Sunday, March 2, 2008

ညကစစ်သားသုံးယောက်

ညက မြန်မာစစ်သားသုံးယောက်
ရွာထဲရောက်လာပြီးကေ
ဝက်တောင်း ကြက်တောင်း ခွီးတောင်း
အရက်လည်းတောင်း သောက်ကြူးကတ်တေ --။

နီဝင်ကေ သူသောက်ကြူးရို့
(လက်နက်အားကိုးနန့်)
တယောက်မကျန် မိမ္မချေရို့ကို
မီးပုံဖေါ်လို့ ကခိုင်းရေ --။

ညဥ့်နက်လာကေ
(လူအရိုင်းရို့)
ညီအစ်ကို မောင်နှမကိုလည်းမမှု
အားဓမ္မပြုကျင့်ကတ်တေ --။

ညက မြန်မာစစ်သားသုံးယောက်
ရွာထဲရောက်လာပြီးကေ
အဘာကို (စခန်းတခေါက်လိုက်ခဲ့ပါ) လို့
ခေါ်လားခစွာ
နောက်တရက်မှာ
လက်ပြန်ကြိုးတုတ်
မျက်နှာလည်းချုပ်လို့
ရွာဦးက ဇရပ်ရှိမှာ
ကျားထိုးသတ်လိုက်ကတ်တေ --။

မောင်ကြီးသျှင်ကိုလည်း
ပေါ်တာဆွဲလို့
ချောင်းဖျားခေါ်လားခစွာ
တခါလည်း ပေါ်မလာလီဗျာယ် --။

ကျော်ဝင်းချေ (ပေါက်တော)