သာလှဧူး၏လတ်တလောကဗျာများ (2026)

သာလှဧူး၏လတ်တလောကဗျာများ (2026)

(1) သာလှဧူး
========
(2) သာလှဧူး
========
(3) နာရီစင်အောက်ကလူ
==============
(4) သံဖရာသီးခွဆုံ
================
(5) အပေါက်ကျွံ
===============
(6) သစ္စာဖောက်
=============
(7) ပြုတ်မနူး
============
(8) တွင်းဆုံးကျ
==============
(9) ဟာသပြဇတ်
===============
(10) ယခီး
================
(11) အောက်ရှောက်
================
(12) လဗျာ
==============
(13) ပေါက်ချွန်း
===============
(14) အရွှန်
=============

(15) လိုင်သားတက်

===============

(16) ကြောင်ရီဝတ်
================

(17) ရခိုင်စာ

=================

(18) အဝစားငါးကျပ်
==================

(19) တစ်ခု တစ်ကောင် တစ်ယောက်

=======================

(20) ရခိုင်စာ (2)

=====================

(21) ဝမ်းပြည့်ဝမ်းရောင်
====================

(22) ဝတ္ထုပုံပြင် ရာဇဝင်
=====================

(23)နိုင်ငံရေးကဗျာ အမှတ် (၂) Political Poem No. (2)

=============================================

(24) ကောသလမင်းကြီးအိမ်မက်
==========================

(25) ဝေဖန်ရေး
================

(26) အောင်စောသာကား
====================

=====================

သာလှဧူး
=====

နခေါင်းချေရှုံ့
ငသလောက်ပြုံ့။

ငုံ့လို့လည်းခံ
အပေါက်ကျွံ။

သာလှဧူး
===//===

လိုတမျိုး မလိုတမျိုး
ကုလားဖန်ထိုး။

အရှိတမျိုး နောက်တမျိုး
ဝက်ထီးအားကိုး။

ဝခါတမျိုး ငတ်ခါတမျိုး
(အာနိုး)

နာရီစင်အောက်ကလူ
====//====//=====

သံဖရာသီးခွဆုံမှာထိုင်
မင်းကြီးကျောက်တန်းမှာ လီခံ
အင်းပေါက်ဝမှာ ငယက်နှိုက်
ဘီယာချေသောက်လိုက်
Selfie ချေဆွဲလိုက်
ကဗျာချေစပ်လိုက်
ကိုယ်ခြီကေလီမဖြစ်
ကြမ်းပိုးကိုက်ကိုက်
ခြင်ကိုက်ကိုက်။

လလည်းကွယ်
ပြည်လည်းဆုံး
ပြည်ဖုံးကားကို ကုလကာချ
ဘီလူးဆိုင်းနှင့်
မယ်သီတာ ရာမလက္ခဏ
တခန်းရပ်ပြဇတ်
"က" ခါ "က"
ဘီလူးမတန်းထထက်က
ခုန်ချသူကခုန်ချ။

ဆတ်ရိုးကျချောင်းမှာ
မိုးဦးကျ ငပြီမ
အကျိတ်ကျိတ် အလှိုင်းလှိုင်းတက်
အရက်ယစ်လို့
ကော်နှက်သူက ကော်နှက်
တာယက်လူက ယက်
အစိချေနှင့် ငပိသည်
ငါးစိမ်းသည်တိ အလုအယက်
လီချဉ်တက်လူက တက်။

မင်းကြီးကျောက်တန်း
သံဖရာသီးခွဆုံ
အင်းပေါက်ဝ
ဘီလူးမတန်းထ
ဆတ်ရိုးကျ (နှင့်) နာရီစင်
အထင်ကရ
စစ်တွေမြို့ပြ ပင်လယ်ဝ။

(နာရီစင်အောက်ကလူ)

သံဖရာသီးခွဆုံ
==========

ဒေါင်းပြောက်
ဂေါင်းစောက်
လောင်းမှောက်။

အောက်ရှောက်
ဘောက်ကတတ်
ယောက်ဖဖတ်ဖို့ ကဗျာစပ်
"အောက်အီးအီအွတ်"

လူအများ နားလည်ယောင်
ဘောက်သာဆောင်းရေ အိုမောင်းမောင်။

လူအများ နားလည်ယောင်
ရှောက်ရှာစားရေ အိုမောင်းမောင်။

ကြီးလီချဉ်လီ
"သံဖရာသီးခွဆုံ"

(------)
တိုးနိုး။

အောက်ရှောက်အရွှန်
သဘောက်ကျွန်။

(မောင်ပေါက်တူး)
April 24, 2026 (သောက်ကြာနိ)

အပေါက်ကျွံ
========

ပြောခီကေ
ရခိုင်ပြည်ကြီး
သီးခြားလွတ်လပ်ရီး။

ရွီးခီကေ
အောက်ရှောက်ကဗျာ။

စပ်ငြောင့်ငြာင့်ချေ
မတွိပါလားဆရာ။

ပြုတ်မနူး
ဖွတ်နောက်ကုန်း
ပတုန်းလည်းရှည်
အပေါက်ကျယ်။

အောက်ရှောက် အရွှန်
အပေါက်ကျွံ။

သစ္စာဖောက်
========

ဘဝမှာ
ရခိုင်သား ရခိုင်သမ
ရွီးစပ်ခရေ ကဗျာ
အပုဒ် (၁၀၀) တရာ
ရခိုင်တပုဒ် မပါ။

တယောက်က ဆောက်နှင့်
ကျောက်ထက်မှာ လက်မျောက်
"သစ္စာဖောက်"

"ပစ" က "ဟ" လာကေ
ရခိုင်စာပီတိုးတက်ရေး
လုပ်ခီကေ
"စောက်တလွဲ"

တည့်တည့်မကျ
"ချော်ကျ"

တယောက်က ကိုယ့်စွာကိုယ်
"သမ္ဘာရင့်" လတ်
နဖူးမှာစာတန်းကပ်
စပ်လိုက်တေ ကဗျာ
"ခဲဝါ"

နခေါင်းချေရှုံ့ ငသလောက်ပြုံ့
ငုံ့လို့လည်းခံ အပေါက်ကျွံ။

(မောင်ပေါက်တူး)
April 23, 2026 (Thursday)

ပြုတ်မနူး
======

ကျောက်ခဲကို
ရီနှင့်ပြုတ်လို့
နူးခန့်သိမ့်။

ဒေလူတိကို
အိုးနှင့်ပြုတ်
မီးနှင့်ဖုတ် မနူး။

ဟီရိဩတပ်ပ
အရှက်မဟိ။

သီရာသီ ဝမ်းကျမတန့်
သံဖရာသီးခွဆုံ။

ထိပ်ပြောင်ပြောင်နှင့်
ကျောင်းတကာလားမှတ်တေမှာ
ဇာက ဟုတ်ခီဖို့လဲ
"လိပ်ဂေါင်း"

လူအများ နားလည်ယောင်
သကာစားရေ အိုမောင်းမောင်။

မတောက်တခေါက်
အောက်ရှောက်။

မောင်ပေါက်တူး
April 22, 2026 (ဗုဒ္ဓူးနိ)

တွင်းဆုံးကျ
========

ပြောကေ
ကော်နှက်တေဆိုဖို့။

အခုထက်ထိ
လျှာမှာ အရသာခံလို့
ခြီနီတုန်းသိမ့်။

အောက်ရှောက်တိကို
ငရို့မြို့ကဆိုပြီးကေ
လက်ခုပ်လက်ဝါးတီးလို့
အားပီးနီလူတတိုင်။

နောက်ကုန်းကို
တုန်းပိုင်းကျလည်းမမှတ်
ဘောက်သာဆိုး။

ပဒရီစွပ် ကြောင်ရီဝတ်
ကမင်ညှပ်လို့ မကျွတ်။

လသဲဆာရေ
အလှပလှ
ဝမ်းလျှူပစ်လိုက်ရဖို့။

အောက်သကွာ
ပေါက်ဖော်အထုပ်
(---) ရုပ်။

ငပိသူခိုး
(----) တိ။

လူအများနားလည်ယောင်
သကာစားရေ အိုမောင်းမောင်။

မောင်ပေါက်တူး
April 22, 2026 (ဗုဒ္ဓူးနိ)

ဟာသပြဇတ်
=======

ရခိုင့်တော်လှန်ရီးနိကိုတောင်က
ကျင့်ပဝန့်ရေ သတ္တိမဟိ
ပဇောင်ပျင်လို့ ရခိုင်သားတိ
လွတ်လပ်ရီးရဖို့ယောင်။

Facebook ထက်မှာ ဘောရိပြ
Like စကေရကေ
ငါ့ပိုင်ယှောင် အကောင်မဟိယာ
ဘဝင်လီဟပ်လို့
အထက်လီစားနီကတ်တေ။

Credit ရမှ ကြေနပ်
Credit မရကေ မကြေနပ်
Credit Credit နှင့်
တိုင်ပတ်နီကတ်တေ။

အခွင့်အရေးချေတခုရ
ခွီးပိုင်ယှောင်
လုကတ်တေ ကိုက်ကတ်တေ။

စားဖို့ခါ ပျာယိပျာယာ
လုပ်ဖို့ခါ ယနာနာ
လက်ကြောမတင်းရေအကောင်
အချောင်သမားတိက နီရာလု
ဖင်ခုထိုင်နီကတ်တေ။

ဖွဲ့လိုက်ကတ်တေ ပါတီ
ညီညွတ်ရေးကို ဗန်းပြ
စုလိုက်ကတ်တေ တပ်ပေါင်းစု
(--) တခုလည်း စောက်သုံးမကျ
နက်ဖန်ခါ
ကွဲကတ်ပြန်ဖို့ယာ။

ပေါ်မပြည့် ကျပ်မပြည့်
ဟိတ်ဟန်တခွဲသားနှင့်
ရောင်းပန်းလှ
လူရဟန္တာယောင်ယောင်
ဘောင်ဘင်ခတ်
ထုတ်မှာသတ် ယောက်မှာသတ်
အောက်ခြီလွတ်တိ။

(မောင်ပေါက်တူး)
April 6, 2026 (ဗုဒ္ဓူးနိ)

ယခီး
====

ရခိုင်သားဖြစ်ပြီး
ရခိုင်ကဗျာကို
ရခိုင်စကားနှင့်မရွီး
သူများစကား ငှားလို့ရွီး
ယခီး။

ယခီးထိပ်ပေါက်
အောက်ရှောက်။

အောက်ရှောက်ကဗျာ
မရှက်ပါလား ဆရာ။

အရှက်မဟိ
ရခိုင်ငပိ
ဆာကဝိ။😂

မောင်ပေါက်တူး
April 21, 2026 (Tuesday)

အောက်ရှောက်
=======///===

ပြောခါ ရခိုင်စာပီတိုးတက်ရေး
ရွီးခါ သူများဘာသာ
တည့်တည့်မကျပါကား ဆရာ။

လူအများ နားလည်ယောင်
သကာစားရေ အိုမောင်းမောင်။

အနံ့ တထောင်းထောင်း
ယင် တရောင်းရောင်း
အပေါက်က ဟောင်းလောင်း။

မတောက်တခေါက်
တောင်မရောက် မြောက်မရောက်
မျောက်ခြောက်။

ငပိသူခိုး
(------) တိ။😜😜

မောင်ပေါက်တူး
April 20, 2026 (တလင်္လာနိ)

လဗျာ
====

"ပစ" က "ဟ" လာကေ
ရခိုင်စာပီတိုးတက်ရေး။

ရွီးခီကေ
ရခိုင်တလုံးမပါ။

"ဗျာလ" က မဟုတ်
"လဗျာ"

"လဗျာ" "ဆရာကြီး"
အထာလည်းပီး ပျာလာဆီး။

Selfie ချေဆွဲလို့
ဆရာကြီးစတိုင်နှင့်
အလှပလှ "သာကူး"
"ပလာတူး" "သာလှဧူး"

နဖူးပြောင်ပြောင်နှင့်
ကျောင်းတကာလား မှတ်တေမှာ
ဇာကဟုတ်ခီဖို့လဲ
"------"

ပေါက်ချွန်း
======

ညောင်ပင်လောက်လှူလို့
ညောင်စိလောက် ကုသိုလ်မရ။

စေတနာမမှန်
အဟောသိကံ
သဲထဲရီသွန်။

နဖူးပြောင်ပြောင်
ဟန်ဆောင်ဗန်းပြ
ရောင်းပန်းလှ။

မဏ္ဍပ်တိုင်တက်ပြ
ချောတိုင်တက်ပြ
ကျင်ကွင်းပြ။

ဖုတ်ကြီးလောဘ
ပင်လယ်ဝ။

မေတ္တာပို့ခါ
အနန်တစက်ကွာဝဠာ
ရွတ်တေခါ ပဌာန်း
ဝတ်တေခါ သင်္ကန်း
အမေကျော် ဒွေးတော်လွမ်း။

အရွှန်
====

ဝမ်းမဝတဝ
ဘုန်းကြီးကျောင်းမှာ
မှီခိုစားရ ကပ္ပိယ။

ခြင်ထောင်ထဲက
ပစိကိုက်ပြ။

စကားလုံးက
အကြီးမသန်
"ပစ" မှာ မကန်
"အရွှန်"

လိုင်သားတက်
=========

ပတုန်းရာလည်းသွယ်သွယ်
အစွယ်ရာလည်းကားကား
အပျင်းထူ အောင်သာလူနွား
မယူတောင်ကြား ကျားလားလား။

ငါ့နွားကြံစုံ ခြံကိုခုန်
တောနားယောင် တောင်ကိုတက်လို့
မြက်ရှာစား စားမကုန်။

မူမပြောင်း မယူချောင်းမှာ
ဂြိုစောင်းလည်းထက် တာလည်းယက်
တာသျှင်နွားမှာ
လိုင်သားတက်လည်း လိုင်သားတက်။

သာလှဧူး (မြောက်ဧူး)
June 18, 2026 (Thursday)

ကြောင်ရီဝတ်
==========

အခါတပါးဝယ်၌
ဝေသာလီလျှင် တိုင်းဓညရွှီပြည်သာ၌
ရွာသူကြီးလျှင်
သူဌီးမင်း၏အိမ်အတွင်းဝယ်
ချစ်ကြင်သည်ဖြစ်
ခွီးနှင့်ကြောင်လျှင် နှစ်ကောင်လုံးကို
မွီးစပ်သည်ဖြစ်လည်း။

ခွီးနှင့်ကြောင်
တကောင်နှင့်တကောင်
ခွီးလည်းမဟောင် ကြောင်လည်းမကိုက်
အလွန်ချစ်သည်ဖြစ်လည်း။

ခွီးကားလိမ္မာ ပညာဟိသည်ဖြစ်
အိမ်သျှင်အကြိုက် အလိုလိုက်
အိမ်သျှင်နား အပါးဝယ်၌
ခစားသည်ဖြစ်လည်း။

ကြောင်ကားမလိမ္မာ
ခြစ်ရန်ရှာကေ
အိမ်သျှင်ရာလည်းမကြိုက်
ကြွက်ဖမ်းစား ကြောင်အားလျှင်
အိမ်ကနှင်သည်ဖြစ်လည်း။

အဝေမိတ်ဆွေ ခွီးသူငယ်
ငါ့ကိုအား သနားပါလျှင်
ခွီးရီတထည် ငှါးပါလင့်လေ။

ခွီးချေလျှင် ကြောင်ဆင်းရဲသား
သနားသည်ဖြစ်
ခွီးရီတထည် ငှါးသည်ဖြစ်လည်း။

နှစ်များမကြာ
ကြောင်လျှင်ချမ်းသာ ရွာပြန်လာသော်
ကြောင်ရီတထည် ခွီးသူငယ်အား
ပီးသည်ဖြစ်လည်း။

ကြောင်ရီဝတ်၍ လှီကရင်းမှာ
ဝပ်လျှက်နီကျင်
ခွီးသူငယ်ကို အိမ်သျှင်မြင်သော်
အမြင်ကပ်ကပ် ခြီထောက်နှင့်လျှင်
ကျောက်ကန်လွှတ်သည်ဖြစ်လည်း။

"ကြောင်ရီဝတ်" ကို
မှတ်သားမယေကောင်းစွာ မြန်မာများက
"ခွေးဝဲစား" ဟု ခေါ်ငြားတုံပါသော်လည်း
ရခိုင်သားမှာမူကား မခြားတွင်မှတ်
"ကြောင်ရီဝတ်" ဟု မချွတ်မှန်စွာ
ခေါ်အပ်ရာတည်း။

ကြောင်ရီဝတ်ကို မချွတ်မှန်စွာ
ဝတ်၍လာသည်
ဆရာမျက်နှာ ဖုံပြာပြာတည်း။

သာလှဧူး (မြောက်ဧူး)
June 21, 2026 (တလင်္ဂုနီနိ)

ရခိုင်စာ
======

ရခိုင်စာ
ဇာနှင့်အလားသဏ္ဍန်တူရေလဲ
ပမာနှိုင်းလို့
ပုံခိုင်းပြရခန့်ဆို
အပျိုကိုလိုလို့
အရက်သမား ရွာထဲမှာ
သာခြင်းတကြော်ကြော်
လမ်းလျှောက်ထွက်လာစွာနှင့်တူရေ။

ထိုထိုးဒေထိုး
လေးကွင်နင်းလို့။

တခါတခါ လောကျိတ်
ကော်နှက်ခါနှက်လို့။

(နဲ့) လို့ တတိုင်
(ဧ့) လို့ တမှောင့်
(မာ) လို့ တဖုံ
(ကြေ့) လို့ တလုံး
သုံးစားမရ။

(လေ့လာ) ကို (လိလာ)
(တွေး) ကို (တွီး)
(လေး) ကို (လီး)
ဖျာလိပ်ခေါင်းဝင်ရေခွီးယှောင်
ဂေါင်းညီးလားရေ။

တတိုင်က (ချစ်) ကို (ချိုက်)
(စစ်တွေ) ကို (စိုက်တွီ)
ဟက္ကရီကျ။

(ခေတ်မှီ) ကို (ခေတ်မီ)
(တခု တကောင် တယောက်) ကို
(တစ်ခု တစ်ကောင် တစ်ယောက်)
(တခါတရံ) ကို (တစ်ခါတစ်ရံ)
ကျွန်ခံနီ။

ကထိကတယောက်ကလည်း
(နိ) တလုံး ချမကျ
(ညီချေ) ကို (ညိန်ချေ) မပျင်သိမ့်လို့
ကျေးဇူးတောင် တင်ရခန့်။

တတိုင်က
(ပဋရီစွပ်) (ကြောင်ရီဝတ်)
အောက်အီးအီးအွတ်
မိုးကြိုးပစ်လို့မကျွတ်။

အမြင်ကပ်ကပ်
(အလှပလှ) အောက်သကွာ ကော်နှက်ရခန့်ဆို
(ပေါက်ဖော်အထုတ်)
(မသိကေ ရွှေအိုး)။ 🙂 🙂

သာလှဧူး (မြောက်ဧူး)
June 26, 2026 (သောက္ကြာနိ)

အဝစားငါးကျပ်
========

ရခိုင်သားဖြစ်ပြီးကေ
ဖားကန့်မှာ ရီမဆီးကျောက်ရှာစားနီရရေဘဝ
တွင်းပြို မြီပိလို့သီ
(ဟုတ်တေ)
"ခွီးသီကေ အရီမရ"။

အမဲရိုးကို ခွီးလု
ဆတ်လှီးရာမှာ ခွီးမျှော်။

"အဝစားငါးကျပ်
ရခိုင်မပါ"

အသဲနာဖို့ကောင်းရေ
ဖားကန့်မှာ ရွီးထားရေစာ။

မင်းအောင်လှိုင်ကိုထားလိုက်ဖိ
ဒေါ်အောင်ဆန်းစုကြည်ကိုယ်၌က
"အဝစားငါးကျပ် ရခိုင်မပါ"
တနိုင်ငံလုံးအပစ်အခတ်ရပ်စဲရေး
ဗုံးကြဲပစ်လိုက်စွာ
တရော်အိုင်ရွာ
အစရှာမရ
ပြာကျလားရေ။

ရခိုင်သားကို
ယလောက်ထိချစ်တေ။

NLD ပြောရေးဆိုခွင့်ဟိသူ
ဦးဇော်ဌေး
လမ်းဘေးသေးပန်း
အခု လစောင်ကန့်လားယာ။

တော်လှန်ရီးတရပ်အောင်မြင်ဖို့
လက်နက်ကျည်းကိုင်နီလို့မရ
ထမင်းချက်ဖို့လူ
ယောက်မကိုင်ဖို့လူလည်းလိုရေ။

Bullet လှရွှေရို့ပိုင်
ပေါက်ကိုယ်တော်ရို့ပိုင်အကောင်တိကို
ကျောင်းပို့ဖို့
ကျောင်းဆရာတိလည်းလိုရေ။

ဂြာအိုကျ တရားသံဝေဂ
အနိစ္စ ဒုက္ခ အနတ္တ
ပုတီးစိပ်မရ
ဒေါသကျည်းထွက်တေ။

သာလှဧူး (မြောက်ဧူး)
July 1, 2026 (ဗုဒ္ဓူးနိ)

တစ်ခု တစ်ကောင် တစ်ယောက်
=======================

ရခိုင်စာပီအလုပ်လုပ်ရစွာလည်း
သူများနွားချီးခြောက်
လိုက်လိုက်ကောက်
နွားကျောင်းသားထက်ညှက်တေ။

(မာ) (ဧ့) (နဲ့)
ပြဿနာမဆုံးသိမ့်
(ကြေ့) တလုံး တက်ပါလတ်တေ။

အရာလာပြန်ဗျာယ်
အလုပ်မဟိကြောင်ရီချိုး
(မသိကေ ရွှေအိုး)။

မြန်မာက "ခေတ်မီ"
ရခိုင်သားလည်း လိုက် "မီ"
ခဲဝါပတုန်းပြတ်နီ။

မြန်မာတိကလည်း
တခါချေလည်း အငြိမ်မနီ
"လူကောင်းလူတော်"
ပျင်လိုက်ပြန်ဗျာယ်တယောက်။

အခုလည်း
"တစ်ခု တစ်ကောင် တစ်ယောက်"
ရခိုင်သားမှာ
မြန်မာနွားချီးခြောက်
လိုက်လိုက်ကောက်။

သာလှဧူး (မြောက်ဧူး)
July 1, 2026 (ဗုဒ္ဓူးနိ)

#credit
မင်း ကို မြောက်ဦး
https://m.facebook.com/story.php?story_fbid=1569213374856231&id=100053027490621

ရခိုင်စာ (2)
=======

မင်းလည်းဆရာ ငါလည်းဆရာ
ရခိုင်စာ။

ဆရာများ သားတရွီ
စစန့်သီ။

ကိုယ်ခြီ လီမဖြစ်
သောက်လိုက်စားလိုက်
အရက်ယစ်။

အရက်ကပြင်း လူကဖျင်း
လက်မှာပုလင်း လေးကွင်နင်း။

ဆင်လားလမ်းမလို
ကိုင်လို့မရ ဗဗက်ပျို။

အားမလို အားမရ
တားလို့မရ ပြောရခက်
လမ်းမထက်မှာ ကော်လို့နှက်။

သတ္တိဟိကေ ထွက်ပါလတ်
ပေါင်ချင်းထပ်လို့
ခွတ်ပစ်လိုက်ကတ်မေ။

ငါသိငါတတ်
ဘောက်ကတတ် တဖက်ခွတ်
ပိဋကတ်
(လူတိ) အမြင်ကပ်
ဝိုင်းလို့သတ်
ခယောက်ကွင်းပြတ်ကျွတ်။

သာလှဧူး (မြောက်ဧူး)
June 29, 2026 (တလင်္လာနိ)

ဝမ်းပြည့်ဝမ်းရောင်
=============

ရခိုင်စာပီကလည်း
ညှစ်လီရှည်လီ
မုန့်တီဖတ်ယှောင်။

တခါတရီမှာ
ဈာန်ရနီရေ ဆာဒူးကြီး၏
ဆံပင်နှင့်လည်း တူရေ။

ကြွက်သိုက်ထက် ညှက်တေ
သပွတ်အူလိုက်
ဘန်းဒီထနီရေ။

အညာရီနှင့် မျိုးလာရေ
ကြွမ်းဆိုးပိုင်
ကုလားမ ဆာရီသဖွယ်
ကောင်းကောင်းရှည်ရေ။

ဥပမာပြရကေ
နှပ်မစင်ရေ
အစိတ်ကေ။

ဆရာကြီးတိကလည်း
ဒုတိယတန်းသတ်ပုံနှင့်။

တတိုင်က
မြန်မာနွားချီးခြောက် လိုက်လိုက်ကောက်
အပေါက်ပေါက်လို့။

တတိုင်က
ယောက်ဖနွား အလကားကျောင်း
စေတနာကောင်း
ခရမ်းသီးရောင်းလို့။

တတိုင်က
မြန်မာဒွေးချိုးလေးချိုးကို
ရခိုင်စကားနှင့်ခိုးချ
ရီမချိုးဘဲ
သနပ်ခါးနှိမ်းထားရေ
အပျိုမယှောင်
နံလည်းနံ ဟောင်လည်းဟောင်
ဟောင်ကောင်။

တရက်တရက်လာကေ
လက်အားလို့
Online တက်
Facebook ထက်က
ရခိုင်ကဗျာ
ရခိုင်စာတိကို ဖတ်ရကေ
နဂိုကတည်းက
သနပတ်လိုက်နီစွာမှာ
အရာတခါ
အစာမကြီ မသထီနှလုံးပျို့
လီချဉ်တက်လို့
ဝမ်းပြည့်ဝမ်းရောင်ဖြစ်တေ။

သာလှဧူး (မြောက်ဧူ) 🙂 🙂
July 2, 2026 (Thursday)(ပြီး၏)

ရခိုင်သားနှင့် "တ၊ တစ်" ပြဿနာ
#credit
မင်း ကို မြောက်ဦး
https://m.facebook.com/story.php?story_fbid=1569213374856231&id=100053027490621

ဝတ္ထုပုံပြင် ရာဇဝင်
===========

ဝတ္ထုထဲမှာ
ကြက်ခိုးစားရေ ခဲဝါက
ခုတ်မှာမိ
ကံကောင်းထောက်မလို့
သီဖီးကလွတ်
ယေဒါလည်း ကံမကောင်းခါ
ခုတ်မှာညှပ်
ခဲဝါပတုန်းပြတ်။

အိမ်ပြန်လာသော်
လမ်းမှာ ခွီးတရွီကို
တွိသည်ဖြစ်လည်း။

ခွီးတိက
အဆွေခဲဝါ ဇာကလာ
ဇာဇာသတင်းထူးရေလဲ
မီးသောခါတွင်
ထိုခဲဝါက
ခင်ပွန်းမိတ်ဆွေ
အိုခွီးချေ
နက်ဖန်ရက်ခါ သမက်တက်ပွဲ
အရေးကြီးလို့
လားချင်လိုကေ ထိုပွဲအတွက်
အမွှီးကို ညှပ်
ပတုန်းကိုလည်းဖြတ်လိုက်တေ။

ခွီးချေတိလည်း အားကျပြီးကေ
အားလုံးပတုန်းဖြတ်ကတ်တေ။

မိုးလင်းခဲဝါ ဆရာမြန်မာ
တပည့်ကခွီး (ယခီး)။

တခါလာလည်း နောက်လိုက်
နှစ်ခါလာလည်း နောက်လိုက်
ကြာလာကေ မျောက်ဖြစ်။

သာလှဧူး (မြောက်ဧူး) :) :)
July 2, 2026 (Thursday)

ရခိုင်သားနှင့် "တ၊ တစ်" ပြဿနာ
#credit
မင်း ကို မြောက်ဦး
https://m.facebook.com/story.php?story_fbid=1569213374856231&id=100053027490621

Political Poem No. (2)
နိုင်ငံရေးကဗျာ အမှတ် (၂)
================

အကြမ်းဖက်သမားတိက ပြောရေ
ငြိမ်းချမ်းရေးလတ်။

Terrorists are shouting "Peace".

လိုင်လှီးတိက ပြောရေ
လူ့အခွင့်အရေလတ်။

Cutting the throats,
They ask for human rights.

ကျူးကျော်တိက ပြောရေ
တရားမျှတရေလတ်။

The intruders demand "Justice".

တရားခံတိက
တရားလိုလုပ်ပြီးကေ
တရားစွဲနီကတ်တေ
လိပ်ကျောက်ပိုင် အပြန်ကော့လို့။

The criminals are doing lawsuits.

တတိုင်က
အကြမ်းဖက်ကို ရှိနီလိုက်လို့။

Some civilized people are advocating the "Terrorists".

အကြမ်းဖက်တိက
လူ့အခွင့်အရေးအရီခြုံလို့
Neckties တိ စည်းလို့
UN မှာ တက်ထိုင်နီကတ်တေ။

The terrorists under the mask of Peacemaker
Are sitting in UN.

အမေရိကန်မှာ နီပြီးကေ
911 ကို ထောက်ခံအားပီးလို့။

They are living in America and supporting "911".

UK မှာလည်း ဗုံးခွဲလိုက်
ပြင်သစ်မှာလည်း ကားနှင့်ဝင်တိုက်
Nigeria မှာလည်း ပြန်ပေးဆွဲလိုက်
Afghanistan မှာလည်း
ကျောက်တုံးနှင့် ရန်ဖြစ်တေ။

They do boomblasts in UK,
They crushed the people under the Trucks in France,
They hijacked the young girls in Nigeria,
They fought with the stones in Afghanistan.

ငြိမ်းချမ်းရေလတ်
သူရို့ပြောရေ ငြိမ်းချမ်းရေးက
ကြောချမ်းဖို့ကောင်းရေ။

Their "Peace" is worse than the "Beasts".

မြန်မာပြည်ကလူတချို့ကလည်း
ယောက်ဖကို ကြက်ဥတိုက်လို့။

Some Burmese people are also cooperating with the "Terrorists".

ယလောက်တိချစ်တေဆိုကေ
မင်းရို့အိမ်မှာ ခေါ်တင်ထားလိုက်ဆိုခါ
ကောင်းကောင်းမာန်ပါရေ။

If you love them too much,
Why you do not invite them for dinner
Until your sister be fucked-off.

ပေါက်ပေါ်အထုတ်
(------) က
လူ့အခွင့်အရေးနှင့် လုပ်စားနီရေ။

He is doing "Business" of "Human Rights".

ဓါတ်ပုံတင်ပီးလိုက်ကေ
Facebook မှာ Blocked ခံရဖို့။

If his picture be posted,
This post will be banned.

လူ့အခွင့်ရေးဆိုစွာက
လူတိအတွက်
တိရိစ္ဆာန်တိအတွက်မဟုတ်
ယင်းချင့်ကို သူရို့တိ သဘောမပေါက်။

They do not understand, Human Rights are for Human,
Not for the "Terrorists",
No Human Rights for "Terrorists".

ခွီးက ကျွေးရေလက်ကိုမကိုက်
ခွီးထက်မိုက်
ကျီးထက်ညစ်တေ အကောင်တိ
Canada မှာလည်း ကျီးတကောင်
ဒေါင်းယောင်ဆောင်လို့။

They are worse than the "Beasts".

တောဝက်နှင့် ခြင်္သေ့ ရန်ဖြစ်နီလို့ မဖြစ်
လဒစာ ဖြစ်လားဖို့။

All the "Civilians" of " Civilazation" be united,
If you invite them into your countries,
You are betraying the whole "Humanity",
"Justice" will be a "Definition" in the "Dictionary".

Jojo Seagull
July 4, 2026 (Saturday)
In Salute to Those who fought for The Independence of United States of America.

ယမနှစ်က
"နိုင်ငံရေးကဗျာ" အမှတ် (၁)
တင်လိုက်တေမှာ
အဖျက်ခံလိုက်ရရေ။

ယေဇူး
စကေလျော့ရွီးလိုက်တေ။

ကံမကောင်းခါ
ကျားဂါင်းအိုးစွပ်။

အစွယ်ကို အားကိုးလို့
ခြင်္သေ့မျိုး စည်ကိုဖောက်
ကြီးစွာ ဒုက္ခရောက်တတ်တေ။

အမှန်တရားဆိုစွာက
Definition တခုရာဖြစ်ပြီးကေ
Dictionary ထဲမှာ ဟိရေ။

အားဟိကေ အာပတ်မလာ
ထမင်းဝအောင်စားထား
ပြောချင်ကေပြောလီ။

ယေကေလည်း
လဒစာမဖြစ်ဖို့က
သတိထားကတ်ရဖို့။

သာလှဧူး (မြောက်ဧူး)
July 3, 2026 (သောက္ကြာနိ)

ကောသလမင်းကြီးအိမ်မက်
===================

အဂြိုမှာရာလည်းကားကား
အဝမ်းမှာရာလည်းဖားဖား
နွားလားဥဿဖ လိုင်သားတက်
တကျွန်းဗိုလ်မှာ တာကိုယက်လို့
နှက်ပလိုက်မေ
ခတ်မည်တပြင်ပြင်
မခတ်ဘဲလျှင် လားသည်မြင်သော်
နောင်တွင်ကာလ မင်းကမတရား
ကျင့်ဖောက်ပြား၍
လူကားကတိမတည်
ထိုတိုင်းပြည်၌ စစ်မက်ဖြစ်ပွား
မိုးမရွာကေ အစာယှားလို့
ငတ်မွတ်ခေါင်းပါးများလတ္တံ့။

ဘူးခေါင်းမြုတ်၍ ကျောက်ဖျာပေါ်သည်
အနက်သော်ကား
နောင်ခါကာလ မင်းကမတရား
ကျင့်ဖောက်ပြား၍
လူများစကားမတည် ထိုတိုင်းပြည်၌
စစ်မက်ဖြစ်ပွား ဖီးရန်များကာ
သူတောင်းစားလျှင် ကောင်းစားပါ၍
ပညာဟိလူ ထိုသူကိုကား
မျက်မှောင်ကျိုး ဂျောင်ထိုးလို့ထား
ဘူးခေါင်းကောင်းစားများလိမ့်မည်။

ကျီးကန်းပါးမှာ ဟင်္သာရာလည်းခစား
မြင်သောအိမ်မက် အနက်သော်ကား
နောင်များကာလ
မင်းကမတရား ကျင့်ဖောက်ပြား၍
လူများကတိမတည်
ထိုတိုင်းပြည်၌ စစ်မက်ဖြစ်ပွား
ကျီးကန်းများလည်း ထောင်လွှားရန်မူ
ဆူပူသောင်းကျန်း ဗရမ်းဗတာ
ဖြိုလုယက်ကေ
နှိပ်စက်ထိုခါပြုလိမ့်မည်။

သာလှဧူး (မြောက်ဧူး)
July 13, 2026 (တလင်္လာနိ)

ဝေဖန်ရေး
==========

အပြုသဘောပြောရကေ
သူလည်း
သူ့အရွယ်နှင့် အစွယ်နှင့်။

အိုးတန်ဆန်ခပ်
နိုင်သလောက်
တာဝန်ထမ်းကတ်တေ။

လူတိုင်း ဥက္ကဌကျည်းလုပ်နီလို့
ဖြစ်ဖို့လား
ထမင်းချက်ဖို့လူလည်းပါမှ။

အပျက်သဘောပြောရကေ
လုပ်စွာနှင့် ဖျက်စွာမမျှ။

လုပ်စွာထက် စုပ်စွာညှက်တေ
ယောက်ဖနွား အလကားကျောင်း
ခရမ်းသီးရောင်းချေ။

သာလှဧူး (မြောက်ဧူး)
July 14, 2026 (Tuesday)

အောင်စောသာကား
============

ရခိုင်စာမှာလည်း
အောက်ရှောက်တိက
သကာယက်လို့
ခြီနီကတ်တုန်းသိမ့်။

မုဆိတ်ဖြူနီယာ
စို့ကောင်းတုန်း။

လေးချိုးဒွေးချိုး ခိုးလို့ချ
တိုးနိုးဘဝ။

လှီကရင်းက
အချင်းမထ။

စေတနာနှင့် ပြောစွာရာ
မသထာကေ
ကောင်းကောင်းမကြာ
"တိုးနိုး" လို့
ကော်နှက်ခံဖို့ယာ။

သာလှဧူး (မြောက်ဧူး)
July 14 (Tuesday)