သံဖရာသီးခွဆုံ==========ဒေါင်းပြောက်ဂေါင်းစောက်လောင်းမှောက်။အောက်ရှောက်ဘောက်ကတတ်ယောက်ဖဖတ်ဖို့ ကဗျာစပ်"အောက်အီးအီအွတ်"လူအများ နားလည်ယောင်ဘောက်သာဆောင်းရေ အိုမောင်းမောင်။လူအများ နားလည်ယောင်ရှောက်ရှာစားရေ အိုမောင်းမောင်။ကြီးလီချဉ်လီ"သံဖရာသီးခွဆုံ"(------)တိုးနိုး။အောက်ရှောက်အရွှန်သဘောက်ကျွန်။(မောင်ပေါက်တူး)April 24, 2026 (သောက်ကြာနိ)
နာရီစင်အောက်ကလူ=============သံဖရာသီးခွဆုံမှာထိုင်မင်းကြီးကျောက်တန်းမှာ လီခံအင်းပေါက်ဝမှာ ငယက်နှိုက်ဘီယာချေသောက်လိုက်Selfie ချေဆွဲလိုက်ကဗျာချေစပ်လိုက်ကိုယ်ခြီကေလီမဖြစ်ကြမ်းပိုးကိုက်ကိုက်ခြင်ကိုက်ကိုက်။လလည်းကွယ် ပြည်လည်းဆုံးပြည်ဖုံးကားကို ကုလကာချဘီလူးဆိုင်းနှင့်မယ်သီတာ ရာမလက္ခဏတခန်းရပ်ပြဇတ်"က" ခါ "က"ဘီလူးမတန်းထထက်ကခုန်ချသူကခုန်ချ။ဆတ်ရိုးကျချောင်းမှာမိုးဦးကျ ငပြီမအကျိတ်ကျိတ် အလှိုင်းလှိုင်းတက်အရက်ယစ်လို့ကော်နှက်သူက ကော်နှက်တာယက်လူက ယက်အစိချေနှင့် ငပိသည်ငါးစိမ်းသည်တိ အလုအယက်လီချဉ်တက်လူက တက်။မင်းကြီးကျောက်တန်းသံဖရာသီးခွဆုံအင်းပေါက်ဝဘီလူးမတန်းထဆတ်ရိုးကျ (နှင့်) နာရီစင်အထင်ကရစစ်တွေမြို့ပြ ပင်လယ်ဝ။(နာရီစင်အောက်ကလူ)
သာလှဧူး======လိုတမျိုး မလိုတမျိုးကုလားဖန်ထိုး။အရှိတမျိုး နောက်တမျိုးဝက်ထီးအားကိုး။ဝခါတမျိုး ငတ်ခါတမျိုး(အာနိုး)
သာလှဧူး=====နခေါင်းချေရှုံ့ငသလောက်ပြုံ့။ငုံ့လို့လည်းခံအပေါက်ကျွံ။
ဝါကြီးအိမ်=======ဝါကြီးကအို ကြမ်းကပြိုကျင်သန်အို ကြက်နှင်မရ၀က်ကတမှောင့်ကျီးကနှောင့်ယှက်တောကြက်ယက်တေ။အဖိုးမောင်းမောင်မှောင်မှောင်မဲမဲတောင်ယာတဲမှာတယောက်တည်းလေ။အိပ်လို့မရခွီးကထဟောင်ညည့်သိုင်ခေါင်မှာယမ်းလို့ယောင်ရေ။ညည့်ဦးလွန်ကေမိုးသောက်ယံမှာတညံညံလေတာကိုယက်လို့တဒေသက တကြက်တွန်ရေ။သာလှဧူး (မြောက်ဧူး)December 17, 2025)(ဗုဒ္ဓူးနိ)
ရူးဖို့ယာ=====ညည့်နက်သိုင်ခေါင်ခွီးကဟောင်မှောင်မှောင်မိုက်မိုက်မိုးကြိုးပစ်တေ။လူအရပ်မှာစမ်းဖီစမ်းဖတ်နွားခုံးတိုင်ကိုခလုန့်သတ်တေ။ကျီးနင်းကျီးနင်း လျှောက်လို့လာကြာလားခလို့မာန်ပါ စိတ်ဆိုးရေလား။တသိတမန် အိပ်ကွန်ဆောင်ခြီနရောင် နာရေမဟိမေမသိမောင်မောင်ကြီးမှာကျွဲခတ်ပိုင်ယှောင်တွိရေ။မောင်ခေါ်ကေ တခွန်းမထူးသဘောက်စာမှာ ဘယ်ညာလှူး ကျွီးလို့အော်ကေ ပဒါမြီလူးရူးဖို့ယာ ပုယေ။ အဏ္ဏဝါသား (နတ်ဆိတ်)
ရွာပြန်ခရီး======အိမ်စွန်ဖျားမှာငှက်ရွှီဝါ။ရောက်ပျာရောက်ပျာတြင်းငြာ။ကျီးကန်းအာငှက်ဝါပျံဗြီးမောင်ကြီးလာ လာခါနီးနီးရွာပြန်ခရီး ပိုလို့ဝီး။သာလှဧူး (မြောက်ဧူး)December 17, 2025)(ဗုဒ္ဓူးနိ)
မြင်ပါဖို့လား=======လလည်းတပေါင်းဖုံဆောင်းဆောင်းနှင့်။နီပူချစ်ချစ်ချွေးပြစ်ပြစ်နှင့်။တလင်းပြင် ကွင်းပြင်တဆုံးကြွင်းလို့ကျန်လက်ကျန်ကောက်ရိုးငေါက်စောက်ကေ ထိုးလို့။မေ့အိမ်နောက်ကကောက်ရိုးပုံလေနို့ပုံဇာတီ လုံးပတ်ညီနှင့်။ရွှီမင်းဂံလေ ကန်ဘောင်အနီးညောင်ပင်ကြီးမှာကျီးကန်းအာ တစာစာနှင့်။ညချမ်းနီခါ ရီခပ်လာမြင်ပါဖို့လား။မေကြီးလာလာရာလမ်းကြောင်းချောင်းကမ်းထောင်းမှာနွားကိုကျောင်းမျက်စိစောင်းနှင့်ချောင်းချောင်းလို့ ကြည့်ရေ။ဖုံဆောင်းဆောင်းနှင့် တပေါင်းနွီမှာ နီလည်းစောင်းကေမေကြီးညောင်းဖို့ မောင်ကြောက်တေ။သာလှဧူး (မြောက်ဧူး)December 24, 2025 (ဗုဒ္ဓူးနိ)
လာတောင်းမေ=========ပုလဲကုံးကေ ရွေးလုံးအသွင်မေအပျိုကို အလိုလိုက်အပြစ်မမြင်။အစွယ်ကိုလို သောနုတ္ထိုရ်ကိုစေလိုရာခိုင်း ယူဖို့ခိုင်းကေမေခိုင်းအတိုင်းလုပ်ပါမေ။ဝါးတရာကိုတရက်တည်းနှင့်ညက်အောင်ထွန် ထွန်ပါမေ။ပိန်လို့ညှိုးကေထမင်းသိုးနှင့်တမိုးစား စားပါမေ။သဝင်ချောင်းမှာကျွဲကိုမောင်းနွားကိုကျောင်း ကျောင်းပါမေ။ဆောင်းမဝင်ခင် အယင်ပေါင်းဖို့အခါကောင်းမှာလာလို့တောင်းဆို တောင်းပါမေ။နုနုနွယ်နွယ်အပုယေမှာ။ရွှေကိုလို ရွှေကိုလိုလို့ချစ်ပါရေလား။ငွေကိုလို ငွေကိုလိုလို့ ကြိုက်ပါရေပါလား။ရွှေကိုမလို ငွေကိုမကြိုက်မောင်ကြီးနောက်ကိုခြီတောင်းကျိုက်လိုက်ဝန့်ဖို့လား။သာလှဧူး (မြောက်ဧူး)December 15, 2025)(တလင်္လာနိ)
.jpg)
.jpg)
.jpg)
.jpg)