသည်။

(ဤကဗျာကို၊ ပြည်ရွာညွန့်ဖူး၊ နန်းဘုံဆောင်ဖြင့်၊ ပြောင်ပြောင်တောက်ကေ၊ မြို့မြောက်ဦး၌၊ ပျော်မြူးစဖွယ်၊ ကျောက်ရစ်ကေဟု၊ အမည်သာယာ၊ ရပ်မဟာတွင်၊ ပညာပြည့်ဝ၊ ဟာသဥာဏ်နှင့်၊ မောင်စံလှဟု၊ နာမသညာ၊ ငါဆရာလျှင်၊ ကဗျာစီတန်း၊ သာခြင်းသံကို၊ ကာရံဆန်းနှင့်၊ နှစ်ခန်းမြောက်စွာ၊ ကုံးပြီးပါ၍)

ဤအပိုဒ်ကိုထောက်၍ ကဗျာစာဆို၏မွီးရပ်ဇာတိနှင့် အမည်နာမကို ဖော်တုတ်နိုင်သည်။

ကိုးကားချက်အပြည့်အစုံ
--------------------------
(၁၅) ဤလေလေကေ၊ ဤလေကျော်ရွှန်း၊ ဤသို့စီကေ၊ ဤနှစ်ခန်းတွင်၊ ပြညွှန်းသေချာ၊ နိဂုဏ်းရွာ၌၊ ဓညာရဌ၊ ရွှီနန်းယံမှာ၊ စိုးစံကြကေ၊ ရာဇဖြာဖြာ၊ ပေါင်းများစွာနှင့်၊ မဟာမုနိ၊ ခြောက်ရောင်ပေါ်ကေ၊ ကိုယ်တော်မြတ်၏၊ ထုပ္ပတ္တိကို၊ စိစိစပ်စပ်၊ နောင်အစဉ်လေ၊ ရခိုင်သားရို့၊ သိထားကတ်အောင်၊ လေးရပ်တိုင်းခွင်၊ ဂါမ၀င်နှင့်၊ ရာဇ၀င်ခန်း၊ မြဒိုးဝေ၏၊ ရွီးသည်ကျမ်းကို၊ မှီငြမ်းပြုကာ၊ ဤကဗျာကို၊ ပြည်ရွာညွန့်ဖူး၊ နန်းဘုံဆောင်ဖြင့်၊ ပြောင်ပြောင်တောက်ကေ၊ မြို့မြောက်ဦး၌၊ ပျော်မြူးစဖွယ်၊ ကျောက်ရစ်ကေဟု၊ အမည်သာယာ၊ ရပ်မဟာတွင်၊ ပညာပြည့်ဝ၊ ဟာသဥာဏ်နှင့်၊ မောင်စံလှဟု၊ နာမသညာ၊ ငါဆရာလျှင်၊ ကဗျာစီတန်း၊ သာခြင်းသံကို၊ ကာရံဆန်းနှင့်၊ နှစ်ခန်းမြောက်စွာ၊ ကုံးပြီးပါ၍၊ ဖတ်နာသူများ၊ ဆီးလိပ်ချိုနှင့်၊ ကွမ်းကိုစား၍၊ တန့်နားကြပေ၊ မြို့ဝေသာ၏၊ ကြောင်းရာထုံးကို၊ (ပြောအုံးမည်လေး)။ (ပျောက်)


(၁၆)

(ထွက်လားချီဘိ၊ ဆန်းစကြုံ၍၊ ကဆုန်ကူးကေ၊ ဗုဒ္ဓူးနိတွင်၊ သိမ့်သိမ့်ကျော်ညာ)

(ဘိ) (နိ) (သိမ့်) ကာရံယူထားသည်ကို တွိရပါလိမ္မည်။

ဤကာရံကို မြန်မာမှုပြုလျှင်

(ထွက်လားချီဘေ့၊ ဆန်းစကြုံ၍၊ ကဆုန်ကူးကေ၊ ဗုဒ္ဓဟူးနေ့တွင်၊ သေ့သေ့ကျော်ညာ) ဟု ရပါသည်။

(ထွက်လားချီဘေ့) (သေ့သေ့ကျော်ညာ) ဆိုသည်မှာ လုံးဝအဓိပ္ပါယ်ကင်းမဲ့သော ဝေါဟာရများဖြစ်ပါသည်။ ထို့ကြောင့် ဤကာရံများမှာ လုံးဝမြန်မာမှုပြုမရသော ရခိုင်ဝေါဟာရ၊များဖြစ်ပါသည်။

ကိုးကားချက်အပြည့်အစုံ
-------------------------
(၁၆) တခန်းမယေရပ်ခို၊ နောက်ထပ်မံ၍၊ ကာရန်ဆန်းနှင့်၊ တခန်းဆိုမည်၊ မေပျိုသက်ထား၊ ပန်းစံပယ်မှာ၊ မောင်စကားကို၊ ထောင်နားတည်ပါ၊ မြို့ဓညာကို၊ ပိုင်ကာစိုးငြား၊ မင်းဆက်နွယ်လေ၊ နှစ်ဆယ့်ငါးတွင်၊ နောက်ဖျားဆုံးစွန်၊ အုပ်စိုးစံကေ၊ နိုင်ငံမျက်ရှု၊ မဟာနွယ်လေ၊ မင်းကေတုမှာ၊ သားဦးပတ္တမြား၊ လက်ရုံးရောင်ဖြင့်၊ ပြောင်ပြောင်ထွန်းကေ၊ စန္ဒြားကို၊ မင်းဖျားရာဇာ၊ တရံခါဝယ်၊ အင်္ဂါလေးရပ်၊ စစ်သေနာဖြင့်၊ ရံကာပတ်လို့၊ မှူးမတ်စုံစွာ၊ မြို့ဓညာက၊ ထွက်ခါသုတ်သုတ်၊ ခရီးတာကို၊ သင်္ချာထုတ်သော်၊ ဂါဝုတ်နှစ်ပြန်၊ ရပ်မျက်နှာကို၊ မှန်းကာထောက်သော်၊ နောက်မြောက်ယံတွင်၊ ရောက်ပြန်ကာလ၊ ကုန်းကမ်းမြီမှာ၊ ဗိုလ်ခြီဝန်းကေ၊ စခန်းချလို့၊ မြို့ပြအင်္ဂါ၊ လက္ခဏာနှင့်၊ ညီစွာတင့်တယ်၊ ကျုံးပတ်ရံ၍၊ တပ်ခြံဆီးကေ၊ မြို့ကြီးတည်လို့၊ ဂုဏ်ရည်ထူးမြင့်၊ နန်းဝေယံဖြင့်၊ စံမနှုံးကေ၊ ကံသုံးဆင့်ဟု၊ နန်းမြင့်သညာ၊ ထိုမြို့ရွာမှာ၊ ရာဇာစန္ဒြား၊ မတ်တော်ဝန်နှင့်၊ ခြံရံငြားလို့၊ စံစားပျော်ရာ၊ ထိုအခါတွင်၊ ဗိုလ်ပါဆင်မြင်း၊ မိုးတွင်းခါဝယ်၊ ယင်နာရောက်ကေ၊ သီပျောက်ခြင်းကြောင့်၊ နန်းတွင်းဘုံသာ၊ ဆောင်သီဟာတွင်၊ ရာဇာမင်းလှ၊ မတ်များစွာနှင့်၊ တိုင်ပင်ကြသော်၊ ဗေဒကျွမ်းကျင်၊ ကျမ်းစုံသင်၍၊ မြော်မြင်နှမ့်သိ၊ တိုင်းနိုင်ငံမှာ၊ လွန်ကျော်ဇောကေ၊ ပရောဟိဟု၊ က၀ိမတ်ဝန်၊ လျှောက်တင်ဟန်ကား၊ အလွန်ကျော်ကြား၊ မင်းရာဇိန်လေ၊ စနီသားမှာ၊ ထွက်လားချီဘိ၊ ဆန်းစကြုံ၍၊ ကဆုန်ကူးကေ၊ ဗုဒ္ဓူးနိတွင်၊ သိမ့်သိမ့်ကျော်ညာ၊ နောက်မျက်နှာတွင်၊ သိင်္ဂါနန်းမြင့်၊ ဆောက်စိုက်သွယ်၍၊ မြို့ပြည်ပြောင်းကေ၊ အကြောင်းသင့်၍၊ နန်းမြင့်တည်ရာ၊ ပြည်အောင်ချာတွင်၊ နာနာဘာဝ၊ ဖုတ်ပြိတ္တာရို့၊ ၀င်ကာရောက်ကေ၊ ပယောဂကြောင့်၊ မုချအမှန်၊ လူများစွာ၏၊ ခန္ဓာသက်လျှင်၊ ပျက်ရပြန်ဟု၊ ထိပ်စွန်လက်ထား၊ လျှောက်တင်ပုံကို၊ မယုံငြား၍၊ ပယ်ထားပြီးလျှင်၊ နောက်ထပ်မံ၍၊ မတ်ဝန်များကို၊ ပြောကြားအင်ကား၊ မြော်မြင်ဥာဏ်ဟိ၊ အဖြာဖြာကို၊ လိမ္မာတတ်ကေ၊ မတ်က၀ိရို့၊ သဖောလက္ခဏာ၊ ရင်းအချာဖြင့်၊ ရောဂါကင်းကြောင်း၊ တတ်ကြည်ပွန်၍၊ လွန်ထင်ရှားကေ၊ သမားကောင်းနှင့်၊ ဆီးကောင်းနည်းနာ၊ အဖြာဖြာကို၊ လျှင်စွာခဏ၊ သိဟိပြန်သော်၊ ငါ့ထံမှောက်မှာ၊ လျှောက်ထားကြဟု၊ ချသည့်အာဏာ၊ ထိုအခါတွင်၊ သက်ဝါကြီးမြောက်၊ ပညာရွှင်၍၊ ကျော်ထင်လတ်ကေ၊ မတ်တယောက်က၊ တင်လျှောက်တုံကျင်၊ နန်းကြီးသျှင်ကေ၊ ဘုရင်ဘုန်းခေါင်၊ ကြွင်းမကျန်အောင်၊ ကျွန့်စကားကို၊ ရွှီနားထောင်ပါ၊ များမြောင်လူသား၊ ဖြစ်ပွားပါကေ၊ ရောဂါများကြောင့်၊ ပျက်ပြားတုံပါ၊ ဤကြောင်းရာကား၊ မိစ္ဆာစုန်းဖုတ်၊ နတ်ပြိတ္တာလေ၊ နာနာရုပ်ရို့၊ ပြုလုပ်တုံကြ၊ ပရောဂလေ၊ ဒေါသမဟုတ်၊ ကျမ်းအညွှန်နှင့်၊ မှန်သရုပ်ကို၊ ဖော်ထုတ်လျှက်သာ၊ ပြရပါမူ၊ ရာဇာစံမြန်း၊ မြို့တခိုကို၊ ရီညိုဝန်းလို့၊ ညစ်ညမ်းရွှံ့နွံ၊ အင်းအိုင်ရံကေ၊ ပုဇွန်လိပ်ငါး၊ ပျော်မြူးအင်ကေ၊ မှက်ခြင်များ၍၊ တွင်ငြားနာမ၊ များလူဗိုလ်ရို့၊ ခေါ်ဆိုပြောကေ၊ နောပကဟု၊ ဒေသဤမှာ၊ မိုးချိန်ခါတွင်၊ မရွာမသွန်၊ မိုးခေါင်ပြန်သော်၊ ပူလွန်ပြင်းပြ၊ လူများစွာရို့၊ ရောဂါရ၍၊ ၀ါတပုတိ၊ မည်ဟိတွင်ပြီ၊ ဓာတ်နှစ်လီမှာ၊ ကဲလွန်တုံထ၊ ငုတ်တုံပါကေ၊ အာကာသကြောင့်၊ ဥဏှတေဇော၊ တွင်းသဏ္ဍန်မှာ၊ လွန်ပြန့်ပြော၍၊ ပျက်ချောတလီ၊ ပထ၀ီကြောင့်၊ အမှီမရ၊ ၀ါယောကန်၍၊ ၀မ်းသွန်ခြင်းမှာ၊ ထန်ပြင်းလှ၏၊ ထိုကတဖန်၊ ကူးစက်ဟန်မှာ၊ ညှီနံပုတ်ငြား၊ ယိုစီးကျင်ကေ၊ မစင်အားကို၊ ယင်များအုံကာ၊ စားသောက်ပါ၍၊ ပျံကာတခြား၊ လူများစွာ၏၊ အစာများမှာ၊ နားလတ်တုံဘိ၊ ထိုအစာကို၊ ယူကာပွားကေ၊ စားသောက်မိ၍၊ ဖြစ်သည့်ရောဂါ၊ ထိုအနာမှာ၊ မြန်စွာကူးစက်၊ ဤပုံစံသို့၊ ပြန်ကာပြောင်းကေ၊ ထောင်သောင်းဆက်၏၊ တချက်နောက်မှာ၊ ဤရောဂါ၏၊ ဖြစ်ရာမူလ၊ သောက်သုံးနီကေ၊ ရီကစဟု၊ ရှိကမိန့်မှာ၊ စကားလာကြောင့်၊ ခုခါထင်လင်း၊ ဤပြည်ရွာမှာ၊ ရောဂါကင်းအောင်၊ ရီတွင်းရီကန်၊ သန့်ယှင်းရန်ကို၊ ကောင်းမွန်ပြုငြား၊ နောင်တလီတွင်၊ သောက်ရီများကို၊ ကြိုထားတုံပြန်၊ ယင်နားလာကေ၊ အစာများကို၊ မစားရန်တည်း၊ တဖန်သိအပ်၊ စွတ်စိုစိုနှင့်၊ ထိုအ၀တ်ကို၊ မကပ်ယှောင်ခွာ၊ အိမ်တခွင်လေ၊ ပြင်အတွင်းပါ၊ သန့်ယှင်းရာဟု၊ ကျမ်းလာစကား၊ ဤနည်းလာကို၊ ဆောင်ကာထားလျှင်၊ ကြီးထွားလှစွာ၊ ဤရောဂါလျှင်၊ ကင်းကွာလိမ့်မည်၊ မင်းဘုရင်ကို၊ ဦးတင်မြှောက်လို့၊ လျှောက်လတ်ပေသော်၊ ဘုန်းကြွယ်မင်းလှ၊ မတ်တော်ဝန်၏၊ တင်ဟန်များကို၊ ရွှင်အားရ၍၊ များစွပြည်သူ၊ ခဿိန်းသူရို့၊ ထပ်တူထပ်မျှ၊ နည်းယူသင်၍၊ အားအင်ထုတ်ကေ၊ ပြုလုပ်ကြဟု၊ ချသည့်အာဏာ၊ ထိုအခါတွင်၊ ပြည်ရွာအတွင်း၊ ထိုနမူကို၊ စံယူထုတ်ကေ၊ ပြုလုပ်ခြင်းကြောင့်၊ မြို့တွင်းပြည်ရွာ၊ ထိုယင်နာမှာ၊ မြန်စွာကင်းပျောက်၊ ပြည်ကြီးသျှင်မှာ၊ ရွှင်ဝမ်းမြောက်လို့၊ တင်လျှောက်နည်းညွှန်၊ မတ်တော်ဝန်ကို၊ ဆုမွန်ချထွေ၊ သီဟာပျံနှင့်၊ ဝေယျံနန်းမှာ၊ ချီမွှမ်းရေလေး။


(၁၇)

(ဌာနေသီရိ၊ သေအချာဖြင့်၊ ဝေသာလိကို၊ ပြောင်းရွှိတည်ထောင်)

(ရိ) (လိ) (ရွှိ) ကို ကာရံယူထားသည်ကို တွိနိုင်ပါသည်။

၎င်းကို မြန်မာမှုပြုလျှင်

(ဌာနေသီရေ့၊ သေအချာဖြင့်၊ ဝေသာလေ့ကို၊ ပြောင်းရွှီ့တည်ထောင်) ဟု ရပါသည်။

(ဌာနေသိရေ့) (ဝေသာလေ့) ဆိုသည်မှာ လုံးဝအဓိပ္ပါယ်မဟိသော စကားလုံးများဖြစ်ပါသည်။ ထို့ကြောင့် ဤကာရံများမှာ လုံးဝမြန်မာမှုပြုမရသော ရခိုင်ကာရံများဖြစ်ပါသည်။

(ဘုန်းတောက်ပါရမီ၊ မဟာဆွီကေ၊ သာဂီမင်းမျိုး)

ဤအပိုဒ်တွင်လည်း (မီ) (ဆွီ) (ဂီ) ကို ကာရံယူထားပါသည်။

၎င်းကို မြန်မာမှုပြုလျှင်

(ဘုန်းတောက်ပါရမေ၊ မဟာဆွေလျှင်၊ သာဂေမင်းမျိုး၊) ဟု ရပါသည်။

(ပါရမေ) (သာကေ) ဆိုသည်မှာ ယုတ္တိယုတ္တာမဟိသော စကားလုံးများဖြစ်ပါသည်။

ဤကာရံကိုဆောက်၍ (ဆွေမျိုး) ထက် (ဆွီမျိုး) (မင်းဆွီမင်းမျိုး) သည်ရာ ရခိုင်အမှန်ဖြစ်ကြောင်း သိသာသည်။

(ထူလစန္ဒြား၊ တွင်ငြားတဖြာ၊ အာနန္ဒာဟု၊ သညာဘွဲ့ရ၊ ထိုဘုရင်မှာ၊ ကြင်မ၀ကေ၊ အလှကြံညီ၊ ရူပိနီဟု၊ ဒေ၀ီရတနာ၊ ဘွဲ့သညာမှာ၊ ကုမ္မာမိဖုရား၊ လှအောင်ချာကို၊ တောင်ညာထားလို့၊ စံစားတုံလစ်၊ မှတ်သင်္ချာလေ၊ ကောဇာနှစ်လျှင်၊ တွက်စစ်ငါးရာ၊ ရောက်သောခါတွင်၊ သုံးဖြာပိဋကတ်၊ မြတ်ဇိနော်လေ၊ ဟောဖော်ဘိကေ၊ ပရိယာတ်ကို၊ ကြီးချပ်၌မှာ၊ ရွီးထိုးကာဖြင့်၊ သံဃာယနံ၊ ပဉ္စနံကို၊ မင်းမွန်စောထီး၊ မြို့ဝေသာမှာ၊ သံဃာများနှင့်၊ တင်ထားပြီးသော်)

(ထူလစန္ဒြား၊ တွင်ငြားတဖြာ၊ အာနန္ဒာဟု) ဤအပိုဒ်က ရခိုင်သမိုင်းပညာသျှင်များ မဖော်ထုတ်နိုင်သိမ့်သော အာနန္ဒစန္ဒြားဘုရင်အသူလဲ အမီးပုစ္ဆာကို အဖြေဖော်ထုတ်လျှက်ဟိသည်။ ၄င်း ထူလစန္ဒြား (ခေါ်) အာနန္ဒစန္ဒြား ဘုရင်မှာ ဝေသာလီ၌ သံဃာယနာတင်ခသည်ကို ဖော်ပြထားသည်။


ကိုးကားချက်အပြည့်အစုံ
-------------------------
(၁၇) ချီမွှန်းမယေသြဘာ၊ ပြုတုံပါကေ၊ ရာဇာထွတ်ထား၊ တအေကာမှာ၊ တေဇာလွှမ်းကေ၊ စန္ဒားလျှင်၊ တည်ထားစံလင့်၊ များဗိုလ်တာရို့၊ ပျက်ကာဆုံးကေ၊ ကံသုံးဆင့်၍၊ ထီးဖွင့်မကြာ၊ တနှစ်တာတွင်၊ စွန့်ခွာပြီးလစ်၊ သက္ကရာဇ်လျှင်၊ နှစ်ရာ့လေးဆယ်၊ ကိုးခုဝယ်တွင်၊ ဌာနေသီရိ၊ သေအချာဖြင့်၊ ဝေသာလိကို၊ ပြောင်းရွှိတည်ထောင်၊ မတ်များမြောင်နှင့်၊ ရွှင်မညီးအောင်၊ စံပြီးနောင်တွင်၊ ပြည်ဘောင်တရိုး၊ ရွှီပြည်သူလေ၊ လူအများရို့၊ စီးပွားတိုးအောင်၊ ပံ့ပိုးကောင်းစွာ၊ ဆယ်မြောင်းတာနှင့်၊ လယ်ယာများပြား၊ တိုးချဲ့ပြန်ကေ၊ စီမံထားလို့၊ တပါးနောက်တွင်၊ တိုင်းပြည်ခွင်၌၊ လူသျှင်အများ၊ သီရောဂါရို့၊ ကင်းကွာငြားအောင်၊ ဆီးဝါးပညာ၊ သင်အံ့ငှါလျှင်၊ တရွာတယောက်၊ မင်းရာဇာကေ၊ ဘဏ္ဍာထောက်လို့၊ တတ်မြောက်အောင်ပင်၊ မြတ်ဆရာနှင့်၊ ဝေသာမြို့မှာ၊ ခေါ်လို့သင်၍၊ လူသျှင်သီးသီး၊ တိုင်းမြို့ရွာမှာ၊ ကျမ္မာရီးကို၊ အားပီးကူညီ၊ တတ်လိမ္မာကေ၊ ဆရာများနှင့်၊ ကုစားစီလို့၊ တလီထိုမှ၊ ရောင်းအ၀ယ်ကို၊ တွင်ကျယ်လှအောင်၊ မောင်းကရာဇူ၊ ဟောင်းသစ်ဟူ၍၊ ညီတူပြုငြား၊ ရွှီပြည်သူရို့၊ သုံးတုံငြားကေ၊ သွန်းထားသေချာ၊ လွန်ကြည်လင်၍၊ ငွေစင်ပြားကေ၊ ဒင်္ဂါးမှာလျှင်၊ မဟာစန္ဒြား၊ မြတ်ဘုန်းမိုကေ၊ ထိုမင်းများ၏၊ မွီးဖွားတုံပြန်၊ စနီနံကို၊ အမှန်ခပ်နှိပ်၊ ကြံစုံပြန်ကေ၊ နွားတံဆိပ်နှင့်၊ ရောင်ဖိတ်ဝင်းဖြာ၊ တဖက်မှာတွင်၊ ရာဇာဆောင်းထိုက်၊ နာရဏီလေ၊ သိင်ဂီစစ်ကေ၊ မကိုဋ်ပုံစံ၊ နောက်တဖန်ကား၊ ကြာလွန်ရှိက၊ မြို့ဓညာမှာ၊ တေဇာပကေ၊ သူရိယရာဇာ၊ ဆက်နွယ်လာဟု၊ ဖော်ကာညွှန်ပြ၊ စုံအညီကေ၊ နီနှင့်လကို၊ ပီသကောင်းမွန်၊ မကိုဋ်တော်၏၊ အပေါ်ထိပ်မှာ၊ ခပ်နှိပ်ပြန်၍၊ ပုံစံနှစ်ရပ်၊ ငါးမူးဟူ၍၊ သုံးယူစွဲကေ၊ မူခွဲခတ်နှင့်၊ တချပ်သုံးရန်၊ နှစ်ပုံစံကို၊ သွန်းပြန်များပြား၊ ရခိုင်ပြည်လေ၊ နယ်အနှံ့မှာ၊ ဖြန့်လတ်ငြားသော်၊ ဖောက်ကားရောင်းဝယ်၊ အသွယ်သွယ်မှာ၊ တွင်ကျယ်ပြန့်ပြော၊ မြစ်နဒီလေ၊ ရီတကြောမှာ၊ သင်္ဘောလှီယင်၊ လောင်းလွန်းကြင်ရို့၊ ထွက်ဝင်သောင်းသောင်း၊ တခြားပြည်က၊ ကုန်သည်ပေါင်းလည်း၊ ရောင်းရန်ဝယ်ရန်၊ လာကြပြန်သော်၊ ကုန်ဝန်တင်ချ၊ သွယ်အယူကေ၊ လွယ်ကူလှအောင်၊ လှပခိုင်မာ၊ ကျောက်များစွာဖြင့်၊ စီကာလုပ်ထား၊ ဆိပ်ကမ်းခြီမှာ၊ ကျောက်လှီကားကို၊ စန္ဒြားမင်းမွန်၊ ပြုလုပ်ပြန်၍၊ ငွေခွန်တိုးပွား၊ ဝေသာလီမှာ၊ လွန်စည်ကားလို့၊ ဘုရားမြတ်စွာ၊ သာသနာကို၊ ပမာနီလ၊ ထိန်ထိန်ဖြာကေ၊ ရောင်ဝါပအောင်၊ မစကောင်းစွာ၊ ဆောင်ရွက်ကာဖြင့်၊ ဝေသာကြငှန်း၊ ရွှီနန်းဆောင်မှာ၊ ဘုန်းရောင်ထွန်းလို့၊ စံမြန်းပျော်ရာ၊ နန်းသက်တာကို၊ ရွီကာတွက်သော်၊ ငါးဆယ်ကျော်၍၊ စွန်းပေါ်ခုနစ်၊ ပွားတက်လာကေ၊ ကောဇာနှစ်ကို၊ တွက်စစ်ပြန်မြောက်၊ ကိန်းသင်္ချာလေ၊ သုံးရာခြောက်တွင်၊ ဘုန်းတောက်ပါရမီ၊ မဟာဆွီကေ၊ သာဂီမင်းမျိုး၊ သက်အရွယ်လျှင်၊ သျှစ်ဆယ့်ကိုးမှာ၊ ပျက်ညှိုးဇာတာ၊ မြို့ဝေသာကို၊ စွန့်ကာတဖန်၊ ရုပ်ခန္ဓာလေ၊ ပျက်ကာယွင်းကေ၊ နတ်နန်းစံလို့၊ တဖန်နောက်မှ၊ သူရိယဟု၊ ရာဇစန္ဒြား၊ မတ်ပေါင်းရံ၍၊ စိုးစံငြားကေ၊ ထင်ရှားကျော်ဟိုး၊ နှင်းသက်ဝေလျှင်၊ လေးဆယ်ကိုးတည်း၊ နွယ်ရိုးဝံသ၊ ဆက်နွယ်ပြန်၍၊ ဘုန်းကံပကေ၊ မောလရာဇာ၊ နန်းစံမှာကား၊ အဋ္ဌာစာရ၊ မင်းပေါလလျှင်၊ ရက္ခပူရီ၊ ဝေသာလီကို၊ ခွန်စီစိုးမြောက်၊ မြဲမသွယ်ကေ၊ လေးဆယ်ခြောက်နှင့်၊ ထိုနောက်တ၀၊ ပြင်းအာဏာနှင့်၊ မင်းကာလလျှင်၊ န၀စတ္တာ၊ မြို့ဝေသာကို၊ စံလာပြီးမြောက်၊ မင်းပြည်ပိုင်လေ၊ စဉ်မပျက်ကေ၊ ငါးဆက်ရောက်သော်၊ ထက်အောက်လွှမ်းကျော်၊ တုမပေါ်အောင်၊ ဘုန်းတော်ကြီးလှ၊ တိုင်းနိုင်ငံကို၊ စိုးပြန်ရကေ၊ ထူလစန္ဒြား၊ တွင်ငြားတဖြာ၊ အာနန္ဒာဟု၊ သညာဘွဲ့ရ၊ ထိုဘုရင်မှာ၊ ကြင်မ၀ကေ၊ အလှကြံညီ၊ ရူပိနီဟု၊ ဒေ၀ီရတနာ၊ ဘွဲ့သညာမှာ၊ ကုမ္မာမိဖုရား၊ လှအောင်ချာကို၊ တောင်ညာထားလို့၊ စံစားတုံလစ်၊ မှတ်သင်္ချာလေ၊ ကောဇာနှစ်လျှင်၊ တွက်စစ်ငါးရာ၊ ရောက်သောခါတွင်၊ သုံးဖြာပိဋကတ်၊ မြတ်ဇိနော်လေ၊ ဟောဖော်ဘိကေ၊ ပရိယာတ်ကို၊ ကြီးချပ်၌မှာ၊ ရွီးထိုးကာဖြင့်၊ သံဃာယနံ၊ ပဉ္စနံကို၊ မင်းမွန်စောထီး၊ မြို့ဝေသာမှာ၊ သံဃာများနှင့်၊ တင်ထားပြီးသော်၊ ပျက်စီးပြန်ခါ၊ နောက်ရာဇာရို့၊ ထပ်ခါပြုစု၊ လုပ်နိုင်ရန်ကို၊ စိတ်ကြံပြုလို့၊ ကောင်းမှုဒါန၊ တာသုံးထောင်နှင့်၊ ဂေါင်အချုပ်ကေ၊ သဂုင်္တ္တဟု၊ နာမတွင်ခြင်း၊ သရက်ရွာနှင့်၊ လက်ကာတွင်းကို၊ စိတ်ရင်းဖြူစွာ၊ လှူလတ်ပါ၍၊ အက္ခရာရွီးမှတ်၊ ကြီးချပ်လွှာမှာ၊ ကောင်းစွာနှိပ်ကေ၊ တံဆိပ်ခတ်လို့၊ မင်းမြတ်ဘုန်းကြွယ်၊ သေအချာဖြင့်၊ ရှည်ကြာမှတ်အောင်၊ ထားလတ်တေလေး။


(၁၈)

(ရောဂါကောင်းရီး၊ ပင်ညောင်ညိုကို၊ ဖျက်ဖြိုလှီး၍၊ မီးနှင့်လည်းတိုက်၊ ဖွီးဖွီးဖြူ၍၊ ပြာပုံဖြစ်လျှင်)

(ရီး) (လှီး) (မီး) ကို ကာရံယူထားသည်ကို တွိရပါသည်။

ဤကာရကို မြန်မာမှုပြုလျှင်

(ရောဂါကောင်းရေး၊ ပင်ညောင်ညိုကို၊ ဖျက်ဖြိုလှေး၍၊ မေးနှင့်လည်းတိုက်၊ ဖွေးဖွေးဖြူ၍၊ ပြာပုံဖြစ်လျှင်) ဟူ၍ ရပါသည်။

(ဖြိုလှေးသည်။ မေးနှင့်တိုက်သည်) ဆိုသည်မှာ လုံးဝအဓိပ္ပါယ်မဟိပါ။ ထို့ကြောင့် ဤကာရံများမှာ မြန်မာမှုပြုမရသော ကာရံများဖြစ်ပါသည်။

ကိုးကားချက်အပြည့်အစုံ
-------------------------
(၁၈) ထားလတ်ငြားကေ၊ စန္ဒြားရာဇာ၊ အာနန္ဒာလျှင်၊ ဘာသာကောင်းကျိုး၊ စည်ပင်သာအောင်၊ ပြည်ရွာကျိုးကို၊ အားကြိုးစိတ်ကြံ၊ လုံ့လသန်၍၊ စီမံပြုလစ်၊ ရှိဘုန်းကံကြောင့်၊ နန်းစံစိုးကေ၊ ဆယ့်ကိုးနှစ်တွင်၊ သက္ကရာဇ်ကောဇာ၊ တွက်စစ်ခါဝယ်၊ ငါးရာတဆယ်၊ ခုနှစ်ကယ်တွင်၊ ကံခေဆိုးလှ၊ မြတ်ရာဇာမှာ၊ နတ်ရွာကြွသော်၊ သားလှသက်နှံ၊ တိုင်းနိုင်ငံကို၊ ပိုင်စံစိုးဘိ၊ ထူးကဲလွန်၍၊ ဘုန်းကံဟိကေ၊ သီရိစန္ဒြား၊ တသာဂီကေ၊ ဇာနီဖွားမှာ၊ သက်ထားကြင်ယာ၊ သာဝိတာဟု၊ တောင်ညာနှမ၊ နတ်ဆင်းညီကေ၊ ဒေ၀ီလှကို၊ ကဉ္စနမာလာ၊ ဘွဲ့သညာဖြင့်၊ တင်ကာမြှောက်ထား၊ အတန်တန်လေ၊ မတ်ဝန်များနှင့်၊ ခစားရံပတ်၊ ညီးလူလူဖြင့်၊ ထီးဖြူမိုးကေ၊ အုပ်စိုးလတ်လို့၊ လွှမ်းပတ်ကျော်လစ်၊ နန်းဘုံပျံမှာ၊ စံသည်နှစ်ကို၊ ရွီစစ်တွက်ကျုံး၊ နှစ်လေးဆယ်နှင့်၊ စွန်းဝယ်သုံးတွင်၊ ရှိထုံးစဉ်လာ၊ နှစ်ကောဇာလျှင်၊ ငါးရာခြောက်ဆယ်၊ ရောက်ခါဝယ်တွင်၊ သုံးသွယ်ပိဋကတ်၊ စောဗုဒ္ဓါ၏၊ မြွက်ခါထုတ်ကေ၊ မုက္ခပါတ်ကို၊ ပြီးပြတ်စုံစွာ၊ ကြီးချပ်မှာ၌၊ သံဃာများမြောင်၊ ပေါင်းနှစ်ထောင်နှင့်၊ ရွတ်ဆောင်ကျန၊ မြောက်ချိန်ခါဝယ်၊ ငါးရာခြောက်ဆယ်၊ ရောက်လတ်ပေကေ၊ ထိုသည်သက္ကရာဇ်၊ ခန်းကြုံပါကေ၊ ကောဇာနှစ်ကို၊ ဖြိုပစ်ပြီးခါ၊ တစ်သင်္ချာမှ၊ စကာရွီလစ်၊ တက်ပွားပါကေ၊ ကောဇာသစ်လျှင်၊ တွက်စစ်နှစ်ဆယ်၊ ကိုးခုကေတွင်၊ ဘုန်းကြွယ်ရာဇာ၊ စုတိပြန်၍၊ နတ်ထံကြွသော်၊ သိင်္ဂစန္ဒြား၊ သားသက်နှံလျှင်၊ နန်းစံငြားလို့၊ ညာထားနှမ၊ သွန်းရုပ်ဟန်သို့၊ သုဝဏ္ဏနှင့်၊ တူကွမကွာ၊ တိုင်းရက္ခာကို၊ အာဏာဖြန့်မိုး၊ ချုပ်အချာဖြင့်၊ အုပ်ခါစိုးလို့၊ အမျိုးဘာသာ၊ သာသနာကို၊ လွန်စွာမြှောက်စား၊ မြို့ပြည်ရွာလျှင်၊ သာယာငြားအောင်၊ ဆယ်ပါးဓမ္မ၊ ရှိစဉ်လာကေ၊ ရာဇာထုံးကို၊ နှလုံးမျှ၍၊ သင်္ဂဟလေးတန်၊ ဒါန၀ှမ်၍၊ နန်းစံစိုးမြောက်၊ နှစ်ကြာရှည်ကေ၊ ခြောက်ဆယ်ခြောက်တည်း၊ ထိုနောက်တဖြာ၊ နှစ်ကောဇာကား၊ ပဉ္စာန၀၊ ရောက်သောခါ၌၊ ဇရာကျလို့၊ ရာဇဘုရင်၊ ကုသိုလ်ဟုန်လျှင်၊ ကုန်ကာခန်းကေ၊ နတ်နန်းဝင်လို့၊ ထိုပြင်နောက်မှ၊ နှုံးမတန်အောင်၊ ဘုန်းကံပကေ၊ စူဠစန္ဒြား၊ တွင်မည်ဆိုကေ၊ ထိုမင်းသားမှာ၊ ညာထားနှမ၊ တိုက်လေးဆောင်မှာ၊ ကိုယ်ရောင်ပကေ၊ စန္ဒဒေ၀ီ၊ မဟေသီနှင့်၊ ရွှီစီဘုံနန်း၊ မှူးမတ်ဝန်ရို့၊ ပတ်ရံဝန်းကေ၊ စံမြန်းပျော်ရာ၊ တရံခါတွင်၊ ရာဇာမင်းဖျား၊ ဦးရစ်နာလျှင်၊ ဖြစ်လာငြား၍၊ ဆီးဝါးစုံစွာ၊ အဖြာဖြာနှင့်၊ ဆရာအများ၊ အတန်တန်လျှင်၊ ကုပြန်ငြားလည်း၊ ဖြစ်ပွားရောဂါ၊ မချမ်းသာသော်၊ ရာဇာဘုန်းဟိ၊ မတ်စုံလင်နှင့်၊ တိုင်ပင်ညှိလို့၊ က၀ိဥာဏ၊ ရွှီတိုင်းဘုံမှာ၊ ဂုဏ်ရောင်ပ၍၊ သာမယဇ္ဇု၊ ဣသျှုတွင်ထား၊ ကျမ်းသုံးဘုံကို၊ တတ်တုံငြားကေ၊ ဟူးရားအကျော်၊ ပုဏ္ဏားတော်ကို၊ ပင့်ခေါ်ယူလျှက်၊ မင်းရာဇာ၏၊ ဇာတာကွက်ကို၊ တွက်ချက်သောခါ၊ ဗြဟ္မဏာကေ၊ ဆရာမြတ်မှာ၊ ဟောလတ်ရာကား၊ မဟာတေဇ၊ ဘုန်းတော်ဟိန်နှင့်၊ ထိန်ထိန်ပကေ၊ မင်းလှဘုန်းကြွယ်၊ လွန်စည်ပင်၍၊ ရွှင်မညီးကေ၊ သင်းထွီးပြည်တွင်၊ ရှိဝေတ၀၊ အကုသိုလ်လေ၊ ပိုမိုကြီးကေ၊ ခွီးဖြစ်ခလို့၊ သီသတွင်ပြန်၊ ဦးဂေါင်းခွံကို၊ ပင်သန်ရိပ်ဝန်း၊ မြညောင်ညိုလျှင်၊ မျိုကာလွှမ်းလို့၊ ကုန်ခန်းဆောင်းလ၊ ရွက်ကျင်ပြန်၍၊ ဂိမှာန်တွင်းမှာ၊ လီပြင်းထသော်၊ ကိုင်းမခက်သံ၊ ဘယ်ညာလန်၍၊ လှုပ်ပြန်တုံကြ၊ သို့တွက်တာကြောင့်၊ ရောဂါရလို့၊ လျှင်ဆွမကြာ၊ ဦးရစ်နာလေ၊ ရောဂါကောင်းရီး၊ ပင်ညောင်ညိုကို၊ ဖျက်ဖြိုလှီး၍၊ မီးနှင့်လည်းတိုက်၊ ဖွီးဖွီးဖြူ၍၊ ပြာပုံဖြစ်လျှင်၊ စင်စစ်မှန်စွာ၊ ဤအနာမှာ၊ ကောင်းပါလိမ့်မည်၊ မင်းဘုရင်ကို၊ ဦးတင်မြှောက်လို့၊ လျှောက်လတ်ပေသော်၊ ဌာနေသီရိ၊ သင်းထွီးပြည်ဟု၊ အမည်ဟိကေ၊ ဘုမ္မိသုဝံ၊ ရွှီတိုင်းဖောင်မှာ၊ မြရောင်လွှမ်းကေ၊ ညောင်နန်းထံသို့၊ လျှင်မြန်မကြာ၊ မြတ်ဗိုလ်တာဖြင့်၊ ရံကာပတ်ဝန်း၊ လှီနာဝါဖြင့်၊ ချီကာလှမ်းလို့၊ ထူးဆန်းတင့်တယ်၊ များလူသျှင်ရို့၊ ရွှင်မညီးကေ၊ သင်ထွီးပြည်တွင်၊ ရောက်ပေတုံလစ်၊ ပင်ညောင်ညိုကို၊ လှဲဖြိုပစ်လို့၊ မီးတိုက်ပြီးထွေ၊ မိမိပြည်ကို၊ ပြန်သည်ကာလ၊ သမုဒ်ကျယ်ကေ၊ ပင်လယ်ဝတွင်၊ ပြင်းပြလီဟုန်၊ တိုက်လတ်တုံသော်၊ ဗလုံထိုးကြွ၊ ကျွတ်ကျွတ်ဆူ၍၊ ယက်ဖြူဆိုင်းကေ၊ လှိုင်းကြီးထလို့၊ များလှရာထောင်၊ လှီများမြောင်နှင့်၊ ဘုန်းခေါင်စောထီး၊ စီးကာပျော်ရေ၊ လှီတော်ကြီးမှာ၊ ပျက်စီးမြုတ်နစ်၊ သမုဒ်ကျယ်ကေ၊ ပင်လယ်မြစ်မှာ၊ ဧကရာဇ်ဘုန်းကြွယ်၊ သက်ခန္ဓာလေ၊ ရီမှာတုံးကေ၊ ဆုံးလီရေလေး။


(၁၉)

(မြနှစ်ပုံချီ၊ မဟာဆွီကေ၊ ဇာနီမှန်ငြား၊ ဘုန်းတော်ဖြာ၍၊ အာဏာလွှမ်းကေ၊ စန္ဒြားဟု၊ ထင်ရှားကျော်မြောက်၊ ပြည်ရခိုင်မှာ၊ မည်မပျက်ဘဲ၊ ကိုးဆက်မြောက်)

(ချီ) (ဆွီ) (နီ) ကို ကာရံယူထားသည်ကို တွိရပါသည်။

ယင်းကို မြန်မာမှုပြုလျှင်

(မြနှစ်ပုံချေ၊ မဟာဆွေကေ၊ ဇာနည်မှန်ငြား) ဟု ရပါသည်။

(မြနှစ်ပုံချေ) ဆိုသည်မှာ ဖတ်ရမကောင်း အရုပ်ဆိုးပါသည်။ ထို့ကြောင့် ဤကာရံမှာလည်း မြန်မာမှုပြုမရသော ရခိုင်ကာရံဖြစ်ပါသည်။

(ရှည်လျားနှစ်တာ၊ ခေတ်များစွာလျှင်၊ ကြာကာပြောင်းရွှိ၊ နောက်နောင်လာကေ၊ ပညာဟိဟု၊ က၀ိဆရာ၊ အဖြာဖြာရို့၊ ကဗျာရတု၊ ဧအံဆို၍၊ ထိုဝတ္ထုကို၊ ပြုစုသောခါ၊ စာနဂိုမှာ၊ အပိုသွင်းလို့၊ ရွီးခြင်းရာကြောင့်)

(ရွှိ) (ဟိ) (၀ိ) ကာရံယူထားသည်ကို တွိရပါသည်။

ယင်းကို မြန်မာမှုပြုလျှင်

(ကြာကာပြောင်းရွှီ့၊ နောက်နောင်လာခါ၊ ပညာဟေ့ဟု၊ ကဝေ့ဆရာ) ဟု ရပါသည်။

(ပညာဟေ့၊ ကဝေ့ဆရာ) ဆိုသည်မှာ ယုတ္တိယုတ္တာမဟိသော စကားလုံးများဖြစ်ပါသည်။

ထို့ကြောင့် ဤကာရံများကို မြန်မာမှုပြုမရသော ရခိုင်ကာရံများဟု ခေါ်ဆိုရခြင်းဖြစ်သည်။

(ကမ္ဘာမဟီ၊ ကုန်းထက်မြီမှာ၊ တူညီကျက်စား၊ သတ္တ၀ါလေ၊ ထောင်ရာများနှင့်)

(ဟီ) (မြီ) (ညီ) ကာရံယူထားသည်ကို တွိရပါသည်။

ဤသည်ကို မြန်မာမှုပြုလျှင်

(ကမ္ဘာမဟေ၊ ကုန်းထက်မြေမှာ၊ တူညေကျက်စား၊ သတ္တ၀ါလေ၊ ထောင်ရာများနှင့်) ဟု ရပါသည်။

(ကမ္ဘာမဟေ၊ တူညေ) ဆိုသည်မှာ အဓိပ္ပါယ်မဟိသော စကားလုံးများဖြစ်ပါသည်။ ထို့ကြောင့် ဤကာရံများမှာ မြန်မှာမှုပြုမရသော ရခိုင်ကာရံများဖြစ်ပါသည်။ (ကမ္ဘာမြီ) လား (ကမ္ဘာမြေ) လားဟူသည်ကို ဤကာရံဖြင့် ယှင်းလင်းသိသာနိုင်သည်။

ကိုးကားချက်အပြည့်အစုံ
-------------------------
(၁၉) ဆုံးပျက်ပါကေ၊ ရာဇမင်းလှ၊ နန်းစံလီကေ၊ သတ္တိသနှင့်၊ သက်ကားငါးဆယ်၊ ခြောက်နှစ်ကယ်တွင်၊ ရောက်သည်ကောဇာ၊ သက္ကရာဇ်ကို၊ တွက်စစ်ပါသော်၊ ဧကာတိအစ်၊ ကိန်းသင်္ချာလျှင်၊ မှန်စွာဖြစ်လို့၊ မြနှစ်ပုံချီ၊ မဟာဆွီကေ၊ ဇာနီမှန်ငြား၊ ဘုန်းတော်ဖြာ၍၊ အာဏာလွှမ်းကေ၊ စန္ဒြားဟု၊ ထင်ရှားကျော်မြောက်၊ ပြည်ရခိုင်မှာ၊ မည်မပျက်ဘဲ၊ ကိုးဆက်မြောက်တွင်၊ ပြတ်တောက်ပြီးထွေ၊ မြို့ဝေသာမှာ၊ ထိုခါတုံးကေ၊ ဆုံးလီရေဟု၊ ကျော့မေနှမ၊ ပန်းဖြူအောင်လေ၊ ပျိုမောင်ချောကို၊ ပြောလတ်ကလျှင်၊ လှပ၀င်းပြောင်၊ ပန်းဖြူအောင်က၊ ဇောင်လည်းတသွယ်၊ သိလိုရာကို၊ ခွဲကာခြမ်း၍၊ မီးမြန်းရေကား၊ တင့်တယ်သန့်ယှင်း၊ လှမေပျို၏၊ ပြောဆိုခြင်းနှင့်၊ မိုးတွင်းအခါ၊ မောင်ရို့ရွာက၊ ကျမ်းစာတတ်လှ၊ သက်ကြီးအိုကေ၊ မောင်ညိုဘ၏၊ ပြောပြခြင်းရာ၊ ၀တ္ထုပုံမှာ၊ မူလျှင်ကွဲကေ၊ နည်းနည်းကွာဟု၊ ထိုခါကာလ၊ ကွဲခြင်းရာကို၊ ထောက်ကာပြလျှင်၊ ယှင်းပါရစီ၊ ရွှီရုပ်သွင်သို့၊ သဇင်ခက်ကေ၊ မောင်သက်ဝီဟု၊ မေရွှီနှမ၊ နှုတ်သံချိုနှင့်၊ ပြောဆိုပြလျှင်၊ မေလှပြောကျင်၊ ရာဇ၀င်၌၊ ဘုရင်မင်းဖျား၊ ဘုန်းတော်ရောင်ဖြင့်၊ တောက်ပြောင်ရွှမ်းကေ၊ စန္ဒြားလျှင်၊ ကြီးများကျယ်စွာ၊ မြစ်သီတာတွင်၊ နာဝါကွဲအက်၊ သက်ခန္ဓာလျှင်၊ ရီမှာပျက်ဟု၊ ဆိုချက်တ၀၊ သက်ကြီးအိုကေ၊ မောင်ညိုဘကား၊ တေဇလျှံကြွား၊ စန္ဒြားကို၊ နဂါးရာဇာ၊ နှစ်ယူကာဖြင့်၊ သဲချာသက်မျှ၊ ယဉ်နုနယ်၍၊ ရွယ်မကြီးကေ၊ သမီးလှနှင့်၊ တူကွနှစ်ဖြာ၊ ဘောဂပြည်လေ၊ ဌာနေရပ်မှာ၊ လက်ထပ်ခါဖြင့်၊ ဟိပါလီရေ၊ သက်ကြီးအိုကေ၊ မောင်ညိုဘက၊ ပြောပြပေလို့၊ ဤသည်နှစ်ဝ၊ စကားလာမှာ၊ ခြားကွာကြဟု၊ မောင်ကပြောခါ၊ သိန်းကျော့ဝေလေ၊ မေအလှမှာ၊ ယှင်းပြရာကား၊ ကမ္ဘာလောက၊ တိုင်းနိုင်ငံလေ၊ အနန္တတွင်၊ များစွဖြာဖြာ၊ ခပ်သိမ်းသူလေ၊ လူအများ၏၊ စကားမှာ၌၊ စဉ်လာတနှုံး၊ ပြောကြပေကေ၊ မြို့ပြည်လုံးနှင့်၊ ရပ်သုံးရွာသုံး၊ နန်းလယ်တွင်မှာ၊ ဘုရင်သုံးဟု၊ ဆိုထုံးဟိရာ၊ ယခုမှာ၌၊ ဆိုကာထားကေ၊ စကားလာလျှင်၊ ရာဇာမင်းသုံး၊ ဆန်းအယဉ်ကေ၊ နန်းစဉ်ထုံးဖြင့်၊ ရွှီဘုန်းထင်ရှား၊ စန္ဒြားကေ၊ မင်းဖျားဘုရင်၊ ဘောဂပြည်လေ၊ ဌာနေနန်းမှာ၊ စံမြန်းသျှင်ဟု၊ စာတင်ထားလို့၊ ရှည်လျားနှစ်တာ၊ ခေတ်များစွာလျှင်၊ ကြာကာပြောင်းရွှိ၊ နောက်နောင်လာကေ၊ ပညာဟိဟု၊ က၀ိဆရာ၊ အဖြာဖြာရို့၊ ကဗျာရတု၊ ဧအံဆို၍၊ ထိုဝတ္ထုကို၊ ပြုစုသောခါ၊ စာနဂိုမှာ၊ အပိုသွင်းလို့၊ ရွီးခြင်းရာကြောင့်၊ ပမာတင်အပ်၊ ရွှီသိင်္ဂီကို၊ ဖိုမှာနှောကေ၊ ကြီးရောစပ်ယောင်၊ နောက်ထပ်တဖြာ၊ ဥပမာနှင့်၊ တူစွာသဘော၊ မုယောတန်လေ၊ ဆွမ်းဆန်ဖွီးမှာ၊ ကြွက်ချီးရောယောင်၊ အဟောရှိလွန်၊ သမိုင်းမှန်မှာ၊ ပိုလျှံမုသား၊ လူများစွာရို့၊ နာသာငြားအောင်၊ နဂါးနန်းဘုံ၊ ယခုဆိုကေ၊ ထိုမင်းဖျားမှာ၊ စံစားလှုံဟု၊ တဖုံတနည်း၊ ရာဇ၀င်မှာ၊ စာတင်ကွဲလို့၊ မှားလွဲပိုလွန်၊ ရွီးထားဟန်ကို၊ ပန်းတန်ယဉ်နွဲ့၊ မောင်ပျိုဖြူမှာ၊ မယုံကဲ့နှောင့်၊ ထိုသည့်ထုံးမူ၊ အလုံးစုံကို၊ ယုံသူတချို့၊ မယုံသူလေ၊ လူတချို့နှင့်၊ နှစ်မျိုးကွဲပြား၊ ပြည်ရခိုင်လေ၊ မဏ္ဍိုင်တွင်းမှာ၊ အငြင်းပွားရေ၊ အမှားအမှန်၊ သိစီရန်ကို၊ တဖန်နည်းငယ်၊ နတ်ဆင်းယောင်သို့၊ မောင်ပန်းကုံးကို၊ ယှင်းအုံးမည်လေ၊ ကြာရှည်နှစ်တာ၊ ဟိသောခါတွင်၊ မဟာစောထီး၊ ပြင်းအာဏာနှင့်၊ မင်းဘာကြီးလျှင်၊ ထိန်ညီးတေဇာ၊ တိုင်းနိုင်ငံကို၊ ပိုင်စံမိုးလို့၊ အုပ်စိုးခါတွင်၊ ရာဇာမင်းဘုန်း၊ နန်းရိပ်မြိုင်မှာ၊ လက်ကိုင်သုံးကေ၊ တိုင်းလုံးကျော်စွာ၊ ဆီးဆရာဟု၊ ကြီးစွာဂုဏ်ဟိတ်၊ သီတင်းဝှန်းကေ၊ နန်းတံဆိပ်နှင့်၊ ပဏ္ဍိတ်ကျော်ခေါင်၊ ဓာတ်များစွာကို၊ ခွဲကာစမ်းကေ၊ ပေါ်ထွန်းအောင်လျှင်၊ နောက်နောင်ရှည်လျား၊ ရခိုင်ပြည်မှာ၊ လူငယ်များရို့၊ သိကြားစီမှု၊ ဆန်းတဖန်လေ၊ ကျမ်းဂန်ပြုကေ၊ ဓာတုစိန္တာ၊ အမည်ဆိုကေ၊ ထိုသည်ကျမ်းက၊ ညွှန်းပြရာတွင်၊ ကမ္ဘာမဟီ၊ ကုန်းထက်မြီမှာ၊ တူညီကျက်စား၊ သတ္တ၀ါလေ၊ ထောင်ရာများနှင့်၊ လူသားတတန်၊ တိရိစ္ဆာန်ရို့၊ ရုပ်နာမ်နှစ်ရပ်၊ တည်မြဲပြန်၍၊ ရှင်သန်လတ်အောင်၊ နှမ့်စပ်များစွာ၊ ဤကမ္ဘာတွင်၊ ဇီဝါဓာတု၊ ငွေ့ရည်စိုကေ၊ ထိုဓာတ်စုလျှင်၊ ရီထုအောက်ဆိုင်၊ လီဝါယာနှင့်၊ သွင်းကာဖောက်ကေ၊ မရောက်နိုင်၍၊ တောမြိုင်ကျက်စား၊ တိရိစ္ဆာန်ကေ၊ ပိုးနှံများနှင့်၊ လူသားရို့သည်၊ ရီအောက်မှာလျှင်၊ ခန္ဓာသက်ကေ၊ ဆုံးပျက်တေဟု၊ အတည်တကျ၊ ဓာတ်ကျမ်းမှာလျှင်၊ ရွီးကာပြလို့၊ ဘောဂဌာနေ၊ ရီအောက်မှာ၌၊ တည်ကာထားကေ၊ နဂါးပြည်တွင်၊ ဘုန်းကြွယ်မင်းဖျား၊ တအေကာမှာ၊ တေဇာလွှမ်းကေ၊ စန္ဒြားလျှင်၊ နဂါးသမီး၊ နန်းဘုံပျံမှာ၊ လှစံသီးနှင့်၊ ပျော်မှီးစပ္ပါယ်၊ ဟိပါရေဟု၊ ဆိုပေတုံငြား၊ ယုတ္တိယုတ္တာ၊ မဟိပါဘဲ၊ ဆိုရာများကို၊ ပျိုထွားပန်းဖြူ၊ ကြားပြန်တုံလည်း၊ မယုံပါကဲ့၊ ရှိစာရို့ကို၊ အပိုချဲ့လို့၊ ရွီးခဲ့သည်သာ၊ သိန်းကျော့ဝေလေ၊ ပျိုမေချောက၊ ပြောသောခါတွင်၊ ၀မ်းသာရွှင်ပြ၊ ပန်းဖြူအောင်လေ၊ ပျိုမောင်ချောမှာ၊ သဘောကျလို့၊ နှမကျော့ဝေ၊ ယုတ္တိဖြာ၍၊ ရှည်ကြာလှအောင်၊ ယှင်းပြပေ၍၊ မောင်ဝေထင်လင်း၊ ဤပုစ္ဆာကို၊ သင်္ကာကင်းလို့၊ ယှင်းလတ်ပါပြီ၊ နောက်ဆက်ခါဖြင့်၊ ကြောင်းရာများကို၊ ကြားရစီဟု၊ ဆိုလီပြန်ကေ၊ သိန်းကျော့ဝေလေ၊ မေအလှမှာ၊ မျက်စချိုမော၊ သမိုင်းစဉ်ကို၊ စဉ်မပျက်အောင်၊ ဆက်လို့ပြောရေ။


(၂၀)

(၀င်းလဲ့ထိန်လျှံ၊ လက်စွပ်ပျံနှင့်၊ တန်သူမဟိ၊ ရက်လကြာအောင်၊ ရှာမတွိသော်)

(ဟိ) (တွိ) ကို ကာရံယူထားသညိကို တွိရပါသည်။

ယင်းကိုမြန်မာမှုပြုသော်

(တန်သူမရှိ၊ ရက်လကြာအောင်၊ ရှာမတွ့သော်) ဟု ရပါသည်။ (ရှိ) နှင့် (တွေ့) ကာရံလွတ်လားပါသည်။ ထို့ကြောင့် ဤကာရံမှာ မြန်မာမှုပြုမရသော ရခိုင်ကာရံဖြစ်ပါသည်။ ဤကာရံကိုထောက်၍ (တွိ) လား (တွေ့) လားဟူသည်ကို ပညာဟိများ ခွဲခြားသိမြင်နိုင်သည်။

ကိုးကားချက်အပြည့်အစုံ
-------------------------
(၂၀) ဆက်ပြောပြန်ကေ၊ လှီမြန်စီးကာ၊ ဖီးရန်စွယ်ကို၊ ကာကြွယ်ပြုဖို့၊ ရှိဦးလာကေ၊ သေနာမတ်စစ်၊ စွမ်းရည်သန်ကေ၊ ထမ္မရာဇ်လျှင်၊ လျှပ်စစ်လီယောင်၊ မီးခိုးမှောင်သို့၊ တိမ်တောင်ညိုမြ၊ သမုဒ်ကျယ်ကေ၊ ပင်လယ်ဝတွင်၊ မြင်ရတုံပြန်၊ သံကျော်ကျော်နှင့်၊ အော်ကာဟစ်လို့၊ ပြောလိုက်ဟန်ကား၊ လှီမြန်တော်သား၊ ရှိတပ်ချီကေ၊ ဗိုလ်ခြီများရို့၊ ကြီးမားလှစွာ၊ အဏ္ဏ၀ါလေ၊ သီဒါတွင်းမှာ၊ လီပြင်းလာမည်၊ သို့ဖြစ်ပေ၍၊ ခုဝယ်လျှင်လျှား၊ စီးလာပြန်ကေ၊ လှီမြန်များကို၊ တအားခတ်ကာ၊ မြစ်ကမ်းယံကို၊ အမြန်ကပ်အောင်၊ ကူးခတ်ပါဟု၊ သေနာဦးစီး၊ ဟစ်အော်ကာဖြင့်၊ အာဏာပီးသော်၊ လှီကြီးလှီငယ်၊ စီးကြပေကေ၊ စစ်သည်စစ်မှူး၊ မြစ်ကမ်းယံသို့၊ အားမာန်တင်းကေ၊ အပြင်းကူးလို့၊ အားလုံးစုံစွာ၊ ရောက်သောခါတွင်၊ လွန်စွာပြင်းလစ်၊ သမုဒ်ကျယ်ကေ၊ ပင်လယ်တွင်းမှာ၊ လီပြင်းတိုက်လို့၊ မဖြစ်အန္တရာယ်၊ ရဲမက်တော်လေ၊ ဖော်တသင်းမှာ၊ လွတ်ကင်းချေ၍၊ ထိုသည်ကာလ၊ လီပြင်းဟုန်လေ၊ ရပ်တုံကလျှင်၊ သေနမဟာ၊ မင်းရာဇာကို၊ မျှော်ကာစောင့်လျှက်၊ ထိုနီရာတွင်၊ ထွက်ခါစစ်ကေ၊ ခုနစ်ရက်ထိ၊ ကုန်းနှင့်ရီစပ်၊ မြစ်ကမ်းသာမှာ၊ ခြီရာထပ်အောင်၊ ရှာလတ်သောခါ၊ ဘုန်းရောင်ဖြာကေ၊ ရာဇာတုလွတ်၊ စီးကာပျော်ကေ၊ လှီတော်မြတ်လျှင်၊ ကွဲပြတ်ပိုင်းကာ၊ သမုဒ်ရီလေ၊ ကမ်းခြီစပ်မှာ၊ တွိလတ်ပါသော်၊ ထိုခါပြီးမှ၊ ပြည်ကြီးသျှင်လေ၊ သဇင်ကုံးကို၊ အဆုံးချလို့၊ တိုင်းမအောင်ချာ၊ မြို့ဝေသာကို၊ ပြန်လာတုံကြ၊ အာဂျိတ်ဆိုကေ၊ ထိုသည်ကျွန်းက၊ စခန်းချလျှက်၊ စန္ဒဒေ၀ီ၊ မဟေသီဟု၊ ကျော်ညီထင်ရှား၊ ရွှီနန်းတော်မှာ၊ စံပျော်ဟိကေ၊ မိဖုရားကို၊ လျှင်လျှားတလီ၊ ကြောင်းခြင်းဟန်ကို၊ တမန်များနှင့်၊ လျှောက်ကြားစီသော်၊ ဒေ၀ီအလှ၊ ဆွဆွခုန်၍၊ ယမ်းပုံထဲမှာ၊ မီးခဲကျသို့၊ ဒေါသဖြစ်ကာ၊ အကောက်ကြံ၍၊ စိတ်မာန်ပြင်းနှင့်၊ ပြောခြင်းရာကား၊ ရာဇာဘုန်းကြွယ်၊ သင်းထွီးပြည်သို့၊ လားမည်ပြုခါ၊ စကားဆိုလျှင်၊ မေကိုညွှန်းကေ၊ သုံးခွန်းမှာရေ၊ ပြည်ရွာထံမှောက်၊ မောင့်သက်နှံလျှင်၊ ပြန်မရောက်က၊ မင်းမြှောက်အံ့ငှာ၊ အလောင်းရှာသော်၊ မောင်သာဆင်လတ်၊ န၀ရတ်ကေ၊ လက်စွပ်နှင့်မူ၊ တန်သောသူကို၊ မင်းမူစီအပ်၊ နောက်တဖန်လျှင်၊ ပြောပြန်လတ်ကေ၊ လက်စွပ်တန်သူ၊ အဖန်ဖန်လျှင်၊ ရှာကြံကြ၍၊ မရမူလျှင်၊ ရွှီဘုံနန်းထဲ၊ မောင်လျှင်ကိုင်ကေ၊ နန်းစဉ်လှဲကို၊ ဆွဲကာလွယ်ကူ၊ တင်နိုင်သူကို၊ မင်းပြုပါစီ၊ နောက်တလီလျှင်၊ မှာသည်စကား၊ ညာနန်းစံမှာ၊ သန္ဓေသားကို၊ မြင်ဖွားတုံပြန်၊ အရွယ်တန်ကေ၊ နိုင်ငံတိုင်းမ၊ ဘအမွီလေ၊ ရွှီကြငှန်းကို၊ စံမြန်းရယောင်၊ လှမေခေါင်မှာ၊ ကြံဆောင်မစ၊ သားသက်ဝီကို၊ ပီးလီရမည်၊ နန်းဘုံသာမှာ၊ အာဏာမှတ်လို့၊ မိန့်လတ်တေခါ၊ (အမစွာလေ)၊ သေနာပတိ၊ မတ်မဟာလျှင်၊ ရာဇာပါးမှာ၊ ခစားဟိလို့၊ ကြားသိလတ်ရာ၊ မင်းမြတ်စွာနှင့်၊ ငါရာစင်စစ်၊ လုံးရပ်ညီကေ၊ တူသည်ဖြစ်၍၊ ရွှီနှစ်သိင်္ဂါ၊ ရတနာလေ၊ ရာဇာလက်စွပ်၊ သူ့လက်ကြွယ်မှာ၊ တန်မည်မှတ်လို့၊ မင်းမြတ်ကိုသာ၊ အဏ္ဏ၀ါတွင်၊ လွန်စွာရက်စက်၊ ရုပ်ခန္ဓာကို၊ ဖျောက်ခါဖျက်လို့၊ အရှက်မဟိ၊ မင်းပြုရန်ဟု၊ စိတ်ကြံဟိကေ၊ ဆိုးဘိယုတ်မာ၊ မတ်မိစ္ဆာလျှင်၊ လိမ်ကာလှည့်လျှက်၊ အကောက်ညာဏ်နှင့်၊ တမန်ဆက်ဟု၊ သွက်သွက်လည်းခါ၊ စိတ်မာန်ပါ၍၊ ကမ္ဘာမကြီ၊ ငါမသီကေ၊ မနီစီရ၊ မြို့တိုင်းပြည်က၊ နှင်မည်ပဟု၊ မေလှတောင်ညာ၊ ကြိမ်းဝါးရာကို၊ သေနာထွတ်ထား၊ မတ်တော်ဝန်မှာ၊ နာခံပြင်းအောင်၊ သတင်းကြားလို့၊ ရှက်အားလည်းကြီး၊ တိုင်းမြို့ခွင်က၊ ကြင်မယားနှင့်၊ သားသမီးကို၊ ခေါ်ပြီးယူလျှက်၊ စစ်သေနာနှင့်၊ မြစ်ညာထက်ကို၊ ဆန်တက်ဝီးစွာ၊ သင့်မြတ်ရာမှာ၊ မြို့ရွာတည်ချ၊ များဗိုလ်ခြီနှင့်၊ နီလီကြသော်၊ တိုင်းမအောင်ချာ၊ မြို့ဝေသာမှာ၊ ရာဇာကင်းဘိ၊ ဆောင်ချက်လယ်ကေ၊ ရဝေတွင်းမှာ၊ မင်းမဟိသော်၊ မူးကြီးမတ်ရာ၊ အဖြာဖြာနှင့်၊ တောင်ညာထွတ်ထား၊ ညီလာဝင်၍၊ တိုင်းပင်ငြားလို့၊ စန္ဒြားမင်းမွန်၊ အပ်ခဲ့ပြန်ကေ၊ ပြည်တန်ဖိုးမြတ်၊ ရောင်ဝင်းစိုကေ၊ ထိုလက်စွပ်နှင့်၊ စမ်းသပ်ပြီးခါ၊ မြို့ဝေသာတွင်၊ ပတ်ကာလည်လှည့်၊ အကြိမ်ကြိမ်လျှင်၊ အိမ်မလွတ်အောင်၊ စွပ်လို့ကြည့်လည်း၊ ၀င်းလဲ့ထိန်လျှံ၊ လက်စွပ်ပျံနှင့်၊ တန်သူမဟိ၊ ရက်လကြာအောင်၊ ရှာမတွိသော်၊ မြို့ကြီးကခွာ၊ တောရပ်ရွာတွင်၊ လည်ကာပတ်ထွေ၊ မင်းလောင်းလျာကို၊ ခါမပြတ်ကေ၊ ရှာလတ်တေလေး။


(၂၁)

(ရှာလတ်မယေတုံကြ၊ မြရောင်ဝီ၍၊ နဒီမြစ်ကေ၊ ဂစ္ဆပဟု)

ဤကာရံတွင် (၀ီ) နှင့် (ဒီ) ကို ကာရံယူထားပါသည်။

ဤကာရံကိုမြန်မာမှုပြုလျှင်

(ရှာလတ်မယေတုံကြ၊ မြရောင်ဝေ၍၊ နဒေမြစ်ကေ၊ ဂစ္ဆပ) ဟူ၍ ရပါသည်။ (နဒေ) ဆိုသည်မှာ ရယ်စရာ ဟာသဖြစ်ပါသည်။ ထို့ကြောင့် ဤကာရံမှာ မြန်မာမှုပြုမရသော ရခိုင်ကာရံစစ်စစ်ဖြစ်ပါသည်။

(တရံခါတွင်၊ ရာဇာဘုရင်၊ စိတ်မရွှင်ကေ၊ အလျှင်ချီကာ၊ ထွက်ကြွလာ၍၊ သိင်္ဂါနဒီ၊ မြစ်ကမ်းခြီသို့၊ ရောက်လီကြပေ၊ စမ္ပဝေဟု)

ဤအပိုဒ်တွင် (ဒီ) (ခြီ) (လီ) ကို ကာရံယူထားသည်ကို တွိရပါသည်။

ဤသည်ကို မြန်မာမှုပြုလျှင်

(သိင်္ဂါနဒေ၊ မြစ်ကမ်းခြေသို့၊ ရောက်လေကြပေ၊ စမ္ပဝေ) ဟူ၍ ရပါသည်။ (နဒေ) ဆိုသည်မှာ ဆိုခသည့်အတိုင်း အဓိပ္ပါယ်မဟိပါ၍ ဤကာရံမှာ မြန်မာမှုပြုမရသော ရခိုင်ကာရံဖြစ်ပါသည်။ ဤကာရံကိုထောက်၍ (ကမ်းခြီ) လား (ကမ်းခြေ) လားဆိုသည်ကို အငြင်းပွားစရာမလိုဟု ယူဆသည်။

ကိုးကားချက်အပြည့်အစုံ
--------------------------
(၂၁) ရှာလတ်မယေတုံကြ၊ မြရောင်ဝီ၍၊ နဒီမြစ်ကေ၊ ဂစ္ဆပဟု၊ နာမတွင်စွာ၊ ထက်အညာသို့၊ တက်ကာချီလှမ်း၊ ရက်မခြာဘဲ၊ လက်ယာကမ်းတွင်၊ စုံစမ်းပြီးခါ၊ အရွာရွာမှာ၊ ခါခါပတ်လှည့်၊ လူများစွာ၏၊ လက်မှာစွပ်ကေ၊ ၀တ်လို့ကြည့်လည်း၊ ၀င်းလဲ့ရောင်လျှံ၊ လက်စွပ်ပျံနှင့်၊ တန်သူမရ၊ မတ်ထိုထိုမှာ၊ ရှိကိုမှန်းကေ၊ လှမ်းလို့ကြွသော်၊ ညိုမြရီမှောင်၊ မီးချောင်းခေါင်ကေ၊ (မြောင်သောင်ဖျားက)၊ ၀ါးများစွာကို၊ ထမ်းလာငြားကေ၊ မြိုသားဖဟု၊ အမရတူ၊ အမရကူနှင့်၊ ပဲဖြူတွင်မှတ်၊ သုံးယောက်လူကို၊ ခေါ်ယူလတ်၍၊ စွပ်ကြည့်တုံပြန်၊ သုံးယောက်ဝယ်၏၊ လက်ကြွယ်များမှာ၊ အားလုံးတန်လို့၊ မြင်ပြန်တုံကြ၊ မတ်များစွာနှင့်၊ လာသူများမှာ၊ လွန်အားရ၍၊ တိုင်းမချက်ချာ၊ မြို့ဝေသာကို၊ ခေါ်လာပြီးမှ၊ အမရတူကို၊ ထီးဖြူအောက်မှာ၊ မင်းမြှောက်ကြလို့၊ ညီလှဖြစ်သူ၊ အမရကူကို၊ ဆောင်ယူခြားသီး၊ အိမ်ရှိစံကေ၊ နန်းရံပီး၍၊ အိမ်ရှိရာဇာ၊ မင်းညီစင်မှာ၊ မြင်မ၀ကေ၊ သားလှပဲဖြူ၊ ချစ်သဲအူကို၊ ခေါ်ယူတထပ်၊ မြောက်ဦးရွာမှာ၊ ကောင်းစွာထားကေ၊ ပိုင်စားအပ်လို့၊ နန်းမြတ်စံကာ၊ သုံးနှစ်ကြာသော်၊ ရာဇာထိုမင်း၊ အမရကူလေ၊ ညီဖြူရင်းကို၊ စိတ်တွင်းတမူ၊ နန်းထီးဖြူကိုိ၊ လုယူမည်မှတ်၊ ၀င်္ဂဥာဏ်နှင့်၊ အကြံမှားကေ၊ လှည့်ဖျားသတ်လို့၊ စံလတ်သည်ဖြစ်၊ ခုနစ်နှစ်တွင်၊ ပြောင်းလိုက်ခန္ဓာ၊ စုတေ့ပါ၍၊ နောက်မှာတမူ၊ နန်းမွီယူကေ၊ ပဲဖြူစံပေ၊ နန်းသက်ဝေကား၊ တဆယ့်ခုနစ်၊ စံပြီးခါတွင်၊ ခန္ဓာတုံးကေ၊ ဆုံးသည်ဖြစ်၍၊ တနှစ်ကြာဘိ၊ မြို့ဝေသာလေ၊ ပြည်ရွာတွင်းမှာ၊ မင်းမဟိကေ၊ ကြွင်းဘိတုံထ၊ ဝေသာပြည်၏၊ ကြာသည်နှစ်ကို၊ တွက်စစ်ပြသော်၊ လေးရာခြောက်ဆယ်၊ ခုနစ်ကယ်၍၊ တသွေမှတ်ပါ၊ နှစ်ကောဇာကား၊ တရာ့ငါးဆယ်၊ ခြောက်ခုကယ်တွင်၊ ရွှီပြည်အောင်ချာ၊ မြို့ဝေသာကို၊ ရှိခါပိုင်ငြား၊ မင်းဘုရင်လေ၊ ဘုန်းအင်ထွန်းကေ၊ စန္ဒြား၏၊ သားလှသက်နှင်း၊ ပြူတိုင်းဘုံက၊ ငတုံမင်းလျှင်၊ များခြင်းလီလီ၊ သောင်းထိဝီအောင်၊ ဗိုလ်ခြီစုပေါင်း၊ ဘအမွီကို၊ ရစီကြောင်းနှင့်၊ လာတောင်းသောခါ၊ မတ်များစွာနှင့်၊ မာတာလှနတ်၊ နန်းထီးဖြူကို၊ အကုန်အပ်သော်၊ သားမြတ်သဲချာ၊ မင်းရာဇာလျှင်၊ ဝေသာကြငှန်း၊ ဘမင်းစံကေ၊ ဘုံပျံနန်းမှာ၊ စံမြန်းတုံရာ၊ တရံခါတွင်၊ ရာဇာဘုရင်၊ စိတ်မရွှင်ကေ၊ အလျှင်ချီကာ၊ ထွက်ကြွလာ၍၊ သိင်္ဂါနဒီ၊ မြစ်ကမ်းခြီသို့၊ ရောက်လီကြပေ၊ စမ္ပဝေဟု၊ အမည်ဆန်းနှင့်၊ မြို့နန်းတည်လို့၊ ထိုစဉ်ကစ၊ သမယကေ၊ ကာလနောက်ဝယ်၊ မြို့ဝေသာမှာ၊ ရာဇာကင်းကေ၊ သုဉ်ဖျင်းရေလေး။


(၂၂)

(များအိမ်ခြီနှင့်၊ ပရိမ်မြို့ကို)

(ဂုဏ်ရည်တောက်ထွန်း၊ အောင်ချက်မြီလေ၊ ပရိန်နန်းမှာ)

(အိမ်ခြီ) (အောင်ချက်မြီ) (ပုရိမ်) ကာရံယူထားသည်ကို တွိရပါသည်။

ဤသည်ကို မြန်မာမှုပြုလျှင်

(များအိမ်ခြေနှင့်၊ ပရေမြို့ကို)
(ဂုဏ်ရည်တောက်ထွန်း၊ အောင်ချက်ေုမလေ၊ ပရေနန်းမှာ) ဟူ၍ ရပါသည်။

(ပရေ) မြို့ဟူ၍ ရခိုင်ရာဇ၀င်တွင်မဟိပါ။ (ပရိန်) ဟူ၍ရာ ဟိပါသည်။ ထို့ကြောင့် ဤကာရံမှာ မြန်မာမှုပြုမရသော ရခိုင်ကာရံဖြစ်ပါသည်။

ကိုးကားချက်အပြည့်အစုံ
-------------------------
(၂၂) သုဉ်ဖျင်းပေကေ၊ ဤ၀ယ်တခန်း၊ ရပ်ပြီးခါလျှင်၊ ရှိမှာဆန်းသော်၊ မြို့နန်းဌာန၊ စမ္ပေ၀ှက်ကို၊ တည်သည်ကစ၊ သံချိုချိုနှင့်၊ အတိုရုံးကေ၊ ကုံးလို့ပြမည်၊ ရာဇာမှန်ကင်း၊ ပြည်တိုင်းဘောင်မှာ၊ ဘုန်းရောင်လင်းကေ၊ ငမင်းငတုံး၊ မဟာဆွီလေ၊ သာဂီဘုန်းမှာ၊ စုရုံးများစွာ၊ အတန်တန်ကေ၊ မတ်ဝန်များရို့၊ ခစားကာဖြင့်၊ တရာ့ငါးဆယ်၊ ခြောက်ခုကယ်၍၊ ရောက်သည်သက္ကရာဇ်၊ ထိုအခါလေ၊ သိင်္ဂါမြစ်တွင်၊ မြို့သစ်တည်လျှက်၊ တွင်အမည်ကေ၊ စမ္ပေ၀ှက်မှာ၊ နန်းတက်တုံပြန်၊ မြင့်ရှည်ကြာ၍၊ ခန္ဓာယွန်းကေ၊ နတ်နန်းစံသော်၊ တဖန်နန်းတက်၊ ဆက်ခံကာဖြင့်၊ စဉ်လာမြောက်ကေ၊ ဆယ့်ခြောက်ဆက်တည်း၊ ရွီတွက်သင်္ချာ၊ စကာတည်၍၊ ကြာရှည်လျှားကေ၊ မြို့သက်မှာကား၊ သုံးရာကိုးနှင့်၊ သက္ကရာဇ်ကို၊ တွက်စစ်ပြန်သော်၊ လေးရာကျော်၍၊ စွန်းပေါ်ခြောက်ဆယ်၊ ငါးခုကယ်တွင်၊ ဌာနေကနက်၊ မင်းနီပြည်လေ၊ စမ္ပေ၀ှက်မှာ၊ နန်းတက်စံဟိ၊ အဆုံးစွန်တွင်၊ ဘုန်းကံဖျင်းကေ၊ မင်းပတိကို၊ သောင်းထိဝီကာ၊ ခြွီရံပါသည်၊ လက်ယာမင်းနန်၊ လက်ရုံးထောင်၍၊ ရအောင်တိုက်ကေ၊ သိမ်းပိုက်ပြန်၍၊ အလွန်သာစည်၊ မြို့ပရိန်ဟု၊ အောင်မည်ဆန်းကေ၊ ထီးနန်းတည်လို့၊ စံပေကြရာ၊ ထိုမြို့မှာပင်၊ စဉ်ကာစိုးမြောက်၊ မင်းများစွာကို၊ ရွီကာတွက်ကေ၊ သျှစ်ဆက်ရောက်၏၊ ထိုနောက်တသွယ်၊ မြို့သက်ဝယ်ကား၊ လေးဆယ့်ကိုးနှစ်၊ ကိန်းသင်္ချာလေ၊ အမှန်ဖြစ်လို့၊ သက္ကရာဇ်ငါးရာ၊ တခုမှာတွင်၊ ပြိုကာပျက်ပြုန်း၊ မြို့ပရိန်လေ၊ ရွှီကနက်မှာ၊ မင်းဆက်တုံးဟု၊ ချိုပြုံးမျက်နှာ၊ သိန်းကျော့ဝေလေ၊ လှမေချောမှာ၊ ပြောသောခါလျှင်၊ ဆင်းဝါရူပ၊ ပန်းဖြူအောင်လေ၊ ပျိုမောင်လှက၊ နှမပန်းနွယ်၊ လှဆန်းကြယ်၏၊ ပြောသည်စကား၊ ပေါင်းဖြာဖြာလေ၊ ကြောင်းရာများကို၊ မှတ်သားပြီးလျှင်၊ အဆောင်လယ်မှာ၊ မောင်ကြည်နူးကေ၊ ကျေးဇူးတင်ရေ၊ နောက်တွင်တ၀၊ သမိုင်းခံနှင့်၊ မှန်သမျှကို၊ မြွက်ဟချိုသာ၊ သိန်းကျော့ဝေလေ၊ လှမေချောမှာ၊ ဆက်ပြောပါဟု၊ ဝါစာချိုပျား၊ ပျိုနှောင်းစွန်ကို၊ တောင်းပန်ငြားက၊ စကားဆက်ခါ၊ မေအပျိုမှာ၊ မောင်ကိုထပ်လို့၊ ပြောလတ်ရာကား၊ အောင်ချာကြငှန်း၊ မြို့ဌာနီလေ၊ ပရိန်နန်းမှာ၊ သက်တန်းကုန်ခါ၊ ညှိုးမှိန်ပါ၍၊ နောက်မှာတခြား၊ မင်းဖုန်းစားလျှင်၊ တည်ထားစံမြောက်၊ ခြိတ်မြို့ဝယ်၌၊ စိုးသည်မင်းကို၊ စာရင်းကောက်လျှင်၊ ထီးအောက်ပျော်ရွှင်၊ ကြိမ်ဖန်ဖန်လေ၊ စံမပျက်ကေ၊ ဆယ်ဆက်ပင်တည်း၊ နောက်လျှင်တဖြာ၊ မြို့သက်မှာကား၊ အဋ္ဌာစာရ၊ နှစ်ကောဇာကို၊ တွက်ခါပြသော်၊ ငါးရာ့ငါးဆယ်၊ နှစ်ခုကယ်တွင်၊ နတ်ပြည်တနှုံး၊ ခြိတ်မြို့ဝယ်တွင်၊ ထီးစည်ပျက်ကေ၊ မင်းဆက်တုံးလို့၊ ပြိုင်နှုန်းမမြင်၊ မင်းရွှီသင်မှာ၊ ဂုဏ်အင်မချို့၊ များအိမ်ခြီနှင့်၊ ပရိမ်မြို့ကို၊ ထပ်လို့တည်ပြန်၊ နန်းဘုံဆောင်မှာ၊ ဘုန်းရောင်ပကေ၊ အစစံ၍၊ တဖန်နောက်မှ၊ ငနှလုံးကေ၊ အဆုံးကျအောင်၊ ရာဇဆယ်ဆက်၊ စံမြန်းလှုံကေ၊ ဂုဏ်မချို့ဘဲ၊ မြို့အသက်ကို၊ ရွီတွက်တုံပေ၊ ခါအညီလေ၊ ကြာသည်ဖြစ်ကေ၊ နှစ်ခြောက်ဆယ်လေ၊ တသွယ်မှတ်ပါ၊ ရောက်ကောဇာကား၊ ခြောက်ရာ့တဆယ်၊ နှစ်ခုကယ်တွင်၊ ဂုဏ်ရည်တောက်ထွန်း၊ အောင်ချက်မြီလေ၊ ပရိန်နန်းမှာ၊ ဆုံးခန်းတိုင်ထွေ၊ မင်းရာဇာနှင့်၊ ကင်းကွာပြီးကေ၊ ပျက်စီးရေလေး။
-----------------------------------------------------------------------------------------

(၂၃)

သက္ကရာဇ်ကို၊ တွက်စစ်ခါဝယ်၊ တထောင်ကယ်၍၊ တဆယ့်လေးခု၊ တိုင်းဌာနီလေ၊ ပြည်မြောက်ဦးတွင်၊ လက်ရုန်းပညာ၊ ဘုန်းရောင်ဖြာကေ၊ စန္ဒသုဓမ္မ၊ ကျက်သရီနှင့်၊ တက်နီကြွသို့၊ ရာဇာဘုရင်၊ ယခုခါတွင်၊ သိင်ဂီနန်းမှာ၊ စံမြန်းရွှင်ဟု၊

ဤအပိုဒ်ကိုထောက်၍ မြောက်ဦးမြို့ ဘုရင်စန္ဒသုဓမ္မရာဇာစိုးစံသည့်ကာလ သက္ကရာဇ် (တထောင့်တဆယ့်လေး) ခုနှစ်တွင် စာဆိုသည် မဟာမုနိသို့ခရီးတခေါက် လားရောက်ပြီး မဟာမုနိ နိဂုံးရွာများသမိုင်းသာခြင်းကို ရွီးစပ်ခခြင်းဖြစ်ပါသည်။ ထို့ကြောင့် ဤသာခြင်းအားရွီးစပ်သည့်ခုနှစ်မှာ ကောဇာသက္ကရာဇ် (တထောင်တဆယ့်ခြောက်) (၁၀၁၆) ခုဖြစ်နိုင်ပါသည်။ ပီစောင်တွင် (၁၁၁၆) ခု ဟု ဆိုထားသည်။


(ရှည်ကြာကောင်းနိုး၊ ထက်အခေါင်မှာ၊ သံနှောင်တွဲကေ၊ သရွဲမိုးလို့၊ မင်းမျိုးစံအိမ်၊ မတ်ဝန်အိမ်နှင့်၊ နှောင်အိမ်ချုပ်တန်း၊ ကုန်းအောက်ခြီမှာ၊ စီကာတန်းလျှက်)

ကုန်းအောက်ခြီမှာ၊ စီကာတန်းလျှက် (ခြီ) (စီ) ကို ကာရံယူထားသည်။

ယင်းကို မြန်မာမှုပြုလျှင်

(ကုန်းအောက်ခြေမှာ၊ စေကာတန်းလျှက်) ဟု ရပါသည်။ (စေကာတန်း) ဆိုသည်မှာ ယုတ္တိမဟိပါ။ ထို့ကြောင့် (အောက်ခြီ) ဆိုသည်မှာ ရခိုင်စကား ရခိုင်စာဖြစ်ပါသည်။


ကိုးကားချက်အပြည့်အစုံ
-------------------------
(၂၃) ပျက်စီးပါကေ၊ ထိုခါကာလ၊ ဘုန်းတော်ရောင်ဖြင့်၊ ပြောင်ပြောင်ပကေ၊ မင်းလှရာဇာ၊ မည်သညာမှာ၊ အလော်မာဖြူ၊ လောင်းကြက်ပြည်ကို၊ တည်တုံလတ်ကေ၊ နန်းစိုက်ထူလျှက်၊ မင်းမူသည်မှ၊ နောက်ဆက်ခံ၍၊ နန်းစံများကို၊ တွက်ငြားကလျှင်၊ ရာဇနွယ်မြောက်၊ ထီးအောက်ဝယ်၌၊ စံမ္ပါယ်ခဲ့ကေ၊ တဆယ့်ခြောက်တည်း၊ မှတ်လောက်တဖြာ၊ နှစ်ထွေထွေကို၊ စစ်ချေတွက်ကေ၊ မြို့သက်မှာကား၊ ရာဇာစောလွန်၊ သူရတန်မှာ၊ နီပြန်သည်ဖြစ်၊ ထိုမှပြန်၍၊ စံနှစ်နှစ်နှင့်၊ ပေါင်းလိုက်မလွဲ၊ တရာကယ်၍၊ ငါးဆယ့်လေးဟု၊ အမြဲမှတ်ပါ၊ ရောက်ကောဇာလျှင်၊ ခုနစ်ရာကိုးဆယ်၊ နှစ်ခုဝယ်တွင်၊ ဘုန်းကြွယ်စောမွန်၊ လောင်းကြက်မည်ကေ၊ ရွှီပြည်ရပ်ကို၊ စွန့်လွှတ်ပြန်၍၊ ဂုဏ်ဝှမ်ကဲမိုး၊ ဆောင်ဘုံပျံနှင့်၊ အလွန်ထူးကေ၊ မြောက်ဦးမြို့ကို၊ ဆောက်လို့တည်ပြန်၊ လှတင့်တယ်ကေ၊ မြို့သစ်ပြည်မှာ၊ သုံးနှစ်စံလို့၊ နတ်ထံပြောင်းကြွ၊ မင်းဘုန်းသန်ကေ၊ စောမွန်ကပင်၊ စ၍ရွီတွက်၊ မင်းတန်တန်လျှင်၊ နန်းစံခယ့်ကေ၊ ဆယ့်နှစ်ဆက်တွင်၊ မြို့သစ်မှန်စွာ၊ နှစ်တရာနှင့်၊ ကောဇာသက္ကရာဇ်၊ သျှစ်ရာကယ်၍၊ ကိုးဆယ်နှစ်တွင်၊ တခေတ်ကုန်ဆုံး၊ ရှိဦးစံကေ၊ စောမွန်ဆက်မှာ၊ နန်းသက်တုံးလို့၊ ပျက်ပြုန်းသောခါ၊ နောက်တဖြာကေ၊ ရာဇာစောထီး၊ ဘုန်းတေဇာနှင့်၊ မင်းဘာကြီးလျှင်၊ နန်းထီးနိုင်ငံ၊ ချုပ်အချာဖြင့်၊ အုပ်ခါမိုးလို့၊ စိုးလတ်ပြန်၍၊ စောမွန်ရာဇာ၊ ရှိဦးဆောင်၍၊ တည်ထောင်ခကေ၊ လှပတင့်တယ်၊ နန်းသိင်ဂါနှင့်၊ ရောင်ဝါမြူးကေ၊ မြောက်ဦးပြည်ကို၊ ကြာရှည်နောက်နောင်၊ လွယ်တကူနှင့်၊ ရန်သူဖျက်လို့၊ မပျက်နိုင်အောင်၊ မြင့်ခေါင်ကြီးကျယ်၊ ကျောက်အုဌ်ခံ၍၊ ရန်မဆိုင်းအောင်၊ တံတိုင်းတည်လို့၊ ပြင်ဝယ်တထပ်၊ ကျုံးတန်တန်ဖြင့်၊ ၀ိုင်းရံပတ်၍၊ သေသပ်ခိုင်မာ၊ မြို့နန်းဘုံ၏၊ လုံခြုံမှုကို၊ ပြုပြီးခါတွင်၊ မင်းဘာစောဘုန်း၊ ရှိရာဇာရို့၊ နန်းရာကုန်းကို၊ ပြိုင်နှုံးဖက်ကွာ၊ အဆန်းဖန်၍၊ မွမ်းမံမှုကို၊ ပြုပြီးခါတွင်၊ သိင်ဂါရွှီနန်း၊ မိုးအဆောင်မှာ၊ ကိုးခေါင်ယွန်းနှင့်၊ မြီနန်းလွှတ်ထုံး၊ အတွင်းဝန်နှင့်၊ ပြင်ဝန်များကေ၊ တရားယုံးက၊ ခွန်ထုံးသပြာ၊ ပေါင်းများစွာကို၊ ရှည်ကြာကောင်းနိုး၊ ထက်အခေါင်မှာ၊ သံနှောင်တွဲကေ၊ သရွဲမိုးလို့၊ မင်းမျိုးစံအိမ်၊ မတ်ဝန်အိမ်နှင့်၊ နှောင်အိမ်ချုပ်တန်း၊ ကုန်းအောက်ခြီမှာ၊ စီကာတန်းလျှက်၊ မင်းခန်းတန်တန်၊ ကျင့်ဆယ်ဖြာနှင့်၊ မင်းဘာကြီးမှာ၊ နန်းထီးစံ၍၊ နိုင်ငံကောင်းကျိုး၊ သာသနာနှင့်၊ ဘာသာကျိုးကိုိ၊ သယ်ပိုးဆောင်လစ်၊ နန်းသက်ဝေလေ၊ နှစ်ဆယ့်နှစ်တွင်၊ စွန့်ပစ်ပြည်ရွာ၊ မင်းရာဇာမှာ၊ ခန္ဓာကာယ၊ ချုပ်ပျက်ပြန်၍၊ နတ်ထံကြွသော်၊ သားလှနန်းပိုင်၊ မြီးမြစ်တိုင်အောင်၊ စဉ်ကာစိုးမြောက်၊ မင်းစနီပါ၊ တွက်ရွီထောက်သော်၊ ကိုးယောက်ရာဇာ၊ မြို့သက်မှာကား၊ တရာခုနှစ်၊ ရက်နှစ်ဆယ်လျှင်၊ လွန်သည်ဖြစ်၏၊ သက္ကရာဇ်ကောဇာ၊ တထောင်မှာတွင်၊ မှိန်ကာဆိတ်သုဉ်း၊ နွယ်မဟာလေ၊ မင်းဘာဆက်မှာ၊ နန်းပျက်ဆုံးသော်၊ တိုင်းလုံးကျော်ပြန်၊ ပညာဥာဏ်နှင့်၊ စွမ်းအင်ပြည့်ဝ၊ ကုသလကေ၊ နရပတိ၊ အရာရာတွင်၊ လိမ္မာတတ်ကေ၊ မတ်က၀ိကို၊ ဖြူထီးမိုးကာ၊ ဘိသိက်ထူ၍၊ ဆောင်ဘုံအောက်မှာ၊ မင်းမြှောက်ကာဖြင့်၊ ပြည်ရွာစိုးလစ်၊ ခုနစ်နှစ်လျှင်၊ မင်းဖြစ်တုံထ၊ နောက်တဖန်လျှင်၊ စိုးပြန်ရကေ၊ ဓမ္မရာဇာ၊ နန်းစံမှာလည်း၊ ရှည်ကြာခုနှစ်၊ သက္ကရာဇ်ကို၊ တွက်စစ်ခါဝယ်၊ တထောင်ကယ်၍၊ တဆယ့်လေးခု၊ တိုင်းဌာနီလေ၊ ပြည်မြောက်ဦးတွင်၊ လက်ရုန်းပညာ၊ ဘုန်းရောင်ဖြာကေ၊ စန္ဒသုဓမ္မ၊ ကျက်သရီနှင့်၊ တက်နီကြွသို့၊ ရာဇာဘုရင်၊ ယခုခါတွင်၊ သိင်ဂီနန်းမှာ၊ စံမြန်းရွှင်ဟု၊ ပျိုခင်လှနတ်၊ ရာဇ၀င်မှာ၊ စာတင်ထုံးကို၊ အဆုံးသတ်လို့၊ တန့်ရပ်ပြီးခါ၊ မောင်ရို့မှာလျှင်၊ လွန်စွာဝီးလှ၊ မြောက်ဦးပြည်က၊ လာပေရ၍၊ တူကွနှစ်ဖြာ၊ ခြီလက်နာ၍၊ ညောင်းညာလိမ္မည်၊ စက်မွိရာမှာ၊ ကောင်းစွာမှိတ်ကေ၊ အိပ်ကြပေဟု၊ ဆိုပေပြီးမှ၊ သိန်းကျော့ဝေနှင့်၊ မငွေလှလည်း၊ ထ၍ပြန်ကာ၊ ကိုယ့်အိပ်ရာမှာ၊ ၀င်မှိတ်မသွေ၊ သန်းခေါင်ယံမှာ၊ အသံတိတ်ကေ၊ အိပ်ကတ်တေလေး။


(ခန်းမဆောင်တွင်၊ အသာဝင်၍၊ ၀တ်ဆင်တုံပြီး၊ သဇင်ခိုင်ကို၊ ကြိုင်ကြိုင်မွှီးအောင်၊ ကျံလိမ်းပြုပျင်၊ ပြီးလတ်ကျင်သော်)

(ပြီး) (မွှီး) (လိမ်း) ကို ကာရံယူထားသည်ကို တွိရပါသည်။

ယင်းကို မြန်မာမှုပြုလျှင်

(၀တ်ဆင်တုံပြေး၊ သဇင်ခိုင်ကို၊ ကြိုင်ကြိုင်မွှေးအောင်၊ ကျံလှေးပြုပြင်၊ ပြေးလတ်ကျင်သော်) ဟူ၍ ရပါသည်။

(ကျံလှေး) သည်ဟု မြန်မာတွင်လည်းမဟိပါ။ (ကျံလှိမ်းသည်၊ လှိမ်းကျံသည်) ဟူ၍ရာ ဟိပါသည်။ (ပြေးလတ်ကျင်သော်) ဆိုရာတွင်လည်း သဇင်ပန်းကိုပန်ဆင်ပြီးလျှင်ဟု အဓိပ္ပါယ်မသက်ရောက်ဘဲ သဇင်ပန်းကိုပန်ဆင်ပြီး ထပြီးသည်ဟု အဓိပ္ပါယ်ရောက်လားပါသဖြင့် ဤကာရံများမှာ လုံးဝမြန်မာမှုပြုမရသော ရခိုင်ကာရံများဖြစ်ပါသည်။ (မွှေး) အသုံးမှာ မြန်မာစကား၊ မြန်မာစာပီကို ရခိုင်များက ခိုးယူထားခြင်းဖြစ်ပါသည်။

ကိုးကားချက်အပြည့်အစုံ
--------------------------
(၂၄) အိပ်ကတ်ပြန်ကေ၊ ကုန်လွန်ထိုည၊ နီအရောင်လျှင်၊ ထိန်ပြောင်ဝင်းကေ၊ မိုးလင်းမှလျှင်၊ နိုးကြသောခါ၊ ဗျာကယာနှင့်၊ အသာထလိုက်၊ ဆားစိုစိုနှင့်၊ သွားကိုတိုက်လို့၊ သစ်ကြမျက်နှာ၊ သန့်ယှင်းစင်ယောင်၊ ကိုယ်တွင်တိုးကေ၊ ရီချိုးကာဖြင့်၊ ညီညာသိမ်းရုံး၊ မြကေဆံကို၊ ဆီကျံထုံးလို့၊ ပိုးတုံးသစ်လွင်၊ ပန်းအထည်ကို၊ ဆန်းကြယ်ငြားအောင်၊ ၀တ်ထားဆင်၍၊ မယ်လျှင်တည်ခင်း၊ ငါးမိစ္ဆာနှင့်၊ ကြိုင်စွာသင်းကေ၊ ထမင်းဘတ္တာ၊ ဘောဇနာကို၊ ၀စွာစားမြောက်၊ ပြီးတုံပေသော်၊ မောင်မေများမှာ၊ ဆီးဝါးသောက်လို့၊ ထိုနောက်ပြီးမှ၊ သိန်းကျော့ဝေနှင့်၊ မငွေလှလည်း၊ ခန်းမဆောင်တွင်၊ အသာဝင်၍၊ ၀တ်ဆင်တုံပြီး၊ သဇင်ခိုင်ကို၊ ကြိုင်ကြိုင်မွှီးအောင်၊ ကျံလိမ်းပြုပျင်၊ ပြီးလတ်ကျင်သော်၊ ဆောင်ခွင်ထဲမှ၊ ပျိုကညာရို့၊ ထွက်လာကြ၍၊ အိမ်မှဆင်းငြား၊ တူပျော်ပျော်လေ၊ သိမ်တော်လမ်းကို၊ လှမ်းလို့လားခါ၊ နီးပါးဝန်းကျင်၊ ပန်းသစ်ပင်ရို့၊ ရှုမြင်မ၀၊ ရွက်ဟောင်းဝါလျှင်၊ ကြွီကာကျ၍၊ စိမ်းမြညိုစွာ၊ ပရစ်ဥနှင့်၊ ရွက်နုလာကေ၊ ငုံအာပွင့်ဖူး၊ ပန်းပွင့်လယ်မှာ၊ ၀တ်ရည်စားကေ၊ ပျားပိတုံးရို့၊ ရုံးရုံးပုံကာ၊ ငှက်များစွာလည်း၊ ဘာသာဘာဝ၊ ဥသြညိုရို့၊ သံချိုမြနှင့်၊ ကျူးကြညိုးညံ၊ ငှက်ဖိုးခေါင်လေ၊ အရောင်စိမ်းကေ၊ ကျီးညိုလှရို့၊ ချိုအသံဖြင့်၊ ဟေမန်ကုန်ဟောင်း၊ နွီရာသီလေ၊ ဂိမှာန်ပြောင်းကေ၊ တပေါင်းမာသ၊ တင့်တယ်ပုံလေ၊ ဟူသမျကို၊ ၀၀ရှုကာ၊ မောင်မေပျိုလေ၊ ထိုလေးယောက်မှာ၊ လမ်းလျှောက်လာ၍၊ ဖြူဝါနီမြန်း၊ လမ်းဘယ်ညာက၊ မာလာပန်းကို၊ လက်လှမ်းဆွတ်ကိုင်၊ စေတနာနှင့်၊ သဒ္ဓါပွား၍၊ လာကြစဉ်တွင်၊ ကတညုတ၊ မြတ်တောင်ခြီကို၊ ရောက်လီကြ၍၊ ပြုပ္ပဒိသာ၊ မင်းရာဇာရို့၊ စဉ်လာတက်ကေ၊ ရှိမျက်နှာက၊ လွန်စွာရိုညွတ်၊ လက်ဦးမျှော်၍၊ တောင်ပေါ်ထက်ကို၊ တက်ကြလတ်၍၊ မြတ်မုနိသျှင်၊ ရှိတော်ပြင်မှာ၊ ပန်းတင်ပြီးမှ၊ အတန်တန်လေ၊ လွန်ကြည်နူးကေ၊ (--------ဆိုင်)၊ သုန္ဒရီကို၊ စသည်မြွက်ကေ၊ ရီစက်တိုင်ဟု၊ သံပြိုင်ဆိုပြီး၊ ခါသုံးဖန်လေ၊ သံညောင်းညောင်းနှင့်၊ ခေါင်းလောင်းတီး၍၊ ထွန်းညီးရောင်လျှပ်၊ မုနိသျှင်လေ၊ ရင်ပြင်ရပ်မှ၊ လှမ်းထွက်ပြီးသော်၊ ကုန်းထိပ်ပေါ်က၊ ရှုမျှော်ကောင်းရာ၊ နိဂုဏ်းရွာနှင့်၊ ဓညာမြို့မ၊ တည်ဟိပြန်ကေ၊ ဟူသမျကို၊ ဒိဋ္ဌတဖန်၊ လက်ညှိုးညွှန်၍၊ မှန်ကန်တိကျ၊ ပန်းဖြူအောင်နှင့်၊ မောင်ထွန်းမြကို၊ အလှနုနယ်၊ သိန်းကျော့ဝေက၊ ပြပေပြီးမှ၊ ရပ်မျက်နှာကို၊ ပတ်ကာလှည့်ကေ၊ ကြည့်ရှုကြ၍၊ ထိုမှဤမှာ၊ အဖြာဖြာကို၊ လေ့လာပြီးသော်၊ မြတ်ကုန်းပေါ်က၊ ပျော်ပျော်ပါးပါး၊ ရိုသေစွာဖြင့်၊ ဆင်းလာငြား၍၊ စည်ကားသာယာ၊ လွန်တင့်တယ်၍၊ ပျော်ဖွယ်ကောင်းကေ၊ ဇီးချောင်းရွာသို့၊ လှည့်လာတုံမြောက်၊ ညချမ်းခါတွင်၊ ပြန်ကာရောက်လို့၊ တန့်ထောက်ပြီးခါ၊ ရီချိုးပါ၍၊ အိမ်မှာတက်ငြား၊ လသာသာနှင့်၊ ညစာစားလို့၊ ဆီးဝါးသောက်လျှက်၊ လပရောင်နှင့်၊ တောင်တန်းဗျင်းကို၊ ထွက်လျှက်တဖန်၊ သပေါက်ဖျာကို၊ ယူကာခင်းကေ၊ လီညင်းခံရေ။


(၂၅)

(နှမ်းနိုင်နိုင်နှင့်၊ မွှီးကြိုင်သင်းကေ၊ ကောက်ညှင်းပေါင်းကို)

အလွန်လှပသော ရခိုင်ကာရံများဖြစ်ပါသည်။

(ယူကာစားပြီး၊ အိမ်တန်းဗျက်မှာ၊ လုပ်လက်ဆီးလို့၊ အီးအီးသက်သာ၊ ကွမ်းဆီးယာ)

(ပြီး) (ဆီး) (အီး) (ဆီး) ကာရံယူထားသည်ကို တွိရပါသည်။

ယင်းကို မြန်မာမှုပြုသော်

(ယူကာစားပြေး၊ အိမ်တန်းဗျက်မှာ၊ လုပ်လက်ဆေးလို့၊ အေးအးသက်သာ၊ ကွမ်းဆေးယာ) ဟု ရပါသည်။ (ယူကာစားပြေး) ဆိုသည်မှာ ကွမ်းစားပြီးသည်ဟု အဓိပ္ပါယ်မရဘဲ ကွမ်းစား၍ ထွက်ပြေးသည်ဟု အဓိပ္ပါယ်ရသဖြင့် ၎င်းကာရံများမှာ မြန်မာမှုပြုမရသော ရခိုင်ကာရံများဖြစ်ပါသည်။

ကိုးကားချက်အပြည့်အစုံ
-------------------------
(၂၅) လီညင်းခံ၍၊ နီပြန်ကာလ၊ ဇီးချောင်းမည်ကေ၊ ရပ်ဒေသက၊ မိမ္မယောင်္ကျား၊ ကြီးငယ်မဟူ၊ လူအများမှာ၊ လာငြားပြိုင်ပြိုင်၊ လပရောင်နှင့်၊ တောင်တန်းဗျင်းမှာ၊ ၀ိုင်းလျှက်ထိုင်၍၊ ယဉ်ကျေးစွာလှ၊ ပန်းဖြူအောင်နှင့်၊ မောင်ထွန်းမြကို၊ ပီယ၀ါစာ၊ သံချိုချိုနှင့်၊ ဆိုကာမြွက်ကေ၊ နှုတ်ဆက်ကာဖြင့်၊ ရသာပြည့်လှောင်း၊ နှမ်းနိုင်နိုင်နှင့်၊ မွှီးကြိုင်သင်းကေ၊ ကောက်ညှင်းပေါင်းကို၊ တောင်းမှခူးပြန်၊ မြပုကန်မှာ၊ ကောင်းမွန်ထည့်ကာ၊ ပန်းဖြူအောင်နှင့်၊ မောင်ထွန်းမြကို၊ ကျွေးကြပါသော်၊ ယူကာစားပြီး၊ အိမ်တန်းဗျက်မှာ၊ လုပ်လက်ဆီးလို့၊ အီးအီးသက်သာ၊ ကွမ်းဆီးယာကို၊ တခါစားလတ်၊ ရောက်လာသူကေ၊ လူအများနှင့်၊ စကားစပ်လို့၊ မပြတ်တူယှဉ်၊ ပန်းဖြူအောင်လေ၊ ပျိုမောင်ချောမှာ၊ နှီးနှောစဉ်တွင်၊ ပန်းခိုင်တမျှ၊ မြစပါယ်လေ၊ မငွေလှက၊ ဟားဟားလည်းရယ်၊ သွန်းကာလှောင်၍၊ မောင်ထွန်းမြကို၊ စလတ်တေကား၊ ရောက်တေနိက၊ ခုတိုင်အောင်ပင်၊ ဒေမောင်လှမှာ၊ နှုတ်ကဆိတ်ညံ၊ စကားလှန်၍၊ ခွန်းသံမထုတ်၊ မဆက်ဆံဘဲ၊ ရှက်ပြန်ပြီးကေ၊ တေမိလုပ်လို့၊ ငုတ်တုတ်မှိုင်ထွေ၊ ပြုံးစိစိနှင့်၊ ချိန်မပြတ်ကေ၊ နီလတ်တေကား၊ ဆူဝေသောင်းသောင်း၊ ကြီးငယ်ဟူကေ၊ လူအပေါင်းနှင့်၊ ကျိုးကြောင်းဆက်ဆံ၊ မှားအမှန်ကို၊ ဝေဖန်စစ်ကြော၊ အပြောင်းအပြန်၊ ကြံနှီးနှောလို့၊ မပြောချင်ဘိ၊ မြောက်ဦးပြည်က၊ မောင်တေမိကို၊ ကနိညခါ၊ တသက်တာတွင်၊ မှတ်ရာတပါး၊ ရှိသူမွန်ရို့၊ ညွှန်စကားကို၊ ပြောကြားလိုက်မည်၊ ရွှီရုပ်ယောင်သို့၊ မောင်တပါးမှာ၊ ထောင်နားတည်ပါ၊ စိန္တေဗုဒ္ဓ၊ အာလုတ်ချီ၍၊ ရွှီဂမုတ်က၊ မြွက်ထုတ်ဟသည်၊ ဓမ္မမြုတေ၊ ခုဒ္ဒနိကယ်၊ ကျမ်းအညွှန်းနှင့်၊ လမ်းမှန်ငြားအောင်၊ ပြထားရေကား၊ (ဗုဒ္ဓေပူဇံ၊ ကုသလံစ၊ တေဇ၀န္တေ၊ ရာဇိန္တော) ဟု၊ မိန့်ဟောကျမ်းလာ၊ အဓိပ္ပါယ်ကို၊ မှတ်လွယ်လှအောင်၊ ယှင်းပြပါမည်၊ ဘဂ၀ါလူ့ဘ၊ အတုလကေ၊ ဗုဒ္ဓမြတ်စွာ၊ စောသတ္တာကို၊ ဆယ်ဖြာရိုကျိုး၊ ထိပ်ထက်ရုံကေ၊ လက်စုံမိုးလို့၊ မြတ်နိုးသဒ္ဒါ၊ ပူဇော်ပါသော်၊ အာဏာတန်ခိုး၊ ဘုန်းတော်ဟိန်လျှင်၊ ထိန်ထိန်ကြိုး၍၊ မင်းစိုးရာဇာ၊ ဇီဝကံလေ၊ မှန်မချွတ်ကေ၊ ဖြစ်တတ်ပါဟု၊ ဒေသနာမွန်၊ တရားသံနှင့်၊ ရှိလွန်သူများ၊ မှာစကားကို၊ နားခံပြီးခါ၊ မြတ်ဗုဒ္ဓါနှင့်၊ စန္ဒာသူရိယ၊ ဘုန်းတော်ထိန်ကေ၊ ရာဇိန္ဒရို့၊ ပဉ္စလောဟာ၊ ရတနာဖြင့်၊ သွန်းကာလုပ်ဘိ၊ ရောင်ခြောက်သွယ်နှင့်၊ တင့်တယ်လတ်ကေ၊ မြတ်မုနိကို၊ ရွှန်းအိစိတ်တွင်၊ မြူးဘ၀င်နှင့်၊ ဖူးမြင်ရအောင်၊ အားကြိုးဆောင်၍၊ မောင်ရို့ဌာနေ၊ ရွှီဗဟိုရ်လေ၊ သံချိုကျူးကေ၊ မြောက်ဦးပြည်က၊ ကြီးငယ်လူများ၊ ပေါင်းအဖော်ကို၊ နှိုးဆော်ငြား၍၊ ပျိုထွားပန်းတန်၊ တနှစ်မှာလျှင်၊ တခါလောက်ကေ၊ ရောက်သင့်တန်ရေ၊ အလွန်ထင်ရှား၊ ဇမ္ဗူဒီမှာ၊ ဤဘုရားကား၊ ရုပ်ပွားထောင်ရာ၊ ကြီးအငယ်နှင့်၊ တိုရှည်များကေ၊ ပေါင်းများစွာထက်၊ လွန်ခါကဲပြီး၊ ဘုန်းတော်ရောင်ဖြင့်၊ ဂေါင်ကမိုးကေ၊ တန်းခိုးကြီးလို့၊ ကျော်ဟိုးလူ့ခွင်၊ လွန်ထင်ပေါ်လျှက်၊ ကိုယ်တော်စားကေ၊ ရုပ်ပွားသျှင်ကို၊ ဖူးမြင်သူအား၊ အပါယ်ရွာတွင်၊ ခါတပါးလျှင်၊ မလားဆိတ်ညံ၊ နတ်ရပ်ထံမှာ၊ ရောင်လျံထွန်းပ၊ စည်းစိမ်မွန်နှင့်၊ ပျော်စံရဟု၊ ၀ယရွယ်လွန်၊ ရှိသူမွန်ရို့၊ ပြောညွှန်ဟောကြား၊ ပေါရဏာက၊ လာစကားကို၊ မှတ်သားပြီးလျှင်၊ ၀င်းဝင်းပြောင်၍၊ အရောင်ညီးကေ၊ မုနိသျှင်ကို၊ ဖူးမြင်ရယောင်၊ တယောက်မောင်မှာ၊ ရောက်အောင်အားစိုက်၊ နှစ်စဉ်လာ၍၊ သဒ္ဓါဖြူးကေ၊ ဖူးခလိုက်ဟု၊ သိန်းထိုက်ပျိုမေ၊ ပြုံးရယ်ချိုနှင့်၊ လူပျိုလှကို၊ စလိုက်တေလေး။
------------------------------------------------------------------------------


(၂၆) စပြောလာကေ၊ ထိုခါပြီးမှ၊ ပြုံးရယ်ယောင်သို့၊ မောင်ထွန်းမြမှာ၊ မြွက်ဟနှုတ်ချွေ၊ သံချိုချိုနှင့်၊ ပျိုနှမကို၊ ယှင်းပြရေကား၊ အသရေပြောင်ရွှန်း၊ ပြည်ရခိုင်မှာ၊ နွယ်ယဉ်ဆန်းလို့၊ ခိုင်ပန်းတမျှ၊ မြစပါယ်သို့၊ မငွေလှလေ၊ နားကျစုံယောင်၊ မောင်စကားကို၊ ရွှီနားထောင်ပါ၊ ဘုန်းခေါင်မြတ်စွာ၊ လက်ထက်ခါဝယ်၊ စန္ဒာသူရိယ၊ တွင်မည်ရကေ၊ မင်းလှရာဇာ၊ သွန်းခပါကေ၊ မဟာမုနိ၊ ခြောက်သွယ်ရောင်ဖြင့်၊ ထွန်းပြောင်ညီးကေ၊ တိုင်းသိထင်ရှား၊ လွန်သပ္ပါယ်ကေ၊ ဒေရုပ်ပွားနှင့်၊ တပါးနောက်မူ၊ ဆင်းရဲသူရို့၊ ခုမူကာလ၊ ကျောက်အုဋ်မံ၍၊ ပြည်စွန်နားမှာ၊ တည်ထားကြသည်၊ ဗုဒ္ဓရုပ်ပွား၊ မပေါ်လွင်ကေ၊ မထင်ရှားဘဲ၊ ဟိငြားကြရာ၊ ပေါင်းနှစ်ဖြာတွင်၊ ရာဇာပင်သွန်း၊ ဆင်းရဲသူကေ၊ တည်ထုသွန်းလည်း၊ ရွှင်လန်းသဒ္ဓါ၊ ပူဇော်ခါတွင်၊ ပူဇာနိယ၊ အကျိုးမူလျှင်၊ တူတကွဖြင့်၊ ရကြမည်သာ၊ ပျိုနုနယ်ကေ၊ မယ်တမိမှာ၊ သိအပ်ပါရေ၊ မြတ်စွာရုပ်ပွား၊ ဆင်းထုဟူကေ၊ ဆူဆူများကို၊ စကားမဂဓ၊ ပါဠိလာဖြင့်၊ ညွှန်ကာထုတ်ကေ၊ ဥဒ္ဒိဿဟု၊ ဆိုကြတုံပြန်၊ ရခိုင်သံဖြင့်၊ ပြန်ကာပြောမည်၊ ကိုးပါးဂုဏ်ကို၊ အာရုံကပ်ကေ၊ ရည်မှတ်ဖွယ်တည်း၊ ဤသည်စကား၊ ပါဠိလာကို၊ ထောက်ခါထားလျှင်၊ ရုပ်ပွားဟူက၊ ကြီးအငယ်နှင့်၊ တိုရှည်ကြလည်း၊ ဧကသညာ၊ ရည်မှတ်ဖွယ်ဟု၊ အတည်ပြုကေ၊ တခုသာလျှင်၊ ရပါတုံလတ်၊ ပရမတ်ကို၊ လှနတ်ပျိုစင်၊ ထဲဘ၀င်မှာ၊ မြဲပင်စွဲမှတ်၊ ဤကြောင်းရာနှင့်၊ ပေါင်းကာထားကေ၊ စကားစပ်တွင်၊ ထပ်၍တသွယ်၊ ခင်ကညာကို၊ သင်္ကာကင်းအောင်၊ ယှင်းဦးမည်လေ၊ နှုံးဖွယ်မရာ၊ ဘုန်းတေဇာနှင့်၊ မဟာမုနိ၊ ရုပ်ပွားတော်ကို၊ ဖူးမျှော်ဘိသော်၊ ကင်းဝီးပယ်ရွာ၊ ယှောင်သွယ်ကွာ၍၊ ဒေ၀ါနတ်ထံ၊ ရောက်မည်မှန်ကေ၊ ဧကန်ဖြစ်က၊ စင်စစ်ခုဝယ်၊ ဗဟိုညံ၍၊ စည်သံကျူးကေ၊ မြောက်ဦးပြည်မှာ၊ တည်ကာလည်းထား၊ ရုပ်ပွားတော်လေ၊ သောင်းကျော်ဘိအောင်၊ ဟိယက်သားကို၊ ညွတ်တွားကြည်ဖြူ၊ ဖူးမြှော်မူလည်း၊ ထိုသူမှန်စွာ၊ ပါယ်လေးရွာက၊ ကင်းကွာပြီးမှ၊ နတ်ရပ်ထံမှာ၊ မှန်မုချကေ၊ ခံရမည်ပင်၊ သို့ဖြစ်အင်ကြောင့်၊ ရောင်လွင်ထွန်းပ၊ မုနိသျှင်ကို၊ ဖူးမြင်ရယောင်၊ မောင်ကတဖန်၊ ပင်ပန်းခံ၍၊ လာရန်မလို၊ မြောက်ဦးပြည်မှာ၊ တည်ကာထားကေ၊ ရုပ်ပွားကိုပင်၊ ဖူးမျှော်ပါမည်၊ စေတနာနှင့်၊ သဒ္ဓါမြတ်သာ၊ လိုအပ်ဖွယ်တည်း၊ နောက်ဝယ်တဖန်၊ ကြွင်းမကျန်အောင်၊ ယှင်းပြန်ဦးမည်၊ ပန်းစပါယ်လေ၊ လှမေနားထောင်၊ ဤလူ့ဘောင်တွင်၊ ဂုဏ်ရောင်ဝင့်ကြွား၊ မျိုးအစဉ်လေ၊ ရခိုင်များမှာ၊ ပျော်ပါးရွှင်မြူး၊ အရာရာသို့၊ လှည့်ကာလားကေ၊ ဘုရားဖူးလို့၊ ကြည်နူးကာမျှ၊ ကုသိုလ်ဟုန်လေ၊ ပြည့်စုံလှဟု၊ စိတ်ကမှတ်ခါ၊ မိမိရွာကို၊ ပြန်လာကြငြား၊ ယင်းပိုင်သူလေ၊ လူအများကို၊ ဘုရားမကြိုက်၊ ထပ်မံခါဖြင့်၊ ငါမကြိုက်တည်း၊ ဇာဖြစ်လို့ပေ၊ မီးလတ်ချေသော်၊ ဖြေမည်ငါက၊ သုံးရပ်ဘောင်မှာ၊ အခေါင်ချုပ်ကေ၊ မြတ်ဗုဒ္ဓ၏၊ သုံးဝသာသနာ၊ ရှည်မြင့်ကြာအောင်၊ လွန်စွာကြိုးကုတ်၊ များလူသျှင်မှာ၊ အားအင်ထုတ်လို့၊ ပြုလုပ်မှသာ၊ ဖူးမြှော်ရာသို့၊ ရောက်ပါလိမ္မည်၊ ပူဇော်ရုံဖြင့်၊ ချိန်ကုန်လင့်ကေ၊ မသင့်ချေပါ၊ ဘုန်းကြွယ်မြတ်စွာ၊ စောသတ္တာကို၊ ဖူးပါသည်ထက်၊ မြတ်ဘုန်းမော်က၊ ထုတ်ဖော်မြွက်ကေ၊ နှုတ်ထွက်ဓမ္မာ၊ တရားလာကို၊ များစွာသောင်းသောင်း၊ အကြိမ်ကြိမ်လေ၊ ချိန်မပြတ်ကေ၊ ကျင့်အပ်ကောင်းရေ၊ တကြောင်းတဖြာ၊ ဤအရာတွင်၊ ပမာနှိုင်းဆ၊ ကျမ်းအလာကို၊ ညွှန်ကာပြမည်၊ နှမနားထောင်၊ နှစ်များမြောင်က၊ ဘုန်းခေါင်ဘဂ၀ါ၊ လက်ထက်ခါဝယ်၊ သညာတွင်ဘိ၊ ရုပ်နှင့်နာမ်ကို၊ မှန်မတွက်ကေ၊ ၀က္ကလိမှာ၊ မုနိမြတ်စွာ၊ ရွှီမျက်နှာကို၊ မော်ကာဖူးတုံ၊ ကျောင်းဆောင်ဘုံမှာ၊ ချိန်ကုန်လွန်ဘိ၊ ဘါဝနံလေ၊ ဥာဏ်မထိုးကေ၊ ကျိုးမဟိဟု၊ ဣသိထွတ်မှူး၊ မထေရ်သျှင်ကို၊ ပြစ်တင်ဖူး၏၊ ပုံနှုံးစံထား၊ ညွှန်းပမာနှင့်၊ ကျမ်းလာများကို၊ မှတ်သားပြီးသော်၊ ရုပ်ပွားတော်အား၊ ပူဇော်သောခါ၊ ကုသိုလ်မှာလျှင်၊ ကမ္မာဝစရ၊ ကျမ်းသဂြိုဟ်မှာ၊ ဆိုကာပြ၏၊ ဘ၀မပြတ်၊ အ၀ိဇ္ဇာနှင့်၊ တဏှာဝဋ်မှာ၊ မလွတ်နိုင်ပါ၊ ထိုထက်သာ၍၊ မြတ်စွာဗုဒ္ဓ၊ သုံးလူ့ဘ၏၊ ဟောပြလမ်းညွှန်၊ ဓမ္မခန်ကို၊ ကျင့်ကြံမှသာ၊ ၀ဋ်တဏှာရို့၊ လွတ်ကွာကင်းပြတ်၊ ရုပ်နှင့်နာမ်မှာ၊ အမှန်တုံးကေ၊ အဆုံးသတ်၍၊ အမြတ်နိဗ္ဗာန်၊ လမ်းကြောင်းမှန်ကို၊ အကျွန်ုပ်က၊ အမြဲပင်လျှင်၊ စွဲဝင်နှောကေ၊ သဘောကျလို့၊ ကာလပေါ်ငြား၊ လူအများနှင့်၊ ဘုရားဖူးရန်၊ မေနှိုးဆော်၍၊ ဖိတ်ခေါ်ချက်ကို၊ လက်မခံလေး။


(၂၇)

(ဗုဒ္ဓါဟောငြား၊ ကျမ်းပီစာမှာ၊ ဖွီရှာတွိကေ၊ ဟိသလားလေ)

(တွိ) နှင့် (ဟိ) ကာရံယူထားသည်ကို တွိရပါသည်။

ယင်းကို မြန်မာမှုပြုလျှင်

(ဗုဒ္ဓါဟောငြား၊ ကျမ်းပေစာမှာ၊ ဖွေရှာတွေ့ကာ၊ ရှေ့သလားလေ) ဟူ၍ ရပါသည်။

(ရှေ့) သလားဟူသည်မှာ မြန်မာစာပီတွင်လည်း မဟိပါ။ (ရှိသလား) ဟူ၍ရာ ဟိပါသည်။ ထို့ကြောင့် ဤကာရံများမှာ မြန်မာမှုပြုမရသော ရခိုင်ကာရံများဖြစ်ပါသည်။

(လွဲမချော်အောင်၊ တွေးခေါ်ငြားလို့၊ ထောင်နားတည်ပါ) ဟု (လွဲမချော်၊ တွေးခေါ်) ဟု ကာရံနဗေထပ် ယူထားသည်ကို တွိရပါလိမ္မည်။

ယင်းကို မြန်မာမှုမပြုဘဲ ရခိုင်လွန်ကျွန်မှုပြုလျှင် (လွီးမချော်အောင်၊ တွီးခေါ်ငြားလို့၊ ထောင်နားတည်ပါ) ဟူ၍ရပါသည်။ (လွီးမချော်) ဆိုသည်မှာ လုံးဝအဓိပ္ပါယ်မဟိပါ။

ထို့ကြောင့် ယခုကလပေါ်လူငယ်များ သုံးနှုံးနီကတ်သော (တွီးခေါ်၊ အတွီးအခေါ်) ဆိုသည့်အသုံးနှုံးမှာ ရခိုင်လွန်ကျွံမှုဝါဒဖြစ်သည်။

(ဘုန်းကြွယ်ဗုဒ္ဓ၊ အတုလကို၊ ဦးချရိုသေ၊ ဖူးမျှော်ပေသော်၊ အပါယ်ဂတိ၊ မလားရန်ကို၊ အကျွန်သိရေ)

(သေ) (ပေ) (ပါယ်) ကာရံယူထားသည်ကို တွိမြင်ရပါသဖြင့် (ရိုသီ) ဟုမရွီးဘဲ (ရိုသေ) သည်ရာ အမှန်ဖြစ်ကြောင်းကို ဤရှိဟောင်းမူကို အထောက်အထားပြု၍ ယှင်းလင်းနိုင်သည်။

ကိုးကားချက်အပြည့်အစုံ
--------------------------
(၂၇) လက်မခံဟု၊ ငြင်းဆန်ပယ်ယှား၊ မောင်လူပျို၏၊ ဆိုစကားကို၊ ပျိုထွားကညာ၊ ခွန်းတုံ့လှန်၍၊ တဖန်ထပ်လို့၊ မီးလတ်ရာကား၊ ကမ္မာဝစရ၊ မြတ်ကုသိုလ်ကို၊ ထိုလူမျှလျှင်၊ ထက်ကြသဒ္ဓါ၊ စိတ်ဖြူစင်၍၊ အားအင်ထုတ်ကေ၊ မလုပ်ရာဟု၊ ဗုဒ္ဓါဟောငြား၊ ကျမ်းပီစာမှာ၊ ဖွီရှာတွိကေ၊ ဟိသလားလေ၊ တပါးထိုမှ၊ မြတ်ဗုဒ္ဓကို၊ တုတ်ကြွရိုသေ၊ ဖူးမျှော်ချေသော်၊ အပယ်လားရန်၊ ကျမ်းအညွှန်ကို၊ တွိပြန်သလား၊ မောင့်ဆရာက၊ သင်ကာပြောကေ၊ ဟောသလားဟု၊ ဟားဟားလည်းရယ်၊ ပျိုပန်းတန်ကေ၊ လှစံသီးမှာ၊ မီးလတ်ချေသော်၊ ရုပ်ရည်လှပ၊ မောင်လူပျိုမှာ၊ သံချိုမြနှင့်၊ ရွှင်ပြမျက်နှာ၊ ပြုံးရယ်ပြန်၍၊ တဖန်ထပ်လို့၊ ယှင်းလတ်ရာကား၊ ရောက်လာသောင်းသောင်း၊ ဇီးချောင်းသူလေ၊ ပျိုဖြူပေါင်းနှင့်၊ နွဲ့နှောင်းယဉ်စ၊ ပျိုနုနယ်ကေ၊ မငွေလှလေ၊ ဆုံးစကုန်ယောင်၊ မောင်စကားကို၊ မေနားထောင်ပါ၊ လူ့ဘောင်လူ့ရွာ၊ လူများစွာလျှင်၊ ကမ္မာဝစရ၊ များထိုထိုလေ၊ ကုသိုလ်စုကို၊ မပြုရဟု၊ မောင်ကခုဝယ်၊ ပုလဲသွယ်လေ၊ ပျိုမေချောကို၊ မပြောပေတည်း၊ ထိုသည်ကမ္မ၊ ကုသလလျှင်၊ ၀ဋ်မှမလွန်၊ ရုပ်နှင့်နာမ်သည်၊ ကြိမ်ဖန်လည်းဖြစ်၊ ကာမဂုဏ်ဖြင့်၊ ဘုံဆယ့်တစ်မှာ၊ မြုတ်နစ်ရုံသာ၊ ဤထက်လွန်၍၊ နိဗ္ဗာန်မြောက်အောင်၊ မရောက်ပါဟု၊ မှန်စွာအကယ်၊ ဘိဓမ္မာ၏၊ လာသဘောနှင့်၊ မောင်ပြောရေလေ၊ နောက်ဝယ်တခြား၊ မြတ်ဘုရားကို၊ ဖူးငြားသောခါ၊ အပါယ်မှာလျှင်၊ ရောက်ပါမည်လား၊ မီးကာဆိုကေ၊ ထိုစကားကို၊ ဖြေကြားဦးမည်၊ လွဲမချော်အောင်၊ တွေးခေါ်ငြားလို့၊ ထောင်နားတည်ပါ၊ ဘုန်းကြွယ်ဗုဒ္ဓ၊ အတုလကို၊ ဦးချရိုသေ၊ ဖူးမျှော်ပေသော်၊ အပါယ်ဂတိ၊ မလားရန်ကို၊ အကျွန်သိရေ၊ နှိုင်းညှိကျမ်းဂန်၊ တရားညွှန်၍၊ သင်ရန်မဟိ၊ စဉ်စားကြံ၍၊ ဝေဖန်နှိုင်းသော်၊ လူတိုင်းသိမည်၊ သို့ဖြစ်ပေလည်း၊ ဇာအခြင်းနှင့်၊ ငြင်းလတ်တေဟု၊ ဆိုချေသောခါ၊ ဤခေတ်မှာလူ၊ များစွာထောင်သောင်း၊ ကြီးငယ်ဟူကေ၊ လူအပေါင်းလျှင်၊ ထုံးဟောင်းကိုလွန်၊ လမ်းမမှန်ကေ၊ ကျမ်းညွှန်မသိ၊ ကိုယ့်ရိုးရာနှင့်၊ မျိုးဇာတိကို၊ သတိမချပ်၊ ကိုးကွယ်ရာလေ၊ ဘာသာရပ်တွင်၊ မအပ်မရာ၊ တုအယောင်ဖြင့်၊ လုပ်ဆောင်မှုကို၊ ပြုကတ်ပါ၍၊ ဆရာသခင်၊ စာအမြင်နှင့်၊ ဇာပင်ဟောငြား၊ မမှတ်အောင်ဘဲ၊ နတ်ယောင်ဝါးမှာ၊ တိုးပွားအစုံ၊ ကိုးပါးဂုဏ်ကို၊ အာရုံမထား၊ အရွာရွာကို၊ လည်ကာလားလို့၊ ဘုရားဖူးယောင်၊ အဟန်ဆောင်၍၊ ကြောင်သတင်းသုံး၊ ရှိအခါက၊ ပမာထုံးသို့၊ ပြုံးပြုံးမျက်နှာ၊ ရွှင်မြူးကာနှင့်၊ သီစာသောက်စား၊ တချို့များကား၊ စီးပွားရှာရန်၊ တချို့မှန်ကေ၊ ကြွီအံကြိုးထိုး၊ တချို့မှာလျှင်၊ လည်ကာခိုး၍၊ တချို့ရို့ကား၊ အပျင်းပြေဟု၊ စိတ်ဝယ်ထားလျှက်၊ တခြားနောက်မူ၊ တချို့သူမှာ၊ အယူခြားသီး၊ မဟုတ်တန်ကို၊ ကြံဖန်ငြားကေ၊ ဘုရားရွီးလို့၊ ကြီးရေငယ်ရေ၊ မသပ္ပါယ်နှင့်၊ သပ္ပါယ်တသီး၊ ရတနာဖြင့်၊ ရောင်ဝါညီးအောင်၊ မင်းမြီးမင်းသား၊ သွန်းလုပ်ထားကေ၊ ဘုရားကိုမှ၊ သဒ္ဓါရွှင်ကေ၊ ဖူးချင်ကြလို့၊ နောက်မှတပါး၊ ဆင်းရဲသူလေ၊ လူအများရို့၊ တည်ထားကြကျင်၊ ရုပ်ပွားသျှင်ကို၊ ဖူးမြင်သူကား၊ တိုင်းနိုင်ငံမှာ၊ လွန်နည်းပါး၍၊ ဘုရားကိုသာ၊ ရွီးချယ်ကာဖြင့်၊ ဖူးလာတုံဘိ၊ တရားကွာ၍၊ မှားကာလုပ်ကေ၊ ယုဂ်ကလိတွင်၊ အသိကင်းပ၊ ပြုကြသူလေ၊ ဟူသမျကို၊ မြင်ရလျှက်ပင်၊ မေနှိုးဆော်၍၊ ဖိတ်ခေါ်ရီးကို၊ ကြောက်သွီးဝင်၍၊ မောင်လျှင်ခုဝယ်၊ ကာလပေါ်လေ၊ ဖူးမျှော်ခြင်းကို၊ ငြင်းလတ်တေဟု၊ ဆိုပေပြီးမှ၊ နှမချေကေ၊ မငွေလှနှင့်၊ ရောက်ကြသောင်းသောင်း၊ ဇီးချောင်းသူလေ၊ လူအပေါင်းကို၊ ကျိုးကြောင်းဆက်သွယ်၊ ကျမ်းအညွှန်နှင့်၊ လမ်းမှန်ရအောင်၊ ပြောပြမည်လေး။


မြန်မာမှုပြု၍မရသော ရခိုင်ကာရံများ အပိုင်း (၂)

(၁) (ကျမ္မာဖို့ရီး၊ တတ်လိမ္မာကေ၊ ပညာရီးတည်း၊ တသီးထိုမှ)

ဤအပိုဒ်ကိုကြည့်ခြင်းအားဖြင် အခု အကျွန်ုပ်ရို့သုံးစွဲနီသော (ကျမ္မာရေး၊ ပညာရေး) ကို အယင်က (ကျမ္မာရီး၊ ပညာရီး) ဟု သုံးစွဲသည်ကို သိမြင်နိုင်ပါသည်။ ပဇာကြောင့်ဆိုသော် (ရီး) နှင့် (သီး) ကာရံယူထား၍ဖြစ်ပါသည်။ (ရေး) ဆိုလျှင် (တသေးထိုမှ) ဖြစ်လားပါမည်။

(၂) (ထိုကုသိုလ်လျှင်၊ မဂ်ကိုမဆိုက်၊ ကာမဟူကေ၊ ဘုံဆယ့်တစ်မှာ)

ဤနီရာတွင် (ဆိုက်) နှင့် (တစ်) ကို ကာရံယူထားသဖြင့် ရခိုင်သားမှာ (တစ်) ကို (တိုက်) ဟု အသံထွက်သည်ကို တွိရပါမည်။ ယင်းကို အတတ်ဆန်း၍ (တိုက်) ဟု ရွီး၍မဖြစ်ပါ။

(၃) (တိရိစ္ဆာန်ကေ၊ ပိုးနှံကစ၊ ဤကမ္ဘာမှာ၊ မြင်ကာတွိကေ၊ ဟိသမျကို)

ဤနီရာတွင် (တွိ) နှင့် (ဟိ) ကို ရခိုင်ကာရံစစ်စစ်ယူထားပါသည်။ ၄င်းကို အများနားလည်အောင်အကြောင်းပြချက်ဖြင့် မြန်မာမှုပြု၍ ရလိမ့်မည်မဟုတ်ပါ။ ပဇာကြောင့်ဆိုသော် (မြင်ကာတွေ့သည့်၊ ရှိသမျကို) ဟု ဖြစ်လားပါမည်။ (တွေ့) နှင့် (ရှိ) ကာရံလွတ်လားပါလိမ့်မည်။ ထို့ကြောင့် ၄င်းကာရံများသည် မြန်မာမှုပြု၍မရသော ရခိုင်ကာရံစစ်စစ်များဖြစ်ပါသည်။ ဤနီရာတွင် (တွိ) လား (တွေ့) လားဆိုသည်ကို ယှင်းယှင်းလင်းလင်း သိမြင်နိုင်ပါသည်။

(၄) (အပြစ်ဒါဏ်ကို၊ ကိုယ်ခံစမြဲ၊ ဘုံလောကီလေ၊ ဌာနီထဲမှာ)

ဤနီရာတွင် (ကီ) နှင့် (နီ) ရခိုင်ကာရံယူထားပါသည်။ ၄င်းကို မြန်မာမှုပြုလျှင် (ဘုံလောကေလေ၊ ဌာနေထဲမှာ) ဟု ဖြစ်လားပါသည်။ ရယ်ဖို့မကောင်းပါလား။

(၅) (သားတစ်ရိုးရီ၊ အခြင်ဆီသို့၊ တူညီသီးသီး၊ ဝေါယောမျောင်၍၊ ပို့ဆောင်ပီးက၊ ထွာကြီးသန်မာ)

ဤနီရာတွင် (သီး) (ပီး) (ကြီး) ရခိုင်ကာရံစစ်စစ်ကို တွိရပါသည်။

တန်းခိုးဆရာထွန်းသာခြင်းများတွင် (ပေး) ဟု မြန်မာဝေါဟာရကို ခိုးယူသုံးစွဲထားသည်ကို တွိရပါသည်။

ဤနီရာတွင် မြန်မာမှုပြုမည်ဆိုပါက (တူညီသေးသေး၊ ၀ါယောမျောင်၍၊ ပို့ဆောင်ပေးက၊ ထွားကြေးသန်မာ) ဆိုပြီးရပါလိမ့်မည်။ (ကကောင်း ရယ်ဖို့ကောင်းပါဖို့။ (ထွားကြေး) ဟု မြန်မာစာတွင်လည်း မဟိပါ။

(၁) (မုချအကယ်၊ ကျမ္မာခြင်းမှာ၊ အရင်းတည်လို့)

ဤနီရာတွင် (အကယ်) ဆိုသော ဝေါဟာရကို တွိရပါသည်။ မြန်မာက (တကယ်) ရခိုင်က (အကယ်) ဟု သုံးပါသည်။ ဖားပြုတ်ကေ၀တ္ထုတွင် (အကယ်စင်စစ်၊ ဤသို့ဖြစ်မူ) ဟု တွိရပါသည်။

(၂) (ရာဇ၀င်မှာ၊ စာတင်ဟိကေ၊ မတွိဖူးဘဲ)

(ဟိ) နှင့် (တွိ) ရခိုင်ကာရံယူထားသည်ကို တွိရပါမည်။ ၄င်းကိုထောက်၍ (တွိ) လား (တွေ့) လား ခွဲခြားနိုင်ပါသည်။ ၄င်းကို အတတ်ဆန်း၍ အများနားလည်အောင်ဆိုဗျာ (ရာဇ၀င်မှာ၊ စာတင်ရှိသည်၊ မတွေ့ဖူးဘဲ) ဟု မြန်မာမှုပြုပါက ကာရံလုံးဝလွတ်ကင်းလားပါလိမ့်မည်။

(၃) (အရင်းခံကေ၊ မှန်သနစ်ကို၊ စီးစစ်ရယောင်၊ ပေါ်ထွန်းအောင်ဟု)

ဤနီရာတွင် ရခိုင်ဝေါဟာရစစ်စစ် (ယောင်) ကို သုံးနှုံးထားပါသည်။

(၉) (ဓါတ်အာကာလျှင်၊ ပတ်ကာဆီးကေ၊ အအီးပတ်လို့)

ဤနီရာတွင် (ဆီး) နှင့် (အီး) ရခိုင်ကာရံစစ်စစ်ယူထားပါသည်။ ၄င်းကို မြန်မာမှုပြုသော် (ပတ်ကာဆေးကေ၊ အအေးပတ်လို့) ဟု ရပါလိမ့်မည်။ ရယ်ဖို့ကောင်းပါသည်။ မြန်မာစာတွင် (ကာဆေး) ဟူ၍ မဟိပါ။ (ကာဆီး) ဟုရာ ဟိပါသည်။

(၁၀) (နှလုံးအိမ်မှာ၊ ခံကာထောင်းကေ၊ ဂေါင်းလည်းညီးလို့၊ ရှည်ဝီးကြာတင်)

(ညီး) နှင့် (၀ီး) ကို ရခိုင်ကာရံစစ်စစ်ယူထားပါသည်။ (ဂေါင်းညီးရေ) ဆိုသည်မှာ ရခိုင်ဝေါဟာရ စစ်စစ်ဖြစ်ပါသည်။ ဤနီရာတွင် (၀ီး) ဟု ရခိုင်ဝေါဟာရစစ်စစ်ကို တွိရပါသည်။ (အဝေးသို့) (အဝေးရောက်) စသဖြင့် ယခုအခါ ရခိုင်များက မြန်မာဝေါဟာရများကို ငှားယူသုံးစွဲနီသည်များကို တွိရပါသည်။

(၁၁) (လက္ခဏာကို၊ ရှာကာတွိကေ၊ တိအကျဖြင့်)

(တွိ) နှင့် (တိ) ကို ကာရံယူထားပါသည်။ ထို့ကြောင့် (တွိ) ရာအမှန်လား (တွေ့) ရာ အမှန်လား ခွဲခြားနိုင်ပါသည်။ ၄င်းကို မြန်မာမှုပြုလျှင် (ရှာကာတွေ့လျှင်၊ တေ့အကျဖြင့်) ဟု ရပါသည်။

(၁၂) (သိန်းသောင်းချီ၍၊ ခြင်ရွီများမှာ၊ ငါးမျိုးတွိရေ၊ မှတ်သိအပ်ရာ)

ဤနီရာတွင် (တွိ) နှင့် (သိ) ကို ကာရံယူထားပါသည်။ ထို့ကြောင့် (တွိ) ရာ ရခိုင်စာဖြစ်ပါသည်။ (တွေ့) မှာ မြန်မာစာဖြစ်ပါသည်။ ၄င်းကို မြန်မာမှုပြုလျှင် (ငါးမျိုးတွေ့သည်၊ မှတ်သေ့အပ်ရာ) ဆိုပြီးရပါသည်။

(၁၃) (ကျားထက်ပင်လေ၊ ခြင်ရန်ဖီးမှာ၊ ကြီးလတ်တေဟု)

ဤနီရာတွင် (ဖီး) နှင့် (ကြီး) ကို ကာရံယူထားပါသည်။ မြန်မာမှုပြုလျှင် (ခြင်ရန်ဘေးမှာ၊ ကြေးလတ်သည်ဟု) ဆိုပြီးရပါလိမ့်မည်။ (ကြေးသည်) ဟု မြန်မာစာတွင်လည်း မဟိပါ။

(၁၄) (မောင်မေစုံညီ၊ ရှိခိုးချီ၍။ စာပီပညာ၊ အက္ခရာကို)

ဤနီရာတွင် (ညီ) (ချီ) (ပီ) ကာရံယူထားပါသည်။ (စာပေ) လား (စာပီ) လားဟူသည်ကို ဤကာရံကိုကြည့်၍ ဆုံးဖြတ်နိုင်ပါသည်။ မြန်မာမှုပြုလျှင် (မောင်မေစုံညီ၊ ရှိခိုးချီ၍၊ စာပေပညာ) ဟု ရပါသည်။ ကာရံမလွတ်လားပါသည်။

(၁၅) (စစ်ပညာကေ၊ ဒိုင်းကာအတတ်၊ သိုင်းအတတ်နှင့်၊ ဒါးခွတ်လှံထိုး)

ဤနီရာတွင် (တတ်) နှင့် (ခွတ်) ကို ကာရံယူထားပါသည်။ ၄င်းကို မြန်မာမှုပြုက (သိုင်းအတတ်နှင့်၊ ဒါးခုတ်လှံထိုး) ဟု ရပါသည်။ ကာရံမလွတ်လားပါသည်။

(၁၆) (နောက်နောင်လာကေ၊ ပညာဟိရို့၊ တွိသောခါတွင်၊ ပြန်ကာဖာထီး၊ ပြုပျင်ရန်ကို၊ ကျွန်ခွင့်ပီးရေ၊ သို့ပြီးမှသာ)

ဤနီရာတွင် (ဟိ) နှင့် (တွိ)၊ (ထီး) (ပီး) (ပြီး) ဟု (ပီး) (တွိ) ရခိုင်ကာရံစစ်စစ် ရခိုင်ဝေါဟာရစစ်စစ်များကို တွိရပါသည်။

၎င်းကို မြန်မာမှုပြုသော် (ပညာရှေ့တို့၊ တွေ့သောခါတွင်၊ ပြန်ကာဖာထေး၊ ပြုပြင်ရန်ကို၊ ကျွန်ခွင့်ပေးသည်၊ သို့ပြေးမှသာ) ဟူ၍ ရပါသည်။

(ပြေး) ဆိုလျှင် မြန်မာစာပီ၌လည်း (သို့ပြေး) ဟူ၍ မဟိပါ။ (သို့ပြီး) ရာ ဟိပါသည်။ မြန်မာစာပီ၌ (ပညာရှေ့) ဟူ၍လည်းမဟိပါ။

(ပီး) နှင့် (ပြီး) ကို ကာရံယူထားသည့်အတွက် (ပီး) ရာ ရခိုင်လား (ပေး) ရာ ရခိုင်လားဆိုသည်မှာ ယှင်းနီပါသည်။

ယခုအခါ ရခိုင်စာရွီးဆရာအားလုံးနီးပါး ကဗျာ၊ ၀တ္ထူ၊ ဆောင်းပါးများရွီးသောအခါ မြန်မာဝေါဟာရများကို ခိုးယူသုံးစွဲလျှက်ဟိပါသည်။






ဓည၀တီနိဂုံးရွာများသမိုင်းသာခြင်း တတိယပိုင်းကို လေ့လာဆန်းစစ်ခြင်း


သာခြင်းအပိုဒ် (၂၈) တွင်

(ပြောပြမည်လေ၊ ထွေထွေရပ်ရပ်၊ မောင်ကညွှန်၍၊ မှန်အမှားနှင့်၊ စကားရပ်ကို၊ သိကတ်လီယောင်၊ ရောက်လာသူလေ၊ ပျိုဖြူများမှာ၊ ရွှီနားထောင်ပါ) ဟု ဆိုထားပါသည်။ (ရပ်) နှင့် (ကတ်) ကာရံယူထားသည်ကို တွိရပါသည်။ (ကတ်) ဆိုသောဝေါဟာရသည် ရခိုင်ဝေါဟာရစစ်စစ် ဖြစ်ပါသည်။

ရှိဟောင်းစာပီများတွင် (ကတ်) အသုံးအနှုံးအလွန်နည်းပါသည်။ အကျွန်ုပ် ဤသာခြင်း၌ရာ တွိဖူးပါသည်။ ထို့ကြောင့် ဤသာခြင်းသည် ရခိုင်စာပီကဏ္ဍအတွက် အလွန်အရေးကြီးပါသည်။

ထိုသို့ဆိုရခြင်းအတွက် ကျန်အချက်အလက်များကိုလည်း ညာဏ်မှီသလောက်၊ လက်လှမ်းမှီသလောက် ဆွေးနွေးပါမည်။

မှတ်သားရန်တချက်မှာ ရှိဟောင်းပီစာများ၌ (နန့်) ကို (နှင့်) ဟု ရွီးပါသည်။ အသံထွက်သောအခါ ရမ်းပြည့်သံဖြင့် (နှင့်) သို့မဟုတ် (နာင့်) သို့မဟုတ် (နန့်) ဟု အသံထွက်ပါသည်။ ထို့ကြောင့် အကျွန်ုပ်ရို့ (နှင့်) ကို ဖတ်သောအခါ (နှင့်) သို့မဟုတ် (နာင့်) သို့မဟုတ် (နန့်) ဟု ဖတ်နိုင်ပါသည်။

ဤသာခြင်းတွင် (ကတ်) တခုတည်းမဟုတ်ပါ၊ (ကြ) အသုံးအနှုံးကိုလည်း တွိရပါသည်။ ထောက်ပြပါမည်။ (ပူဇာဝန္တ၊ ဆယ်ချောင်းရုံ၍၊ လက်စုံမိုးကေ၊ ရှိခိုးကြလည်း) ဤအပိုဒ်တွင် (၀န္တ) နှင့် (ကြ) ကို ကာရံယူထားသည်ကို တွိရပါသည်။

နောက်တပိုဒ်မှာ (ကျေးဇုဟုန်နှင့်၊ ဂုဏ်ကြီးမြတ်၍၊ အထွဋ်တင်ကြ၊ အနန္တဟု) ဆိုရာတွင်လည်း (ကြ) ကို တွိရပါသည်။ (ကြ) နှင့် (ကတ်) မှာ အဓိပ္ပါယ်အတူတူဖြစ်ပါသည်။ ရှိဟောင်းပီစာများ၌ (ကြ) ကို ပိုအသုံးများပါသည်။

နောက်တပိုဒ်တွင် (တသီးမှတ်ကြ၊ စွန့်ကြဲလှုကေ၊ ဟူသမျှကား၊ ကာမာဝါစရ၊ ကျမ်းကပြဆို) ဟု (ကြ) နှင့် (မျှ) ကာရံယူထားသည်ကို တွိရပါသည်။

နောက်တပိုဒ်တွင် (အဖြာဖြာနှင့်၊ ဘာသာကွဲကြ၊ စိတ်အယူမှာ၊ မတူကြဘဲ၊ ဗုဒ္ဓဟောကြား) ဆိုပြီး (ကြ) နှင့် (ဗုဒ္ဓ) ကာရံယူထားသည်ကို တွိရပါသည်။

နောက်တပိုဒ်တွင် (ဗုဒ္ဓဘာသာ၊ စိုင်အလာမှာ၊ ခိုင်မာယူကြ၊ စရဏဟု) ၄င်း၊

(နောက်ထပ်)

(၁) ဥတုအဟာရ၊ အီးအပူလျှင်၊ ညီတူမျှ၍၊ ပေါင်းကြစပ်ခါ၊
(၂) ဓါတ်အစာကို၊ ချိန်ခါနိည၊ မမုန်းအောင်ပင်၊ သုံးဆောင်ကြ၍၊ ပါစကပူဓါတ်၊
(၃) အတူတကွ၊ သန့်ယှင်းယောင်လျှင်၊ လုပ်ဆောင်ကြသော်၊
(၄) ရှည်ကြာသမျှ၊ ထဲဘ၀င်မှာ၊ စွဲဝင်ကြဖို့၊
(၅) ရှိဝယ်ကာလ၊ ပေါရဏဖြင့်၊ ပြောကြတုံလစ်၊
(၆) ထဲဘ၀င်မှာ၊ မရွှင်မပျ၊ ပဒုမ္မာလေ၊ ရွှီကြာပန်းကို၊ နီလှမ်းကြယောင်၊
(၇) ခြင်ကုလားရို့၊ ကိုက်ငြားကြပြန်၊
(၈) ဖျားပြန်ကုန်ကြ၊ လက္ခဏာကို၊ ခွဲကာခြား၍၊ ရွီးသားပြလည်း၊ ရောက်ကြနားခံ၊
(၉) ပေါင်းသဟာလေ၊ လာသမျှရို့၊ မှတ်ကြပေ၍၊
(၁၀) မြဲထွေနိစ္စ၊ ခြင်ဆိုးရန်ကို၊ မကျန်ကြွင်းအောင်၊ နှိမ်နင်းကြဖို့
(၁၁) အများသူလေ၊ ဖြူနှမရို့၊ မှတ်ကြပေနှောင်း၊
(၁၂) တတ်ပညာကို၊ ကြီးစွာလုလ’၊ ဇွဲစိတ်ထူ၍၊ သင်ယူကြဖို့၊ မောင်ကပြောမည်၊
(၁၃) ဖိုးတန်လှစွာ၊ သမိုင်းလာနှင့်၊ ပညာသိပ္ပ၊ အဖုံဖုံလေ၊ ပျောက်ကုန်ဆုံးကေ၊ ပျက်ပြုန်းကြလို့၊ သိပ္ပများစွာ၊
(၁၄) ပေါကြွယ်သုတ၊ အဖုံဖုံနှင့်၊ ပြည့်စုံကြသော်၊ ညာဏပဏ္ဍိ၊
(၁၅) ရွှီရခိုင်လေ၊ ယိုင်နှမရို့၊ သိကြစီရန်၊
(၁၆) အရာတဖုံ၊ သပြာဂုဏ်နှင့်၊ ပြည့်စုံကြဖို့၊ ညွှန်ပြအံ့ငှာ၊
(၁၇) ၀ိရိယညာဏ်၊ အရင်းခံ၍၊ လုပ်ကြံပြီးမှ၊ ဓနဟုံနှင့်၊ ပြည့်စုံကြသော်၊
(၁၈) တ၀မ်းမူကေ၊ တအူဖွားသို့၊ စကားနှုတ်ချို၊ မမုန်းကြဘဲ၊ ဆုမ္မဆိုလို့၊
(၁၉) မွီးဖဘုန်းမို၊ နန်းမညိုက၊ အလိုစမ်းကြ၊ ပမာဆိုကေ၊ ထိုအခဏ်းနှင့်၊ တူလွန်းလှရေ စသည်ဖြင့်
(ကြ) ကာရံအရွီးအသားများကို တွိရပါသည်။

(ကတ်) ကို
(ပြည်နိဗ္ဗူကို၊ ဆုယူညောင်းလို့၊ တောင်းကတ်ရမည်)၊ (ယုံကြည်လက်ခံ၊ သက်ဝင်သူရို့၊ အယူမှတ်ကေ၊ ဟိကတ်ပြန်ရေ) ဟု တွိရပါသည်။ ဤနီရာတွင် (မှတ်) နှင့် (ကတ်) ကာရံယူထားသည့်အတွက် (ကတ်) အရွီးအသား လုံးဝအစစ်အမှန်ဖြစ်ပါသည်။

ပြီးလျှင် နောက်ထပ်

(၁) (မချွတ်ဧကန်၊ လူများစွာ၏၊ ကျမ္မာမှုကို၊ ပြုကတ်ပြန်ဟု) ဟူ၍၄င်း၊
(၂) (အများခင်မှာ၊ နားဆင်လတ်ကေ၊ မှတ်ကတ်ပေနှောင်း) ဟု၍၄င်း၊ ဤနီရာတွင် (လတ်) နှင့် (ကတ်) ကာရံယူထားပါသည်။
(၃) ဆီးမရသော်၊ အစာများနှင့်၊ ကုစားကတ်ပါ၊
(၄) (မျိုးရခိုင်ရို့၊ စိုင်မပြတ်လျှင်၊ သင်ကတ်ပေ၍) ဤနီရာတွင် (ပြတ်) နှင့် (ကတ်) ကာရံယူထားပါသည်။
(၅) (ကြီးသောသူက၊ ငယ်သူများကို၊ သနားကတ်၍၊ အလတ်ရွယ်တူ၊ ချင်းချင်းမူလေ) ဤနီရာတွင် (ကတ်) နှင့် (လတ်) ကာရံယူထားပါသည်။

ထိုသို့ (ကတ်) အသုံးနှုံးများကိုလည်း တွိရပါသည်။

ဤနီရာတွင် စာရွီးသူ တစိချေတင်ပြလိုသည်မှာ အခုခေတ်လူငယ်များသည် (ကတ်) ကို အသံလိုက်ပြီး (ဂတ်) ဟု ရွီးနီကတ်သည်ကို တွိရပါသည်။ ထိုသို့ရွီးခြင်းသည် မှားသည်ဟုဆိုချင်ပါသည်။

(ကတ်) ကို အသံထွက်သောအခါ ရှိကစကားလုံးကိုလိုက်၍ (ကတ်) (သို့မဟုတ်) (ဂတ်) ဆိုဗျာ အသံထွက်ပါသည်။ ထိုသို့ နှစ်သံထွက်စာလုံးများကို ရွီးသောအခါ (က၊ ခ၊ ဂ၊ ဃ၊ င) အုပ်စုငါးလုံး၏ ပင်ရင်းကိုယူပြီး ရွီးရပါသည်။ သို့မဟုတ်ပါက တနီရာတွင် (ကတ်) တနီရာတွင် (ဂတ်) ဟု ရွီးမည်ဆိုလျှင် ကကောင်း အရုပ်ဆိုးပါသည်။ အမျိုးမျိုးအဖုံဖုံဖြစ်လားပါသည်။

၎င်းကို ယှောင်ကွင်းနိုင်ရန် ရှိပညာဟိများက အမြော်အမြင်ဖြင့် စိုင်းစားရွီးသားခခြင်းဖြစ်ပါလိမ့်မည်။

ဥပမာပြရမည်ဆိုလျှင် (စားပြီး သောက်ပြီးပျာယ်လား) ဆိုသော မိမိရို့ပြောနီကျစကားကို အသေအချာ လေ့လာကြည့်စီချင်ပါသည်။

(စားဗြီး၊ သောက်ပြီး) ဟု အသံထွက်သည်ကို တွိရပါမည်။ (စား) နောက်က (ဗြီး) သံထွက်ပြီးလျှင် (သောက်) နောက်က (ပြီး) မူရင်းအတိုင်းသံထွက်ပါသည်။ သို့သော် စာရွီးသောအခါ အဓိပ္ပါယ်တူသောစာလုံးများကို ကွဲပြားမှုမဟိအောင်၊ ထိုတမျိုးဒေတမျိုးမဖြစ်အောင် (ပြီး) တခုကို မူတည်ထားပြီး ရွီးကတ်ရပါသည်။

အခုသေက ပြောခသည့်အတိုင်း (ပ၊ ဖ၊ ဗ၊ ဘ၊ မ) ဆိုသော အုပ်စုငါးလုံး၏ ပင်ရင်းကို ပုံသီထားရပါသည်။ ထို့ကြောင့် မြန်မာစာမှာသော်၎င်း၊ ရခိုင်စာမှာသော်၎င်း ပင်ရင်း (ပ) ကို ပုံသီထားပြီး (ဗြီး) ကိုပါယ် (ပြီး) ကို သုံးရခြင်းဖြစ်ပါသည်။

သို့သော် (ဗြီး) (Run) ကြိယာအတွက်မူကား (ဗြီး) ဟု သုံးစွဲ၍ မှာမည်မထင်ပါ။ (ပြီးမြောက်တေ) ဟုအဓိပ္ပါယ်ရသော (ပြီး) မှာသာလျှင် (ဗြီး) (ပြီး) ဟု နှစ်သံကွဲလာသည့်အတွက် ပင်ရင်း (ပ) ကိုအရင်းပြု၍ (ပြီး) ဟု ပုံသီထား ရွီးရခြင်းဖြစ်ပါသည်။

၎င်းကို သင်္ခန်းစာယူပြီးလျှင် အကျွန်ုပ်ရို့၏ (ကတ်) နှင့် (ဂတ်)၊ (ပျာယ်) နှင့် (ဗျာယ်) ပြဿနာကို ပြေလည်အောင် ဖြေယှင်း၍ရပါသည်။ ယေမှရာ ခေတ်သစ်ရခိုင်စာကို နောင်လာလတ္တံသောသူများ အရှည်တည်တံ့လက်ခံပါလိမ့်မည်။

သို့မဟုတ်ပါက မြန်မာစာရာကောင်းရေ စနစ်ကျရေဆိုဗျာ သူတပါးအထင်ကြီးဝါဒ၊ မိမိကိုယ်မိမိ မလေးမစား အထင်သေးဝါဒနှင့် သူများနောက် ကောက်ကောက်ပါလားပါလိမ့်မည်။ ရခိုင်သားမှာ တိုင်းလည်းပျောက်၊ ပြည်လည်းပျောက်၊ စာလည်းပျောက်၊ လူမျိုးပါပျောက်ဖို့ကိန်း ဆိုက်ပါလိမ့်မည်။

ဆက်၍ဆွေးနွေးရမည်ဆိုပါသော် အခုသေကပြောခသော (သောက်ပြီး စားပြီးပျာယ်လား) ဆိုသည့်နီရာတွင် ဇာဖြစ်လို့ (သောက်) နောက်က (ပြီး) ဟု အသံထွက်ပြီး (စား) နောက်က (ဗြီး)၊ (ပြီး) နောက်က (ဗျာယ်) ဟု အသံထွက်ရပါသနည်း။

ဤနီရာတွင် တစိကေ ဆွေးနွေးချင်ပါသည်။ ရခိုင်စာမှာ ဗျည်းသုံးဆယ့်သုံးလုံးကို စနစ်တကျ ဖွဲ့စည်းထားခြင်းဖြစ်ပါသည်။ ဗြန်းစိကာရ ဖွဲ့စည်းထားခြင်းမဟုတ်ပါ။

(ဥပမာ)

(၁) က၊ ခ၊ ဂ၊ ဃ၊ င
(၂) စ၊ ဆ၊ ဇ၊ စ်၊ ည
(၃) တ၊ ထ၊ ဒ၊ ဓ၊ န
(၄) ပ၊ ဖ၊ ဗ၊ ဘ၊ မ
(၅) ယ၊ ရ၊ လ၊ ၀၊ သ

ဆိုသောဖွဲ့စည်းမှုတွင် ပထမအတန်း၌ အစအဆုံး (က) နှင့် (င)၊ ဒုတိယအတန်း၌ အစအဆုံး (စ) နှင့် (ည)၊ တတိယအတန်း အစအဆုံး (တ) နှင့် (န) စတုတအတန်း အစအဆုံး (ပ) နှင့် (မ) ပဉ္စမအတန်း အစအဆုံး (ယ) နှင့် (သ) စာလုံးများသည် အသတ်စာလုံးများဖြစ်ပါသည်။

ဥပမာ- (ကြက်၊ ချောင်း၊ ချစ်၊ ပြည်၊ တတ်၊ ကန်၊ ချပ်၊ လမ်း) ဟု တွိရပါလိမ့်မည်။

ပိုယှင်းအောင် (က၊ စ၊ တ၊ ပ) ကို အကျွန်ုပ် (ရှိတန်းအသတ်) ဟု သုံးပြီး (င၊ ည၊ န၊ မ) ကို (နောက်တန်းအသတ်) ဟု သုံးပါမည်။

အထက်တွင်ပြောခသည့် (သောက်ပြီး စားပြီးပျာယ်လား) ဆိုသည့်နီရာတွင် ဇာဖြစ်လို့ (သောက်) နောက်က (ပြီး) ဟု အသံထွက်ပြီး (စား) နောက်က (ဗြီး) ဟု အသံထွက်ရပါသနည်း။

(အဖြေက)

(က၊ စ၊ တ၊ ပ) (ရှိတန်းအသတ်) နောက်ကပါလာသော (ပြီး) ကို မူရင်းအတိုင်း (ပြီး) ဟု အသံထွက်ပြီး (င၊ ည၊ န၊ မ) (နောက်တန်းအသတ်) နောက်ကပါလာသော် (ပြီး) ကို (ဗြီး) ဟု အသံထွက်ပါသည်။

ဇာဖြစ်လို့လဲဆိုသော် (က၊ စ၊ တ၊ ပ) (ရှိတန်းအသတ်) များသည် သံတိုသံပြတ်ဖြစ်ပါသည်။ (င၊ ည၊ န၊ မ) (နောက်တန်းအသတ်) များသည် သံရှည်သံပွားပါသည်။

(က၊ စ၊ တ၊ ပ) သံတိုသံပြတ်အသတ်သည် သုံးသံမပွားပါ။ (င၊ ည၊ န၊ မ) သံရှည်သံပွားအသတ်သည် သုံးသံပွားပါသည်။

(ဥပမာ)

(ကြက်၊ ကြက့်၊ ကြက်း) (ချစ်၊ ချစ့်၊ ချစ်း) (တတ်၊ တတ့်၊ တတ်း) (ချပ်၊ ချပ့်၊ ချပ်း) ဟု သုံးသံပွား၍ မရပါ၊ သို့သော် (င၊ ည၊ န၊ မ) (နောက်တန်းအသတ်) (ချောင်၊ ချောင့်၊ ချောင်း) (ပြည်၊ ပြည့်၊ ပြည့်) (ကန်၊ ကန့်၊ ကန်း) (လမ်၊ လမ့်၊ လမ်း) များသည် သုံးသံပွား၍ရပါသည်။

(သုံးသံပွား၍မရသော) သံတိုသံပြတ် အသတ်များနောက်ကပါလာသော (ပြီး) သည် မူရင်းအတိုင်း (ပြီး) ဟု အသံထွက်ပြီး (သုံးသံပွား၍ရသော) သံရှည်သံပွားအသတ်၊ (သို့မဟုတ်) (အ၊ အိ၊ အု၊ အေ၊ အဲ၊ သြ၊ အံ၊ အို) သရသျှစ်လုံးနှင့် ယင်း၏မူပွားများနောက်ကပါလာသော (ပြီး) သည် (ဗြီး) ဟု အသံပြောင်းထွက်ပါသည်။

ဥပမာ။ (သတ်ပြီး ခွတ်ပြီး သုတ်သင်ဗြီးလို့ စားဗြီး) လားခဗျာယ်။

(သတ်) နှင့် (ခွတ်) သည် သံတိုသံပြတ်အသတ်ဖြစ်သည့်အတွက် (ပြီး) ဟု မူရင်းအတိုင်းအသံထွက်ပြီး (သင်) သည် သံရှည်သံပွား (စား) သည်သရဖြစ်သည့်အတွက် (ဗြီး) ဟု အသံပြောင်းထွက်ပါသည်။

ထို့ကြောင့် စာရွီးသောအခါ အသံထွက်ကိုကျည်းလိုက်၍ ရွီးလို့မဖြစ်ပါ။ ပညာဟိ သတိဖြစ်ခဲ နှလုံးမူဖို့လိုပါသည်။

(၅) (ယ၊ ရ၊ လ၊ ၀၊ သ) အတန်းရာ ချွင်းချက်ဖြစ်ပါသည်။ ပဇာကြောင့်ဆိုသော် (ယ) သည် သံရှည်သံပွားအသတ်ဖြစ်သောကြောင့်ဖြစ်ပါသည်။

အထက်ကပြခသည့် ဥပမာပိုင် (ကတ်) နှင့် (ဂတ်) (ပျာယ်) နှင့် (ဗျာယ်) ပြဿနာကိုလည်း ထိုနည်းအတိုင်း ယှင်း၍ဖြစ်ပါသည်။

(က၊ စ၊ တ၊ ပ) သံတိုသံပြတ် (ရှိတန်းအသတ်) များနောက်ကပါလာသော (ကတ်) ကို (ကတ်)၊ (ပျာယ်) ကို (ပျာယ်) ဟု မူရင်းအတိုင်းအသံထွက်ပြီး (င၊ ည၊ န၊ မ) သံရှည်သံပွား (နောက်တန်းအသတ်) နှင့် (အ အိ အု အေ အဲ သြ အံ အို) သရသျှစ်လုံးနှင့် ယင်း၏မူပွားနောက်ကပါလာသော (ကတ်) ကို (ဂတ်)၊ (ပျာယ်) ကို (ဗျာယ်) ဟု အသံပြောင်းထွက်ပါသည်။

(ဥပမာ)

(စားဂတ် သောက်ကတ်ပါ)

(စား) သည် သရဖြစ်သည့်အတွက် (ဂတ်) ဟု အသံထွက်ပြီး (သောက်) သည် သံတိုသံပြတ် ဖြစ်သည့်အတွက် (သောက်) နောက်ကပါလာသော (ကတ်) ကို မူရင်းအသံထွက်အတိုင်း (ကတ်) ဟု အမှန်အသံထွက်ပါသည်။

ထို့ကြောင့် စာရွီးသောအခါ ပင်ရင်း (က) အက္ခရာကိုပုံသီထားပြီး (စားကတ် သောက်ကတ်ပါ) ဟု ရွီးရခြင်းဖြစ်ပါသည်။

ထိုနည်း၎င်း (စားဗျာယ် သောက်ပျာယ် အိပ်နီဂတ်ပျာယ်) ဆိုသောစကားတွင်လည်း
(စား) သည် သရဖြစ်၍ (ဗျာယ်) ဟု အသံထွက်ပြီး (သောက်) သည် သံတိုသံပြတ်ဖြစ်သည့်အတွက် (ပျာယ်) ဟု မူရင်းအတိုင်း အသံထွက်ရခြင်းဖြစ်ပါသည်။

(အိပ်နီကတ်ပျာယ်) ဟူသော စကားတွင် (နီ) သည် သရဖြစ်၍ နီနောက်ကပါလာသော (ကတ်) ကို (ဂတ်) ဟု အသံပြောင်းထွက်ပါသည်။

(ကတ်) သည် သံတိုသံပြတ်ဖြစ်သည့်အတွက် (ကတ်) နောက်က (ပျာယ်) သည် မူရင်းအတိုင်း (ပျာယ်) ဟု အသံထွက်ရခြင်းဖြစ်ပါသည်။

ထို့ကြောင့် စာရွီးသောအခါ

(စားပျာယ် သောက်ပျာယ် အိပ်နီကတ်ပျာယ်) ဟု ပင်ရင်းအက္ခရာများနှင့် ရွီးရခြင်းဖြစ်ပါသည်။

ဖတ်သောအခါ (စားဗျာယ် သောက်ပျာယ် အိပ်နီဂတ်ပျာယ်) ဟု အသံထွက်လားပါလိမ့်မည်။ (အသံထွက်အတိုင်း လိုက်ရွီးနီစရာမလိုအပ်ပါ။)

(ကတ်) အရွီးအသားနှင့်ပတ်သက်၍ ဓည၀တီနိဂုံးရွာများသာမိုင်းသာခြင်းမှ ဥပမာပြရပါသော်

(၁) (မချွတ်ဧကန်၊ လူများစွာ၏၊ ကျမ္မာမှုကို၊ ပြုကတ်ပြန်ဟု) ဆိုသော ၀ါကျ၌ (ကတ်) သည် (ဂတ်) ဟု အသံထွက်ပါသည်။ ပဇာကြောင့်ဆိုသော် (ကတ်) ရှိက (ပြု) သည် သရဖြစ်သောကြောင့်ဖြစ်ပါသည်။

(၂) (အများခင်မှာ၊ နားဆင်လတ်ကေ၊ မှတ်ကတ်ပေနှောင်း) ဆိုသောဝါကျ၌ (ကတ်) သည် (ကတ်) ဟု မူရင်းအတိုင်း အသံထွက်ပါသည်။ ပဇာကြောင့်ဆိုသော (ကတ်) ရှိက (မှတ်) သည် သံတိုသံပြတ်ဖြစ်သောကြောင့်ဖြစ်ပါသည်။

(၃) (ဆီးမရသော်၊ အစာများနှင့်၊ ကုစားကတ်ပါ) ဆိုသည့်ဝါကျ၌ (ကတ်) သည် (ဂတ်) ဟု အသံထွက်ပါသည်။ (ကတ်) ရှိက (စား) သည် သရဖြစ်သောကြောင့်ဖြစ်ပါသည်။

(၄) (မျိုးရခိုင်ရို့၊ စိုင်မပြတ်လျှင်၊ သင်ကတ်ပေ၍) ဆိုသောနီရာတွင်လည်း (ကတ်) သည် (ဂတ်) ဟု အသံထွက်ပါသည်။ (ကတ်) ရှိက (သင်) သည် သံရှည်သံပွားဖြစ်သောကြောင့်ဖြစ်ပါသည်။

ယလောက်ဆိုလျှင် (ဂတ်) ပြဿနာနှင့်ပတ်သက်၍ လုံလောက်မည်ဟုထင်ပါသည်။

စာရွီးသောအခါ (ကတ်) ဟု ပင်ရင်းသံဖြင့် ရွီးကတ်ရမည်ဖြစ်ပါသည်။ (ဂတ်) ဟု မရွီးအပ်ပါ။ ကောင်းစွာမှတ်သင့်ပါသည်။

(နောက်တခု သိရန်တချက်မှာ)

ရခိုင်စကားတွင် စကားပြောသောအခါ ရိုးရိုးဝါကျများ၌ (တေ) သို့မဟုတ် (ရေ) နှင့် အဆုံးသတ်သည်ကို သတိပြုမိပါလိမ့်မည်။

ဥပဒေသက အထက်ကပြခသည့်အတိုင်း သံတိုသံပြတ်အသတ်နှင့်ဆုံးသောဝါကျသည် (တေ) နှင့်ဆုံးပြီးလျှင် သံရှည်သံပွားအသတ် (သို့မဟုတ်) သရသျှစ်လုံး၊ ယင်း၏မူပွားများနှင့် ဆုံးသောဝါကျများသည် (ရေ) နှင့် အဆုံးသတ်ပါသည်။

(ဥပမာ)
ဓည၀တီနိဂုံးရွာများသမိုင်းသာခြင်းမှ (ရေ) နှင့်ဆုံးသော ၀ါကျများကို တင်ပြပါမည်။

(၁) ကိုးပါးဂုဏ်ကို၊ အာရုံမှတ်လို့၊ ခိုးအပ်ပါရေ။
(၂) စိတ်ဘ၀င်မှာ၊ ထင်အောင်ပွားကေ၊ ထားသင့်ပေရေ။
(၃) လက်ဆယ်ဖြာကို၊ ထိပ်မှာမိုးကေ၊ ရှိခိုးကောင်းရေ။
(၄) ဘ၀ကွယ်၍၊ သင်္ချေခြားလည်း၊ ဖော်စားနိုင်ရေ။
(၅) ရုပ်နှင့်နာမ်လျှင်၊ ဖန်ဖန်ထပ်လို့၊ ဖြစ်တတ်ပါရေ။
(၆) မလွဲရန်ကေ၊ နည်းမှန်ကျဖို့၊ ပြောရရေနှောင်း။
(၇) ယုံကြည်လက်ခံ၊ သက်ဝင်သူရို့၊ အယူမှတ်ကေ၊ ဟိကတ်ပြန်ရေ။
(၈) ကြီးမြင့်ချမ်းသာ၊ အလီလီကေ၊ စည်းစိမ်မြတ်ကို၊ ရအပ်ပါရေ။
(၉) စောဗုဒ္ဓာက၊ မြွက်ခါကြားကေ၊ ဟောထားရေလေ။
(၁၀) အယူမှန်ကို၊ တဖန်လိုက်လို့၊ လုပ်ထိုက်ပေရေ။
(၁၁) ကျမ္မာမှုသည်၊ မှန်မချွတ်ကေ၊ ဖြစ်တတ်ပေရေ။
(၁၂) ရှိဟောင်းပီစာ၊ မြဒိုးဝေ၏၊ ရွီးသည့်ကျမ်းမှာ၊ ညွှန်းလို့ပါရေ။
(၁၃) ရှည်ဝီးကြာတင်၊ ရှိဆရာရို့၊ သညာထားကေ၊ ငှက်ဖျားတွင်ရေ။
(၁၄) သိန်းသောင်းချီ၍၊ ခြင်ရွီများမှာ၊ ငါးမျိုးတွိရေ။
(၁၅) ကျမ္မာသူလေ၊ လူတယောက်ကို၊ ကိုက်ဖောက်သောခါ၊ ငှက်ဖျားနာလျှင်၊ ဖြစ်တတ်ပါရေ။
(၁၆) ရှိသူမွန်ရို့၊ ကျမ်းဂန်များမှာ၊ ညွှန်းထားရေလေး။
(၁၇) ရှည်လျှားကာလ၊ မပျက်နိုင်ဘဲ၊ စိုင်မပြတ်ကေ၊ သိမှတ်ရရေ။
(၁၈) ကောင်းမွန်စိတ်ကေ၊ စာရိတ္တနှင့်၊ ပြည့်ဝညီစွာ၊ ကြီးတသွယ်လေ၊ ငယ်အလတ်ရို့၊ လုပ်အပ်ပါရေ။
(၁၉) မွီးဖဘုန်းမို၊ နန်းမညိုက၊ အလိုစမ်းကြ၊ ပမာဆိုကေ၊ ထိုအခဏ်းနှင့်၊ တူလွန်းလှရေ။
(၂၀) ဆီးကွမ်းယာကို၊ လှမ်းကာစားကေ၊ ရပ်နားရေလေး။
(၂၁) နောက်နောင်လာကေ၊ ပညာဟိရို့၊ တွိသောခါတွင်၊ ပြန်ကာဖာထီး၊ ပြုပျင်ရန်ကို၊ ကျွန်ခွင့်ပီးရေ။

စုစုပေါင်း (၂၁) ကြောင်းကို တွိရပါသည်။

(တေ) ကို သုံးသော ၀ါကျများကို ထုတ်ပြရလျှင်

(၁) ကမ္ဘာပြင်ကို၊ အသျှင်မြတ်မှာ၊ စိုးလတ်တေဟု၊
(၂) ယင်ကြောင့်သာလျှင်၊ ရောဂါညှက်မှာ၊ ကူးစက်တေနှောင်း။
(၃) လူသားအန္တရာယ်၊ ခြင်ကိုက်မူလျှင်၊ အပူများ၍၊ ဖျားတတ်တေဇု၊
(၄) ကျားထက်ပင်လေ၊ ခြင်ရန်ဖီးမှာ၊ ကြီးလတ်တေဟု၊
(၅) အနည်းငယ်လျှင်၊ သံခေပဖြင့်၊ ပြောပြလိုက်တေ။
(၆) အမှိုက်ပုံနှင့်၊ တောခြုံများလည်း၊ ခြင်ပွားတတ်တေ။
(၇) တခြားပြည်ရွာ၊ လူများစွာ၏၊ ဘာသာစကား၊ အက္ခရာနှင့်၊ ပညာများပါ၊ သင်ကြားအပ်တေ။

စုစုပေါင်း (၇) ကြောင်းကို တွိရပါသည်။

သုံးသပ်ရမည်ဆိုပါသော် (ရေ) နှင့်ဆုံးသော ၀ါကျများမှာ (ရေ) ရှိကပါလာသော (၁) ပါ (၂) ပေ (၃) ကောင်း (၄) နိုင် (၅) ပါ (၆) ရ (၇) ပြန် (၈) ပါ (၉) ထား (၁၀) ပေ (၁၁) ပေ (၁၂) ပါ (၁၃) တွင် (၁၄) တွိ (၁၅) ပါ (၁၆) ထား (၁၇) ရ (၁၈) ပါ (၁၉) လှ (၂၀) နား (၂၁) ပီး ဆိုသောစကားလုံးများကို သတိထားမိပါလိမ့်မည်။

(ပါ၊ ပေ၊ ရ၊ ပါ၊ ထား၊ တွိ၊ လှ၊ နား၊ ပီး) ဆိုသောစကားလုံးများသည် သရဖြစ်ပြီး (ကောင်း၊ နိုင်၊ ပြန်၊ တွင်) ဆိုသောစကားလုံးများသည် သံရှည်သံပွားအသတ်များဖြစ်သည့်အတွက် ၄င်းဝါကျများသည် (ရေ) နှင့် အဆုံးသတ်ရခြင်းဖြစ်ပါသည်။

(တေ) နှင့်ဆုံးသော ၀ါကျများတွင် (တေ) ရှိကပါလာသော

ဝါကျ (၁) လတ် (၂) စက် (၃) တတ် (၄) လတ် (၅) လိုက် (၆) တတ် (၇) အပ် ဆိုသော စကားလုံးများကို တွိရပါလိမ့်မည်။

(လတ်၊ စက်၊ တတ်၊ လိုက်၊ အပ်) ဆိုသောစကားလုံးများသည် သံတိုသံပြတ်ဖြစ်သည့်အတွက် ၄င်းဝါကျများသည် (တေ) နှင့် အဆုံးသတ်ရခြင်းဖြစ်ပါသည်။

ဇာဖြစ်လို့ (တေ) နှင့် (ရေ) မှာ (တေ) အသုံးနည်းရေလဲဆိုပါသော် (တေ) သည် သံတိုသံပြတ်နောက်တွင် သုံးသဖြင့် ဦးရေတွက်စစ်သော် သံတိုသံပြတ်အသတ်သည် သံရှည်သံပွားကဲ့သို့ သုံးသံပွားမရသဖြင့် ဦးရေသုံးဆနည်းရခြင်းဖြစ်ပါသည်။

နောက်တချက်က (ရေ) ကို သရစာလုံးနောက်က တွဲသုံးသည့်အတွက် (ရေ) မှာ (တေ) ထက် ဦးရေပိုများခြင်းဖြစ်ပါသည်။

ယင်းလောက်ဆိုလျှင် ရခိုင်စာတွင် (ပြီး) (ကတ်) (ပျာယ်) (တေ) (ရေ) ဆိုသောအသုံးများကို ယှင်းပြီးဖြစ်ပါလိမ့်မည်။

(ဂတ်၊ ဗျာယ်) လက်တွိကြုံနီရသောပြဿနာ (နှစ်ပါး) ကိုလည်း ဖြေယှင်ပြီးဖြစ်ပါလိမ့်မည်။


(ရခိုင်ပေါင်းကူး သာလှဦး)

ပြုပျင်ဖြည့်စွက်စရာဟိသည်များကို တွိပါက အကြံပီးကတ်ပါ။ အကောင်းဆုံးဖြစ်အောင်ဆောင်ရွက်ပါမည်။ ဤသာခြင်းသည် ရခိုင်စာပီသမိုင်းတွင် စံထားရမည့်သာခြင်းတပုဒ်ဖြစ်ပါသည်။ ထို့ကြောင့် အထူးဂရုပြုလေ့လာပါရန် ရိုးသားစွာ အကြံပြုလိုပါသည်။ ပုံမနှိပ်ရပါသိမ့်။

ဆရာကြီးဦးသာထွန်း အတ္ထုပ္ပတ္တိအကျဉ်း

ဆရာကြီးဦးသာထွန်း အတ္ထုပ္ပတ္တိအကျဉ်း
==========================

ဆရာကြီးဦးသာထွန်းကို ရခိုင်ပြည်၊ မြောက်ဦးမြို့ ညောင်ပင်ဈီးရွာ ဘကောင်းစံရွှီ၊ မိအောင်ကြွဇံရို့မှ ၁၉၁၇ ခု၊ နိုဝင်ဘာလ ၂၃ ရက်၊ သောက်ကြာနိတွင် ဖွားမြင်သည်။ တဦးတည်းသောသားဖြစ်သည်။ ငယ်စဉ်မှစ၍ အဘိုးဖြစ်သူ ရာဇဝင်ဆရာကြီး ဦးသာထွန်းအောင်က ရခိုင်ရာဇဝင်၊ ဆီးကျမ်း၊ နက္ခတ်ကျမ်း၊ ပူရာဏ်ကျမ်းများအား နုတ်တိုက်အာဂုံ သင်ကြားပီးခသည်။ နဝမတန်းတွင် ပညာသင်ကြားနီစဉ် ဖခင် ကွယ်လွန်သောကြောင့် ကျောင်းထွက်လိုက်ရပြီး ရဟန်းပုဂ္ဂိုလ်များထံတွင် သက္ကဋ၊ ပါဠိ၊ သမိုင်း၊ အင်း၊ ဗေဒင်နှင့် အခြားလောကီပညာရပ်များကို သင်ကြားလေ့လာ ဆည်းပူးသည်။

၁၉၅ဝ ခုနှစ်မှ ၁၉၅၅ ခုနှစ်ထိ မူလတန်း ကျောင်းဆရာအဖြစ် ဝင်ရောက်လုပ်ကိုင်ပြီး၊ ၁၉၅၅ ခုနှစ်မှ ၁၉၇၇ ခုနှစ်ထိ မြောက်ဦးမြို့ ရှိဟောင်းသုတေသနဌာနခွဲတွင် ရခိုင် မြန်မာပဏ္ဍိတ်အဖြစ် တာဝန်ထမ်းဆောင်သည်။ ယခုလက်ဟိ မြောက်ဦးမြို့ ရှိဟောာင်း သုတေသနပြတိုက်ကြီးသည် ဆရာကြီး စုဆောင်းတည်ဆောက်ခသော ပြတိုက်ကြီးဖြစ်သည်။

၁၉၇၇ ခုနှစ် မှ ၁၉၈၃ ခုနှစ်ထိ မြောက်ဦးမြို့ ရှိဟောင်းသုတေနဌာနခွဲတွင် အကြံပီးပုဂ္ဂိုလ်အဖြစ် ဆက်တိုက်တာဝန် ထမ်းဆောင်ခသည်။

၁၉၈ဝ ခုနှစ်မှ ၁၉၈၃ ခုနှစ်ထိ တူးဖော်ခသော ရခိုင်ဝေသာလီမြို့ဟောင်း တူးဖော်မှုလုပ်ငန်းတွင် ကိုယ်တိုင်ကိုယ်ကျ ပါဝင်တူးဖော်ဆောင်ရွက်ခသည်။

မြောက်ဦးမြို့ဘုရားသမိုင်း (၁၃ဝ၁ ခုနှစ် ပုံနှိပ်)၊ ဦးရာဇ်တောင် ဘုရားသမိုင်းကျမ်း ပျင်ဆင် ဖြည့်စွက်ချက် (ပုံနှိပ်) (၁၉၅၂ - ၅၃)၊ ရက္ခိုင်အမျိုးသမီးသူရဲကောင်း အတ္ထုပတ္တိ (၁၉၅၃ - ၅၄) (ပုံနှိပ်)၊ ရက္ခိုင်ရာဇဝင် သင်္ခေပကျမ်း (၁၉၅၄ - ၅၅) ပုံနှိပ်၊ ဝသဲဘုရားသမိုင်း (ပုံနှိပ်)၊ ရှင်သတ် ဘုရားသမိုင်း (ပုံနှိပ်) များအား ပုံနှိပ်ထုတ်ဝီခသည်။ ရက္ခိုင်ကဗျာပေါင်းချုပ်၊ ရက္ခိုင်ရာဇဝင် ဘာသာပြန်၊ ရက္ခိုင်ဒင်္ဂါးများ (ဘာသာပြန်)၊ ရက္ခိုင်ဓာတ်တော်ဘုရားစေတီများနှင့် မြောက်ဦးမြို့ တန်းခိုးကြီးဘုရားများသမိုင်း ကျမ်းစာများကို ရွီးသားပြုစုပြီး ဘဏ္ဍာရေးဝန်ကြီး ဆာဦးထွန်းအောင်ကျော်ထံတွင် အပ်နှံ့ခသည်။

အံတော်သိမ် ဘုရားသမိုင်းကျမ်း၊ သဲထက် ဘုရားသမိုင်း၊ ထီးတော်မိုး ဘုရားသမိုင်း၊ ဘောင်းဒွတ်နတ်တောင် ဘုရားသမိုင်း၊ ဝေသာလီဘုရားကြီးသမိုင်း၊ သိမ်တော်ကြီး ဘုရားသမိုင်း၊ မဟာထီး ဘုရားသမိုင်း၊ ပါးတော် ဘုရားသမိုင်း၊ ဘုရားပေါ် ဘုရားသမိုင်း၊ သျှစ်သောင်း ဘုရားသမိုင်း၊ မင်္ဂလာဓာတ်ရွှေကူ ဘုရားသမိုင်းများကို လင်္ကာစကားပြေ မော်ကွန်းစသည့်အားဖြင့် ရွီးသားထုတ်ဝီခသည်။

ဓညဝတီမဂ္ဂင်း အယ်ဒီတာ စာတည်းအဖြစ် တာဝန်ယူခသည်။ ဓညဝတီစာစောင်၊ ဓညဝတီမဂ္ဂဇင်း၊ ရခိုင်တန်ဆောင်မဂ္ဂဇင်း၊ မန္တလေးပြည်သူ့ဂျာနယ်၊ ရန်ကုန်မဂ္ဂဇင်း၊ စုံထောက်မဂ္ဂဇင်း၊ ယဉ်ကျေးမှုစာစောင်၊ ရခိုင်မဂ္ဂဇင်း၊ စစ်တွေ ကောလိပ်မဂ္ဂဇင်း၊ ရခိုင်ပြည်နယ်စာစောင်၊ ဝရာဇ်မြီမဂ္ဂဇင်းများတွင် ဦးဦးသာထွန်း၊ ဦးသူရိယ အစဟိသော ကလောင်နာမည်များဖြင့် ဆောင်းပါးမျာစွာ ရွီးသားခသည်။

မြို့စောင့်နတ် ဒေဝတာဗလီ ပူဇော်ကျမ်း၊ အဉ္ဇနနိဒါန်း ဆီးကျမ်း၊ ရခိုင်စည်ပြုလုပ်ပုံနှင့် တီးကွက်တီးလုံးများ၊ ကဗျာများ စုပေါင်းစာတမ်း၊ ရခိုင်ထိမ်းမြားမင်္ဂလာ ပန်းတျားတီးလုံး၊ တီးကွက်နှင့် ပြုလုပ်ပုံ အတိုင်းအတာစာတမ်း၊ ရခိုင်သတ်ပုံသတ်ညွှန်းခွဲထားခြင်း အဓိပ္ပာယ်ထွက်ပုံ စာတမ်း၊ ရခိုင်ပလွီ (ပြွီ) အမျိုးမျိုးပြုလုပ်ပုံ အတိုင်းအတာစာတမ်း၊ သျှိုင်ဒိုင်၊ ကောက်ဦးဆွမ်းတင်၊ ပိုးဝါ၊ ဗုဒ္ဓပူဇနိယ ဆီမီးခွက်အက၊ တေးခြင်းကဗျာစသည်ရို့ကို ရွီးသားပြုစုခသည်။

ဆင်ယင်ထုံးဖွဲ့မှုကျမ်း (မူကြမ်း)၊ ရခိုင်ရာဇဝင် (မူကြမ်း)၊ ရခိုင်အက္ခရာ ဆင်းသက်လာပုံကျမ်း (မူကြမ်း)၊ ရခိုင် ကျောက်စာပေါင်းချုပ်ကျမ်း (မူကြမ်း)၊ ရခိုင်ဘုရင် သမိုင်းကျမ်း (မူကြမ်း)၊ ရခိုင်သား ဒေါင်းမာတင် (မူကြမ်း)၊ သျှင်မြဝါကျမ်း (မူကြမ်း)၊ ရခိုင်မင်းသမီးဧခြင်း ယှင်းလင်းချက် (မူကြမ်း)၊ ဗျာလစာတမ်း (မူကြမ်း)၊ ကျောက်တော်မြို့ သေလာဂီရီ မောပဗ္ဗတ တောင်ခြီရင်းမှတွိရသော ကျောက်ဆစ်လက်ရာများ သုတေသနပြုချက် (မူကြမ်း) စသည်ရို့ကို ရွီးသားပြုစုခသည်။

သြစတြေးလျနိုင်ငံ အမျိုးသားတက္ကသိုလ် သုတေသီ PAMELA GUTMAN ၏ ANCIENT ARAKAN ကျမ်း ပြုစုစဉ်တွင်လည်းကောင်း၊ ပြင်သစ်နိုင်ငံ၊ ပါရီမြို့မှ ပါမောက္ခ ရောဖတ်ဆာဗ်ရ် (BERNOT) အတွက် ရခိုင်ပုံပြင် လိပ်ကန်ဖာမ ဝတ္ထုနှင့် ကျီးဖြူရွာစာတမ်းများကိုလည်းကောင်း၊ ပြင်သစ်နိုင်ငံ ပါမောက္ခ ဦးလှသိန်း (ခေါ်) ဂျွန်န်အိုကဲလ်ဖို့၏ စေတီအဆောက်အအုံနှင့် နန်းအဆောက်အအုံစာတမ်းကိုလည်းကောင်း၊ အမေရိကန်နိုင်ငံ အာသျှဖောင်ဒေးချန်းအတွင်းရေးမှူး ဒေးဗစ်စတိမ်းဗန်၏ ဝေသာလီ ကျောက်ရုပ်ထု ဆင်းတုများ၏ နှစ်ပေါင်းကြာညောင်းမှုအား တိုင်းတာမှု စာတမ်းကိုလည်းကောင်း၊ ဂျပန်နိုင်ငံ ပါမောက္ခ အိုနိုတိုရရူနှင့် ရခိုင်စကားပြော လီယူလီသိမ်း အသံထွက်ပုံ စာတမ်းနှင့် ဘောင်းဒွတ်အရပ်တွင်ဟိသော ဒတ်ခ်ျ ကောင်ဆယ်လာ အဆောက်အအုံပုံစံနှင့် ကူးသန်းရောင်းဝယ်ရေးစာတမ်းကိုလည်းကောင်း ရွီးသားပြုစုရာတွင် ကူညီခသည်။

အစိုးရယဉ်ကျေးမှုဌာနနှင့် အခြားပုဂ္ဂိုလ်ရို့ကိုလည်း ဆရာကြီးသည် ကူညီပီးခသည်။ ဦးမင်းနိုင်၏ ပြည်ထောင်စု အကပဒေသာစာအုပ် (၁၉၅၉)၊ ရခိုင်တိုင်းရင်းသားလူမျိုးဖြစ်စဉ်နှင့် ဓလေ့ထုံးစံများစာအုပ်၊ တိုင်းရင်းသားယဉ်ကျေးမှု ရိုးရာဓလေ့ထုံးစံများ၊ ရခိုင်ပြည်နယ် ဘဏ္ဍာတိုက်ကြီးများကျမ်း၊ ရခိုင်ရိုးရာ စည်တော်နှင့် တူရိယာတီးကွက်များစာတမ်း၊ မြန်မာဝေါဟာရ အဘိဓာန်ကျမ်းပြုစုစဉ် ဝေါဟာရစာလုံးများ ပြုစုပီးပို့ခြင်း၊ ရခိုင် ဝေါဟာရအဘိဓာန်ပြုစုစဉ် ဝေါဟာရစာလုံးများနှင့် အဓိပ္ပါယ်ဖွင့်ဆိုချက်၊ ကျမ်းကိုးကားချက်များစာအုပ် ပြုစုခြင်း၊ ၁၉၇၆ - ၇၇ ခု ရခိုင်ပြည်နယ်နိ၊ ရခိုင်ပြည်နယ်၊တံဆိပ်၊ ရခိုင်ရိုးရာ ကျား/မ ဝတ်စုံ စာတမ်း၊ ရခိုင်ပြည်နယ် ဖြစ်စဉ်သမိုင်း၊ မြောက်ဦးလမ်းညွှန်စသည်ရို့ကို ပါဝင်ကူညီ ရွီးသားပြုစုခသည်။

အထက်တန်းပညာ ဦးစီးဌာနညွှန်ချုပ် (ငြိမ်း) ပါမောက္ခ ဦးစံသာအောင် အတွက်လည်း ၁၉၇၂ ခု အဘိဓမ္မာကောက်နုတ်ချက် ပုရပိုက်ကို မိုက်ခရိုဖလင် ရိုက်နှိပ်ရန်အတွက်လည်းကောင်း၊ ကဝိကဏ္ဍ ပါသဏကျမ်းပီမူကို မိုက်ခရိုဖလင် ရိုက်နိုင်ရန်လည်းကောင်း၊ လျှို့ဝှက်ကျောက်စာ ဂဏန်းရွီးနည်းပီမူကို မိုက်ကရိုဖလင် ရိုက်ရန်လည်းကောင်း၊ အေဒီ ၆ ရာစုနှင့် ယင်းမတိုင်မီက ရခိုင်ပြည်နယ်သုံး အက္ခရာစာအုပ်ပြုစုရာတွင်လည်းကောင်း၊ အနန္ဒစန္ဒြား ၈ ရာစု ရခိုင် ဝေသာလီစာအုပ် ပြုစုရာတွင်လည်းကောင်း၊ ရခိုင်ဒင်္ဂါးများသမိုင်း ပြုစုရာတွင်လည်းကောင်း၊ ဗုဒ္ဓအနုပညာ (Buddhist Art of Ancient Arakan) စာအုပ်ပြုစုရာတွင်လည်းကောင်း ပါဝင်ကူညီခသည်။

၁၉၅၉ ခုနှစ်မှာ မြန်မာ့အသံ ရေဒီယိုမှ ရခိုင်အသံကို အစအဆုံး အသံလွှင့်ထုတ်ခသည်။ တိမ်မြှုပ်ပျောက်ကွယ်လားခပြီးဖြစ်သော ရခိုင်ယဉ်ကျေးမှုအမွီအနှစ်၊ ရခိုင်သမိုင်း၊ ရခိုင့်စာပီ၊ ရခိုင့်ရိုးရာ ဓလေ့ထုံးတမ်းစဉ်လာများအား ကမ္ဘာသိအောင် ရှာဖွီစုဆောင်း လေ့လာဖော်ထုတ်ခသည်။ ထိန်းသိမ်းစောင့်ယှောက်ခသည်။ ရခိုင်သူ၊ ရခိုင်သားများကိုလည်း ရခိုင့်ယဉ်ကျေးမှုအမွီအနှစ်၊ ရခိုင့်သမိုင်း၊ ရခိုင့်စာပီ၊ ရခိုင့်ရိုးရာ ဓလေ့ထုံးတမ်းစဉ်လာများကို ဖော်ထုတ်ထိန်းသိမ်း ကာကွယ်စောင့်ယှောက်ရန်လည်း အမြဲဆော်သြခသည်။

ဆရာကြီးသည် ရခိုင့်ယဉ်ကျေးမှုအမွီအနှစ်၊ ရခိုင့်သမိုင်း၊ ရခိုင်စာပီ၊ ရခိုင့်ရိုးရာ ထုံးထမ်းစဉ်လာများကို အစဉ်ဖော်ထုတ်ပြုစုခသော ရာဇ၀င်ဆရာ ဖခင်ကြီးတဆူဖြစ်သည်။

ဆရာကြီးသည် ရခိုင် ဒီမိုကရေစီရဟိရေး၊ တိုင်းရင်းသားများ တန်းတူအခွင့်အရေး ရဟိရေးအတွက်လည်း စွမ်းစွမ်းတမံ ရှိတန်းမှ ဦးစီးဆောင်ရွက်ခသည်။ ရခိုင် ဒီမိုကရေစီ အဖွဲ့ချုပ်တွင် နာယကကြီးအဖြစ် တာဝန်ထမ်းဆောင်ပြီး၊ ကျောက်တော်မြို့ မဲဆန္ဒနယ် အမှတ် (၁) တွင် ယှဉ်ပြိုင်မည့် ပြည်သူ့လွှတ်တော် ကိုယ်စားလှယ်လောင်းလည်းဖြစ်သည်။ ဆရာကြီးသည် ရခိုင်ဒီမိုကရေစီအဖွဲ့ချုပ်၏ စည်းရုံးရေးခရီးစဉ်အဖြစ် အနယ်နယ်အရပ်ရပ်သို့ မဲဆွယ်တရားဟောထွက်စဉ် မင်းပြားမြို့နယ်၊ ပြားချောင်းကျွန်းရွာ မဲဆွယ်တရားဟောပွဲတွင် တရားဟောနီစဉ် ဖက်ခွက်များကဖမ်းဆီးပြီး ထောင်သွင်းအကျဉ်းချ ခံခရသည်။

ဆရာကြီးအား အမျိုးသားရေးတရားဟောသည်စသည်ဖြင့် အမျိုးမျိုးစွဲချက်တင်ပြီး ဖမ်းဆီးခြင်ဖြစ်သည်။ ဖက်ခွက်များက တိုင်းပြည်အပေါ် မတရားကျူးကျော်စော်ကားမှုများကို ဆရာကြီးက အချက်ကျကျ ဝေဖန်ဟောပြောမှုများကြောင့် ဖက်ခွက်များ၊ မျန်မာလူမျိုးငယ်ဝါဒီများမှာ အနာပေါ်ဒုတ်ကျသကဲ့သို့ ဆတ်ဆတ်ထိ မချိမခံမရပ်နိုင် ဖြစ်ခရသည်။

ယင်းကြောင့် ဖက်ခွက်များက ဆရာကြီးအား အငြိုးထားကာ မတရားဖမ်းဆီးခြင်းဖြစ်ပြီး ထောင်ဒဏ် ၃ နှစ် အပြစ်ပီးကာ စစ်တွေထောင်တွင် အကျဉ်းချထားသည်။ ထောင်ကျပြီး ၅ လ အကြာ ၁၉၉ဝ သြဂုတ် ၁၄ ရက်နိတွင် ကွယ်လွန်သည်။ ထောင်ထဲတွင် ဖက်ခွက်များက ဆရာကြီးအား အဆိပ်ကျွေး၍ လုပ်ကြံလိုက်သည်။ ယေကေလည်း ဖက်ခွက်များက ဆရာကြီး သီဆုံးရခြင်းသည် ဦးဂေါင်းတွင် သွီးမတိတ်သည့် ရောဂါ (Cerebral Haemorrhage) ဖြင့် သီဆုံးရခြင်းဖြစ်ကြောင်း The Truth အမည်ဟိဆောင်းပါးများဖြင့် လုပ်ကြံဖန်တီးဝါဒဖြန့်သည်။

ဆရာကြီး၏အလောင်းကို သူ၏ဇာတိချက်ကြွီ မြောက်ဦးမြို့သို့ ယူဆောင်လာပြီး ဆရာကြီး အလွန်တန်ဖိုးထားခသော ရန်အောင်ဇေယျ (ခေါ် ) သျှစ်သောင်းပုထိုးတော်ကြီး ဘုရားရိပ်တွင် မြီမြှုပ်သင်္ဂြိုဟ်လိုက်ရသည်။


http://thelightofarakan.blogspot.com/2010/07/blog-post_784.html မှ ကူးယူဖော်ပြသည်။ လိုအပ်သည်များကို အနည်းငယ်ဖြည့်စွက်ပျင်ဆင်ထားသည်။

ရခိုင်ပျာသတ် မဟာရာဇ၀င်တော်ကြီး (က) ချပ်

က - ကြော
၁။ နမောတဿ ဘဂ၀တော အာရဟတော သမ္မာသမ္ဗုဿတိ။ ဘုရား
၂။ တရား။ သံဃာ ရတနာသုမ္ပားရို့ကို ဦးထပ်ထက်အမြဲရွက်၍ မိခင်ဘ
၃။ ခင် ဆရာသ္မားရို့ကို ရှိခိုးပူဇော်ကန်တောဝ့်ပြုပြီးမှ သုရဿတီနတ်
၎။ သ္မီးသည်။ မမ။ အကျွနုပ်၏။ ဇိဝှကေ။ လျှာဖျား၌ အမြဲစောင့်၍ မ
၅။ တော်မူစီသတည်း။ ။ ယူဇနာနှစ်သိန်းငါးသောင်းနှစ်ထောင်သ
၆။ င်္ချာဆောင်သော မြင့်မိုရ်တောင်မင်း၏ထိပ်ချာ၌ ယူဇနာတသောင်း
၇။ ဟိသော သုဒဿနမြိုမကို ခက်ထန်စွာသော အသူရာရို့သည်
၈။ သျုံမ်းသည်ဖြစ်သကဲ့သို့ ယူဇနာသုံးထောင်အ၀န်းကျယ်

ကာ - ၀မ်း
၁။ သော ဇမ္ဗူဒီပါကျွန်းပြင်၌ မှန်ကင်းသဖွယ်ဖြစ်တော်မူထသော ရန်
၂။ သူတကာရို့သည် မအောင်မြင်နိုင်ရာဖြစ်သော ရက္ခာပူရမည်သော ရ
၃။ က္ခိုင်ရွှီပြည်တော်ကြီး၌ ဗုဒ္ဓဂုင်္ရဖြစ်သော မဟာသမတမင်း၏
၎။ အမျိုးအနွယ်တော်အစဉ်အဆက်မင်းအပေါင်းရို့ကို ဆိုပေလတ္တံ
၅။ မ့်။ ။ ဤဘတ္တကပ်ကမ္ဘာပေါ်သောအခါ၌ အာဘဿရဗြဟ္မာရို့
၆။ သည် လာလတ်၍ကြည့်ရှုသော် အောင်မြီချက်၌ ကြာပဒုမ္မာသည်
၇။ ပရိက္ခရာသျစ်ပါးနှင့် ဆင့်ရရင့်ငါးပွင့်ဖြစ်သည်ကိုဆွတ်ယူ၍ ဤက
၈။ မ္ဘာသည် ဘုရားငါးဆူဖြစ်လှာမည်ဟု အာဘဿရဗြဟ္မာ

ကာ - ကြော
၁။ ကြီးရို့ နိမိတ်ဘတ်သည်ကို အကြောင်းပြု၍ ဘတ္တကပ္ပကမ္ဘာဟု ခေါ်ဝေါ်ကုံ၏။ ထိုဗြဟ္မာကြီးရို့သည် လေးကျွန်းလုံးကို မိမိကိုယ်ရောင်ဖြင့်ထွန်းလင်းစီ၍
၂။ မြီသင်းသြဇာကိုစားရပြီးမှ မိမိရို့နီသော အာဘဿရဗြဟ္မာပြည်သို့ ပြန်လီကုန်၏။ အချို့သောဗြဟ္မာရို့သည်ကား ဥပ္ပါတ်ပဋိသန္ဓေဖြစ်၍မပျံနိုင်ပဲ ကျန်ရစ်ကုန်၏။
၃။ ခန္ဓာအသစ်ဖြစ်သောအက္ခရာသည် ကိုးခုရသည်။ ထိုကိုးခုသည် တကျွန်းကို ကိုးယောက်ဖြစ်သော
၎။ ကြောင့် လေးကျွန်းလုံးကိုပေါင်းသော် ဗြဟ္မာသည် သုံးကျိပ်ခြောက်ဖြစ်၏။ ထိုဗြဟ္မာရို့သည် မြီဆီမြီသင်း ပတာလတ္တာနွယ်
၅။ ချိုကိုစား၍အဆုံးတွင် နမသလေးဆန်ကိုစားလတ်ကုန်သော် လောဘ။ ဒေါသ။ မောဟ။ ရာဂရို့သည် ပြန့်ပွါးလတ်လျှင် ပထမသည် ဣတ္တိလိန်
၆။ ငါးယောက်ဖြစ်၏။ နောက်မှပုရိသလိန် လေးယောက်ဖြစ်ပြန်၏။ စတုကွတ္တအနွယ် လေးပါးပြား၍ ဃရာဝါသဖြင့်လေးအိမ်ထောင်ဖြစ်ကြသည်။ မိမ္မတယောက်ကျံန်
၇။ လီ၏။ ထိုကျံန်သည့်မိမ္မတယောက်ကို မင်းအစေအသုံးပြု၏။ ထိုကမ္ဘာာ၌ ဗြဟ္မာရို့သည် အိမ်ရာသင့်၍ သားမြီးပွားများလတ်သော် အကုသိုလ်ကမ္မကိုပြုကျင့်လတ်၍ မကောင်း
၈။ သောစိတ်ဖြင့် သုမယားသူ့ဥစ္စာကို လုယက်သတ်ပုတ်စားလတ်ကုန်၏။ ထိုအခါ ကောက္ကုသံ အလောင်းတော်ဖြစ်သောသူတော်ကောင်းကို အာဒိစ္စ မဟာသမတဟူသော အမည်ကို

ဘောက်သာဆိုး

ဘောက်သာဆိုး
=========
သူများဖောက်လည်း
ငါ မဖောက်ပါ
တယောက်တည်းလို့ ပြောပတ်စီ --။

သူဖောက်ငါဖောက်
ကိုက်ဖောက်ကတ်စွာ
ဘောက်သာဆိုးမှာ
အပေါက်တရာ
ဖာ၍ထီး၍ မရနိုင်ပါ --။

(သာလှဦး)

ဘောက်သာဆိုး = ရခိုင့်စာပီအိမ်

ဂေါင်းပေါင်းဆောင်း မင်းသား

ဂေါင်းပေါင်းဆောင်း မင်းသား
==================

အတောင်ပါကေလည်း
ယင်ကောင်ဖြစ်ရ
ငါ့ဘ၀က မစားသာ --။

အစွယ်ပါကေလည်း
ပူးချေဖြစ်ရ
ငါ့ဘ၀က မစားသာ --။

ဘုရင်တကာ့ ဘုရင်
ဘုရင်မင်းဘုရား
ပုဏ္ဏားဂေါင်းပေါင်း
ဆောင်းကာ ကပြ
ဇတ်စင်ထက်က
ငါ့ဘ၀ ဖြစ်ရမစားသာ --

(သာလှဦး)

ရွှေတူငွေတူ

ရွှေတူငွေတူ
========

တခွန်းခေါ် ခေါ်လို့မထူး
နှစ်ခွန်းခေါ် ခေါ်လို့မထူး
တရွာနီ တပြည်သားကို စိတ်ခြားလို့လား
မချစ်ဆို မလိုလို့လား --။

ဇာက လာကေ
ဇာရွာသားရောင်
စကားအရာ
ပျားသကာ
ချိုပါရေကား
ပျိုသက်ထားလေ --။

မောင့်လက်ကိုကိုင်
မေ့လက်ကိုဆွဲ
ငွေတူပင်မှာ
ရွှေတူရစ်ယောင်
ရစ်ပစ်ကတ်မည် --။

မျက်စိကမြင် ဝမ်းကကြင်
စိတ်တွင်ကချစ်
ပုချေမောင်ကို မိတ္တာရစ်လို့
အချစ်စွဲကာ ကြားကလူ
အောင်သူဖျက်လို့ ဖျက်ရဖို့လား --။

ဆံစကေညို
လှနဂိုလေ ပျိုနှမမှာ
ကိုယ့်ရပ်ရွာ ကိုယ့်ရွာထက်မှာ
လက်ဖျားတင် ကြင်သူများက
ဟိထားရေလား --။

သခြင်းဆို လူပျိုမောင်ယေ
ကိုယ့်ရပ်ရွာ ကိုယ့်ရွာထက်မှာ
လက်ဖျားတင် ကြင်သူများက
ဟိမထားပါ --။

ဒေတောခေါင် ဒေတောင်ယေကြားမှာ
စကားသာချို ဒေမေဆို ပျိုစကား
ကြားရရေခါ စိတ်ဝမ်းသာ
ထဗျာကလို့ ကြည့်ရဖို့ယာ --။

ဥဒေါင်းယေကြိုးကြာ သာရကာကေ
ဟင်္သာငှက်မ
အခါခါ မောင့်ကိုတမ်းလို့
လွမ်းတငိုခါ မောင်ရောက်ရာ
ထဗျာကလို့ ကြည့်ရဖို့ယာ --။

မှတ်ချက် ။ ။ ကျောက်ဖြူမြို့တည် (၁၈၀) ပြည့်အထိမ်းအမှတ် “ကျောက်ဖြူ” ၂၀၀၉ မဂ္ဂဇင်း “ဇာနီအောင် (ရမ္မာဝတီ)” ရွီးသားပြုစုသည့် “ရမ်းဗြဲကျွန်းက ချစ်ခွန်းတီတာ တေးကဗျာ” ဆောင်းပါးက ဇမ်းကဗျာကို တင်ပြပီးလိုက်ပါသည်။

http://rongthweechay.blogspot.com/2010/06/blog-post.html မှ ကူးယူဖော်ပြသည်။

သူခိုးအသူလဲ

သူခိုးအသူလဲ
========
မြန်မာ (နဲ့) ကို အတုံးလိုက်မျို
မျိုလို့မကျ
လိုင်ခြောင်းဝမှာ
ဆို့နီယက် --။

ဇာသူ သူခိုးလဲ
သူလား ကိုယ်လား --။

(သာလှဦး)

က၀ိအမော် ရခိုင်မဟာပညာကျော်

ရခိုင်ပြည်ကြီး လွတ်လပ်ရီးတွက်
အသက်ကိုပီး သွီးချောင်းစီးလော့
လက်သီးလက်မောင်း ဖြောင်းဖြောင်းဆန့်တန်း
လမ်းကောင်းညွှန်ပြော သူဆော်သြ၏ --။

အမျိုးဘာသာ သာသနာမှာ
ကွယ်ကာမပျောက် တိမ်းမမှောက်အောင်
ဂုဏ်ရောင်ဘုန်းမီး ညီးညီးတောက်အောင်
အာပေါက်အောင်ပြော သူဆော်သြ၏ --။

သို့ပါသော်ငြား
သူဆော်သြစာ ကဗျာမှာကား
မြန်မာပိုင်ယှောင်ဖြစ်နီသတည်း --။

သူများနခေါင်းနှင့် အသက်လျှူ
သူများလျှာနှင့် အငှားယက်ကေ
မရှက်လားဝေး သူငယ်ချင်း --။

မြင်လိုက်ကေပင် အံလိုက်ချင်သည်
ရင်မှာ နလုံးပျို့သောကြောင့် --။


(၀ရင်းတုတ်)

ပြည်ကြီးရခိုင်

ရက္ခပူရီ၊ တိုင်းဌာနီကား
ရီကြိုင်မြမြ၊ ဂစ္ဆပနှင့်
စိမ်းမြညိုရောင်၊ ရိုးမတောင်နှင့်
ကမ်းမြောင်ရှည်စွာ၊ ပင်လယ်ပြာနှင့်
ရောင်ဝါသွယ်ဖြာ၊ သာသနာနှင့်
စိုင်လာသမိုင်း၊ ဤတိုင်းနိုင်ငံ
နက်သန်ဘုမ္မိ၊ ရာဇ၀င်ဟိ၏ --။

ရက္ခပူရီ၊ ဤသည်နိုင်ငံ
အောင်လံဝင့်ဝင့်၊ ထီးဖွင့်နန်းတည်
ပိတောက်စည်နှင့်၊ နယ်ပြည်သမုဒ်
အချုပ်အချာ၊ အာဏာပိုင်စိုး
မြင်းမျိုးသိန္ဓ၀၊ ကေသရာဇာ
ဗျာလပဉ္စရူ၊ ဆင်ဖြူဆင်နီ
သက်သီသာဓက၊ သင်္ဂေတနှင့် --။

ရက္ခပူရီ၊ ဤမြီဇာတိ
သီရိမဟာ၊ ရာဇာသွီးရင်း
မြတ်ခြင်းသီလ၊ စောင့်ထမျိုးရိုး
ထိန့်ကြိုးငလျင်၊ ပဲ့တင့်ဟိန်းဟိန်း
ဗြိန်းစောင်းသံပြိုင်၊ စည်တော်မြိုင်နှင့်
ရခိုင်သားသွီး၊ ထိန်ထိန်ညီးသည်
ဘုန်းမီးနီလတောက်ထွန်းတည်း --။

(နရသီဟ)

ကျွန်ခွီး (သို့မဟုတ်) ဖက်ခွက်ယက်

ကျွန်ခွီး (သို့မဟုတ်) ဖက်ခွက်ယက်
========================

ယောက်ဖစကား ချီးလို့ငှားလို့
ရွီးလို့ခြီလား သကာစား --။

သကာစားမှာ ဇာတိနာ
ဖျောက်လို့ဖျက်လို့ မရပါ --။

တော်လှန်ရေးကို ဗန်းပြ
ပစက ယောက်ဖယောက်ဖ
ချမကျ --။

ဘာသာရေးကို ဗန်းပြ
ပစက ယောက်ဖယောက်ဖ
ချမကျ --။

သာရေးနာရေးကို ဗန်းပြ
ပစက ယောက်ဖယောက်ဖ
ချမကျ --။

နတ်ပူးစွာမှာတောင်က
ပစက ယောက်ဖယောက်ဖ
ချမကျ --။

ထိုဝပ်ဆိုက်ကိုကြည့်လည်း
ပစက ယောက်ဖယောက်ဖ
ချမကျ --။

ဒေ၀ပ်ဆိုက်ကိုကြည့်လည်း
ပစက ယောက်ဖယောက်ဖ
ချမကျ --။

ထိုသတင်းကိုဖတ်လည်း
ပစက ယောက်ဖယောက်ဖ
ချမကျ --။

ဒေသတင်းကိုဖတ်လည်း
ပစက ယောက်ဖယောက်ဖ
ချမကကျ --။

အာရီယံမဟုတ် ဘီဟာရီယုတ်
ခွီးပုတ်လောက်ကျ
ကြောက်ကြီးသံဖက်
ဖက်ခွက်ယက်
တပျက်ပျက်လေ တပျက်ပျက် --။

(ထိုးကန်းချေ)

သုတေသီ

သုတေသီ
======

သုတေသီဟု ပညတ်ပြုလျှက်
ဗဟုသုတ လွန်ကြွယ်ဝသော ဆရာ --။

မြန်မာရာဇ၀င် ကျမ်းစုံလင်ကို
ရင်သတ်မိမော ဟောပြောနိုင်သော ဆရာ --။

ကမ္ဘာ့သမိုင်း ဖြစ်စဉ်တိုင်းကို
ပိုင်းခြားဝေဖန် တိကျမှန်သော ဆရာ --။

ပိဋကတ်သုံးဖုံ အလုံးစုံကို
အာဂုံဆောင်လျှက် နှုတ်ကျက်ရသော ဆရာ --။

ရခိုင်သမိုင်း ရခိုင်စာကျ
လေ့လာကြိုးကုတ် ဖော်ထုတ်ဖို့ရန်
သူက မိကွန်ဆောင်နီ၏ --။

ဟက္ကရီကျမသား ၀မ်းဖားဖား
ကားရီကားရား ၀က်ပိုင်ယောင်လား
ဝက်ပိုင်ယှောင်စား --။

ဘီဟာရီ (၂)

ဘီဟာရီ (၂)
=====

ရခိုင်သားမှာ စာလည်းမဟိ
သူစကားနှင့် ရွီးလို့ခြီနီ
ဘီဟာရီ --။

ဘစ္စကုတကား အကောင်းမဟိ
သူ့စကားနှင့် ပြောလို့ခြီနီ
ဘီဟာရီ --။

တံတွေးသိန်းတန် အဘာခေါ်လို့
ကျိကျိပက်ပက် ချွဲလို့ နွဲ့လို့
ဖွဲ့လို့ခြီနီ ဘီဟာရီ --။

ပုဂံအက ကပြခါမှ
ဝေသာလီမျောက်ရုပ်
လှုပ်ကာပြသည် ဘီဟာရီ --။

ရခိုင်ဘုရင် ပုဏ္ဏားဂေါင်းပေါင်း
ဆောင်းကာပြသည် ဘီဟာရီ --။

(သာလှဦး)

ယခီး (နှင့်) ဗချီး (၂)

ယခီး (နှင့်) ဗချီး (၂)
----------------------
မျန်မာများလည်း နားလည်အောင်
မျန်မာတိလည်း နားလည်အောင်
ဆရာ့၏စာ မောင်မျန်မာ
ယောင်လို့တောင်က မဖတ်ပါ --။

မျန်မာဖတ်ဖို့ မျန်မာဖတ်ဖို့
ဆရာ့ရို့ဆောင်းပါး မောင်မျန်မာက
မဖတ်ပါကား --။

ဆရာငပြာ ၀မ်းရီဆာ
ရန်ကုန်မြို့က ပြန်လို့လာ
ဒေါကီးလို့လာ --။

မျန်မာအောက်ချီး မောင်ဗချီး
ငါ့ကို “ယခီး” လို့ခေါ်ရေ --။

(သာလှဦး)

သဇင်

သဇင်
====
ပန်းဂေါ်သဇင်
နန်းတော်ဝင် --။

ဘ၀င်လီဟပ်
အညှာကျွတ် --။

သဇင်ပိုးထိုး
အညွန့်ကျိုး --။

ပိုးထိုးသဇင်
ဖုန်းဆိုးတောကို
တိုးလို့ဝင် --။

သဇင်ပန်းခြောက်
အနံ့ပျောက်
ဖုန်းဆိုးဘားမှာ
ငါးပါးမှောက် --။

စင်းပြွန်းသီး

စင်းပြွန်းသီး
---------

စင်းပြွန်းသီးဆိုသည်မှာ ဓပြုတ်သီးအငယ်စားမျိုးဖြစ်သည်။ အရွယ်အစားမှာ များစွာကွာခြားသော်ငြားလည်း ပုံသဏ္ဍန်မှာ အတူတူပင်ဖြစ်သည်။ အရသာမှာလည်း အတူတူပင်ဖြစ်သည်။ ဓပြုတ်သီးကို တချို့ရခိုင်များက သပြုသီးဟုခေါ်သည်။ ဓပြုတ်သီးကို များသောအားဖြင့် သျှင်ပြုပွဲအလှုပွဲများတွင် ဟင်းရည်အဖြစ်ချက်ပြုတ်လေ့ဟိသည်။ ဓပြုတ်သီးကို နှစ်ခြမ်းသုံးခြမ်းခြမ်းပြီး ၀က်သားနှင့်ဟင်းရည်ကြိုလျှင် အလွန်အရသာကောင်းမွန်သည်။ ဓပြုတ်သီးဟင်းရည်ကို မကြိုက်မနှစ်သက်သောရခိုင်သားများဟိမည်မထင်။ အရသာမှာ ချဉ်ပြီးရှားနီသဖြင့် တခွက်သောက်လျှင် နှစ်ခွက်သောက်ချင်စိတ်ပေါက်သည်။ ဓပြုတ်သီးဖတ်ကိုဝါးရသည်မှာလည်း အရသာတမျိုးဖြစ်သည်။ စင်းပြွန်းသီးကို အိမ်များတွင် ဟင်းရည်သောက်သော်၎င်းကောင်း ဟင်းအဖြစ်သော်၎င်း ငပိနိုင်နိုင်နှင့် သို့မဟုတ် ငပိကြူကြူနှင့် ချက်စားလေ့ဟိသည်။ စင်းပြွန်းသီးဟင်းရည်မှာ ဓပြုတ်သီးဟင်းရည်အရသာအတိုင်း အတူတူပင်ဖြစ်သည်။ သို့သော် စင်းပြွန်းသီးကို သျှင်ပြုပွဲများတွင် ဟင်းရည်သောက်ချက်လေ့မဟိ။ အရွယ်အစားငယ်သဖြင့် သျှင်ပြုပွဲတပွဲလောက်ငမှုမဟိသောကြောင့်လည်းဖြစ်နိုင်သည်။ ထို့ကြောင့် ဟင်းအဖြစ် ငပိကြူကြူနှင့် လိုက်ပွဲလောင်းပွဲ အရံဟင်းအဖြစ်ချက်ပြုတ်လေ့ဟိသည်။ ရခိုင်သျှင်ပြုပွဲများတွင် သင်္ဘောထိုးခြောက်နှင့် ခရမ်းသီးချက်၊ ငရုပ်သီးစပ်စပ် သျှင်ပြုပွဲသည် ၀က်သားသျှင်ပြုပွဲထက် မျက်နှာပန်းလှသည်။ အခုအခါ သင်္ဘောထိုးခြောက်မှာ ယှားပါးပစ္စည်းဖြစ်လားပြီးဖြစ်သည်။ ရခိုင်မှုန့်တီများမှာလည်း သင်္ဘောထိုးခြောက်နှင့်မချက်နိုင်ဘဲ ငါးရံ့ငါးခြောက်များနှင့် ချက်ပြုတ်ရသဖြင့် အရသာမှာ ရခိုင်မှုန့်တီစစ်စစ်အရသာကို မမှီပါ။ ပဒကောမပါသော ရခိုင်မှုန့်တီကိုသောက်ရရေပိုင် သင်္ဘောထိုးမပါသော ရခိုင်မှုန့်တီမှာလည်း စံမမှီသောရခိုင်မှုန့်တီရာဖြစ်ပါသည်။ ရခိုင်ပင်လယ်ပြင်၌ ငါးယှားပါးလာရခြင်းမှာ ဖက်ခွက်များက ရသလောက်ခြစ်ယူနီခြင်းကြောင့်ဖြစ်သည်။ ဆိုလိုသည်မှာ စင်းပြွန်းသီး၊ ဓပြုတ်သီးဟင်းရည်၊ ပဒကော၊ သင်္ဘောထိုးစသော ငါး၊ ဟင်းများမှာ ရခိုင်သားများ၏သျှာတွိအာတွိနာမည်ကြီးအစားအစာများဖြစ်ပါသည်။ တောတွင်းတွင် ပဒကောရှာလျှင် တို့စားစားသော ဖာလာဖူးအပင်နှင့်မှားတတ်ပါသည်။ ဖာလာပင်နှင့် ပဒကောပင်မှာ သဏ္ဍန်အားဖြင့်တူသော်လည်း ဖာလာပင်မှာ အရွက်အနည်းငယ်ကြမ်းပြီး ပဒကောပင်မှာ အရောင်အနည်းငယ်စိမ်းရင့်ပြီး ထူထူချောချောဖြစ်သည်။ ဖာလာဖူးသည်လည်း အလွန့်တို့စား၍ကောင်းသော တို့စားတမျိုးဖြစ်သည်။ ငရုပ်သီးငပိပေါက်ပေါက်ချေနှင့် တို့စားစားရလျှင် နဖူးက ချွေးပေါင်ပေါက်ကျအောင်အထိစား၍ ကောင်းပါသည်။

အကျွန်ုပ်ရို့နီသော စခန်းကို ၀ါးခတ်ချောင်း (၀ံလက်စခန်း) ဟုခေါ်ပါသည်။ ဗိုလ်ရာဇာပထမဆုံးကမ်းတက်သောစခန်းမှာ ၀ါးခတ်ချောင်း ၀ံလက်စခန်းမှဖြစ်ပါသည်။ ဗိုလ်ရာဇာနှင့်အတူ ဗိုလ်ကျော်နု၊ (ဗိုလ်စောဒက္ခ) နာမည်မိလားသည်မှ ပြန်အတွက်ပေါ်၍ ဖြည့်စွက်ထားခြင်းဖြစ်သည်။ နာမည်မှာ အထူးအဆန်းဖြစ်၍ မှတ်ရခက်သည်။ အခုအခါ နလန္ဒာ၌ဘုန်းကြီးဝတ်လားပြီးဖြစ်ပါသည်။ ဗိုလ်ရာဇာနှင့်အတူပါလာစဉ်၌ပင် အသက်အရွယ်မှာ ငါးဆယ်နီးပါးခန့်ဟိနီပြီးဖြစ်သည်။ ကရင်ရှိတန်းစစ်မျက်နှာ၌ တောက်လျှောက်တိုက်ပွဲဝင်လာသော ၀ါရင့်တော်လှန်ရေးသမားတဦးဖြစ်သည်။ ပိန်ပိန်ပါးပါး စကားများများမပြော၊ စကားပြောလျှင်လည်း ညင်ညင်သာသာပြောတတ်သည်။ ပထမဆုံး ဘင်္ဂလားကမ်းတက်စဉ်တွင် ဗိုလ်ရာဇာမပါ။ ဗိုလ်ရာဇာက နောက်မှ စပီးဘုတ်နှင့်ရောက်လာခြင်းဖြစ်သည်။ ဗိုလ်ရာဇာရို့ ပထမဆုံးကမ်းတက်သည်မှာ ဖရုံကာကျွန်းသုံးကျွန်းထဲက အင်္ဂရားချိုင်ကျွန်းဖြစ်သည်။ သူရို့ဦးတည်လာသည်မှာ ၀ါးခတ်ချောင်းစခန်းဖြစ်သည်။ သို့သော်လမ်းမသိသဖြင့် ဖရုံကာကျွန်းကို ၀ါးခတ်ချောင်းစခန်းချရာကျွန်းအထင်ဖြင့် ကမ်းတက်မိခြင်းဖြစ်သည်။ ဗိုလ်ရာဇာက ရဲဘော်များအားကမ်းတင်ထားခပြီး ထိုင်းဌာနချုပ်သို့ပြန်လားသည်။ ရဲဘော်အင်အား (၆၀) ခန့်မှာ ချောင်းအလီလီ မြောင်းအလီလီကိုကိုဖြတ်ပြီးမှ ဘင်္ဂလားနယ်စပ်သို့ခြီချမိခြင်းဖြစ်သည်။ ထိုအချိန်တွင် ဖက်ခွက်များရခိုင်ပြည်ထဲ၌ ယင်းလောက်ထိမဟိပါသိမ့်။ အနည်းအကျန်းရာဟိသိမ့်သောကြောင့်၎င်း၊ ဖက်ခွက်များမထင်မှတ်ဘဲ ရုတ်တရက်ဘွင်းဘွင်းကြီးပေါ်လာသဖြင့် ဖက်ခွက်များမှာ ခြီမကိုင်လက်မကိုင်မိဖြစ်သည်ကတကြောင်း၊ ဗိုလ်ရာဇာတပ်ကိုင်ဆောင်ထားသော်သနတ်များမှာလည်း နောက်ဆုံးပေါ်စက်သနတ်များဖြစ်သည်တကြောင်း ဖက်ခွက်များနောက်ယောင်ခံလိုက်သည်ကလွဲလို့ အနားသို့မကပ်ဝံ။ သို့သော် ဖက်ခွက်များမှာ လူအုပ်စုကောင်းသဖြင့် ဖက်ခွက်များဝိုင်းဝန်းခြင်းမခံရအောင် ဗိုလ်ရာဇာတပ်ကို အုပ်စုနှစ်အုပ်စုခွဲရန်ဆုံးဖြတ်လိုက်ကတ်သည်။ ဗိုလ်မှုးကြာဖြူအောင်ဦးဆောင်သောအုပ်စုမှာ ဖက်ခွက်များဝိုင်းဝန်းခံရခြင်းမှ လွတ်မြောက်လာသည်။ ကျန်အုပ်စုမှာ ဖက်ခွက်များဝိုင်းဝန်းခံရပြီး လက်နက်ချလားသည်။ ယင်းလောက် ကောင်းပေရ လက်နက်များဖြင့် လက်နက်ချသည်ဆိုသည်မှာ မယုံနိုင်စရာဖြစ်သည်။ ထိုအချိန်မှစ၍ ရခိုင်သားသတ္တိကို အနည်းငယ်သံသယဖြစ်မိသည်က အမှန်ဖြစ်ပါသည်။ ဗိုလ်မှုးကြာဖြူအောင်ဦးဆောင်သောအဖွဲ့ထဲက သက်ရှိထင်ရှားဟိနီသူများမှာ ခိုင်သန်းမောင် (ကနေဒါ)၊ အချေနှစ်ယောက်။ မမချေတယောက်၊ ယောက်ကျားချေတယောက်။ ဇနီးမယာသည်က လှနုဖြူ၊ ဆရာမဲမယား၏ညီမ၊ မြောက်ဦးဇာတိဖြစ်သည်။ နောက်တယောက်က အောင်ရွှေသိန်း (ခေါ်) မောင်စက်ဖြစ်သည်။ ဗိုလ်ရာဇာကမ်းတက်စဉ်က ဗိုလ်အောင်ရွှေသိန်းအဖြစ်နာမည်ကြီးသည်။ အခု နယူးဒေလီ၌ နိုင်ငံရေးအပူလှိုင်းကိုမခံနိုင်ဘဲ ရူးလားပြီးဖြစ်သည်။ နောက်တယောက်ရူးပြီးသီလားသူတဦးလည်းဟိသည်။ ဘုန်းကြီးလူထွက်ဖြစ်၍ အကျွန်ုပ်ရို့က ကိုယ်တော်ဟုခေါ်သည်။ ထိုသူက ဗိုလ်ရာဇာတပ်နှင့်မဆိုင် (၈၈) အရေးအခင်းတွင် ကျောက်တော်ဖက်မှ ထွက်ပြီးလာသူဖြစ်သည်။ အောင်ရွှေသိန်းမှာ ရမ်းဗြဲဇာတိဖြစ်သည်။ နောက်တယောက်က ကိုယ်တော်ရိုးလင်း။ ဘုန်းကြီးလူထွက်ဖြစ်ပြီး နာမည်မှာ ရိုးလင်းဖြစ်သည်။ အင်္ဂလိပ်စာအသင့်အတင့်ကောင်းမွန်သဖြင့် အိန္ဒိယသို့ ဗိုလ်ရာဇာစီစဉ်မှုဖြင့် (AA) ပထမဆုံးပညာတော်သင်အလွှတ်ခံရသော ပုဂ္ဂိုလ်ဖြစ်သည်။ ယခု အိန္ဒိယ အူရူနာချာ ကချင်ဗုဒ္ဓဘာသာပြည်နယ်မှ ဗုဒ္ဓဘာသာကချင်မတယောက်နှင့် အိမ်ထောင်ကျလားပြီးဖြစ်သည်။ ဗိုလ်မှုးကြာဖြူအောင်ကို ဗိုလ်ရာဇာက ဟာရဘင်းမှ အပျိုကြီးတယောက်နှင့်ပီးစပ်သည်။ နာမည်ကိုမိနီသည်။ နောက်မှာပြန်ဖြည့်စွက်ပီးပါမည်။ လွန်ခရေ လေးငါးခြောက်နှစ်အယင်က သွီးတိုးဆီးချိုဖြင့် ကွယ်လွန်လားပြီးဖြစ်သည်။ (၈၈) အရေးအခင်းတွင် အင်းစိန်ထောင်ဖောက်သောအခါ တသက်တကျွန်းကျခံထားရာက ထွက်ပြီးလွတ်မြောက်လာသူဖြစ်သည်။ ကရင်စီမံကိန်းဖြင့် ရန်ကုန်လွှတ်တော်ကိုဖောက်ခွဲဖျက်ဆီးရန်အလာတွင် လက်နက်ခဲယမ်းများဖြင့်အဖမ်းခံထားရပြီး တသက်တကျွန်းကျခံထားရသူဖြစ်သည်။ အဆိုတော်ဖိုးချိုနှင့် အင်းစိန်ထောင်တွင် တခန်းတည်းနီခရသည်ဟုဆိုသည်။ (၈၈) အရေးအခင်းဖြစ်ပြီး ထိုင်းဖက်ကိုထွက်ပြီးယင်း ကရင်တပ်စခန်းတွင် ဗိုလ်ရာဇာနှင့်တွိဆုံပြီး (AA) ကို စတင်ထူထောင်သူဖြစ်သည်။ အရပ်ထောင်ထောင်မောင်းမောင်းဖြစ်သည်။ သူလည်းဘုန်းကြီးလူတွက်ဖြစ်သည်။ ဘုန်းကြီးဘ၀နှင့် တော်လှန်ရေးမလုပ်ခင် သူအိမ်ထောင်ကျရာ ဟာရဘင်းရွာ၌လည်း ကျောင်းထိုင်ဖူးသည်ဟုဆိုသည်။ မည်သည့်ကျောင်းဖြစ်သည်ကိုကား ပြောပြသည်ကို အတိအကျမမှတ်မိပါယာ။

မှတ်မိသည်မှာ ဗိုလ်ရာဇာရို့ခန်းချသည်မှာ ၀ခတ်ချောင်းဒိုင်းနက်ရွာ တောင်ဖက် တောင်ကုန်းမြင့်မြင့်တွင်ဖြစ်သည်။ ယခင် ခိုင်နီလင်း (ALP) ဒုဥက္ကဌ (ယခုထိုင်း) ခိုင်မိုးလင်းနှင့် ALP ကို စတင်ရာတွင်ပါဝင်သူ စခန်းချခရာ တောင်ကုန်းတွင်ဖြစ်သည်။ ထိုတောင်ကုန်းတွင် ခိုင်နီလင်းထိုင်းသို့မလားခင် ကိုမိုးသောက် ပုဏ္ဏားကျွန်း၊ စစ်တွေဇာတိနှင့် အတူနီခသည်။ ကုလားထိုင်လုပ်၍ ရပ်တည်ခသည်။ ထိုအချိန်တွင် တီဘီရောဂါခံစားနီခရသည်။ အကျွန်ုပ်ရို့ ဗိုလ်ရာဇာစခန်းသို့လားလည်သည်။ ထိုအချိန်တွင် အကျွန်ရို့လားလည်းသည့်စခန်းအောက် မြောင်ထဲက ဂျီဟောက်သံကိုကြားရသည်။ အဘိုးမောင်ဟန် (ယခင် ACP) ဥက္ကဌဟောင်းက ရဲဘော်တယောက်ဘားက သနတ်တလက်တောင်းပြီး မြောင်ထဲသို့ဆင်းလားသည်။ ငါးမိနိမကြာလိုက် ပေါက်သံတချက်ကြားရသည်။ ညဇာသား အကျွန်ုပ်ရို့ဝံလက်စခန်းအတွက် တ၀ီစာရသည်။ အကျွန်ုပ်စားဖူးသည်ထဲမှာ ၄င်းဂျီသားလောက်စား၍ကောင်းသောအသား တခါလည်းမစားဖူးပါ။ ဟင်းချိုမှုန့်မထည့်ဘဲ ဘဇောင်ချိုရေကားမသိ။ လတ်လတ်ဆတ်ဆတ်ဖြစ်၍လည်းဖြစ်နိုင်သည်။

အကျွန်ုပ်ပြောချင်သည်မှာ အကျွန်ုပ်ရို့စခန်းချသည့် ၀ံလက်စခန်းမှာ ဒိုင်းနက်ရွာအနောက်ဖက်တွင်ဖြစ်သည်။ ပင်လယ်ကမ်းစပ်ဖက်ဖြစ်သည်။ စခန်းချသည့်တောင်ကုန်းအနောက်ဖက်တွင် တောင်တန်းကြီးတခုဟိသည်။ စခန်းအောက်တွင် နွီခါသားဆိုလျှင် ရွာသားများကန်းဘိုင်ဆည်သဖြင့် ရီချိုးရသည်မှာ ကကောင်းပျော်ဖို့ကောင်းသည်။ အကျွန်ုပ်ရို့စခန်းကို ကျွန်းသစ်များဖြင့်ဆောက်လုပ်ပါသည်။ နှစ်နှစ်သား သုံးနှစ်သားကျွန်းပင်များဖြင့်ဆောက်လုပ်ထားခြင်းဖြစ်သည်။ သစ်လုံးများကိုနှစ်ခြမ်းစိတ်ပြီး ထရံကာသည်။ သို့သော် ထရံအားလုံးမပြီး တချို့တ၀က်ရာကာရံနိုင်သည်။ ဘင်္ဂလားတွင်အုန်းယှားသည်။ ထို့ကြောင့် စခန်းကိုအုံးမိုးရန်ခက်သဖြင့် ကန်းကျင်ရွက်ကို အုန်းပျစ်ပျစ်ပြီးမိုးရသည်။ တထွာလောက်ရာရှည်သဖြင့် မိုးရသည်မှာခက်သည်။ မိုးယိုရန်လွယ်သည်။ အကျွန်ုပ်ရို့လည်း ကန်းကျင်ရွက်မပျစ်တတ်၍ ရွာက၀ယ်မိုးရသည်ကများသည်။ BRC က Project ရသဖြင့် ကြက်နှင့်ဘဲမွီးဖြူရေးလုပ်သည်။ အစ်ကိုကြီးမောင်ချစ် (ဘင်္ဂလားဗုဒ္ဓဘာသာရခိုင်အသင်းကြီး) ကို စတင်တည်ထောင်သူဥက္ကဌ၊ အ၀ကျွန်းဇာတိ၊ ဆရာမမြရာဇာလင်း၏လင် (အိမ်သျှင်) ၏ညီဖြစ်သူ (နာမည်မိနီသည်) မွီးမြူရေးတက္ကသိုလ်ကျောင်းဆင်းက ကူညီသဖြင့် Project အောင်မြင်သည်။ ကြက်နှင့်ဘဲ၌ဖြစ်တတ်သော လိုင်လိမ်နှင့်ဆီးဖြူရောဂါကာကွယ်ဆီးကို အလွယ်တကူဝယ်ယူရနိုင်သဖြင့် မွီးမြူရေးအောင်မြင်ရခြင်းဖြစ်သည်။ တပါတ်တပါတ်လျှင် ဘဲနှင့်ကြက်ဥ ခရင်းလိုက်ရသည်။ ဖလောင်းချိတ်သို့တက်၍ရောင်းရသဖြင့် ၀င်ငွေကောင်းသည်။ စခန်းတွင်အယင်က ညိတိုင် ချဉ်ပေါင်နှင့် နပျိုးကြိုးနီရာက ဘဲနှင့်ကြက်ဥကြိုးလာရသဖြင့် တော်လှန်ရေးအဆင့်မြင့်လာသည်။ တချို့က ဘဲဥကို ကျမန့်အုံပြီးမီးဖုတ်စားသည်။ စား၍ကောင်းသည်။ စခန်းတွင်း၌အတူနီခသောရဲဘော်များမှာ ရဲဘော်မောင်ကျော်ယိုင် (မြောက်ဦး)၊ သိန်းမင်း (ပေါက်တော)၊ ထွန်းစံ (စစ်တွေ)၊ စိုင်းခမောက် (ယခုထိုင်း) (စစ်တွေ)။ စိုင်းထီးဆိုင်တေးခြင်းများကို ပိုင်နိုင်ကျွမ်းကျင်သောကြောင့် စိုင်းခမောက်ဟု (NUPA) နာမည်ပီးထားခြင်းဖြစ်သည်။ ကရာတေးသိန်းမောင်မှာ အဖွဲ့ဝင်စစ်စစ်မဟုတ်၊ မှီခိုကပ်ခိုဖြစ်သည်။ ယခု ဗိုလ်မင်းထောင်တွင် ကျောင်းထောင်လျှက် ဒေသခံများအကျိုးကို တဖက်တလမ်းက အထောက်အကူပြုနိုင်သူဖြစ်သည်။ အကျင့်စာရိတ္တကောင်းမွန်သည်။ အသောက်အစားကင်းသည်။ မိမ္မမလိုက်စား။ အားနည်းချက်မှာ မြန်မာရွှေယင်ကျော်မှိုင်းမိခံထားရသူဖြစ်သည်။ စစ်တွေက တယောက်နာမည်မိနီသည်။ အတွက်ပေါ်လျှင်ဖြည့်စွက်ပီးပါသည်။ မကြာခင်က အမေရိကန်သို့ရောက်ဟိလာပြီး အနာမကျန်းမှုကြောင့် ကွယ်လွန်လားသူ သန်းထွန်းဖြစ်သည်။ ရသေ့တောင်မှ ကိုရန်အောင်၊ ဥာဏ်ထွန်းချေ၊ ခိုင်ပြည်သိန်း (နာမည်ရင်း ထွန်းထွန်း) (မွီးမြူရေးတာဝန်ခံ) (မြောက်ဦး)၊ စံသာအောင် (မြောက်ဦး)၊ ခိုင်ဆန်းအောင် (ပေါက်တော)၊ ခိုင်မြတ်ကျော် (စေတီပြင်)၊ မုန်တိုင်း (စစ်တွေ)၊ မြတ်ကျော်က စခန်းမှုး၊ စံသာအောင်က ဒုစခန်းမှုး။ ခိုင်ဆန်းအောင်က ဥက္ကဌ၊ ထိုင်းနှင့်နိုင်ငံခြားသို့အလားများသည်။

ဗိုလ်ရာဇာတပ်များ ပြည်ထဲကဖြတ်၍ ဘင်္ဂလားသို့ရောက်လာသောအခါ ခိုင်မြတ်ကျော်နှင့် ထွန်းစံရို့က အယင်လားကြိုသည်။ ထိုအချိန်တွင် အကျွန်ုပ်ရို့အား ပါတီတခုကပီးသော ဒုတိယကမ္ဘာစစ်သုံးမီးကျိုးမောင်းပျက်သနတ် (၅) လက်ကို လားယူသည်နှင့်ကြုံကြိုက်သဖြင့် သူရို့ကလမ်းပြ၍ အကျွန်ုပ်ရို့စခန်း ၀ါးခတ်ချောင်းသို့တပ်ချရန် ခေါ်ဆောင်လာခခြင်းဖြစ်သည်။ အကျွန်ုပ်ရို့စခန်း တောင်ကုန်းနားတွင် ရွာက ဒိုင်းနက်ရွာသားများတောင်ယာလုပ်သည်။ သစ်ပင်ကြီးများကိုခုတ်လှဲ၍ စပါးစိုက်ခြင်းဖြစ်သည်။ နှမျိုးမိသည်ကအမှန်။ သို့သော် ၀မ်းရေးထက် ဇာအရေးလည်းမခက်။ တောင်ယာခွတ်ဖို့ လူဆယ်ယောက်ဖက် သစ်ပင်ကြီးများကိုခွတ်လှဲပြီး မီးလျှို့ပစ်သည်များကို ကိုယ်တိုင်မြင်ဖူးသည်။ မြိုတောင်သို့ခရီးလားစဉ်ကဖြစ်သည်။ ဆင်တကောင် ကောင်းကောင်းတက်အိပ်နိုင်လောက်အောင်ကြီးသည်။ အကျွန်ုပ်ရို့စခန်းတ၀ိုက်တွင် ကန်းကျင်ပင်များစွာဟိသည်။ အချေခါ ကန်းကျင်သားနှင့် ကန်းကျင်ပျိုင်ကိုကြားဖူးသည်။ မြောက်ဦးသျှစ်သောင်းဘုရားလှိုင်ဂူတွင် ကျောက်တွင်းခွက်ငယ်များမှာ ကန်းကျင်ဆီဖြင့် မီးထွန်းရန် ထွင်းထုထားဖြင်းဖြစ်သည်ဟု လူကြီးသူမများပြောသည် ကြားဖူးသည်။ သို့သော် ကန်းကျင်ပင်ကိုကားမမြင်ဖူး။ တောထဲရောက်မှ မြင်ဖူးသည်။ ပေ (၃၀၀) လောက်မြင့်သည်။ အမေရိကန်က Project Maje က Edit T. Marante လာလည်သောအခါ ရွာက ဒိုင်းနက်လူမျိုးများတောင်ယာစိုက်ထားသည်ကို မိမိရို့စိုက်ပျိုးထားဟန်ပြု၍ ဓါတ်ပုံရိုက်ခံခသည်ကို ပြန်စဉ်းစားလျှင် ရယ်ချင်သည်။ ထိုအချိန်က မိမိ၏အသက်မှာ (၂၃) (၂၄) နှစ်ခန့်ဖြစ်သည်။ ပြောချင်သည်မှာ မိမိရို့စခန်းတောင်ကုန်းအနောက်ဖက်ခြမ်း ချောဇောင်းတွင် စင်းပြွန်းပင်ကြီးတပင်ဟိသည်။ အဖိုးမောင်ဟန် ဂျီပစ်သည့်မြောင်တလျှောက်တွင် ဓပြုတ်ပင် သုံးလေးပင်ဟိသည်။ ဓပြုတ်ပင်နှင့် စင်းပြွန်းပင်မှာ ခွဲမရအောင်တူသည်။ အပင်ကိုမြင်၍ ခွဲခြမ်းရန်ခက်ခဲသည်။ အသီးကိုမြင်မှ သိသည်။ စခန်းဇောင်းနားက စင်းပြွန်းပင်မှာ လူသုံးယောက်ဖက်ခန့်ဟိသည်။ ရာသီကိုက မမှတ်မိလိုက်ပါယာ။ ဆောင်ဦးပေါက်လား နွီဦးပေါက်လားမသိ။ စင်းပြွန်းသီးတိ တပင်လုံး ပန်းပွင့်ရေပိုင် ပွင့်နီပါသည်။ အကျွန်ုပ်ရို့ စခန်းကလူများမှာ စပျစ်သီးကိုမျှော်စပ်သောခွီးပိုင်ဖြစ်နီသည်။ မစားရဘဲလျှာရည်ယိုလျှက်ဟိသည်။ ဇာပိုင်လုပ်ကေကောင်းဖို့လည်းဂု။ ဂေါင်းစားနီသည်။ အပင်မှာ လုံးဝိုင်းရပ်စောက် ပေ (၂၀) ခန့် အကိုင်းအခက်မဟိ။ လက်ခကျည်းတက်၍မရ။ ၀ါးနှင့်လှမ်းဆွတ်ဖို့လည်းမမှီ။ စားချင်သည်မှာလည်း လျှာရည်ယိုနီသည်။ ထို့ကြောင့် မတတ်သာကေ အားလုံးသဘောတူ ပေါက်ဆိန်နှင့်ပေါက်ရန်ဆုံးဖြတ်လိုက်သည်။ နှစ်ရက်နှင့် တမွန်းတည့် ပေါက်ဆိန်နှင့်ပေါက်ရသည်။ အဓိက အားလာကြီးများမှာ ကိုရန်အောင် (ဆီးမှုး) နှင့် သိန်းမင်းဖြစ်သည်။ နှစ်ရက်တမွန်းတည့် ညဇာသားရောက်မှ စင်းပြွန်းပင်ကြီးဘုန်းဘုန်းလဲသည်။ အကိုင်းအခက်များပြိုသံမှာ မိုးကြိုးပစ်သံ၊ တော်ငလျှင်ပြိုကွဲသည်ထက် ကျယ်သည်။ စင်းပြွန်းသီးများကြွီကျသည်မှာ အာကာထက်က မိုးကျောက်ခဲများကျသည်အတိုင်းဖြစ်သည်။ ကြွီကျသည့်အသီးများကို အယင်ကောက်သည်။ တောင်းခရင်းနှင့် လေးငါးတောင်းရသည်။ ကျန်အသီးများကို ဤအတိုင်းအပင်ထက်၌တွဲလောင်ဟိနီစီသည်။ အယင်ညှိုးခြောက်မလားရအောင်ဖြစ်သည်။ တပါတ်နှစ်ပတ်လောက်ညိတိုင်းချဉ်ရည်ကြိုသောက်ရသည်။ ပထမတရက်နှစ်ရက် သောက်၍ ကကောင်းခြီသည်။ ထမင်းစားပြီးတိုင်း မြန်းလားပိုင် လန်းလားပိုင်တွိသည်။ သို့သော် ရက်ထပ်လာသောအခါ ၀မ်းပြည့်ဝမ်းရောင်ဖြစ်လာသည်။ အကိုင်းထက်က တွဲလွဲကျနီသောစင်းပြွန်းသီးများမှာ ဤအတိုင်းမစားဘဲ ပိန်ခြောက်ကြွီကျလားသည်။ ပဇောင် နမျိုးဖို့ကောင်းလိုက်တေမသိ။ အသီးစားချင် အပင်ကိုခွတ်၊ အရိပ်ခို အကိုင်းချိုး၊ စပျစ်သီးချဉ်သော ခဲဝါဘ၀ကိုမြင်မိတိုင်း ရင်ကျိုးမိ၍၄င်း၊ မျက်စိထဲ၌ ၄င်းစင်းပြွန်းပင်ကြီးကို မြင်ယောင်နီသိမ့်၍၄င်း အတွက်ရသောကြောင့် ဤစာအကြောင်းကို ရွီးလိုက်ရခြင်းဖြစ်ပါသည်။ သြော် ရခိုင်ပြည်ကြီးလွတ်လပ်ရေးအတွက် တောအူခဲဝါချေတရွီ ကျေးဇူးကန်းလီစွတကားတည်း။

အကျွန်ုပ်ရို့ရခိုင်သားတိအဖြစ်မှာလည်း စင်းပြွန်းသီးနှင့်တူသည်။ ဘ၀ကငယ်သော်လည်း ဘ၀င်က ဓပြုတ်သီးလောက်ကြီးသည်။ ရခိုင်ဘ၀ အတိတ်က ဓပြုတ်သီးပိုင်ယှောင်ကြီးခသော်ငြားလည်း အခုက စင်းပြွန်းသီးချေလောက်ရာကျန်ပျာ။

(သာလှဦး)

အမှတ်တရကဗျာ
xxxxxxxxxxxxx

အတိတ်နှင့် ပစ္စုပ္ပန် (၂)
------------------------
အယင်ခါ ဓပြုတ်သီး
အခု စင်းပြွန်းသီး --။

xxxxxxxxxxxxxxxxxx

အတိတ်နှင့် ပစ္စုပ္ပန် (၁)
-----------------------------
အယင်ခါ
ဆင်စီးလို့
ရွှီထီးဆောင်းခ --။

အခု လားစီးပျာ
တောက်ကျာဆောင်းရ --။

(သာလှဦး)

ယခီး (နှင့်) ဗချီး (၂)

ယခီး (နှင့်) ဗချီး (၂)
----------------------
မျန်မာများလည်း နားလည်အောင်
မျန်မာတိလည်း နားလည်အောင်
ဆရာ့၏စာ မောင်မျန်မာ
ယောင်လို့တောင်က မဖတ်ပါ --။

မျန်မာဖတ်ဖို့ မျန်မာဖတ်ဖို့
ဆရာ့ရို့ဆောင်းပါး မောင်မျန်မာက
မဖတ်ပါကား --။

ဆရာငပြာ ၀မ်းရီဆာ
ရန်ကုန်မြို့က ပြန်လို့လာ
ဒေါကီးလို့လာ --။

မြန်မာ အောက်ချီး
မောင်ဗချီး
ငါ့ကို ယခီးလို့ခေါ်ရေ --။

(သာလှဦး)

ညှော်ဝင်သော တော်ဝင်သဇင်

ညှော်ဝင်သော တော်ဝင်သဇင်
-------------------
မျန်မာဆို “ချိုရေ” “ချိုရေ”
မျန်မာကို “လိုရေ” “လိုရေ”
မျန်မာဆို “ကိုကိုရယ်” “ကိုကိုရယ်”

(လူဂွဇာ)

ဝါတွင်းဝါးပြောက် (သို့မဟုတ်) ခြင်ထောင်ထဲက ပစိကိုက်ပြသူများ

ဝါတွင်းဝါးပြောက် (သို့မဟုတ်) ခြင်ထောင်ထဲက ပစိကိုက်ပြသူများ
-------------------------------------------
သမိုင်းမှာ အထောက်အထားမပါ
စီးချင်းထိုးခါ ဒါးလှံမပါကေ
ကျည်ကုန်သေနပ် တုံးပိုင်းထက်လီးရေ
(မပြီးနိုင်ကေ)
နောက်ကျခြီထောက် သစ္စာဖောက်
ဒုန်းပေါက်ဆောက်လို့ ကျဖို့ယေ --။

(သာလှဦး)

နတ်ကောင်းမ

နတ်ကောင်းမ
---------
အမှားလည်းမဟိ အမှန်လည်းမဟိ
ဆန်နီစိခုနှစ်စိနန့်
“ကောင်းပါ” “ကောင်းပါ”
ဂါထာကို တဖွဖွရွတ်
ရွာက နတ်ကောင်းမပိုင်
အေနီရာမှာလာ
ဆရာမလုပ်ကဲ့တချက် --။

ရခိုင်သားတော်လှန်ရေး

ရခိုင်သားတော်လှန်ရေး
--------------
“တော်လှန်းရေး” လုပ်တေဆိုပနာကုန်းကွ
မောင်းမောင် “တော်” စွာက
“လှန်” စွာမှာ --။

သဇင်အတု

သဇင်အတု
-------
သစ်ဆွီးထက်တွင်
ဘောက်သာဆိုးနှင့်
နွားချီးအုံလို့
အိမ်နောက်ဖေးမှာပွင့်ရေ ပန်းသဇင်
ဥက္ခောင်းထက်တင်
မင်္ဂလာမဟိ --။

နန်းထက်ဖွတ်တက်

နန်းထက်ဖွတ်တက်
=============
အိမ်ခေါင်ထက်က မျောက်မလှလှ
ကော့လို့ပြကေ
ခဲဝါတက်လို့ ဗျင်းဖို့ယေ --။

ကြက်မချေ

ကြက်မချေ
======
ကတေတိုက်တေ ကြက်မချေ
ကြက်ဖချေ လာနီးနီး
ညိတိုင်း Comments ရွီး --။

ရခိုင်အမျိုးသား မြန်မာသတင်းစာ

ရခိုင်အမျိုးသား မြန်မာသတင်းစာ
====================

ပွေသာလည်းကုန်
ဂုဏ်လည်းမရ
သိက္ခာကျ
နာယကကြီး လမ်းညွှန်ပီး
တွန်းဆီးပစ်ခံ အဆဲခံ --။

မဟုတ်မခံ တိုက်တွန်းလှန်သည်
ရခိုင်မျိုးဟေ့ ဒို့မြန်မာ --။

လူ

လူ
----

နွားကို
သနားစွာလည်းလူ
စားစွာလည်းလူ --။

လူ
သူများကို တရားပြပျာယ်
ကိုယ်တိုင်ကျ
ဘုရားတသူ --။

လူ
အညမညတရားကို
လက်ကိုင်ထားပျာယ်
ပဋိပက္ခနှင့် မိတ်ဖွဲ့သူ --။

လူ
တရားသူကြီးလုပ်ပျာယ်
လာဘ်စားသူ --။

လူ
ဘုရားတကာရာထူးနှင့်
မယားတဏှာရူးသူ --။

လူ
အေဆူ
အမှန်လူရာမနား --။

(သာလှဦး)

ငါးဈီးတန်း

ငါးဈီးတန်း
------------
စစ်တွေ ကမ်းနားလမ်းက
ယင်ကောင်များစုဝဲရာ အရပ်ကို
ငါးဈီးတန်းဟုခေါ်ပါသည် --။

အလိုတော်ရိများသို့

အလိုတော်ရိများသို့
==========
မြန်မာအငုတ်ကို အဟုတ်ဟုထင်
လုလင် ဘ၀င်မြင့်မြင့်
စပ်ငြင့်ငြင့်
ဝမ်းကြင့်နီပျာလား --။

(သာလှဦး)

ရခိုင်စစ်မျက်နှာ အင်္ဂလိပ်မြန်မာပထမစစ်ပွဲ

ရခိုင်စစ်မျက်နှာ အင်္ဂလိပ်မြန်မာပထမစစ်ပွဲ
----------------------------------------------
၁၈၂၄ ခု မေလ (၅) ရက်နိ ဘုရင်ခံချုပ်စစ်မကြေငြာခင်ကပင် ရခိုင်အာသံစစ်မျက်နှာ၌ အနီအထားမှာ တင်းမာလျှက်ဟိသည်။ ၁၈၂၃ ခု စက်တင်ဘာလ (၂၃) ရက်နိတွင် သျှင်မဖြူကျွန်း၌ အင်္ဂလိပ်တပ်စိပ်တစိပ်ကို စခန်းချထားသည်။ ထိုစခန်းကို မြန်မာများသိမ်းပိုက်ပြီး အင်္ဂလိပ်တပ်သားအများအပြားသီဆုံးကတ်ရသည်။ များမကြာ အင်္ဂလိပ်တပ်များက သျှင်မဖြူကျွန်းကို အခုအခံမဟိပြန်သိမ်းနိုင်သော်လည်း အာသံစစ်မျက်နှာ၌ အနီအထားမှာ ဆိုးရွားနီပြီးဖြစ်သည်။ ၁၈၂၄ ခုနှစ် အစောပိုင်းတွင် မြန်မာဗန္ဓုလတပ်များက အင်အားစုဆောင်း၍ သျှင်မဖြူကျွန်းအားပြန်လည်သိမ်းပိုက်လိုက်သည်။ အင်္ဂလိပ်ဖက်က အကျအဆုံးများစွာဟိသည်။ မောင်တောကမ်းဖက်တွင်လည်း အရှိအိန္ဒိယကုမ္ပဏီမှ အရာဟိတဦးနှင့် ဗိုလ်တဦးအလည်ဖိတ်ခေါ်ပြီး ဖမ်းဆီးခြင်းခံရသည်။ ဗန္ဓုလက သဘောမတူသဖြင့် သူရို့နှစ်ဦးအား ချက်ချင်းပြန်လွှတ်လိုက်သည်။ မြန်မာဖက်က တောင်းပန်ခြင်းတစုံတရာမပြုလုပ်ပေ။ စသောစသောအကြောင်းရင်းများမှာ ရခိုင်စစ်မျက်နှာ၌ အင်္ဂလိပ်မြန်မာပထမစစ်ဖြစ်ရခြင်းအကြောင်းရင်းဖြစ်သည်။

မြန်မာများက ဘင်္ဂလားတနယ်လုံးကိုသိမ်းပိုက်ရန် တာစူလျှက်ဟိသည်။ သို့ဖြင့် ဗန္ဓုလသည် မြောက်ဦး၌ အင်အားစုဆောင်းလျှက်ဟိသည်။ ထိုအချိန်တွင် ဗြိတိသျှတပ်အင်အားမှာ ဘင်္ဂလားတပ်ဦး၌ (၃၀၀၀) ကျော်ခန့်ဟိသည်။ ရခိုင်တပ်စိတ်တစိပ်လည်း ရာမူး (ပန်းဝါ) တွင် တပ်စွဲချထားသည်။ ထိုအချိန်၌ ဗန္ဓုလမှာ မြောက်ဦးတွင် တပ်စွဲလျှက်ဟိသည်။ သို့သော် ရှိတန်းတွင် သူ၏တပ်များကို အတွင်းဝန်မောင်ဝအားဦးစီးခိုင်းထားသည်။ သူ၏တပ်များမှာ ဘူးသီးတောင် လက်ဝဲဓါတ်အလွန် အလယ်သံကျော်ဆိပ်ထိတပ်ဖြန့်ထားသည်။ ၁၈၂၄ ခုနှစ်မေလတွင် မြန်မာတပ်များ နတ်မြစ်အားဖြတ်ကူးကြောင်း မြစ်ကမ်းနဖူးတွင်တပ်စွဲထားသော ဗြိတိသျှတပ်စုတစုက သတင်းပီးပို့သည်။ အများမကြာ (ပင်းဝါ) တောင်ဖက် ရတ်နာပလောင်အားမြန်မာတပ်များသိမ်းပိုက်လိုက်သည်။ ထိုအချိန်တွင် ကပ္ပတိန်နိုတင်မှာ ပင်းဝါတွင် တပ်စွဲလျှက်ဟိသည်။ ကပ္ပတိန်နိုတင်က တပ်သားအချို့ကို ရာမူးတွင်ချန်ထားခပြီး ရခိုင်တပ်သား (၁၀၀) ကျော်နှင့် မြန်မာများကိုတိုက်ခိုက်ရန် မေလ (၁၁) ရက်နိညဇာသားတွင် ရတ်နာပလောင်သို့ စတင်ထွက်ခွာသည်။ မြန်မာများက တောင်ကုန်းများထက်တွင် တပ်စွဲထားသည်။ ချီတက်ရာလမ်းကြောင်းကို သေနပ်များပစ်ဖောက်၍ အနှောက်အယှက်ပီးသည်။ ရတ်နာပလောင်အရောက်တွင် ညလုံးပေါက်တိုက်ပွဲဖြစ်သည်။ ဗြိတိသျှဖက်က သယ်ဆောင်လာသော ခဲယမ်းလက်နက်နှင့် သေနပ်ကြီး (၂) လက်ဆုံးယှုံးသည်။ လက်နက်သယ်ဆောင်သော ဆင်မောင်းသမားမကျွမ်းကျင်သောကြောင်းလည်းဖြစ်သည်။ ကပ္ပတင်နိုတင်က (ရ) ယောက်သီဆုံး၊ (၁၁) ပျောက်ဆုံးဖြင့် နောက်ဆုံးတွင် ရာမူး (ပင်းဝါ) သို့ ဆုတ်ခွာလာရသည်။ တိုအချိန်တွင် ဗြိတိသျှဖက်မှာ တပ်ခွဲသုံးခွဲ ပင်းဝင်တွင်တပ်ဖြည့်လာသည်။

မေလ (၁၃) ရက်နိတွင် မြန်မာများသည် အောင်ပွဲကြောင့်အတင့်ရဲလာပြီး ပင်းဝါတဖက်ကမ်းထိရှိတိုးလာသည်။ ရွာများကိုမီးလျှို့၊ ကျွဲနွားများကိုသတ်ဖြတ်သည်။ မြန်မာအင်အားမှာ လူတသောင်းကျော်ခန့်ဖြစ်သည်။ သို့သော် ကပ္ပတင်နိုင်တင်အောက် အင်အားမှာ ပုံမှန် (၃၅၀)၊ ဆွဲသုံး (၂၅၀) နှင့် ရခိုင်တပ်သား (၄၅၀) ခန့်ရာဟိသည်။ အင်အားမှာအလွန်အမင်းကွာသော်ငြားလည်း စစ်တကောင်းက စစ်ကူရောက်လာမည်ကိုထောက်၍ ကပ္ပတင်နိုင်တင်က နောက်မဆုတ်ဘဲ ပင်းဝါအားဆက်လက်ထိမ်းထားရန် ဆုံးဖြတ်သည်။ မေလ (၁၄) ရက်နိတွင် လက်နက်ကြီး (၆) ဖြင့် မြန်မာတပ်များ ချောင်းကိုမကူးနိုင်အောင် ခံပစ်ထားသည်။ သို့သော် မြန်မာများက ချောင်းဖျားပိုင်းမှနီ၍ မြစ်ကိုဖြတ်ကူးလားနိုင်ပြီး ဗြိတိသျှတပ်များ တပ်စွဲထားရာဝန်းကျင်ထိ ရောက်ဟိလာသည်။ မေလ (၁၆) ရက်နိတွင် မြန်မာတပ်များရှိတိုးလာပြီး တနီကုန်တိုက်ပွဲဖြစ်သည်။ ကပ္ပတင်နိုတင်က နောက်ဆုတ်ရန်ဆုံးဖြတ်သော်လည်း နောက်နိတွင် တပ်ကူရောက်လာမည်ကိုသိ၍ ဆက်လက်တပ်စွဲထားသည်။ တိုက်ပွဲမှာ တရက်နှင့် တမနက်ဖြစ်သည်။ မြန်မာတပ်များကလည်း တပ်ကူရောက်လာပြီး ခံကတုတ်နှင့် ကိုက် (၃၀) အကွာထိရောက်လာသည်။ မိုးထက် (၉) ချက်တီးခန့်တွင် ရခိုင်နှင့် ဆွဲသုံးတပ်များက နောက်ဆုတ်လာလတ်သည်။ ဆင်များလည်းကြောက်ပြီးထွက်ပြီးကုန်သည်။ ကပ္ပတိန်နိုတင်က လူအင်အား (၄၀၀) ဖြင့် ဆက်လက်ထိမ်းထားရန် မဟန်မှန်းသိသောအခါ တပ်ဆုပ်ရန်ဆုံးဖြတ်လိုက်သည်။ လက်နက်များစွာ နောက်ချန်ထားခရသည်။ တမိုင်ခန့်လောက်ရာ စနစ်တကျဆုတ်ခွာနိုင်သော်လည်း ချောင်းအကူးတွင် လွယ်ကူအောင် လက်နက်ခဲယမ်းများစွာကို စွန့်ပစ်လိုက်ရသည်။ မြန်မာတပ်များကလည်း နောက်မှာ ထပ်ကြပ်မကွာလိုက်သည်။ တပ်အားလုံးဖရိုဖရဲဖြစ်ကုန်သည်။ ကျဆုံးအင်အားမှာ (၂၅၀) ခန့်ဖြစ်ပြီး အသားဖြူအရာရှိ (၆) ဦး၊ အန္ဒိယကုလားအရာရှိ (၃) ဦးအနက် (၃) ယောက်ရာအသက်ရှင်သည်။ ထိုသုံးယောက်အသင်ရှင်သည်တွင်လည်း (၂) ယောက်က ဒါဏ်ရာနှင့်ဖြစ်သည်။ မြန်မာများက ပင်းဝါကိုသိမ်းပြီး ရှိသို့မိုင် (၂၀) ခန့်အကွာ စုက္ကရာထိချီတက်လာသည်။ ဒေသခံများက အလွန်အမင်းစိုးရိမ်ပူပင်လျှက်ဟိသည်။

သို့သော် မြန်မာများ ၀င်းဝါကိုသိမ်းပိုက်ချိန်တွင် ဗြိတိသျှတပ်များက ရီကြောင်းအားဖြင့် မာန်အောင်ကို ၀င်ရောက်သိမ်းပိုက်သည်။ မေလ (၁၂) ရက်နိတွင် မာန်အောင်မြို့သို့အ၀င်ချောင်းထိ တပ်ထောက်များရောက်လာသည်။ လောင်းသမ္ပာန်တစီးအား ကုန်သည်ယောင်ဆောင်ပြီး မာန်အောင်မြို့ထဲဖက်သို့ ရန်သူမြန်မာတပ်အနီအထားကိုစုံစမ်းရန်လွှတ်လိုက်သည်။ မေလ (၁၄) ရက်နိတွင် လူအင်အား (၃၀၀) ခန့်ဖြင့် ချောင်းအတိုင်းဝင်၍ မာန်အောင်မြို့ကိုတက်သိမ်းသည်။ ပထမ ရှိတန်းစခန်းထောက်ကိုသိမ်းပြီး ဒုတိယ စခန်းကိုပြန်သိမ်းသည်။ မေလ (၁၉) ရက်နိတွင် ကြောက်ပြီးထွက်ပြီးရန်ကြံသော မြန်မာမြို့ဝန်အား လမ်းတွင် ကင်းထောက်တပ်ခွဲက ဖမ်းမိသည်။ ကျွန်းကိုထိမ်းရန် တပ်ရင်း (၂၀) အားချန်ထားခပြီး ကျန်တပ်အင်အားဖြင့် ရန်ကုန်သိမ်းရန် ဆက်လက်ချီတက်သည်။ ဗြိတိသျှတပ်များက ရန်ကုန်ကိုဝင်သိမ်းသဖြင့် ဗန္ဓုလရခိုင်မှ ဆုတ်ခွာရသည်။ မောင်တော၊ လက်ဝဲဓါတ် ရှိတန်းစစ်မျက်နှာတွင် တပ်အင်အားအနည်းငယ်မျှရာချန်ထားခသည်။ ပင်းဝါစစ်ပွဲတွင် မြန်မာဖက်က (၂၀၀) ခန့်ဒါဏ်ရာရသည်။ သို့သော် ဗြိတိသျှ၏အဖမ်းအဆီးခံရကာ သတင်းပေါက်ကြားမည်စိုးသဖြင့် အားလုံးကို အစတုန်းသတ်ဖြတ်လိုက်သည်။ ၁၈၂၄ မိုးရာသီတွင် ရာသီဥတုအနီအထား၊ သဘာဝအနီအထားများကြောင့် စစ်တိုက်ရန်မဖြစ်နိုင်သဖြင့် စစ်ဆင်မှုကို ခေတ္တရပ်ဆိုင်းထားရသည်။ မိုးရာသီကုန်သည်နှင့် ရခိုင်ကိုသိမ်းရန်အမိန့်ရသည်။ အဓိကဦးတည်ချက်မှာ မြောက်ဦးသို့ချီတက်ရန်နှင့် ယင်းတွင်တပ်စွဲထားသော မြန်မာတပ်ကို တိုက်ခိုက်ရန်ဖြစ်သည်။ ဒီဇင်ဘာလတွင် စစ်ဆင်မှုအစပြုသည်။ ရခိုင်သိမ်းမည့်တပ်အင်အားမှာ (၉၉၃၂) အင်အားဟိသည်။ ဘင်္ဂလားမြင်းစီးတပ်သား (၆၀၀) ၊ အမြောက်တပ် (၆၅၀) ၊ ရခိုင်တပ် (၅၅၃) နှင့် ရှိတန်းထိုးဖောက် (၆၄၉) ယောက်အပါအ၀င်ဖြစ်သည်။ တပ်ရင်းစစ်ဆင်မှုကို ဗိုလ်မှုးချုပ် (Brigadier General Morrison) က ဦးစီးသည်။ နိုင်ငံရေးအကြံပီးအဖြစ် စစ်တကောင်းခရိုင်ဝန်တရားသူကြီး (District Magristrate of Chittagong, Robertson) ကလိုက်ပါပြီး ရော်ဘတ်ဆင်နှင့်အတူ ရခိုင်သားအနည်းငယ်လိုက်ပါသည်။ ၁၈၂၅ ခု ဇန္န၀ါရီလ (၁) ရက်နိတွင် စစ်ဆင်မှုစသည်။ ဖေဖ၀ါရီလ (၁) ရက်နိတွင် မောင်တောကိုစသိမ်းသည်။ ရခိုင်သားများက မြန်မာကိုကြောက်၍ ဗြိတိသျှများအားကူညီရန် တွန့်ဆုတ်လျှက်ဟိသည်။ ထို့ကြောင့် မြန်မာများအားအကူအညီမပီးရန်သတိပီးရသည်။ ဖေဖ၀ါရီလ (၁၂) ရက်တွက် ဆက်လက်ချီတက်ရန် လုပ်ငန်းစတင်သည်။ ရာသီဥတုဆိုးရွားသဖြင့် လက်နက်ခဲယမ်းတင်သင်္ဘောတစီး လက်နက်ခဲယမ်းများစွာဆုံးယှုံးရသည်။ လူသီလူပျောက်မဟိ။ (၂၀) ရက်နိတွင် ကုန်းကြောင်းချီလာသောတပ်များ အငူမော်သို့ရောက်သည်။ သို့သော် ဖေဖ၀ါရီ (၂၇) ရက်နိတိုင်အောင် ရီကြောင်းချီမည့်တပ်များကို စုစည်းမရဖြစ်နီသည်။

ချောင်းဖီလာတွင် ဗြိတိသျှတပ်များအနည်းငယ်အထိနာသည်။ စစ်တွေတဖက်ကမ်း ဆင်တော်မော်တွင်တပ်စွဲထားသော မြန်မာများအား မောင်းထုတ်လိုက်နိုင်သည်။ ရီကြောင်းချီသည့်သင်္ဘောများကို ပိန္နချောင်းရွာသူကြီးက လမ်းပြသည်။ ကုလားတန်မြစ်ကြောင်းအတိုင်းချီ၍ ပုဏ္ဏားကျွန်းတဖက် ကြိမ်ချောင်းဝတွင် တပ်ချသည်။ ဖေဖ၀ါရီလ (၂၁) ရက်နိတွင် ကုလားတန်မြစ်တလျှောက် စစ်သင်္ဘော (၁၀၀) ခန့်နှင့် မြန်မာတပ်အင်အား (၂၀၀၀) ခန့်ဟိကြောင်းသတင်းရသည်။ ဗိုလ်ချုပ်က လူတင်စစ်သင်္ဘော (၈) စီးနှင့် လက်နက်တင် (၅) စီး လူအင်အား (၄၅၀) အား စတင်စေလွှတ်သည်။ စစ်တွေမြောက်ဖက် (၂၈) မိုင်အကွာ ချောင်းဖီလာတွင် မြန်မာများအခိုင်အမာတပ်စွဲထားကြောင်းသတင်းရဟိသည်။ တပ်အင်အားမှာ (၁၀၀၀) ခန့်မျှဟိမည်ဖြစ်ကြောင်းခန့်မှန်းရသည်။ သို့သော် မြောက်ဦးသို့ချီရာလမ်းကြောင်း နှောင့်အယှက်မဖြစ်စီရန် ချောင်းဖီလာမြန်မာတပ်ကို ဦးစွာပထမခြီမှုန်းပစ်ရမည်ဖြစ်သည်။ ဖေဖ၀ါရီလ (၂၃) ရက်နိတွင် ချောင်းဖီလာမြန်မာတပ်ကို စမြင်ရသည်။ သို့သော် တပ်အင်အားမှာ ခန့်မှန်းသည်ထက် ပိုများနီသည်။ ဗြိတိသျှတပ်များအား မြန်မာကင်းထောက်စခန်းနှစ်ခုမှ သေနပ်များပစ်ဖောက်သည်။ မြန်မာများက သေနပ်များပစ်ဖောက်နီသဖြင့် ကမ်းတက်မရဖြစ်နီသည်။ နှစ်နာရီခန့် အပြန်အလှန်သေနပ်များပစ်ဖောက်ပြီးနောက် တပ်ရင်းဗိုလ်ချုပ်က ချောင်းအတိုင်းစုန်ရန် ဆုံးဖြတ်လိုက်သည်။ သို့သော် ဖြားရီတက်တွင် သင်္ဘောသုံးစီးကမ်းကပ်လိုက်သည်။ အချိန်မှာ ညဇာသား (၅) ချက်တီးခန့်ဖြစ်သည်။ ကမ်းကပ်ချိန်မှာ မိုးထက်သား (၅) ချက်တီးထိဖြစ်သည်။ သို့သော် အစောပိုင်းတိုက်ပွဲတွင် မြန်မာဖက်က အထိနာထားသဖြင့် အနှောင့်အယှက်တစုံတရာမဟိ။ ဗြိတိသျှဖက်မှ (၄) ယောက်ကျ၊ (၃၁) ယောက်ဒါဏ်ရာရသည်။ နောက်ပိုင်း ၄င်းတောင်ဖီလာစခန်းအားတက်သိမ်းရန်အစီအစဉ်ကို ဖျက်လိုက်သည်။

ဗိုလ်ချုပ်ရော်ဘတ်ဆင်က ရီကြောင်းချီလျှင် နှေးသည်ကတကြောင်း၊ ချောင်းဖီလာနှင့် အငူမော်တွင်တပ်စွဲထားသော မြန်မာများကကြားဖြတ်အတိုက်ခံရမည်ကိုသတိထား၍ ကုန်းကြောင်းချီရန်ဆုံးဖြတ်ပြီး ဟင်းခရာချောင်းတောင်ဖက်နှင့် အရှိကမ်းမှ ကုန်းကြောင်းစချီသည်။ သို့သော် ချောင်းမြောင်းအလွန်များသဖြင့် မြောက်ဦးတရောက်ချီတက်ရန်မလွယ်။ တချို့နီရာများတွင် တောတောင်များကလည်း ကန့်လန့်ဖြတ်ထားသည်။ သို့သော် ရာသီဥတုမှာ ပူသော်လည်းကောင်းသည်ဟုဆိုရမည်။ ချောင်းများမှာ အညာရီကြီးခြင်းမဟိ။ ဒေသခံများနှင့်လည်း အဆင်ပြေသည်။ မတ်လ (၂၀) ရက်နိတွင် ဟင်းခရာချောင်းက စဖြတ်သည်။ (၂၄) ရက်နိ စပါးထားချောင်းကမ်းထောင့်တွင် စခန်းချသည်။ ရန်သူမြန်မာတပ်များက ရှိ (၂) မိုင်အကွာ ပါးတော်တောင်တွင် တပ်စွဲထားသည်။ သို့သော် ကုန်းကြောင်းချီလာသောတပ်များသည် စစ်တကောင်းက စထွက်လာကတည်းက မည်သည့်အခက်အခဲမျှမဟိ။ (၂၅) ရက်နိတွင် ရှိတန်းတပ်ခွဲတခုက စပါးထားချောင်းနှင့် ၀ါးပြိုင်ချောင်းကို စဖြတ်ကူးသည်။ (၂၆) ရက်နိတွင် တပ်ရင်းတခုလုံးကူးဖြတ်သည်။ ချီတက်ရာတွင် လမ်းကြောင်း (၄) ခုခွဲ၍ ချီတက်သည်။ လက်ဝဲဖက်တွင် သင်္ဘောဖြင့်ချီတက်သည်။ အခက်အခဲဟိသည်မှာ ဆင်ဖြူတောင်ချောင်းရီတိမ်သဖြင့် အခက်ကြုံရသည်။ တပ်ရင်းက ချောင်းကမ်းနားယောင် ကုန်းကြောင်းချီသည်။ ပါးတော်တောင်တွင် တနာရီလောက်တိုက်ပွဲဖြစ်ပြီးသည်နှင့် မြန်မာတပ်များထွက်ပြီးလားကတ်သည်။ သို့သော် တောတောင်ထူထပ်သဖြင့် ရှိဆက်ချီတက်ရန် အနည်းငယ်ကြန့်ကြာနီသည်။ ဖြားကျသည်နှင့် ဇီးဇာချောင်းကိုဖြတ်သည်။ ထိုအချိန်တွင် မြန်မာတပ်များက ချောင်းဖီလာစခန်းကို စွန့်ခွာပြီးဖြစ်သည်။ ယခုအခါ မြန်မာတပ်များက မြောက်ဦးတောင်ဖက် (၁၀) မိုင်အကွာ မဟာထီးတွင် တပ်စွဲထားသည်။ လောင်းကြက်ချောင်းက ဘက်သုံးတန်ကာဆီးထားသည်။ ကမ်းထောင်းက စောက်သည်။ တောင်ကုန်းက ခံတပ်ဖြစ်နီသည်။ မြန်မာတပ်စိပ်တစိပ်က ဗြိတိသျှတပ်နှင့်ရှိဆိုင် တဖက်ကမ်းတွင် တပ်စွဲထားသည်။ (၂၇) ရက်နိ မိုးထက်စောစောမြုံစဲသည်နှင့် တပ်မဟာ (၄၄) မှ တပ်ခွဲသုံးခွဲက တဖက်ကမ်းမှ ရန်သူအားစတင်တိုက်ခိုက်သည်။ ပြောင်းအမြောက်များစွာပစ်ဖောက်ပြီးနောက် ဖြားရီကျတွင် ချောင်းကိုဖြတ်သည်။ နောက်ထပ် ပြင်းပြင်းထန်ထန်ခုခံမှု တစုံတရာမဟိဘဲ မဟာထီးကို သိမ်းပစ်နိုင်သည်။ ယခုအခါ မြောက်ဦးနှင့်ခရီးများစွာ မကွာဝီးတော့ပေ။ မြင်းတပ်ဖွဲ့ကလည်း မြန်မာများ တန်းထားများကိုမဖျက်ဆီးမှီ အချိန်မှီမောင်းနှင်ထုတ်နိုင်လိုက်သည်။ မဟာထီးနှင့် မြောက်ဦး ကျောက်ခင်းလမ်းဟိသည်။ မတ်လ (၂၈) ရက်နိတွင် ပရိန်သို့ရောက်သည်။ ပရိန်မှာ မြောက်ဦးသို့ဝင်ရန် အရှိတန်းခါးပေါက်နှင့် အနီးဖြစ်သည်။ မြန်မာများက ပေ (၃၅၀) (၄၅၀) အမြင့်ဟိသော တောင်တန်းတလျှောက် ကွက်ကြားကွက်ကြား ခံတပ်ချထားသည်။ မြောက်ဖက်တွင်လည်း လူ (၃၀၀၀) ဖြင့် တပ်စွဲထားသည်။ မြန်မာတပ်စုစုပေါင်းအင်အားမှာ (၉၀၀၀) ခန့်ဟိမည်ဟု ခန့်မှန်းရသည်။ မတ်လ (၂၉) ရက်နိတွင် ခြီမြန်တပ်ရင်း (၅၄) မှ တပ်ခွဲတခွဲ မြောက်ဖက်ခံတပ်ကို စတိုက်ခိုက်သည်။ ဒုတိယခြီမြန်တပ်မှ တပ်ခွဲ (၄) ခွဲ၊ (M.N.I) တပ်ရင်း (၁၀) နှင့် (၁၆) မှ တပ်ခွဲ (၆) ခွဲ၊ ရခိုင်တပ်ခွဲတစ်ခွဲ ပူးပေါင်းပါဝင်တိုက်ခိုက်သည်။ သို့သော် ပထမပိုင်းတွင် အကျအဆုံးများသည်။ အထိအခိုက်များစွာဟိသည်။ အရာဟိများစွာ အထိနာသည်။ သို့ဖြင့် ရော်ဘင်ဆင်နှင့်အတူလိုက်ပါလာသော ရခိုင်လူကြီးများကိုခေါ်ယူ၍ မည်သို့ဆောင်ရွက်မည်နည်း အကြံများရယူသည်။ ဒေသခံများကပြောသည်မှာ ဗိုလ်ချုပ်ရော်ဘင်ဆင်သည် လူပျိုလူရွယ်ဖြစ်ပြီး အရုပ်လည်းလှသည်။ ပရိန်သျှင်မ မြသွင်က ဗိုလ်ချုပ်ရော်ဘင်ဆင်အားချစ်ကြိုက်နီသည်။ အထိအခိုက်အကျအဆုံးဖြစ်ရခြင်းမှာ ပရိန်သျှင်မ မြသွင်အား ဂရုမစိုက်သောကြောင့်ဖြစ်သည်ဟု ဆိုသည်။ ထို့ကြောင့် ရခိုင်လူကြီးများအကြံဥာဏ်ရယူပြီး ဗိုလ်ချုပ်ရော်ဘင်ဆင်မှာ ပရိန်သျှင်မမြသွင်နှင့် လက်ထပ်ပွဲပြုလုပ်ရသည်။ ထိုသို့ ပြုလုပ်ရခြင်းမှာ ရခိုင်တပ်သားများအား စိတ်ယုံကြည်မှု ရစီရန်ဖြစ်သည်။ ထိုသတင်းကိုကြားသည်နှင့် မြန်မာများလည်း ကြေက်ရွံ့စီမည်ဖြစ်သည်။ သို့ဖြင့် လက်ထပ်ပွဲကို တရားဝင်ပြုလုပ်ခြင်းဖြစ်သည်။

မြောက်ဦးသို့ဝင်ရန် အဓိက လီသာတောင်ခံတပ်ကိုတိုက်ရမည်ဖြစ်သည်။ မတ်လ (၃၁) ရက်နိ ညဥ့်မှောင်သည်နှင့် လီသာတောင်ခံတပ်ကို စတိုက်သည်။ တဖက်က အကြီးအကျယ်အမြောက်ပြောင်းများပစ်ဖောက်၍ ဖိတိုက်နီစဉ်တွင် တဖက်က ညတွင် တောင်ထက်သို့ချီတက်သည်။ လရောင်ရိပ်ရိပ်ဟိသော်လည်း ရန်သူများမရိပ်မိ။ နောက်နိမိုးထက်တွင် အမြောက်ကြီးတလက်ကို တောင်ထက်သို့ ထမ်းတင်နိုင်ပြီးဖြစ်သည်။ ၄င်းအမြောက်အကူဖြင့် ထိုးစစ်ကိုပိုပြုလုပ်လာနိုင်သည်။ မြန်မာများ စိတ်ဓါတ်ဖရိုဖရဲဖြစ်ပြီး ဒယောမရ ထပိန်မရထွက်ပြီးကတ်ရသည်။ ပရိန်သျှင်မမြသွင်အား ကြောက်သည်လည်းတချက်ဖြစ်နိုင်သည်။

မတ်လ (၂၆) ရက်မှစ၍ ဒါဏ်ရာအနာတရရသည်မှာ (၂၁၃) ဦးဖြစ်၍ (၃၀) သီဆုံးသည်။ သုံးရက်ခန့်မည်သို့မျှမတားဖြစ်သော်လည်း လေးရက်မြောက်တွင် ပြည်သူများထံမှတစုံတရာ လုယက်ခြင်းပြုလုပ်ခြင်း၊ သားမယားများအား ကျူးလွန်ခြင်းပြုလုပ်ပါက ကြီးစွာအပြစ်ပီးမည်ဖြစ်ကြောင်း အမိန့်ထုတ်ပြန်သည်။ ထိုသို့အမိန့်ထုတ်ပြန်ပြီးနောက် ကြောက်ရွံ့ပြီးထွက်ပြီးကုန်သောပြည်သူများ ပြန်လာလတ်ကတ်သည်။ မြောက်ဦးကိုသိမ်းပြီးသော် မြန်မာများ အသီးသိမ်းတိမ်းယှောင်ထွက်ပြီးကုန်သည်။ နောက်ကလိုက်တိုက်သော်လည်း လူ (၃၀၀) ခန့်လောက်ရာ သီဆုံးဖမ်းမိရလိုက်သည်။ အမ်း၊ ဒလက်ဖက်သို့တချို့၊ လေးမြို့ချောင်းဖက်မှ မြန်မာပြည်သို့တချို့ အသီးသီးထွက်ပြီးလားကတ်သည်။ မြောက်ဦးကိုသိမ်းပြီးသော် ရမ်းဗြဲကိုဆက်သိမ်းသည်။

ယမန်နှစ် အောက်တိုဘာလတွင်းပိုင်း၌ မာန်အောင်မှ တပ်အင်အား (၂၀၀) ခန့် ရမ်းဗြဲတောင်ပိုင်း အောင်လှပြင်၌ကမ်းတက်၌ မြန်မာတပ်အများကို တိုက်ခိုက်ဖျက်ဆီးလိုက်နိုင်သော်လည်း တကျွန်းလုံးအားသိမ်းပိုင်ခြင်းမပြုလုပ်ခ။ မာန်အောင်၌ ကျောက်ချထားသော ဗြိတိသျှသင်္ဘောမှ ထွက်ပြီးသောမြန်မာ (၂) ယောက်ကိုဖမ်းမိပြီး မြန်မာများအနီအထားကို သတင်းရယူနိုင်လိုက်သည်။ ဇန္န၀ါရီလကုန်ပိုင်း (၂၉) ရက်နိတွင် တပ်ရင် (၄၀) မှ အင်အား (၄၅၀) နှင့် အမြောက်စစ်သား (၄၈) ယောက် မာန်အောင်၌ အင်အားဖြည့်တင်းလာသည်။ လီအလွန်တိုက်သဖြင့် ဖေဖ၀ါရီလ (၂) ရက်နိမှ ရမ်းဗြဲသို့ဆိုက်ကပ်နိုင်သည်။ ချောင်းနဖူး၌တပ်စွဲထားသော မြန်မာတပ်နှင့်တိုက်ပွဲဖြစ်သည်။ ပြင်းပြင်းထန်ထန်ပစ်ခတ်ပြီးသည်နောက် မြန်မာများထွက်ပြီးလားကုန်သည်။ ရမ်းဗြဲမြို့ထဲဖက်မှ မြန်မာများအင်အားဖြည့်တင်းလာသဖြင့် ဗြိတိသျှဖက်မှ ကျဆုံး (၄) ဦး၊ ဒါဏ်ရာရ (၂၄) ဦးဖြင့် သင်္ဘောများဆိုက်ကပ်ထားရာသို့ ဆုတ်ခွာပီးရသည်။ မြောက်ဦးကိုသိမ်းပြီးသည်နောက် ဗိုလ်ချုပ်ရော်ဘတ်ဆင်က ရမ်းဗြဲကိုသိမ်းရန် (Brigadier General MacBean) အား အမိန့်ပီးသည်။ ဧပြီ (၂၂) ရက် ရမ်းဗြဲကျွန်းအားပြန်သိမ်းသောအခါ အခုအခံအနည်းငယ်ရာဟိသည်။ တကျွန်းလုံးကို အလွယ်တကူသိမ်းပိုက်ရယူနိုင်လိုက်သည်။ မြောက်ဦးကျပြီးဖြစ်ကြောင်းသတင်းရသဖြင့် အားလုံးထွက်ပြီးလားခြင်းဖြစ်နိုင်သည်။ သို့ဖြင့် တပ်တချို့ကို သံတွဲသို့စေလွှတ်လိုက်သည်။ မြန်မာများပြန်လည်တိုက်ခိုက်လာမည်ကိုကာကွယ်ရန် ရိုးတောင်တဖက်သို့ချီရန် တပ်အင်အားစုဆောင်းပြီးသော်လည်း မိုးကျလာပြီးဖြစ်သဖြင့် အစီအစဉ်ကို ရပ်ထားလိုက်ရသည်။ မိုးတွင်းတွင် မြောက်ဦး၌ တပ်သားအများအပြားနာမကျန်းဖြစ်ကုန်သည်။ အဓိက အဖျားနှင့် ၀မ်းရောဂါအဖြစ်များသည်။ အင်အား (၁၅၀၀) ခန့်ဟိသော ဥရောပတပ်အင်အား မေနှင့် စက်တင်ဘာလအကြားတွင် လူဦးရေ (၂၅၉) ဦးသီဆုံးသည်။ စက်တင်ဘာကုန်ပိုင်းတွင် လူ (၄၀၀) ခန့် ဆီးရုံတင်ရသည်။ လူ (၈၀၀၀) ထောင်ခန့်အင်အားဟိသော အိန္ဒိယတပ်များက ထိုကာလအတွင်း လူပေါင်း (၈၉၂) ဦးသီဆုံးပြီး စက်တင်ဘာလကုန်ပိုင်းတွင် လူပေါင်း (၃၆၄၈) ယောက် ဆီးရုံတင်ရသည်။ ဗိုလ်ချုပ် (Morrison) လည်း ရခိုင်မှရသောမနာမကျန်းမှုကြောင့် အင်္ဂလန်သို့အပြန် လမ်းတွင်သီဆုံးသည်။

Arakan and The First Anglo-Burmese War, 8124-25 by B. R. Pearn ဆောင်းပါးမှ ကောက်နှုတ်ဖော်ပြသည်။

ရခိုင်ဇမ်းကဗျာများ

ရခိုင်ဇမ်းကဗျာများ

မယ်နှင့်မောင်
---------------
အထက်မှာရာလေ သံဖြူ
အောက်မှာရာလေ ပျိုင်ချပ်
အလယ်ဂေါင်မှာ မှန်ဘောင်သပ်လို့
ဗောဓပ်ကျောင်းမှာ
အပွင့်မှာရာလေ ၀ါဝါ
အညှာမှာရာလည်း မဲမဲ
ပန်းမစင်ကို တင်မိခလို့
မေနှင့်မောင်မှာ မပေါင်းရဘဲ
ကွဲရရေလား ပုယေ --။

ဒေဘ၀ီ ဒေဘ၀မှာ မပေါင်းရသော်လည်း
နောင်ဘ၀ီ နောင်ဘ၀မှာ ပေါင်းရလီအောင်
တရိစ္ဆာန် အမှန်ရာလည်းစင်စစ်
ငှက်လီလီလေ ငှက်ပင်လည်းဖြစ်ငြား
မောင်ကားဂြိုးဘို မယ်ကားဂြိုးမ
တလင်းရာမှာ ၀ဲကာကျကေ
စားရပါစီ ပုယေ --။

တရိစ္ဆာန် အမှန်ရာလည်းစင်စစ်
နွားလီလီလေ နွားပင်လည်းဖြစ်ငြား
တသျှိုင်းတည်းထွန် တခြံတည်းနွား
တခုံးတိုင်မှာ ချိုင်ကာထားကေ
စားရပါစီ ပုယေ --။

ဘုရားပေါ်ကေ ကံ့ကော်တောသို့
မေယင်ယင် မေယင်သော်လည်း
မေစောင့်နီဝေ
မောင်ယင်ယင် မောင်ယင်သော်လည်း
မောင်စောင့်နီမည် --။

ဆီမီးရာလေ တတိုင်
ပန်းတခိုင်နှင့် ပျိုင်တချပ်မှာ
နှစ်ယောက်ထိုင်ကေ တူပြိုင်လောင်းလို့
ဆုတောင်းကတ်မည် ပုယေ --။

(ကျောက်ဖြူနယ်မှ ဇမ်းကဗျာ)


ရွှီခိုင်ပြည်အလွမ်း
------------------
နွီရာသီ
ဂိမ္မာန်ရာလည်းပြောင်းလို့
တပေါင်းရာလေချိန်ကူး
ရွက်ဟောင်းညှာကြွီ
ရွက်သစ်ဝီကေ နွီရတုမှာ
ပျိုနုလည်းသာယာ
ဟေမ၀ါမှာ
ဝဲကာရာလည်းကျီးငှက်
သီးချက်ပွင့်ချက် တကြိုင်ကြိုင်နှင့်
ဂနိုင်ရာစုံစမ်း
နီညိုညိုကေ ညနီချမ်းမှာ
ပျံသန်းကျီးငှက်
တကြော်ကြော် ခေါ်နှုတ်ဆက်လို့
ဇရွက်ကေလေ တမန်
တညံညံကေ ခေါ်သံရာလည်းမစဲ
ဒိုးဒိုးလေ ဒုန်ဒုန်
နိုးနိုးနုန်ကေ ဖိုးခေါင်ရာလည်းကျူးကျော်
မောင်ရို့ပျော်ကေ ရွှီခိုင်နန်းကို
လွမ်းမစဲဖွယ် ပုယေ --။

(ရမ်းဗြဲကျွန်းမှ ဇမ်းကဗျာ)


မောင်ပြန်ဖို့ယာ
-----------------
မိုးလင်းကြယ်ကြီး
ရောင်ဖြူလာ ထွက်ခါနီးလို့
ကြက်ကြီးလည်းတွန်
မိုးသောက်ယံ မောင်ပြန်ဖို့ယာ --။

မောင်လားရေခါ
ဆံကေသာ ဖြီကာလျှော့
ကန်တော့လိုက်ပါ --။

ကတိုးတိမ် စိုးရိမ်နှောင်းလို့
မကြောင်းကြကဲ့ --။

ဂြိုးချေကြူ
မပူလီကဲ့ --။

ငှက်တော်ထိုး
မညှိုးလီကဲ့ --။

ကျီးကန်အာ
မရှာလီကဲ့ --။

ဥသြမောင်
ဖိုးခေါင်တယောင်
မတလီကဲ့ --။

ချစ်တေဆို ပျိုနှမကို
မှာခရေနှောင်း --။

နှစ်ချောင်းချီ ဗွီလီယှက်
ရက်သပေါ့မှာ
ရွှီမျက်တောင် အသာမှိတ်
အိပ်ဟိလိုက်ပါ --။

အိမ်နောက်ဆို မောင်းကာအောက်က
မေအိပ်ရာကို မျှော်ကာကြည့်
ပြန်လှည့်လားယာ --။

နှစ်ချောင်းချီ ဗွီလီယှက်
ရက်သပေါ့မှာ
ရွှီမျက်တောင် အသာမှိတ်
မအိပ်နိုင်ပါ --။

မတွိလီရ မမြင်ရလို့
ကားရုပ်ပုံ ဆယ်စုံချ
ရူပဒေ၀ါ နတ်ထံထံလေ
တူပြန်ခကေ
ငယ်ကချစ်တေ ချစ်မောင်မောင်ကို
ကြိုက်မ၀ပါ --။

(ရမ်းဗြဲကျွန်းမှ ဇမ်းကဗျာ)


မှာလိုက်ရစီ
--------------
မေ့သခင်မှာ ကြင်ရာသက်ထား
ချစ်တေသူ ဖြူချောချောလို့
ကိုယ့်ရည်းစားကို
မချစ်ဆို မလိုလို့လား
မခင်ပုံ မယုံစားလို့
မအပ်ဝံ့လား --။

မချစ်ဆို မလိုမဟုတ်
ပျိုမေယေမှာ ရွှီကိုလို
ဂုဏ်ကိုမက်လို့
ချစ်ပါရေလား
ရွှီမလို လူကိုမက်လို့
ချစ်ပါရေလား --။

ရွှီကိုမလို ဂုဏ်ကိုမမက်
မေအပျိုမှာ လူကိုမက်လို့
မောင်လူပျိုကို ယုံလိုကြောင်းနှင့်
တောင်းထားဖို့ယာ --။

မယုံရရေ ယုံရရေ
စကားကြွယ်ကေ ဟုတ်မည်နှမ
မိမ္မဥာဏ် ၀င်္ကန္တကို
ကြောက်ရပါရေ --။

လှလူပြောင် မောင်ကုသနှင့်
ရူပ၀တီ ဥုံဒဏ္ဍီမှာ
ပုံသီတချက်
ချစ်ကျွမ်းဝင် ကြင်သူလက်ကို
ကျောက်မျက်စိန်ပျံ
ရွှီပြည်တန်ကို အပ်နှံဖူးကြောင်း
ရှိထုံးပုံ နိဂုဏ်းဟောင်းကို
ထောက်ဆယေကြည့်ပါ --။

ပုံပြရေ ယုံဖွယ်စကား
ရူပမယ်လေ သူ့လက်ကြားက
ပုဏ္ဏားဦးယူ အသဲဆူဗျာ
စိတ်ပူမဆုံး
ကိုယ်လိုရာ ရတနာကုံးကို
အဆုံးယေချလို့
ကုသမောင်မှာ ဖြစ်ပုံကြောင်းက
ကောင်းယင့်လားယေ --။

မကောင်းရာ ဖယ်ကာယေထားပါ
ဘေးကယေပါးလို့
ကိုယ့်ရည်းစားကို အပ်ထားခပါ --။

ဂရုဏာ မိတ္တာသက်ပါ
စုံမက်သော်လည်း
ရှက်စဖွယ် ရွှီငွေအပ်လို့
တယောက်မေ ပျိုမေစစ်မှာ
မဖြစ်နိုင်ပါ --။

ချစ်တေယောင်ယောင်
ကြိုက်ယောင်ယောင်နှင့်
အဂယောင့်မှန် ဧကန်ကျက
နောက်ကိုယေဆုတ်လို့
မဟုတ်မမှန်
အကောက်ဥာဏ် ၀င်္ကန္တမှာ
ပျိုမေယေ အကယ်မှတ်လို့
တပတ်ကေကျရေ --။

အလှမဉ္ဇူ သရဖူ မြင်သူသဲစွဲ
မက်မပြေ သက်ရွှေခဲကို
မခွဲဝန့်ပါ --။

မြှောက်ရေပင့်ရေ ပြောတတ်တေ
လူလည်လူနောက်
လူကျွမ်းဝင် လူပင်ပေါက်လို့
အကောက်ကိုကြံ
ခဲမှန်ဖူးရေ စာသူငယ်
ရွယ်ရုံနှင့်လန့်
လှမယ်ပျို နောက်ကိုတွန့်လို့
မချစ်ဝန့်ယာ
မရယာ လက်သာချဖိ
သူများယူ လက်ပူတိုက်ပျာ
ကျန်လိုက်ပတ်စီ --။

အသက်ထပ်တူ မငြူစူ
ကြည်ဖြူသဲစွဲ
ချစ်တေသူ ဖြူပုလဲကို
ပီးပါလတ်မည်
သနားချစ်ခင် မိတ္တာဝင်
ကြင်နှမကို စိတ်ချရစီ --။

စကားဆက်ဆံ လက်မခံ
ဖီဆန်ငြင်းလို့ ချစ်ယင့်နှင့်ပင်
မေအပျို ရလိုရေးနှင့်
ပြောမိစွာရာ
မေ့သခင်မှာ မှန်ကိုကိုးလို့
စိတ်မဆိုးကဲ့ --။

သိုင်ခေါင်လည်းလွန် ကြက်လည်းတွန်
မောင်ပြန်ဖို့ယာ
မေစိတ်ကေသာအောင်
ပဒုန်းကျော် လီခေါ်ပေါက်က
မောင်မျက်နှာ ထွက်ခါငုံ့လို့
ပြုံ့ပြခမည် --။

ပုဆိုးယေကွက်ပြာ ကွက်တရာ
ခြူခြာသတ်လို့
နပျိုးပင်ကို စုန်လီသတ်ကေ
မိုးလင်းပတ်စီ --။

အာရုဏ်တက်လာ ရောင်ဖြူလာလို့
လူရာလေ ထစ
ချစ်တေမောင်မှာ အသရေရအောင်
ပြန်ရဖို့ယာ --။

ပြန်မည်ဆို ပျိုယေနှမ
ချစ်တေမောင်လေ
ဆံစညို ပျိုယေမက
မှာလိုက်ရစီ
ညနီရီ နီဆီရောက်အောင်
လားပါလီ --။

(ရမ်းဗြဲကျွန်းမှ ဇမ်းကဗျာ)


ဇမ်းဖွဲ့ကတ်မည်
-------------------
အသက်ရှည် လှမေရို့နှင့်
နားမလည် မချေရို့နှင့်
ဒေရက်ဆုံ ဒေပြင်ဝန်းမှာ
ဇမ်းဖွဲ့ကတ်မည် --။

ကျောင်းပါးကတောင်
ရွှီကျောင်းတောင် ဖိုးခေါင်ကြိမ်လုံး
တစိတ်ကာ လူမသုံးကေ
အမြုံမလေ --။

လီယင်ယင် ဆားပြင်စမှာ
ယက်သဲ့ဘောင် ကိုင်ကာထိုးလို့
ငါးယိုးရေလား --။

တရက်ရှာ နပ်စာမပြည့်
ထိုးရေကွန်ချာ
ပုဇွန်ဖြူ မေမစားလို့
ဂြိုးသားရှာခီ --။

ညွန့်ဆယ်ပင် တပင်ပြတ်
မောင်လက်ချယာ ပုယေ --။

သစ်ခ၀ပ်ရာလည်း ပွင့်ဖြူ
မအူရာလည်း ပင်ဖျား
အကိုင်းချေမှာ ငှက်ဝါနားကေ
ရည်းစားဟိလား ပုယေ --။

ကြက်သွန်ပင် အသျှင်မဲ့
ငှက်ဟင်္သာ ပျံကာဝဲ
ရည်းစားမဟိ --။

သဲသောင်သဲသောင် ရွှေသဲသောင်
သဲသောင်ထိပ်မှာ
ဗျိုင်းဟောက်ကေပိုင် ငိုက်လို့
တမန်းပြင် ငါးကိုချောင်း
ရကြောင်းမမြင် ချောလေ --။

ချောင်းဖျားပုစွန် လိမ္မာခံ
ပုဇွန်လိမ္မာ ဗျိုင်းအစာ --။

မောင်နှင့်မေ အတူတူ
လူချင်းကွဲလို့
စိမ်းကားရေလား ချောလေ --။

ပင်နန်းရိပ်ခို လှမေပျိုကေ
ရယ်ချိုပြုံးပြုံး သွားသန္တာကို
ပုဝါဖုံးလို့ မျက်လုံးပရိယာယ်
ချစ်ဖွယ်ပြောလို့
စကားချိုရေ ပုယေ --။

(ရမ်းဗြဲကျွန်းမှ ဇမ်းကဗျာ)


တမ်းလွှဲဇမ်း
----------------
အမောင်အမောင် တိုင်မှာမျှောင်
အမောင်ဇာကရောင် --။

သရက်ပင်ညို ရွက်ရိပ်ခို
လူပျိုပေါက်စ တန်းလွှဲက --။

ကျောက်စရစ်ကေ တန်းတင်
လီရွှင်ကေ သွတ်သွတ်
ပျိုမေရီ ပြင်စိုင်ကေဖြတ်လို့
ရီခပ်ကေ ထွက်လာ
ဘူးပွင့်ရံ ကြာတံပွင့်ကို
တွဲလို့ပါ --။

လူမြင်ကေ ရှက်တေမချိ
ဘူးပွင့်ရံ ကြာတံပွင့်ကို
ရွှတ်ပါဖိ --။

ခယင်ဝါးရှည် ခယင်ဝါးဖျား
တဆစ်ချေကို ဖြီလို့ထွင်း
စံညှင်းကေ ပုလီ
လက်ဆယ်ချောင်းနှင့် ခြောက်ချောင်းချီ
ပုလီစံကျော်
မေရို့နီ အိမ်တောင်ဖက်က မှုတ်ပျာခေါ်
နာပျော်ရေလား
မေ့အသံကို တပ်တပ်ကေ ကြားရေ --။

မေရို့အိမ် မီးလုံးလင်းလို့
ချစ်တေမောင်မှာ မ၀င်ဝံ့ဘဲ
ခြံနားကေ ယောင်လို့ --။

(ရမ်းဗြဲကျွန်းမှ ဇမ်းကဗျာ)


မေတပြည် မောင်တကျွန်း
---------------------------
အယင်ကခါ
ဗာရာဏသီလေမင်းကြီး --။

ရွှေသမင် အားတင်လိုက်ကေ
တောနက်ကလွန်
လူဝံလေမနှင့်
အကြောင်းဆုံ ငြင်းခုံရာလည်းမလွတ်
နဖူးစာ ပါသည့်ဝဋ်ကို
ချွတ်မကျွတ်ယာ --။

မေကားတပြည် မောင်ကားတကျွန်း
မြစ်အလယ် ပိုးခြည်တန်းယောင်
စာကမ်းကတ်မည် --။

(ရမ်းဗြဲကျွန်းမှ ဇမ်းကဗျာ)


ကျမျက်ရည်
--------------
လပြာသို ခွာညိုပွင့်သစ်
မောင်လူပျို မေမချစ်ကေ
ဝေးပစ်ဖို့လား --။

မောင်လူပျို မေမချစ်
ဝေးပစ်သောခါ
တဇာဇာ ငိုခါမျက်ရည်
ကျမျက်ရည် ဆည်မရလို့
မောင်လှသက်နှံ ပျိုမောင်စံ
ဝေယံနန်းမှာ
ဘယ်ကိုကိုလေ ဘယ်ကိုစောင်းလို့
ဘယ်စောင်းမျက်ရည် --။

ညာကိုကိုလေ ညာကိုစောင်းလို့
ညာစောင်းမျက်ရည် --။

သပေါ့ဖျာ မွိရာထက်မှာ
တံဘက်ဖြူ ယူကာအုပ်လို့
ကိုယ်သုတ်ရရေ --။

(ရမ်းဗြဲကျွန်းမှ ဇမ်းကဗျာ)


ဆုတောင်းရေ
----------------
ရမ်းဗြဲမာန်အောင် ကျောက်ဖြူသံတွဲ
စနဲရွာ ခေါ်သည်ရပ်မှာ
စောမဲကျီ တည်ရေဓါတ်ကို
ဖူးကတ်ခီမည် --။

ဆီမီးတတိုင် နှစ်ယောက်ကိုင်
ပျိုင်တပေါက်မှာ
နှစ်ယောက်ထိုင် တူပြိုင်ညှိလို့
ဆုတောင်းကတ်မည် --။

ဆုမကောင်း
ဖျက်တောင်းကတ်မည် --။

ပန်းမစင်
ဖျက်တင်ကတ်မည် --။

မကောင်းကြံ ဖီးရန်မှုကို
ပြုခလို့လား --။

ပန်းမစင်
တင်ခလို့လား --။

ဆုမကောင်း
တောင်းခလို့လား --။

ငှက်မောင်နှံ ပျံကာဝဲ
ကျိမ်ဆဲလို့လား --။

သူ့ရည်းစား
ခွဲခလို့လား --။

သနားဖွယ် ပုချေမေနှင့်
ဒေဘဝေ ဒေဘ၀မှာ
မပေါင်းရကေ
နောင်ဘဝေ နောင်ဘ၀မှာ
ပေါင်းရလီယောင်
မြတ်စိန္တေ ထံတော်ပါးမှာ
ဆုတောင်းရေ --။

(ရမ်းဗြဲကျွန်းမှ ဇမ်းကဗျာ)


အဆုံးစွန်
----------
ဝဲလီပျံလီ သံဂလီ
ပျံလီငှက်ခါး
ကိုင်းဟောင်းကျိုးလို့
ကိုင်းသစ်ရှာ
ရပါဖို့လား
မေစိုင်းစား --။

အဆုံးစွန်ကေ
လက်ပံယေ ကိုင်းမှာ
နားဖို့ကျရေ --။

(ရမ်းဗြဲကျွန်းမှ ဇမ်းကဗျာ)


ရောက်လာလိမ့်မည်
---------------------
ခမောင်းသုံးကြိမ် ကျေးသုံးကြိမ်
သံဂလိမ်သုံးဆင့်
တောမှာဝီကေ ဆင်ဝေပွင့်
ငုံးပန်းပွင့်ယာ --။

ယင်းပိုင်ချိန်ခါ ထီးကိုကိုင်
ရွာစိုင်လျှောက်လို့
ရောက်လာလိမ့်မည် --။

(ရမ်းဗြဲကျွန်းမှ ဇမ်းကဗျာ)


လိုက်ဝန့်ဖို့လား
-----------------
နပျိုးရာလေ တပင်
ဂရင်ရာလေ တပုဒ်
နှင်းမကြွီ လီမသုတ်
ဆင်ပုတ်ရပ်သို့
ရည်မှတ်လာ ပြောပါဖို့လား
ချစ်တေမောင် ပြောစကားကို
မေစိုင်းစားလား --။

သင်္ဘောမာလိန် ရီကိုချိန်
မာလိန်သင်္ဘော
သောင်းသောင်းကျော် ဖောင်တော်ဦးက
လက်မှတ်စာ မောင်ထုတ်ပီးလို့
မလိုက်ဝန့်ပါ --။

အမိခေါ် နောင်တော်မြစ်ကို
မလိုက်ဝန့်ပါ --။

အဖခေါ် နောင်တော်မြစ်ကို
မလိုက်ဝန့်ပါ --။

ချစ်သူခေါ်
လူမတူ မယူမြစ်ကို
လိုက်ဝန့်ဖို့လား --။

(ရမ်းဗြဲကျွန်းမှ ဇမ်းကဗျာ)


ပြန်မရွှတ်
-----------
တခွန်းခေါ် အိုလေရွှီနား
နှစ်ခွန်းခေါ် အိုလေရွှီနား
သုံးခွန်းတက်မှာ
မောင်ခေါ်သံ ညံညံကြားလို့
ဘုရားထူးရေ --။

ဘုရားဆို အလိုမဟိ
တရားဆို အလိုမဟိ
ပုချေဆို အလိုဟိ
ခေါ်မိစွာရာ --။

လပကောင်းယာ
တောက်လီယာ
လာရာလာလတ်
ပြန်မရွှတ်ပါ မောင်းမောင် --။

(ရမ်းဗြဲကျွန်းမှ ဇမ်းကဗျာ)


နွားလိုက်လားရေ
-------------------
နွားပတုန်းရာလည်း တွဲတွဲ
မိနှင့်ဖမှာ မွီးစပ်တေ
နွားချေနောက်က
မလိုက်ခင် မိခင်ကဆဲ --။

ခလောက်ကိုယူ ချစ်တေသူ
နွားဖြူနောက်က
မက္ကလာ နံမှာကျိုက်လို့
နွားလိုက်လားရေ --။

(ရမ်းဗြဲကျွန်းမှ ဇမ်းကဗျာ)


စိတ်ရူးရေ
------------
မိုးမင်းညို
မရွာတချက် ရွာတချက်
ကြောင်းပျက်တေလေ --။

မောင်လူပျို
မလာတရက် လာတရက်
စိတ်ပျက်တေလေ --။

ချောင်းဖြားရီ
ချောင်းရီတထူး
အညာခွင်ကို မ၀င်ဖူးကေ
ဖြားရူးရေလေ --။

ညရီတလီ ညဥ့်ရီတထူး
မောင်လူပျိုလေ
မေ့အိမ်ကြောက်ကို မ၀င်ဖူးကေ
စိတ်ရူးရေလေ --။

(ရမ်းဗြဲကျွန်းမှ ဇမ်းကဗျာ)

ပူဆိပူဆာ
------------
ကိုင်းလီကိုင်းလိုင်း
သစ်ကိုင်းထက်မှာ ဗျိုင်း --။

ဗျိုင်းကားဇာဖို့ နားရုံ
ငါးမြင်လို့ နားရေရာ --။

ငါးကဇာဖို့ ပေါ်ရုံ
ရီနောက်လို့ ပေါ်ရေရာ --။

ရီကဇာဖို့ နောက်ရုံ
ကျွဲစိမ်လို့ နောက်တေရာ --။

ကျွဲကဇာဖို့ စိမ်ရုံ
ပိုးကိုက်လို့ စိမ်ရေရာ --။

ပိုးကဇာဖို့ ကိုက်ရုံ
မိုးရွာလို့ ကိုက်တေရာ --။

မိုးကဇာဖို့ ရွာရုံ
ဖားအော်လို့ ရွာရေရာ --။

ဖားကဇာဖို့ အော်ရုံ
မြွီမျိုလို့ အော်ရေရာ --။

မြွီကဇာဖို့ မျိုရုံ
ပူဆိပူဆာ မနီသာလို့ မျိုရေရာ --။

(ဗိုလ်မင်းထောင်မှ ဇမ်းကဗျာ)