ကုလားဖန္ထိုးသူမ်ားအေၾကာင္း

ကုလားဖန္ထိုးသူမ်ားအေၾကာင္း
==================

ဂ်ီ၀ိဂ်ီ၀ါ
ငလိငလည္
အရည္မရ အဖတ္မရ
က်မိက်ရာ
ျဗန္းစိကာရ စကားေျပာၿပီးေက
ေမ်ာက္မွာ သျပာရေယွာင္
အခ်ိတ္ႀကီးတက္လို႔
၀မ္းႀကီးသာလို႔
ေပ်ာ္မနီပါကဲ့ တခ်က္ --။

အျမင္ကပ္လို႔
ျမင္းေက်ာက္ခံရခါ
လိပ္ပိုင္ ထလန္းကားလန္လို႔
ယကန္ယကန္နန္႔
ၿဂိမ္သီသီဖို႔ေယ ---။

စားပါလီဖိသကာ
ကိုးက ေထာင္သတ္ပစ္လိုက္ေက
တစ္စိ ၀င္လို႔
(ဘူ) က် လားခယင့္ --။

ယနာနာနန္႔
ဖဲ၀ိုင္းၿပီးလို႔
ပဲြသိမ္းခါ
ဆရာသမားမွာ
(ဗ်) က်န္ယင့္ --။

(ဟိဟိဟားဟား ဟိဟိဟားဟား)
ျဗားစားလားခပ်ာယ္
အရာလည္း
ၿခီခန္႔သိမ့္လား
ေျငာင့္ေျငာင့္ေခ် မတြိလား --။

(သာလွဦး)
December 10,, 2014 ဗုဒၶဴးနိ

ရခိုင္သားႏွင့္ (ဧ့) အဘိဓါန္

ရခိုင္သားႏွင့္ (ဧ့) အဘိဓါန္
================

ဇာေလာက္ လွလွ
ဇာေလာက္ ျဖဴ ျဖဴ
ဇာေလာက္ ၀င္း၀င္း
ဇာေလာက္ ေျပာင္ေျပာင္ ---။

ဇာေလာက္ ေတာ္ေတာ္
ဇာေလာက္ တတ္တတ္
ဇာေလာက္ သိသိ
ဇာေလာက္ မွန္မွန္ --။

ဇာေလာက္ ခ်စ္ခ်စ္
ဇာေလာက္ ႀကိဳက္ႀကိဳက္
ဇာေလာက္ မိုက္မိုက္
(ဧ့) ကိုက္ေက လားပ်ာ --။ ။

(သာလွဦး)
December 11, 2014 (ကသစ္ဗုဒၶိနိ)

ရခိုင္သားစာ ရခိုင္စာ

ရခိုင္သားစာ ရခိုင္စာ
============

ၾကန္စံုႏွစ္ဆူ
တဆူကကၽြဲ တဆူကႏြား
က်ဳပ္မ်ားကၽြံ ကြင္းျပင္လွမွာ
ျမက္ရွာစား --။

အပ္ (ရီး) ထြန္ (ရီး)
ထို အ (ရီး) က
စာ (ရီး) ျခင္းမွာ
ျဖစ္လာပါ၍
(ရီး) ကတ္ပါသည္ ရခိုင္စာ --။

(ရဲ့) ကစ၍
(ေယ့) ျဖစ္တဖန္
တဖန္ (ဧ့) ျဖစ္
ရိနာလိုက္သည္
အျဖစ္ဆို၀ါးလွေရကား --။

မာမာက်န္းက်န္း
က်န္းက်န္းမာမာ
က်မ္းမွာက်န္းမာ
ေရာထြီးလာသည္
(အဘာငါ့သား) ေတာ္ေရကား --။

တေယာက္က (၏) တေယာက္က (ဧ့)
တေယာက္က (မွာ) တေယာက္က (မာ)
တေယာက္က (လာ) တေယာက္က (လွာ)
ရခိုင္သားစာ ရခိုင္စာ --။

ဆရာမ်ား သားသီ
ထုတ္မွာလည္းသတ္ ေယာက္မွာသတ္ေက
ထြတ္ထြတ္ႀကီ --။

(သာလွဦး)
12/12/2014 (ေသာက္ၾကာနိ)

သာဓု အႏုေမာ ဒနာ

သာဓု အႏုေမာ ဒနာ
============

ေတာ္လွန္ေရးေလာကမွာလည္း
သပြတ္အူလိုက္ --။
စာပီေလာကမွာလည္း
ရိနာလိုက္ ---။

နိဗၺာန္မဂၢဖိုလ္ကို
ရက္တိုတိုနန္႔လိုခ်င္ေက
ေတာထြက္ၿပီး
ကမၼဌာန္းထိုင္ဖို႔မလို --။

ဖုန္းတလံုးနန္႔
Sim Card တကပ္၀ယ္လို႔
Facebook ထက္
တက္ပါလတ္ --။

တပါတ္မၾကာ
ကိေလသာနန္႔ အာသေ၀ါကုန္ခမ္း
မယားတန္းလန္းနန္႔
ရဟႏၱာျဖစ္ဖို႔ --။ ။

သာလွဧူး (ေျမာက္ဧူး)
December 22, 2014 (တလလၤာနိ)

သဘာပတိႀကီးႏွင့္ မင္းပရိႆတ္

သဘာပတိႀကီးႏွင့္ မင္းပရိႆတ္
===================

ဆက္လုပ္ဆက္လုပ္
လက္ခုပ္ေျဖာက္ေျဖာက္
ၿပိဳင္းသားေဒါက္ႏွင့္
ေထာက္ခံပါသည္ --။

သာလွဧူး (ေျမာက္ဧူး)

တေဒသက တၾကက္တြန္

တေဒသက တၾကက္တြန္
================

(ေတးျခင္း)
ဘဂၤလာေဒ့ခ်္ ေတာေတာင္စခန္းမွာ
က်က္စားလားတဲ့ ဗိုလ္ေအာင္ေက်ာ္ပါ
ဗမာေတြကို တြန္းလွန္ခဲ့တာ
ေသနပ္ေတာင္က သံခ်ီးကိတ္လားခယာ --။

ညီညြတ္ေရး ညီညြတ္ေရး
ညီညြတ္ေရးလို႔ ေႂကြးေၾကာ္ေရ
လုပ္ခီျပန္ေက ေစာက္တလြဲႀကီး
တိုင္းျပည္ဦးစီး တက္မကိုင္
ထိမ္းသိမ္းမနိုင္ ကရားငါးပါး
(ထိမ္းသိမ္းမႏိုင္ ကားရီကားရား)
ပါတီအမ်ား ကဲြလိုၿပိဳ
တရုတ္မ်က္ႏွာကို ၀က္ၾကည့္မရ
(တေယာက္လုပ္စြာ တေယာက္ကဖ်က္)
တေဒသက တၾကက္တြန္
သူရို႕အမွန္ တကဲြတျပား
ေသနပ္အမ်ား ကိုင္ထားစြာ
ေမ်ာက္လက္ထဲမွာ သျပာရလို႔
မာနမိုးသို႔ ေကာ့လို႔ေထာင္
တေယာက္တေတာင္ တေကာင္တမင္း
(တေယာက္တေကာင္ တေတာင္တမင္း)
ကိုယ္ရို႕အခ်င္းခ်င္း သတ္လို႔ပင္
အားလံုးကားစင္ တင္ကတ္ရဖို႔
ေမာင္မင္းႀကီးရို႕ ထုတ္ကာျပန္
စကားလြန္သီဒါဏ္အျပစ္
စကားလံုးႀကီး ဆို႔မနိုင္
တိုက္တိုက္ဆိုင္ဆိုင္ ထန္းသီးလံုးေလာက္
(တိုက္တိုက္ဆိုင္ဆိုင္ ဓျပဳတ္သီးေလာက္)
အေမွာက္ေမွာက္ မွားၿပီးသကာ
ေျပာေရအခါ ပစ္သားမဟိ
လုပ္ေတအခါ တနီသတ္ခခ်ီး
လြတ္လပ္ရီးသို႔ ခရီးႏွင္
လမ္းခုလပ္တြင္ အလင္းမ၀င္ကဲ့
လြတ္လပ္ရီးသို႔ ခရီးႏွင္
သူ႔ထက္ငါယင္ လက္ေျမွာက္ဒူးေထာက္
လူတခ်ိဳ႕က ေျပာကတ္ေတ
ပညာတတ္ေက ေဖာက္ျပန္ေရလတ္
(ပညာမတတ္ေက ေတာ္ေရလတ္)
ေအာက္ဆီေအာက္ဆတ္ ဆိုလတ္ေတ
ပညာမတတ္စြာ ဂုဏ္ကိုယူလို႔
(ပညာမတတ္သူ အာဏာယူလို႔)
ဗဟုသုတ ေလ့လာပါ
မ်ားမ်ားဖတ္ပါ စာအုပ္အမ်ား
၀ါးတုတ္ကိုစား အျမဲနီ
အခ်ိန္ကိုေလ မျဖဳန္းကတ္ကဲ့
ေစတနာနန္႔ ေျပာလိုက္ေတ
မာန္ပါေရဆို လဲလို႔သီလိုက္ --။ ။

(သာလွဦး)

သကၠရာဇ္ (၂၀၀၀) ရခိုင္သႀကၤန္ေတာ္လွန္ရီးသံခ်ပ္။ လြန္ခေရ (၁၅) ႏွစ္က ျဖစ္ရပ္မွန္ သံခ်ပ္ေဟာင္းတပုဒ္ပါ။ တခ်ိဳ႕အပိုဒ္တိ ေပ်ာက္လားခၿပီးျဖစ္သည္။ ျပန္တြိေရအပုိဒ္တခ်ိဳ႕ကို အမွတ္တရ ျပန္တင္ပီးလိုက္ျခင္းျဖစ္သည္။

ROOSTING COCKS OF ARAKAN

ROOSTING COCKS OF ARAKAN
====================================

(Song)
In the jungle of Bangladesh,
I am General Bo Aung Gyaw.
I have been fighting Burmese invaders for many years
My rusted rifle proves it.

xxxxxxx

(Wah hoo hoo yeah yeah yeah)2

"Unity" is the word hailed loudly
In practice, it is a "Damn"
The Pilot cannot control the Aeroplane
It is flying in chaos now.

The parties are in disorder,
The pigs cannot see the face of Chinese anymore.

The cocks are roosting everywhere,
They are really disunited.

The weapons in their hands are
The coconuts in the hands of the monkeys.

They are proud
And their thumbs are up in the air.

They are killing each other,
All of them must be hanged.

If you do something wrong,
You are shot dead on the spot.

Why you can't love each other?
Why you can't forgive?
Are we not Brothers and Sisters?

You know,
Your word is bigger than your mouth?

What you speak is good,
But, what you do is wrong.

You should know that
Our common enemy is Military Government.

If we are in Harmony,
Victories are in our hands.

You fought for "Independence",
But you surrendered so early,
"Confidence is Victory".

You taught us "Independence" at the border,
Now, you say "Democracy" in Delhi.

You know the monks in the monasteries
Are worse than the tigers in the jungles.

You should have wise wisdom,
To save the country.

I tell you to correct your errs.
I don't wish you to commit the crimes.

"Forgiveness is salvation".
Stunts are in the Hollywood movies.

Go straight on right ways.
Don't be proud living in the cities.

You say, "Educated are opportunists",
Can you prove it?

That idea is out of date.
Shun it.

The fall of Arakan was because of Ngakuthala.
Who blinded all the Eyes.

The History of Arakan had been bloodstained,
It should not be done again.

Remedy is due now.
Don't expect ready-made kings too.

Learn the history.
And do correctly.

If you don't know history
Then, you know nothing.

Read more books,
Knowledge is power.

Don't waste your time eating bamboo always.

If you can't stand my words,
Then, go to the Hell.

(Wah hoo hoo yeah yeah yeah)2

By Tha Hla Oo

(Translation of Traditional Lyrical Poem)

၀ိဘစၦ

၀ိဘစၦ
====

ဒသဂီရိ
ေတာင္ဆယ္လံုးကို ပိုင္စိုးအုပ္ခ်ဳပ္
ဖ႐ုႆလူၾကမ္း
ဇတ္လမ္းကို ပတ္ၾကမ္းနန္႔လိုက္
ပရိႆတ္မႀကိဳက္ခါ
ေက်ာက္ခဲပစ္ခံရေရ --။

ဆာရီကို ပဒရီက်ိတ္
နေခါင္းမွာ ထံုးေၾကာင္း
အေလာင္းေတာ္ ေ၀သႏၱရာ
ပါရမီျပည့္ဖို႔
အျဖည့္ခံဘ၀
ႀကံဖတ္နန္႔ ဒုတ္ပိုင္းက်ေရ --။

လူၾကမ္းကို အကယ္ဒမီ ပီးပီး မပီးပီး
အေရးမႀကီး
မင္းသားနန္႔မင္းသမီး
ရႊီစင္ဆုႀကီးနန္႔
ပရိႆတ္လက္ခုပ္တီးေက
ေပ်ာ္ေရ --။

(သာလွဧူး)
December 29, 2014 (တလလၤာနိ)

မီးမႈတ္က်င္သန္

မီးမႈတ္က်င္သန္
==========

ဘရာစီယာ၀တ္လို႔
အတြင္းခံေဘာင္းဖီနန္႔
၀က္ေခါက္ကိုထုတ္
လႈပ္ခါလႈပ္ခါ
ခရမ္းသီးဇတ္မွာ
၀ါ၀ါႏိုင္ကခါ
ပရိႆတ္က အားပါ
ေခါင္းေခ်ေငါက္ေစာက္ ေထာင္လို႔လာ --။

အားနာပရ
ရခိုင္သားရဲသားက
ထိုင္ပါေျပာခါနားမေထာင္
“ေဟ့ေကာင္ ယခီး” လို႔
တခ်က္ေငါက္လိုက္စြာနန္႔
ပင့္ခူကိုျမင္ေရ ႃမြီေဟာက္အေမာက္
“ေဂါက္” က်လားေရ --။

အလွပလွ အားေကာင္းေမာင္းသန္
က်င္သန္က က်င္သန္
(ေယေကလည္း) ထမင္းခ်က္ခန္းက
မီးမႈတ္က်င္သန္
(------)

(သာလွဧူး)(ေျမာက္ဧူး)
မွတ္ခ်က္။။ ကြက္လပ္ျဖည့္ပါ ကဗ်ာအမ်ိဳးအစား။ ရခိုင္သားလဒမိႈင္နိ အမွတ္တရ ရြီးစပ္ပါသည္။

သံေဘာဒူ

သံေဘာဒူ
=====

မင္းေဖာက္ေကလည္း ငါမေဖာက္ပါ
တေယာက္တည္းလည္း ျဖစ္ပါတ္စီ --။

မင္းေၾကာက္ေကလည္း ငါမေၾကာက္ပါ
တေယာက္တည္းလည္း ဟုတ္ပါတ္စီ --။

ေစာက္ရူးလို႔ ေျပာေျပာ
ေစာက္ေပါလို႔ ဆိုဆို
လုပ္သင့္လုပ္ထိုက္စြာလုပ္လို႔
အႀကိမ္တရာ ဆဲလီပါတ္စီ
ငါမၿဖံဳ
(ထံု) လားခပ်ာယ္ --။

ပရိႆတ္ကို ရယ္ျပလို႔
လက္ခုပ္တီးခံရစြာထက္
ပရိႆတ္ကို ေ၀ဖန္လို႔
ေက်ာက္ခဲပစ္ခံရစြာ ႀကိဳက္ေတ --။

(သာလွဧူး)(ေျမာက္ဧူး)
ရခိုင္သားလဒမိႈင္နိ အမွတ္တရ ရြီးစပ္သည္။

ဆရာငပြာ

ဆရာငပြာ

=======

တခါလာလည်း ဖတ်ဖို့ မြန်မာ

ဖတ်ဖို့ ရခိုင် မဟိပါ --။

နှစ်ခါလာလည်း ဖတ်ဖို့ မြန်မာ

ဖတ်ဖို့ ရခိုင် မဟိပါ --။

သုံးခါလာလည်း ဖတ်ဖို့ မြန်မာ

ဖတ်ဖို့ ရခိုင် မဟိပါ --။

ပြည်မြန်မာက လူများမှာ

သူရွီးသောစာ မဖတ်ပါ

ထိုသောအခါ

ဆရာငပြာ ဝမ်းရီဆာမှာ

စားပါလီယင့် သကာ --။

ဆရာငပြာ ဝမ်းရီဆာ

မြန်မာပြည်က ပြန်လို့လာ

ဒေါကီးလို့ လာ --။

မြန်မာအောက်ချီး မောင်ဗချီး

ငါ့ကို (ယခီး) လို့ခေါ်ရေ ---။

မောင်ပေါက် (ရခိုင်ပြည်)

ဆရာငပြာကဗျာ

===========

ဆဆရာကြီး ဝမ်းနှုတ်ဆီး

ညည့်အခါ သောက်ပီးပါ

ဝမ်းပြည့်ဝမ်းရောင် ဆီးကိုဆောင်

အစာမကြီ စားပါလီ

စအူနာဖြစ် ဝမ်းချူလိုက် --။

မောင်ဂေါက် (ရခိုင်ပြည်)

ဆႏၵ

ဆႏၵ
==

၀မ္းရီးေၾကာင့္
ဘ၀မွာ ပ်ာလာဆီးနီရေကလည္း
အခ်စ္မွာ ေလာင္ပြန္းဆီးမျဖစ္ခ်င္ပါ --။

(သာလွဦး)

ျမန္မာမ

ျမန္မာမ
======

အနာျပည္ပုတ္တိကို
ဖုံးအုပ္ထားမရ
ရဲရဲႀကီးခဲြထုတ္
ၿမီျမွဳတ္ပစ္ရဖို႔ --။


ခ်စ္ၾကည္ေရးဆိုေရ
(မလာဥ) စကားတိနန္႔
အတြင္းျပည္နာ ေလွာင္စား
တရိရိ ေ၀ဒနာ
ခံစားနီရစြာက ျပည္သူ --။

တနိက်
ေအာင့္မရလို႔
ျပည္ပုတ္တိ မီးေတာင္ပိုင္ေပါက္ကဲြ
(၈၈၈၈)
အေရးအခင္းျဖစ္ေတ --။

အခုလည္း
က်န္နီသိမ့္ေရ အနာျပည္ပုတ္တိကို
ခဲြထုတ္ဖို႔
ျပည္ျမန္မာမွာ
ဆရာ၀န္တိ အမ်ားႀကီးလိုေရ --။

ေအနီရာမွာ
(ေၾကာင္ခ်ီး) တိ မပါ --။

ျပည္ေထာင္စု - လတ္
သကာလူးထားေရ
အာလူးဂါထာနန္႔မန္းမႈတ္
ဆီသုတ္ဖို႔ႀကိဳးစားသူတိေရ
လက္တြိမွာ
စိန္နားကပ္နန္႔ပါးေျပာင္
အေယာင္ေဆာင္တိရာျဖစ္ေတ --။

ယင္းပိုင္နန္႔
တလင္ကြာ မဆမ
မိခင္ျမန္မာမသည္
၀မ္းတြင္းပါ
(မာဒရာ) ကို ခၽြတ္မရ
အနိစၥျဖင့္စ်ာန္ႂကြ
(မရဏ)
ဘ၀ေျပာင္းရလီသည္တည္း --။ ။

(ေမာင္ေပါက္)
(July 23, 2005) စနီနိ။

BASTARD BURMA

BASTARD BURMA
==============

The foul-smelling pus should not be hidden,
It must be gorged out by surgery.

Under the Sugar-coated "Union",
The wound-cannel runs deep inside,
The patients are the People.
One day, the Volcano erupted,
And there was Civil War in Burma.
We need a lot Surgeons
To operate Burma in the Clinic.
But we don't need Dr. Cat.
The people who try to smear the wound
By the spellbound of "Solidarity",
Are just the guys who shine by Gild.
By This and That,
The patient Burma cannot be cured
And dies in his early age
And cremated in "Yeway".

(K. Kyaw)

ဆရာသို႔

ဆရာသို႔
=====

ေလးစားပါေရဆရာ
ဆရာလုပ္လာစြာ
ေတာ္လွန္ေရးသက္တမ္း
အႏွစ္ (၆၀) ၾကာလားဗ်ာယ္ --။

ယွင္းယွင္းေျပာရေက
မုဆိတ္ေတာင္ျဖဴလားဗ်ာယ္ --။

ေယေကလည္း ေပါက္သံတခ်က္မၾကားရ
ဆရာ့တပည့္တိက
ရက္ျပတ္အေမွာင္ခို
ရႈတ္ဆို ၀င္လားခဗ်ာယ္ --။

ဆရာေျပာလာေက
(ေသနဂၤဗ်ဴဟာ) (နည္းဗ်ဴဟာ)
(နည္းဗ်ဴဟာသည္ ေသနဂၤဗ်ဴဟာကို မထိခိုက္စီရ)
ဆရာ ဇာစာအုပ္က
ႏႈတ္က်က္က်က္ထားစြာလဲ --။

ယင္းစာအုပ္က
ဟိပါသိမ့္လား --။

ရြီးသူနာမည္ကား
ဇာပါလဲ --။

ဆရာေျပာေရ
ပညာတတ္မွန္
ေဖာက္ျပန္ေရလတ္ --။

ရခိုင္ျပည္မွာ
ဇာမွ်ေယာက္
ပညာတတ္ဟိပါေရလဲ ဆရာ --။

ဆရာ့တပည့္
လက္နက္ခ် အေမွာင္၀င္
ေမာင္ေတာစံျပရြာက လူတိထဲမွာ
ဇာမွ်ေယာက္
ပညာတတ္ပါေရလဲ ဆရာ --။

အခုအခါ ဆရာမွာ
ဇရာထုေထာင္း ေက်ာက္ကပ္လည္းမေကာင္း
ေျခာင္းကလည္းဆိုး
အရိုးတီဘီ ျဖစ္နီျပန္ေရ --။

ေတာထဲမွာနီခါ
မရႊန္မကန္
အဖန္ရည္ေသာက္ခလို႔ထင္ေရ --။

(Project) တင္လို႔ က်လာေငြလည္း
ယုံးခန္းဖြင့္ဖို႕ေတာင္မေလာက္
ဆရာ့တပည့္တိက
မယားတဲြလဲြ သားတဲြလြဲ
ပါးစကိုက်ည္း ျဖဲထားေရ --။

ဆရာနီမေကာင္းစြာ
တေယာက္ေခ်လည္း လာမၾကည့္
ဟတ္က်ေက
ေျဖာက္ခနန္႔ေရာက္
နဖူးေမာက္ေမာက္ ဒူးေငါက္ေငါက္နန္႔
ေပါက္ခ်ပါလတ္ကတ္ေတ
ေပြသာေတာင္းဖို႔ေလာက္ရာသိေရ --။

ဟုတ္ပါဗ်ာယ္ ဆရာ
ေအပိုင္အတိုင္းဆို
ဘ၀ၿဂိဳက်ိဳးလို႔ နီမညႇိဳးခင္
အရာ အစြာလုပ္ခန္႔လဲ --။

(သာလွဦး)(2005)

ျမန္မာဖဲ၀ိုင္း

ျမန္မာဖဲ၀ိုင္း
======

တပုတ္ထဲ ပဲ
တကိုင္ထဲ ငပိ
ထူးမျခားနား
ဒိုင္စားစား
၀ိုင္းစားစား --။

(သာလွဦး)

ႏိုင္ငံေရးႀကိဳး၀ိုင္း

ႏိုင္ငံေရးႀကိဳး၀ိုင္း
============

(၁)
ျမန္မာကိုလိုနီေခတ္ယုတ္မွာ
ရခိုင္ျပည္က ထြက္ကုန္ဆိုလို႕
ပ်က္မတိနန္႔
ဖားတပိုင္းငါးတပိုင္း
သြီးေရာခံလိုက္ရေရ
ကပ်က္ ကုေလကုေခ်တိရာျဖစ္ေတ --။

မယံုႏိုင္စရာ
ပံု၀တၳဳတပုဒ္ပိုင္
ရခိုင္ျပည္သူတိ
စစ္ေတြပင္လယ္၀က
ဆန္တင္သေဘၤာတိကို ေငးလို႔
ထမင္းငတ္နီကတ္ေတ --။

ယင္းခ်င့္အတြက္နန္႔
အက်ိဳးဆက္ျပႆနာ
ၾသဂုတ္ (၁၃) အေရးအခင္းမွာ
ရခိုင္ျပည္သူတိ
ဘံုးဘံုးဆာလို႔ က်ဆံုးလားခကတ္ေတ --။

ေအရာဇ၀င္
ကမၻာတည္သရိ
ေပ်ာက္ပ်က္မလားေအာင္
ရခိုင္ျပည္သူတိ
ႏွလံုးသားမွာ
ေက်ာက္ထက္အကၡရာတင္လို႔
သားစိုင္ၿမီးဆက္
လက္ဆင့္ကမ္း ေဆာင္ယူလားကတ္ --။

ကမၻာအဆက္ဆက္
Generation အဆက္ဆက္
ဆက္လက္ ေဆာင္ယူလားကတ္ --။

(၂)
စိုင္းတင္ရီအား
အားေကာင္းေမာင္းသန္
စီးဆင္းနီခ်ိန္
ေက်ာက္ျဖဴက သဘာ၀ဓါတ္ေငြ႕ကိုေရာင္းလို႔
ဖက္ခြက္တိ ဇိမ္က်နီခ်ိန္
ရခိုင္ျပည္က အေခ်တိ
မီးခြက္မလင္းတလင္းနန္႔
ျခင္ကိုက္ခံလို႔
စာဖတ္နီကတ္ရေရ --။

ေက်ာက္ၾကမ္းလမ္းထက္က
လူခ႐ုတေကာင္စြာ
ေပတရာလမ္းမထက္က
မာ႐ူးတီးျမင္းတေကာင္ကို
ဇာပိုင္လုပ္
အၿပီးၿပိဳင္ႏိုင္ဖို႔လဲ --။

ရခိုင္လူငယ္ေခ်တိ
ထိုင္း၀လက္မွာ
ကူလီလုပ္နီကတ္ရေရ ဘ၀
ရခိုင္သမေခ်တိ
ကခ်င္ျပည္မွာလားလို႔
ေက်ာက္တူးနီရေရ ဘ၀
ျပည္ထဲက
ေက်ာင္းဆရာမေခ်တေယာက္
တလ၀င္ေငြ
ထပိန္တထည္၀ယ္ဖို႔ မေလာက္ေတ ဘ၀
ယင္းခ်င့္အတြက္ အက်ိဳးဆက္
Self-determination ဆိုေရ ေ၀ါဟာရ
ေပၚေပါက္လာရေရ --။

(၃)
အျခားတဖက္မွာ
မုတ္ဆိတ္ဖြားဖြားနန္႔
မိစၦာကုလားတိကလည္း
ရခိုင္ျပည္ကို အသွ်င္ခံ
တန္ျပန္လက္မ ေထာင္နီကတ္ေတ --။

လူ႔အခြင့္အေရးဆိုစြာ ဇာလဲ
ေပ်ာ့စိစိနန္႔
ေပါင္မုန္႔တုန္းလား --။

ကိုယ့္ႏိုင္ငံမွာ
ကိုယ္ကၽြန္ျဖစ္ရဖို႔ ဘ၀
ေတြးၾကည့္တိုင္း
ရင္နာဖို႔ေကာင္းေရ --။

"မီမ်ားမီးႏိုင္ ရီမ်ားရီႏိုင္" ဆိုေရစကား
ႏွစ္ဆယ္ရာစု လူ႔ယဥ္ေက်းမႈသမိုင္း၏
မွတ္တိုင္တိလား --။

အရွိတီေမာပိုင္
ငါ႐ို႕ႏိုင္ငံ
အျဖစ္မခံႏိုင္ --။

ခ်စ္ၾကည္ေရးကို
လူတိုင္းလိုခ်င္ပါေရ
ေယေကလည္း
ဒို႔တာ၀န္အေရးသံုးပါး တခ်က္ေဘးခ်ိတ္ထား
သတၱိဟိေက
ယွင္းကတ္မည္ --။ ။

(ေမာင္မွန္)(1/2/1999)

ရခိုင့္စာပီ AIDS

ရခိုင့္စာပီ AIDS
==========

အေပ်ာ္လိုက္လို႔
(ဧ့) ကိုက္နီေရ ရခိုင္စာပီ
အရိုးမွာ အရီကပ္
ကမၼဌာန္းရုပ္ေပါက္နီဗ်ာယ္--။

တိုင္ထူဆီးလည္းမႏိုင္
သြီးသြင္းလို႔လည္းမရ
ကုရာနတၳိ ဆီးမဟိ
တရိရိနန္႔ လံုးပါးပါး
ေလးဖက္တြားနီဗ်ာယ္ --။

ကိုယ္ခံအားက်ဆင္း
(ဧ့) ေရာဂါစဲြကပ္လွ်က္
ေလးဖက္တြားလူမမာ
ျပန္လည္နလန္ထူလာႏိုင္ဖို႔
ရခိုင္ဇီ၀က
သမားေတာ္ႀကီးတိ
ဆီးအယင္ေဖာ္စပ္ပီးကတ္ပါဖိ --။

ေမာင္ေပါက္ (ရခိုင္ျပည္)

ကႏၱဳကႏၱာအခ်စ္

ကႏၱဳကႏၱာအခ်စ္
========

ကႏၱဳကႏၱာ မက်သိမ့္လို႔
ဒါေဒါင္မေရာင္းခ်င္ေရ စ်ီးသည္မတေယာက္ကို
စ်ီးျပတ္ဖို႔ မသင့္ေတာ္ေရပိုင္
မင္းအခ်စ္ကိုလည္း
ငါ စ်ီးမျပတ္ခ်င္ပါ --။

အ၀ွန္လို႔ ေျပာခ်င္ေက ေျပာ
အရႊန္လို႔ ဆိုခ်င္ေက ဆို
အခ်စ္တိ ရင္ထဲမွာ
လျပည့္ျဖားပိုင္
ဘုန္းဘုန္းႀကီးျပည့္လို႔ ---။

အခုက အညာရီႀကီးလို႔
ကမ္းေထာင့္ၿပိဳက်ေရပိုင္
ငါ့ဘ၀လည္း ရေရာင္းဆာလို႔
ပ်က္က်လားခပ်ာယ္ --။

အာဂႏၶဳလို႔ရာ သေဘာထားလိုက္ပါဖိ
ညည့္နက္လို႔ အႏွင္မခံရေအာင္
အထုပ္ေခ်ကို ဘိုးသီးပိုးလို႔
အိမ္ျပန္ဖို႔ယာ ဘုေခ် --။ ။

(ေအာင္ဇံု)(June 10, 2014)

သိုက္ၿမံဳ

သိုက္ၿမံဳ
=====

စာပေဒါင္းသည္ အေဟာင္းမခင္
အသစ္ျမင္၏ --။

ႏြယ္မွ်င္သြယ္တန္း သူ၏နန္းတြက္
ရက္ကန္းတတ္ေျမာက္ သူတည္ေဆာက္၏ --။

မိုးေရာက္သည္ႏွင့္ အဆင္သင့္ပင္
လီႏွင့္အတူ တလူလူ၀င့္
ေအာင္လံရႊင့္၏ --။

ေတြးခ်င့္ေထာက္႐ႈ ဤေကာင္းမႈလွ်င္
ကုသိုလ္ျပဳရာ ေက်ာင္းကန္သာက
ကဗ်ာတပုဒ္ ပံုျပယုဂ္တည့္ --။ ။

(နရသီဟ)

ပြည်ကြီးရခိုင်

ပြည်ကြီးရခိုင်

========

ရက္ခပူရီ၊ တိုင်းဌာနီကား

ရီကြိုင်မြမြ၊ ကစ္ဆပနှင့်

စိမ်းမြညိုရောင်၊ ရိုးမတောင်နှင့်

ကမ်းမြောင်ရှည်စွာ၊ ပင်လယ်ပြာနှင့်

ရောင်ဝါသွယ်ဖြာ၊ သာသနာနှင့်

စိုင်လာသမိုင်း၊ ဤတိုင်းနိုင်ငံ

နက်သန်ဘုမ္မိ၊ ရာဇဝင်ဟိ၏ --။

ရက္ခပူရီ၊ ဤသည်နိုင်ငံ

အောင်လံဝင့်ဝင့်၊ ထီးဖွင့်နန်းတည်

ပိတောက်စည်နှင့်၊ နယ်ပြည်သမုဒ်

အချုပ်အချာ၊ အာဏာပိုင်စိုး

မြင်းမျိုးသိန္ဓဝ၊ ကေသရာဇာ

ဗျာလပဉ္စရူ၊ ဆင်ဖြူဆင်နီ

သက်သီသာဓက၊ သင်္ဂေတနှင့် --။

ရက္ခပူရီ၊ ဤမြီဇာတိ

သီရိမဟာ၊ ရာဇာသွီးရင်း

မြတ်ခြင်းသီလ၊ စောင့်ထမျိုးရိုး

ထိန့်ကြိုးငလျင်၊ ပဲ့တင်ဟိန်းဟိန်း

ဗြိန်းစောင်းသံပြိုင်၊ စည်တော်မြိုင်နှင့်

ရခိုင်သားသွီး၊ ထိန်ထိန်ညီးသည်

ဘုန်းမီးနီလတောက်ထွန်းတည်း --။ ။

(နရသီဟ)

အလံုးႀကီးႀကီး ဆို႔မမ်ိဳ

အလံုးႀကီးႀကီး ဆို႔မမ်ိဳ
===============

မုတ္ဆိတ္ဖြားဖြား ကုလားပင္
ရခိုင္ျပည္ကို အသွ်င္ခံလို႔
တန္ျပန္လက္မ ေထာင္လတ္ေတ
လက္လႊတ္စပါယ္ ၾကည့္မထားကဲ့ --။

ရခိုင္ျပည္ထဲ ခိုးလို႔၀င္
ျပည္ကိုပင္လွ်င္ အသွ်င္ခံလို႔
သမိုင္းတိကို သူ႐ို႕လိမ္
ေနာင္တခ်ိန္မွာ သီြးေခ်ာင္းစီးဖို႔ --။

အမ်ိဳးမစစ္ ကာလနာ
ႏိုင္ငံတကာ ငိုလို႔ျပယင့္ --။

စစ္အစိုးရ ျပန္လက္ခံ
စစ္ဖက္ခြႀကံ မဟာမင္းႀကီး
အလံုးႀကီးႀကီး ဆို႔မမ်ိဳ
မင္း႐ို႕ျပည္ကို ေခၚလို႔ထားလိုက္ --။

ငါရို႕ကေတာ့ လက္မခံ
ကိုယ့္ႏိုင္ငံကို ကိုယ္႐ို႕ျပန္ကတ္
ေအာက္ဆီေအာက္ဆတ္ ဆိုလတ္ေတ
လူတိုင္းမွာေလ လူ႔အခြင့္အေရး --။

ဓျမကို ရွိနီခံ
သူခိုးလက္ခံ သူ႐ို႕အစစ္
အမွန္တရား ခ်စ္ကတ္ပါ
မုသား၀ါဒါ မသံုးကတ္ကဲ့
ကာလနာကို မမြီးစပ္ကဲ့ --။

ေမာင္ေပါက္ (ရခိုင္ျပည္)

မွန္ကင္းတလွည့္ ထင္းတလွည့္

မွန္ကင္းတလွည့္ ထင္းတလွည့္
=================

ၿမံဳခိုးအံုမိႈင္း တဆိုင္းဆိုင္းႏွင့္
တိုင္းသွ်စ္ဌာနီ ျပာ၀ီညိဳ႕ညိဳ႕
ျမသို႔အသြင္ လွရိပ္ဆင္လွ်က္
ပင္ထက္လွ်ိဳေျမာင္ ေတာေတာင္ယံေၾကာ
သံခ်ိဳေႏွာသည့္ ဥၾသရီေသာက္
ႏြီကိုေရာက္တိုင္း ရင္လိႈင္းခက္ထန္
မ်က္ရည္သြန္မိ ျပန္လည္ႏိႈးဆြ
ပူေသာကႏွင့္ ႏြမ္းရဘ၀င္
စိတ္အျမင္၀ယ္ ယခင္အတိတ္
ပံုနမိတ္ရို႕ တရိပ္ရိပ္လွ်င္
စဲြဟင္ထင္သည္ မရႊင္တမ္းတရလီဗ်ာယ္။

ေမွ်ာ္ၾကည့္တိုင္းလွ်င္ သွ်စ္ခြင္အႏွံ႔
ေတး၀ီျဖန္႔ရာ ေစတီသာလည္း
ၿမီမွာၿပိဳယြင္း အလွကင္းလွ်က္
က်ိဳးပ်က္တံတိုင္း အပိုင္းပိုင္းလည္း
ၿခံဳ၀ိုင္းႏြယ္ရံ အထီးက်န္စြာ
စရွာမရ အနႏၱတည့္ --။

ေၾသာ္ ရခိုင္ရို႕၏ မိမြီဘမြီ
စာပီလက္ရာ ႏုပညာလွ်င္
တခါမွန္ကင္း တလွည့္ထင္းသို႔
ပ်က္ယြင္းၿမီခ ျဖစ္လီရျငား
ရခိုင္သားရို႕ စိတ္ထားမွန္မွန္
မ်ိဳးမာန္တိုးျမွင့္ သင့္တင့္ညီညာ
တဲြလက္ျဖာေသာ္ ရင္မွာခြန္အား
အားမာန္ပြားသည္
မိုးသားေရာင္နီသို႔ႏွယ္တကား --။ ။

(ခိုင္လူျခေသၤ့)

ကၽြန္းသားအခ်စ္

ကၽြန္းသားအခ်စ္
==========

ရမ္းေပါက္ေကရာလည္း စံုလီ
ပင္လယ္နားမွာ ႏြားတရြီနန္႔
၀ါးပုလီကို ေမပ်ိဳ ၾကားေအာင္
ကာရီေဘာင္က
ၿဂိဳးငွက္ေကေယာင္ေယာင္
ဖိုးေခါင္ေယာင္ေလ
နိျခင္းေၾကာင္ေတာင္
ကုန္းေခါင္ေခါင္မွာ
ေခၽြးေပါက္ေကရာလည္း ဒုတ္ဒုတ္
ပုလီေခ်ကို ဆိုကာမႈတ္လို႔
အလုပ္မွာေပ်ာ္ ေမ့ကိုေခၚေက
ေပၚလာႏိုးႏိုး ေခ်ာင္းခိုးၾကည့္ပ်ာ
တေအာင့္ၾကာေက ဆင္းပါလာလတ္
ရီခပ္ကြန္ေဆာင္ ဟင္းခူးေယာင္ေလ
ဘုန္းေမာင္လူေခ်ာ သူ႔ရည္းစားကို
လားလို႔ ႀကိဳေရ --။

ပေဇာင္ခ်ိဳ မပ်ိဳပီးေရ
ႏြယ္ခ်ိဳကြမ္းယာ ဆီးကြမ္းယာကို
မြားကာလည္းစား
ကေလာင္ဂ်ီ ကို ဖြာကာေသာက္လို႔
တေအာင့္နားခါ
ေမပ်ိဳနားမွာ လားကာလည္းထိုင္
လက္ကိုကိုင္ေက
(အဘာေလ) ေအပိုင္ခ်ိဳေရ အခ်စ္
ရြာကခ်စ္ကို
အႏွစ္တရာ မမိပါေ၀ --။

သကၠရာဇ္ကို ၿဖိဳကာပစ္လို႔
တစ္ကျပန္စ
ခ်စ္ခ်စ္လို႔ မ၀ပါ --။

ေအာင္လွခိုင္ (ဒိုက္ကလူ)

(Chat) အလြမ္း

(Chat) အလြမ္း
========

သဲမံႈရာလည္း ဖံုဖံု
စံုလီရာလည္း သြတ္သြတ္
လပေက သာယာ
တလင္းျပင္ ေညာင္ပင္ေအာက္မွာ
အေခ်ခါက
ပုန္းတမ္း၀ွက္တမ္း ကဇတ္ခစြာ
အတြက္ေပၚေက စိတ္ကမေပ်ာ္
ေဖ်ာ္သူလည္းနည္း
၀မ္းလည္းနည္းေရ --။

ေမကစစ္ေတြ ေမာင္ကအေမရိကန္
ဘုန္းႀကီးပ်ံမွာ လြန္းပ်ံစက္သီး
ဒုန္းသီးပစ္ေယွာင္
လြမ္းကတ္မည္ --။

Chat Room ေခ်မွာ
ေပၚမလာေက ေမွ်ာ္ကာနီယင္း
လိုင္ဖင္းကိုးေတာင္ရွည္လတ္ပ်ာ --။

သနားပါေက လာပါတခ်က္
နိျခင္းဖက္ --။

(စိုင္းျဒားမင္းခြာ)

ေစာက္ဆိုးပတၱနား

ေစာက္ဆိုးပတၱနား
===========

လိမၼာျမင္ျပင္း ဆင္းရဲအားရ
ႂကြယ္၀မနာလို ကိုယ္ထက္သာမႀကိဳက္
အမိုက္ေလးပါး ဤတရားကို
ရိကၡာအျပည့္သိုထား
ဣသာမိစၦရိယစိတ္ကို
၀မ္းစာအျပည့္သိုေလွာင္
ေရႊကြပ္ထားေရ ဇတ္၀တ္စံုနန္႔
မ႑ပ္တိုင္တက္လို႔ ကျပ
ယုိလူမရွက္ ျမင္လူရွက္
ေတာ္လွန္ေရးကာလမွာ ေပြသာရွာနီၿပီးေက
ေပြသာရွာဖို႔အခါက် ေတာ္လွန္ေရးလုပ္ျပနီေရ
မ်က္ႏွာလို မ်က္ႏွာရ
စားပဲြခံုထက္မွာ စာအုပ္တပံုတင္လို႔
မိမၼေခ်တိရွိက် ကားရီကားရားလားပနာ
ေစာက္ဆိုးပတၱနားတေကာင္ကို
ကင္းပြန္းရြက္နန္႔ သင္းပံုးေလွ်ာ္
ကနခိုနန္႔၀မ္းလွ်ဴပနာ
စန္ဂိုးခတ္လို႔ ေမာင္းထုတ္ပစ္ရဖို႔ --။ ။

(သာလွဦး)(ေျမာက္ဦး)

ေအလူ ေခသူမဟုတ္

ေအလူ ေခသူမဟုတ္
===============

ေရႊခ်ဖို႔ေကာင္းေရစိတ္ဓါတ္တိနန္႔
ျခင္ေထာင္ထဲက လက္ခဲပစ္
ခ်စ္လိုက္ကတ္ေတအမ်ိဳး
အမ်ိဳးခ်စ္ရာတြင္ ငါႏွင့္တူသူ လူမဟိ
စြန္႔လႊတ္အနစ္နာခံရာတြင္ ငါႏွင့္တူသူ လူမဟိ
ရဲရင့္ျပတ္သားရာတြင္ ငါႏွင့္တူသူ လူမဟိ
တက္ႂကြႏိုးၾကားရာတြင္ ငါႏွင့္တူသူ လူမဟိ
မွန္ကန္ေကာင္းျမတ္ရာတြင္ ငါႏွင့္တူသူ လူမဟိ
ရိုးသားေျဖာင့္မတ္ရာတြင္ ငါႏွင့္တူသူ လူမဟိ
ႀကိဳးစားအားထုတ္ရာတြင္ ငါႏွင့္တူသူ လူမဟိ
ျဖဴစင္သန္႔ယွင္းရာတြင္ ငါႏွင့္တူသူ လူမဟိ
တည္ၾကည္ခန္႔ျငားရာတြင့္ ငါႏွင့္တူသူ လူမဟိ
ထင္ေပၚေက်ာ္ၾကားရာတြင္ ငါႏွင့္တူသူ လူမဟိ
ေတာ္ရာတတ္ရာတြင္ ငါႏွင့္တူသူလူမဟိ
နာမ၀ိေသသနတိ အထပ္ထပ္
မဟာမုနိမွာ ေရႊကပ္ထားေယွာင္ --။

ေဆာင့္ေျခာင္ေခ်ထိုင္ရေကပင္
ကိုယ့္စြာကို ျခေသၤ့ထင္လို႔ ---။

လွ်ာရည္တျမျမ
တန္းပ်င္းထက္က အက်ရည္
ပူစပ္စပ္ေခ်
ၿခီေရလားေ၀ သူငယ္ ---။

အဂယင့္ စိတ္ကူးေပါက္ေက
ဒုန္းေပါက္ေဆာက္လားေအာင္
ေနာက္က
ေက်ာက္ကန္ပစ္လိုက္ခ်င္ေရ--။

ဖက္ခြက္သားက် အမိလင္မသားေခ်တိ
စိတ္ဓါတ္တိက
ခ်စ္ဖို႔ေကာင္းလိုက္ေတနန္႔
(အလွပလွ) ခ်ီးထက္ရြံဖို႔ေကာင္းေရ ---။ ။

(ခတ္ေက်ာက္သီး)

တဆိေခ်ေလာက္ ေလွ်ာ့ကတ္မည္

တဆိေခ်ေလာက္ ေလွ်ာ့ကတ္မည္
======================

ယေလာက္ထိလည္း
မဟုတ္သိမ့္ပါ
တဆိေခ်ေလာက္ ေလွ်ာ့ကတ္မည္ --။

'ဟ' လာေက
'BC' က စေရ --။

ပစ, ၀မွာ
ဆို႔နီေရ --။

ဆီမဟုတ္ေက ရီႏွင့္မ်ိုခ်
မသထာေက သီက်မည္ --။

အခဲအစာမႀကီ
၀မ္းၾကင့္နာျဖစ္လို႔
တႀကိဳင္းႀကိဳင္းကၽြီးေအာ္
ကယ္ပါကူပါ
မသက္သာေက
ေနာက္ဘိတ္ဆံုးမွာ
ကနခိုကို ဆားႏွင့္ဖ်ိဳတိုက္
၀မ္းလွ်ဴပစ္လိုက္ရဖို႔ေယ --။

(သာလွဦး)

အာရီယံ ဟကၠရီက်

အာရီယံ ဟကၠရီက်
=============

အမ်ိဳးသီလ ႏွစ္ဌာနကို
ျပည့္၀ပိုင္ပိုင္ ေစာင့္စြမ္းႏိုင္၍
ရခိုင္နာမ ဘဲြ႕မည္လွလည္း --။

ယခုကာလ ရခိုင္သမ
ေဘာက္သာဆိုးဆို
အသီရရ အရွင္ရွင္ရ
ငၿပီမကို ျပာမွာခ်ေယွာင္
ျဖတ္ျဖတ္လူးလို႔ ငမ္းငမ္းတ --။

(ေဂါက္ရ)

ခြက္ေပါက္

ခြက္ေပါက္
=======

မင္းေဖာက္ေကလည္း ငါမေဖာက္ပါ
တေယာက္တည္းလို႔ ေျပာပတ္စီ --။

မင္းေၾကာက္ေကလည္း ငါမေၾကာက္ပါ
တေယာက္တည္းလည္း ျဖစ္ပတ္စီ --။

ရခိုင္ျဖစ္ၿပီး ဖက္ခြက္ယက္ေက
ေယမနားေ၀ ဖက္ခြက္သားက်
ေအခ်င့္လားေ၀ အမ်ိဳးျမတ္ --။

အေ၀ခ်ေၾကာက္
ေမာင္ခြက္ေပါက္
ေလာက္က်လိမ့္မည္ သတိထား --။

(ရခိုင္ေပါင္းကူး သာလွဦး)

အထည္ႀကီးပ်က္ရခိုင္

အထည္ႀကီးပ်က္ရခိုင္
==============

ဇႏၷ၀ါရီ (၁) ရက္နိ
ရခိုင့္ေတာ္လွန္ေရးနိကို
က်င့္ပကတ္ဖို႔ သတိမရ
ရခိုင့္အမ်ိဳးသားနိကို
သတ္မွတ္ကတ္ဖို႔ အတြက္မေပၚ
အထည္ႀကီးပ်က္ရခိုင္
ဒီဇင္ဘာ (၃၁) ရက္နိ
ရခိုင္အခ်ဳပ္အခ်ာက်ေရနိမွာ
လဒမိႈင္မိႈင္လို႔
ျပကၡဒိန္လည္း ျမန္မာနန္႔အတူတူ
စာရြီးေကလည္း ျမန္မာနန္႔အတူတူ
စကားေျပာေကလည္း ျမန္မာနန္႔အတူတူ
စနီ တလဂုၤနီကိုေတာင္
ကိုယ့္စကားနန္႔ကိုယ္ ရြီးဖို႔မတတ္
ဓည၀တီ ရခိုင္ပကၡဒိန္မွာ
ပကၡဒိန္တခုတည္း ရရစ္မပါစြာကလဲြေက
စနီ တလဂုၤနီ တလလၤာ အဂၤါ
ဗုဒၶဴး ကသစ္ဗုဒၶိ ေသာက္ၾကာ
အားလံုးျမန္မာပိုင္ --။

အာရီယံ တနီသတ္
ခခ်ီးကို ရမႊီးဆြတ္ထားေယွာင္ --။

(သာလွဦး)

အာရီယံ ရခိုင္သား

အာရီယံ ရခိုင္သား
=========

အာရီယံဟု ဆိုျခင္းျပဳလည္း
ယခုရခိုင္ တတိုင္ဗမာ
တတိုင္ကုလား ပဲေလွာ္ၾကားမွာ
ဆားညႇပ္ထား --။

အရီယံဟု ဆိုျခင္းျပဳလည္း
ယခုရခိုင္ ဖ်ာလိပ္ေခါင္းကို
ခြီး၀င္ပိုင္ --။

အာရီယံဟု ဆိုျခင္းျပဳလည္း
ယခုရခိုင္ သကာစားမွာ
ေဆာင့္ေျခာင္ထိုင္ ---။

(ရခိုင္ေပါင္းကူး သာလွဦး)

ဘီဟာရီ (၂)

ဘီဟာရီ (၂)
=====

ရခိုင္သားမွာ စာလည္းမဟိ
သူစကားႏွင့္ ရြီးလို႔ၿခီနီ
ဘီဟာရီ --။

ဘစၥကုတကား အေကာင္းမဟိ
သူ႔စကားႏွင့္ ေျပာလို႔ၿခီနီ
ဘီဟာရီ --။

တံေတြးသိန္းတန္ အဘာေခၚလို႔
က်ိက်ိပက္ပက္ ခၽြဲလို႔ ႏဲြ႕လို႔
ဖဲြ႔လို႔ၿခီနီ ဘီဟာရီ --။

ပုဂံအက ကျပခါမွ
ေ၀သာလီေမ်ာက္ရုပ္
လႈပ္ကာျပသည္ ဘီဟာရီ --။

ရခိုင္ဘုရင္ ပုဏၰားေဂါင္းေပါင္း
ေဆာင္းကာျပသည္ ဘီဟာရီ --။

(သာလွဦး)

ဘီဟာရီ

ဘီဟာရီ
=====

အာရီယံအလုပ္ကို မလုပ္
ျမန္မာအငုတ္ကို စုပ္
အာရီယံ မဟုတ္
ဘီဟာရီ ယုတ္ --။

(သာလွဦး)

ခ်ီးထက္ရြံဖို႔ေကာင္းသူမ်ား

ခ်ီးထက္ရြံဖို႔ေကာင္းသူမ်ား
=================

ျပည္ထဲမွာ ၾကည့္ခီျပန္ေကလည္း
ဖက္ခြက္တိက
နီရာတကာမွာ
မသမာမႈတိနန္႔
ခဲ၀ါက်င့္ ခဲ၀ါဥာဏ္
အေကာက္ႀကံလို႔ --။

ေတာ္လွန္ေရးမွာလည္း
ဖက္ခြက္တိက
ရေက အေခ်ာင္အုပ္ဖို႔
အကြက္ေခ်ာင္းနီၿပီးေက
တိုင္းျပည္နန္႔လူမ်ိဳးကို ကယ္တင္ဖို႔လတ္
လူႀကီးလူက်ယ္ စကားေျပာလို႔ --။

ျမင္လိုက္ၾကားလိုက္စြာနန္႔
ေအာ့အံခ်င္ေရ
ခ်ီးထက္ရြံဖို႔ေကာင္းေရ အေကာင္တိ
လူခ်င္းရာတြိဖို႔ဆိုေက
(အဂယင့္) အရီကိုလွန္လို႔
အရွင္လတ္လတ္
ထူးခတ္ပစ္လိုက္ခ်င္ေရ --။ ။

(သာလွဦး)

အာဂသတၱိ

အာဂသတၱိ
=====

ျခင္ေထာင္ထဲက
မ်က္စိျပဴးျပ
လွ်ာထုတ္ျပကတ္
ပစိကိုက္ျပ
သြားၿခဲျပကတ္
အာဂသတၱိဟိေသာေၾကာင့္ --။

(သာလွဦး)

ေဘာက္သာဆိုး

ေဘာက္သာဆိုး
========

သူမ်ားေဖာက္လည္း
ငါ မေဖာက္ပါ
တေယာက္တည္းလို႔ ေျပာပတ္စီ --။

သူေဖာက္ငါေဖာက္
ကိုက္ေဖာက္ကတ္စြာ
ေဘာက္သာဆိုးမွာ
အေပါက္တရာ
ဖာ၍ထီး၍ မရႏိုင္ပါ --။

(သာလွဦး)

ေဘာက္သာဆိုး = ရခိုင့္စာပီအိမ္

ေဂါင္းေပါင္းေဆာင္း မင္းသား

ေဂါင္းေပါင္းေဆာင္း မင္းသား
====================

အေတာင္ပါေကလည္း
ယင္ေကာင္ျဖစ္ရ
ငါ့ဘ၀က မစားသာ --။

အစြယ္ပါေကလည္း
ပူးေခ်ျဖစ္ရ
ငါ့ဘ၀က မစားသာ --။

ဘုရင္တကာ့ ဘုရင္
ဘုရင္မင္းဘုရား
ပုဏၰားေဂါင္းေပါင္း
ေဆာင္းကာ ကျပ
ဇတ္စင္ထက္က
ငါ့ဘ၀ ျဖစ္ရမစားသာ --။ ။

(သာလွဦး)

သူခိုးအသူလဲ

သူခိုးအသူလဲ
=======

ျမန္မာ (နဲ႔) ကို အတံုးလိုက္မ်ိဳ
မ်ိဳလို႔မက်
လိုင္ေျခာင္း၀မွာ
ဆို႔နီယက္ --။

ဇာသူ သူခိုးလဲ
သူလား ကိုယ္လား --။

(သာလွဦး)

က၀ိအေမာ္ ရခိုင္မဟာပညာေက်ာ္

က၀ိအေမာ္ ရခိုင္မဟာပညာေက်ာ္
==================

ရခိုင္ျပည္ႀကီး လြတ္လပ္ရီးတြက္
အသက္ကိုပီး သြီးေခ်ာင္းစီးေလာ့
လက္သီးလက္ေမာင္း ေျဖာင္းေျဖာင္းဆန္႔တန္း
လမ္းေကာင္းညႊန္ေျပာ သူေဆာ္ၾသ၏ --။

အမ်ိဳးဘာသာ သာသနာမွာ
ကြယ္ကာမေပ်ာက္ တိမ္းမေမွာက္ေအာင္
ဂုဏ္ေရာင္ဘုန္းမီး ညီးညီးေတာက္ေအာင္
အာေပါက္ေအာင္ေျပာ သူေဆာ္ၾသ၏ --။

သို႔ပါေသာ္ျငား
သူေဆာ္ၾသစာ ကဗ်ာမွာကား
ျမန္မာပိုင္ေယွာင္ျဖစ္နီသတည္း --။

သူမ်ားနေခါင္းႏွင့္ အသက္လွ်ဴ
သူမ်ားလွ်ာႏွင့္ အငွားယက္ေက
မရွက္လားေ၀း သူငယ္ခ်င္း --။

ျမင္လိုက္ေကပင္ အံလိုက္ခ်င္သည္
ရင္မွာ နလံုးပ်ိဳ႕ေသာေၾကာင့္ --။

(၀ရင္းတုတ္)

ကၽြန္ခြီး (သို႔မဟုတ္) ဖက္ခြက္ယက္

ကၽြန္ခြီး (သို႔မဟုတ္) ဖက္ခြက္ယက္
===================

ေယာက္ဖစကား ခ်ီးလို႔ငွားလို႔
ရြီးလို႔ၿခီလား သကာစား --။

သကာစားမွာ ဇာတိနာ
ေဖ်ာက္လို႔ဖ်က္လို႔ မရပါ --။

ေတာ္လွန္ေရးကို ဗန္းျပ
ပစက ေယာက္ဖေယာက္ဖ
ခ်မက် --။

ဘာသာေရးကို ဗန္းျပ
ပစက ေယာက္ဖေယာက္ဖ
ခ်မက် --။

သာေရးနာေရးကို ဗန္းျပ
ပစက ေယာက္ဖေယာက္ဖ
ခ်မက် --။

နတ္ပူးစြာမွာေတာင္က
ပစက ေယာက္ဖေယာက္ဖ
ခ်မက် --။

ထို၀ပ္ဆိုက္ကိုၾကည့္လည္း
ပစက ေယာက္ဖေယာက္ဖ
ခ်မက် --။

ေဒ၀ပ္ဆိုက္ကိုၾကည့္လည္း
ပစက ေယာက္ဖေယာက္ဖ
ခ်မက် --။

ထိုသတင္းကိုဖတ္လည္း
ပစက ေယာက္ဖေယာက္ဖ
ခ်မက် --။

ေဒသတင္းကိုဖတ္လည္း
ပစက ေယာက္ဖေယာက္ဖ
ခ်မကက် --။

အာရီယံမဟုတ္ ဘီဟာရီယုတ္
ခြီးပုတ္ေလာက္က်

ေၾကာက္ႀကီးသံဖက္
ဖက္ခြက္ယက္
တပ်က္ပ်က္ေလ တပ်က္ပ်က္ --။ ။

(ထိုးကန္းေခ်)

သဇင္

သဇင္
====

ပန္းေဂၚသဇင္
နန္းေတာ္၀င္ --။

ဘ၀င္လီဟပ္
အညႇာကြ်တ္ --။

သဇင္ပိုးထိုး
အညြန္႔က်ိဳး --။

ပိုးထိုးသဇင္
ဖုန္းဆိုးေတာကို
တိုးလို႔၀င္ --။

သဇင္ပန္းေျခာက္
အနံ႔ေပ်ာက္
ဖုန္းဆိုးဘားမွာ
ငါးပါးေမွာက္ --။

(သာလွဦး)

ေညႇာ္၀င္ေသာ ေတာ္၀င္သဇင္

ေညႇာ္၀င္ေသာ ေတာ္၀င္သဇင္
===================

မ်န္မာဆို “ခ်ိဳေရ” “ခ်ိဳေရ”
မ်န္မာကို “လုိေရ” “လိုေရ”
မ်န္မာဆို “ကိုရယ္” “ကိုရယ္”

(လူဂြဇာ)

၀ါတြင္း၀ါးေျပာက္ (သို႔မဟုတ္) ျခင္ေထာင္ထဲက ပစိကိုက္ျပသူမ်ား

၀ါတြင္း၀ါးေျပာက္ (သို႔မဟုတ္) ျခင္ေထာင္ထဲက ပစိကိုက္ျပသူမ်ား
==============================

သမိုင္းမွာ အေထာက္အထားမပါ
စီးခ်င္းထိုးခါ ဒါးလွံမပါေက
က်ည္ကုန္ေသနပ္ တံုးပိုင္းထက္လီးေရ
(မၿပီးႏိုင္ေက)
ေနာက္က်ၿခီေထာက္ သစၥာေဖာက္
ဒုန္းေပါက္ေဆာက္လို႔ က်ဖို႔ေယ --။

(သာလွဦး)

နတ္ေကာင္းမ

နတ္ေကာင္းမ
==========

အမွားလည္းမဟိ အမွန္လည္းမဟိ
ဆန္နီစိခုႏွစ္စိနန္႔
“ေကာင္းပါ” “ေကာင္းပါ”
ဂါထာကို တဖြဖြရြတ္
ရြာက နတ္ေကာင္းမပိုင္ --။

(သာလွဦး)

ရခိုင္သားေတာ္လွန္ေရး

ရခိုင္သားေတာ္လွန္ေရး
===========

“ေတာ္လွန္းေရ" ဆိုပနာ ကုန္းကြ
ေမာင္းေမာင္ “ေတာ္” စြာက
“လွန္” စြာမွာ --။

(သာလွဦး)

သဇင္အတု

သဇင္အတု
======

အိမ္ေနာက္ေဖးတြင္
ေဘာက္သာဆိုးႏွင့္
ႏြားခ်ီးအံုလို႔
ပြင့္ေရသဇင္
ဥေကၡာင္းထက္တင္
မဂၤလာမဟိ --။

(သာလွဦး)

ၾကက္မေခ်

ၾကက္မေခ်
=====

ကေတတိုက္ေတ ၾကက္မေခ်
ၾကက္ဖေခ် လာနီးနီး
ညိတိုင္း Comments ရြီး --။

(သာလွဦး)

လူ

လူ
==

ႏြားကို
သနားစြာလည္းလူ
စားစြာလည္းလူ --။

လူ
သူမ်ားကို တရားျပပ်ာယ္
ကိုယ္တိုင္က်
ဘုရားတသူ --။

လူ
အညမညတရားကို
လက္ကိုင္ထားပ်ာယ္
ပဋိပကၡႏွင့္ မိတ္ဖဲြ႕သူ --။

လူ
တရားသူႀကီးလုပ္ပ်ာယ္
လာဘ္စားသူ --။

လူ
ဘုရားတကာရာထူးႏွင့္
မယားတဏွာရူးသူ --။

လူ
ေအဆူ
အမွန္လူရာမနား --။

(သာလွဦး)

အလိုေတာ္ရိမ်ားသို႔

အလိုေတာ္ရိမ်ားသို႔
=========

ျမန္မာအငုတ္ကို အဟုတ္ထင္
လုလင္ ဘ၀င္ျမင့္ျမင့္
စပ္ျငင့္ျငင့္
၀မ္းၾကင့္နီပ်ာလား --။

(သာလွဦး)

မိုးသောက်ရောင်နီ (ကြောင်ရီချွတ်လင်္ကာ)

မိုးသောက်ရောင်နီ (ကြောင်ရီချွတ်လင်္ကာ)

(LIGHT IN THE SKY)

(၁)

ပြောခါရခိုင် ရွီးခါမြန်မာ

မပီကလာ ပီကလာသည်

ကိုယ့်ဘာသာမိ စာကိုမိလျှက်

မသိတရား လွန်ပွားများ၍

အသိတရား လွန်ခေါင်းပါးသည်

ဖားတပိုင်း ငါးတပိုင်း

ပုံနှိုင်းရမူ ခွီးတူဝက်တူ

ထိုသည်လူလျှင် အယူမှောက်မှား

ပေါက်ကရားတည်း လားလီရာမှာ

မျက်နှာမလှ ဗီဇမပီ

ပဒရီစွပ် ကြောင်ရီဝတ်လျှက်

အမှတ်သညာ ကိုယ့်စာစကား

ဟိသော်ငြားလည်း အောက်နွားနောက်လိုက်

သူလျှင်ဖြစ်ရ ဘဝကျွန်ယုတ်

စုန်းစုန်းမြုတ်ကာ ဒုတ်ပိုင်းနောက်ကုန်း

ဘုန်းဘုန်းကျမှ အဘာထအော်

ယောက်ဖခေါ်သည်

မပေါ်ဖပျောက်သူလျှောက်တည်း --။

(၂)

ဖပျောက်မပေါ် ယောက်ဖခေါ်သား

သူဖုန်းစားလျှက် စကားပရိယာယ်

အလွန်ကြွယ်၀ ပြောကတဖုံ

လုပ်တုံတမျိုး သူခိုး၏ညာဏ်

အကောက်ကြံတတ် ဘောက်ကတတ်လျှင်

ပြောလတ်ပါသည် ရခိုင်ပြည်မှာ

ဇာတာမကောင်း မင်းလောင်းကိုမျှော်

ပင့်ဖိတ်ခေါ်ကတ် ဆွီမျိုးစပ်ပါ

ပီးအပ်နှမ အလှပကို

ရောင်းကြစားကြ ဝမ်းဝမှရာ

ပြည်သာယာမည် လာရာလာလတ်

ပြန်မလွှတ်ပါ ဖြတ်ဖြတ်လူးလူး

စုန်းနတ်ပူးသို့ ဦးဖျားထိပ်တင်

လျှောက်ခန်းဝင်သည်

အယင်ဒုန်းပေါက်ဆောက်၏တည်း --။

(၃)

ဒုန်းပေါက်အယင် လျှောက်ခန်းဝင်သည်

ထိပ်တင်လက်မိုး ရှိတော်ခိုးလို့

ငါကျိုးကိုမျှော် ပူဇော်ပသ

ပြည်ဓညမှာ ဖြစ်ကြပါသည်

ငါ့မည်နာမ မာနတက်လျှက်

ငါထက်လည်းသာ မနာဝန်တို

စိတ်ငြင်ငြိုလို့ မလိုမုန်းပွား

ရန်ငြိုးပွားကာ ခိုက်ရန်ရှာသည်

ဗာလာလူမိုက် နောက်လိုက်အငှား

သူတောင်းစားလျှင် ကောင်းစားပါကြ

ခုကာလ၌ ဖြစ်ကြဖုံဖုံ

အလုံးစုံကို ပုံတိုပုဒ်စ

ထုတ်ကာပြမည်

ဟုတ်ကမနာကြစီသတည်း --။

(၄)

မနာဟုတ်က ထုတ်ကာပြမည်

ပုဒ်စပုံတို နားထောင်လိုက

လာလတ်ကြပါ ရောဂအနာ

ပျောက်ချမ်းသာအောင် ဆရာသမား

ကုစားသည်သို့ ရခိုင်ရို့ကို

ပြောဖို့ဥပမာ လင်္ကာစီကုံး

ကာရန်သုံးလို့ နှလုံးသာယာ

ဟိစိမ့်ငှာလျှင် ရွီးကာလည်းပြ

ဆိုကာပြမည် ကြောင့်ကြစိတ်ပူ

မငြူစူကဲ့ သျှင်လူတကာ

စိတ်ချမ်းသာမှ ဓညာရွှေပြည်

ရပ်ကြီးစည်လိမ့် တေဇာဘုန်းမိုး

ကြက်သရေတိုးလိမ့် အမျိုးဘာသာ

ထွန်းလင်းဖြာလိမ့် ဝေနေယျသတ္တဝါ

ဖီးကင်းကွာလိမ့် ဖြစ်စိမ့်သောငှာ

စေတနာသည်

ပြည်ရွာလွတ်မြောက်ရကြောင်းတည်း --။

(၅)

လွတ်မြောက်ပြည်ရွာ စေတနာနှင့်

ပြောခါနားထောင် လက်မထောင်ကဲ့

ထောင်ရေလက်မ အောက်သို့ချလိုက်

မာနတန်းခွန် မိုးထက်ပျံလို့

ဖောက်ပြန်သမှု မပြုကတ်ကဲ့

ပြုသည့်မာန အောက်သို့ချလိုက်

ဝါဒယှဉ်ပြိုင် ကြီးနိုင်ငယ်ညှင်း

အချင်းချင်းကို လုပ်ခြင်းရက်စက်

အစွယ်ထက်လို့ တောဝက်ပိုင်ယှောင်

မာန်မစောင်ကဲ့ စောင်သည့်စွယ်မာန်

နောက်ပြန်လှန်လိုက် အပြစ်ကိုမြင်

အယင်ပျင်ကတ် စာမတတ်ကဲ့

ဆိပ်ကျပ်ဆင်ချောင် လူ့ဘောင်လောက

မမျှတလို့ ပွပွပူပူ

ကျွက်ကျွက်ဆူရ ပုန်ကန်ကြသည်

ဒုက္ခကြွက်တွင်းနက်ရသတည်း --။

(၆)

ကြွက်တွင်းဒုက္ခ နက်ပါရသည်

စောရငပျင်း လက်ကြောတင်းနှင့်

မင်းဆိုးမင်းညစ် မှိုက်သရိုက်လျှင်

ဖြစ်ကြတဖုံ မွှီတုံယမ်းကား

ထွားထွားညက်ကြီ စစန့်သီရ

ကာလနာလျှင် ဆိုက်ကြပါကြောင်း

အလောင်းတောင်ပုံ ပုပ်ပွကုန်ကြ

ခွဆုံလမ်းကြား ဝမ်းလျားမှောက်လဲ

ကွဲပြဲသွီးယို ဗဗြန်းပြို၏ --။

ငိုယိုပြီးလွှား ကျောင်းသားသူငယ်

အရွယ်နုနု သက်ကိုလု၍

ဥပမာမူ ဖုတ်ပူမီးတိုက်

ကုလားတိုက်ကို ကျားဝင်ကိုက်သို့

မိုက်မိုက်မှောင်မှောင် လောင်လောင်ကျွမ်းကျွမ်း

သောင်းကျန်းပြည်ရွာ ပျက်ရပါသည်

မြန်မာမင်းညစ်ဆိုးသောကြောင့် --။

(၇)

မင်းညစ်မြန်မာ ဆိုးသွမ်းပါ၍

ပြည်ရွာမအီး ဒုက္ခဖီးနှင့်

ကပ်ကြီးလည်းဖြစ် ကာလနာလျှင်

ဆိုက်ကြတဖန် ရာဇဒါဏ်ကြောင့်

မှန်ကန်ဖြောင့်မတ် သင့်မြတ်သောသူ

ထိုသူလူကို ဆွဲယူသတ်ပုတ်

ချိုင်နှောင်ချုပ်၏ မဟုတ်မမှန်

လုပ်ကြံစွပ်စွဲ တရားစွဲ၏

ငရဲမီးတောင် ပေါက်ကွဲယောင်သို့

လှောင်တိုက်ကိုသွင်း နှိပ်စက်ခြင်းကြောင့်

ခြီချင်းတွဲလွဲ ဆင်းရဲမလှ

ခံရထိုထို တချို့ကိုလျှင်

အရှင်လတ်လတ် ကြိုးကွင်းစွပ်၍

သတ်ဖြတ်ယုတ်မာ လုပ်ကြပါသည်

ကြမ်းကြုတ်ဖရုဿာ ဝါသနာတည်း --။

(၈)

ကြမ်းကြုတ်ဖရုဿာ ဝါသနာကြောင့်

ပြည်ရွာပျက်ကျ ပုန်ကန်ကြ၏ --။

ထကြသူပုန် အလုံးစုံတည်း

အကုန်သူငါ တော်လှန်ပါ၏ --။

ပြည်ရွာအတွင်း မကြွင်းသျှင်လူ

ဆူပူအုံကြွ ဆန္ဒပြ၏ --။

မျောက်မဝင်စား ဗိုလ်ချုပ်များလျှင်

ဘုရားပလ္လင် တက်လျှင်းပင်တင်

ဖင်ကိုကွကွ လှန်ကာပြ၏ --။

အသရေယုတ် အရုပ်ဆိုးဆိုး

ပုပ်သိုးနံစော် ရွံစရာတည်း --။

(သို့ပါသော်ကြောင့်)

ယှောင်ခွာဝီးဝီး ဖီးလွတ်ရာကို

ခိုကာပြီးလို့ ရွီးသားလင်္ကာ

စီကုံးပါသည်

မှန်စွာကြောင်ရီကျွတ်အံ့သတည်း --။

(၉)

ကြောင်ရီမှန်စွာ ကျွတ်အံ့ရာတွက်

ရာဇဝင်မှာ ဖြစ်ပါလာသော

အရာများကို တိုတိုတုတ်တုတ်

ဆိုကာနှုတ်လို့ အကျွန်ုပ်လျှင်

တင်ပြပါမည် ရှိဝယ်အယင်

လောင်းကြက်တွင်ထ ထိုပြည်မကို

ရလိုချင်ဇော လောဘအားဖြင့်

စော်ကားရန်မူ မြန်ဟူခေါ်ထ

အင်းဝသမုဒ် ဇနပုဒ်က

အယုတ်မင်းခေါင် လက်မထောင်လို့

ခေါင်ပုတ်ပမာ ခိုးကာလာလျှက်

ပြည်ရွာသိမ်းဖျက် ဖြိုလုယက်၍

မြို့ပျက်တခါ ကြုံခပါ၏ --။

အရာတခေါက် မြို့မြောက်ဦးမှာ

ငကောက်ငကိုင်း ငလဝိုင်းက

ရိုင်းစိုင်းသမှု ပြည်ကိုလုလို့

တုပယှဉ်ပြိုင် အနိုင်လိုငြား

ပိုင်လိုအားဖြင့် ပိုင်းခြားပုန်ကန်

တိုက်ဖျက်ပြန်သည်

အကြံယုတ်စွ ပုပ်ပွသတည်း --။

(၁၀)

ယုတ်စွအကြံ ရခိုင်မှန်လျှင်

အရှင်လတ်လတ် ထူးခတ်သုတ်သင်

ဒါးစီရင်၏ --။

နီဝင်မိုးချုပ် အမျိုးပြုတ်အောင်

ကြိုးတုတ်နှောင်၍ လက်ပေါင်ကိုခွတ်

ဂေါင်းကိုဖြတ်လျှက် သတ်ကြတသွယ်

မြစ်ပင်လယ်မှာ ချပစ်ပေ၏ --။

အချေသူငယ် အစိတ်ကေဆို

ခြီကိုကိုင်မြှောက် ထုတ်ချင်းပေါက်အောင်

ဒါးထောက်ဝါးချွန် ထိုးသတ်ပြန်၏ --။

ကျန်လူမိမ္မ အလှပကို

ကျင့်ကြမုဒိန်း သွီးစိမ်းရှင်ရှင်

အမြင်မကောင်း ဖင်ဟောင်းလောင်းနှင့်

အလောင်းကိုလျှင် ရင်ကိုလည်းခွဲ

အထဲကိုယ်ဝန် မှောက်ကာသွန်လျှက်

မကျန်အငုတ် နိဂုံးချုပ်သည်

မျိုးပြုတ်အစိုင်တုံးအံ့သတည်း --။

(၁၁)

အစိုင်မျိုးပြုတ် အချုပ်နိဂုဏ်း

မဆုံးသိမ့်ပါ တောရွာပန်ဇင်း

လာခြင်းမကောင်း ဖင်ခေါင်းဦးနု

စိုးပြုမှောင်မိုက် ဖဆပလခေတ်တွင်

စစ်တပ်မြန်မာ ပစ်ခတ်ပါသည်

တရွာလုံးကျွတ် အပုတ်ပြတ်တည်း --။

နောက်ထပ်စစ်တွေ ဆယ်သုံးသြဂုတ်

ဖားပြုတ်နေဝင်း စီမံခြင်းကြောင့်

ထမင်းငတ်ရ ဝမ်းမဝသော

ဓညဝတီ ဝေသာလီဖွား

ရခိုင်သားကို ကျားထိုးသနတ်

လက်စသတ်၏ --။

မှတ်ကြရခိုင် ကုလားထိုင်မွတ်

အောက်ခြီလွတ်သည်

သီကတ်အကောင် ရောင်ရောင်တည်း --။

(၁၂)

အကောင်သီကတ် ခြီကိုခွတ်၍

မပြတ်တော်လှန် ပုန်ကန်ပါသည်

ဦးစွာမိုးလင်း စယင်းလူစု

အံကိုတုလို့ လူထုထောက်ခံ

လက်ခုပ်သံနှင့် တဖန်စံကျော်ထွန်း

စခန်းထူထောင်

အောင်လံလွှင့်လွှင့် ရွက်ကိုဖွင့်၏ --။

သို့ဖြင့်ချီတက် အသက်ရာသီ

မကျီအခဲ ရဲရဲတောက်လောင်

သွီးမီးတောင်နှင့် အကောင်တီဖြစ်

ရိုးတွန်ရစ်၏ --။

အသစ်ရာဇာ ဆက်ခံလာသည်

လူရာသီလား သူကားမသီ

အာဇာနီတည်း --။

ဤမြီဤသို့ လွတ်ဖို့ကြံစဉ်

သံယောဇဉ်ကြောင့် မယိုင်မလဲ

(ခိုင်ခိုင်မြဲ) သည်

အောင်ပွဲဆက်ကာခံလိမ့်သတည်း --။

(၁၃)

ဆက်ကာအောင်ပွဲ ခြိမ့်ခြိမ့်သဲလိမ့်

အမြဲမစံ လောကဓံကြောင့်

အမှန်မုက္ချ သူရို့ကျအံ့ --။

ဓညဝတီ သိင်ဂီရွှေပြည်

အောင်စည်အောင်မောင် သောင်းသောင်းညံညံ

သံပြိုင်အမြောက် ပေါက်လတ္တံ --။

ဝံလက်ဓိဌာန် တောင်ဖံညီညာ အောင်လံချီလာရောက်လတ္တံ --။

ပျံတက်ဗိမာန် တောင်ယံတိမ်သာ ရောင်လျှံထိန်ဝါတောက်လတ္တံ --။

(Light In The Sky)

(ကြောင်ရီချွတ်လင်္ကာ)

ခရစ်သက္ကရာဇ် (၂၀၀၅) ခုနှစ် ဒီဇင်ဘာလ (ရ) ရက် ဗုဒ္ဓူးနိ ရွီးပြည့်စုံသည်။

နိဗ္ဗာန ပစ္စယော ဟောတု။

ပဒရီစွပ် ကြောင်ရီဝတ်လျှင်

သီကတ်အယင် ထိုခါတည်း --။

မောင်ပေါက် (ရခိုင်ပြည်)

ေအာက္ေမွာ္

ေအာက္ေမွာ္
=======

ေပၚလစီ ေပၚလစီ
ေလာ္လီေဖာက္ျပား
ေမာင္ေလွ်ာက္သား --။

စားရက လာလာ
မစားရက ခြာခြာ --။

စားရက အဘာ အဘာ
မစားရက ငျပာ ငျပာ --။

ပီးေက ခ်ီက်ဴး
မပီးေက ခ်လူး --။

ပီးေက သူေကာင္း
မပီးေက ဘူေတာင္း --။

(သာလွဦး)

ေမ်ာက္ပဲြ

ေမ်ာက္ပဲြ
====

ပန္းကို ဗန္းျပ
၀ျခမ္း နန္းတက္ --။

ညီညြတ္ေရး ညီညြတ္ေရး
ပဒရီကၽြတ္ပဲြမွာ
ေမ်ာက္ကလူျဖစ္
လူျဖစ္ေသာေမ်ာက္
သစၥာေဖာက္ --။

(ေအာင္သာလူ)
Feb 3, 2008

အဆိပ္ခြက္

အဆိပ္ခြက္
======

အေခ်ခါ ၾကားနီက်စကား
ေမ်ာက္လက္ထဲမွာ သျပာရေယွာင္ --။

အခု
ေမ်ာက္လက္ထဲမွာ
ေမာက္စ့္ရလားခဗ်ာ --။

(သာလွဦး)

လမ္းေဖာက္သူ (ႏွင့္) လမ္းေလွ်ာက္သူ

လမ္းေဖာက္သူ (ႏွင့္) လမ္းေလွ်ာက္သူ
=========================

လမ္းေဖာက္သူ
ႀကိမ္စူးလည္းစူး
သြီးလူးလူး --။

လမ္းေလွ်ာက္သူ
ဘုရားလည္းဖူး
လိပ္ဥတူး --။

(သာလွဦး)

ဆရာေတာ္အား ပန္ၾကားျခင္း

ဆရာေတာ္အား ပန္ၾကားျခင္း
===================

ဆရာေတာ္ကို မသီခင္က
ခြီးပုတ္ေလာက္က် ေျပာကတ္ၿပီးမွ
အခု ငိုျပနီကတ္ေတ --။

ဘုန္းႀကီးဆို၀ါ ႏိုင္ငံေရးနန္႔
ပဇာဆိုင္လဲ ကဲ့ရဲ့ကတ္ၿပီး
အခုမွ ခ်ီက်ဴးနီကတ္ေတ --။

ႏိုင္ငံေရးလုပ္ခ်င္ေက
စစ္ေတြကိုမလာကဲ့
ျမန္မာျပည္သို႔လား
ႏွင္ထုတ္ထားၿပီး
အခု ႀကီးရုပ္ထုလို႔ ကိုးကြယ္ကတ္ေတ --။

သံေ၀ဂရဖို႔ေကာင္းပါေရဆရာေတာ္
ႏိုင္ငံတကာ ျပည္ျမန္မာကို
ေခ်ာင္းေပါက္ေအာင္လားလို႔
အာေပါက္ေအာင္ တရားေ၀ါွၿပီးခါမွ
ေညာင္ကုန္းေက်ာင္းနားက အမိႈက္ပံုေဘးမွာ
ဒံုးေပါက္ေဆာက္လို႔ သီရပါေရ --။

တမလြန္ဘ၀မွာ
အသက္ရွင္လို႔ဟိနီသိမ့္ေက
ေအရခိုင္သားအဆြီးတိကို
တေခါက္ျပန္လာလို႔
ဆံုးမခလိုက္ပါ ဆရာေတာ္ --။ ။

(သာလွဦး)

ေတာ္လွန္ဥဒါန္းက်ဴးရင့္ခ်ိန္

ေတာ္လွန္ဥဒါန္းက်ဴးရင့္ခ်ိန္
===================

တြက္လီတြက္လီ ဖ်က္ၿဖီမရ
လြမ္းစေတာင္တန္း ၀မ္းနည္းမႈပင္လယ္
စီးသြယ္ရ႔စ္ယင့္ ပြားဆင့္ရင္မွာ
ခံစားလာရ မာနရီစီး
ေဒါသမီးႏွင့္ ၾကက္သီးထတုန္
မာန္ဟုန္ထန္ျပင္း သြီးခ်င္းခ်င္းနီ
မက်ီဥဒါန္း ေလာင္ကၽြမ္းမြိမြိ
တငြိငြိတည္း မိ၍မရ
ေသာကမ်က္ရည္ ရစ္၀ဲလည္သည္
ဤၿမီကမၻာဆံုးစမထင္ --။

ရခိုင္႐ို႕၏ထီးနန္း ပန္းဆင့္ဘံုသြယ္
နဂါးႏြယ္လိမ္ရစ္ ခုႏွစ္ဆင့္ေသာျပႆပ္
အထပ္ထပ္ေသာ ၿမိဳ႕႐ိုး
တန္ဖိုးမျဖတ္ႏိုင္စရာ
သုခုမလက္ရာ အျဖာျဖာသည္
ျပာက်ေလာင္ကၽြမ္း ယမ္းငြိတလူလူ
သူသူငါငါ ကူပါကယ္ပါ
ခိုကိုးရာနတၳိ အျပစ္မဟိေသာျပည္သူ
လူေပါင္းရာေပါင္း သိန္းေသာင္းမ်ားစြာ
ေခါင္းပံုျပင္သည္
ရာဇ၀င္သမိုင္းထက္က စာမ်က္ႏွာ --။

(ေၾသာ္) ေတြးလီေတြးလီ အတီေတက
ပန္းခ်ီကားခ်ပ္ ျပတ္သားပီျပင္
တြိျမင္လာရ မာနရီစီး
ေဒါသမီးႏွင့္ တက္သီးအံႀကိတ္
သြီးထိတ္ကၽြီးေအာ္ တိုက္ပဲြေခၚသည္
ေတာ္လွန္ဥဒါန္းက်ဴးရင့္ခ်ိန္ --။

(နရသီဟ)

မွတ္မိသေလာက္ ျပန္တင္ပီးထားျခင္းျဖစ္ပါသည္။

ဇတ္လမ္းကို အဆံုးသတ္ခန္း

ဇတ္လမ္းကို အဆံုးသတ္ခန္း
===============

သဘာပတိမ်ားႄကြလာေက
ရပ္ေစာက္ရပ္အေလးျပဳရ
ကၽြန္ေတာ့္မွာ ေတာ္လွန္ေရးအတြက္
ပင္ပန္းလားခပါဗ်ာယ္ --။

သက္တန္းကုန္ ၀န္ႀကီးတိနန္႔တြိတိုင္း
ခါးကိုင္းဦးၫြတ္ အ႐ိုအေသပီးရ
ကၽြန္ေတာ့္မွာ ေတာ္လွန္ေရးအတြက္
ပင္ပန္းလားခပါဗ်ာယ္ --။

ျပကၡဒိန္မွာ ဆီးမွင္အနီကြက္က်ား ရက္တိကမ်ား
ညိတိုင္းညိတိုင္း ဆႏၵျပရဖို႔အလား
အခမ္းအနား အခမ္းအနား နိမအားညမအား
ကၽြန္ေတာ့္မွာ ေတာ္လွန္ေရးအတြက္
ပင္ပန္းလားခပါဗ်ာယ္ --။

အစည္းအေ၀းတက္တိုင္း
ေငြေရႀကီးေရး စကားမ်ားရ
ညီညြတ္ေရး ညီညြတ္ေရး
နဖူးကဲြဒူးၿပဲ အလဲထိုးရ
ကၽြန္ေတာ့္မွာ ေတာ္လွန္ေရးအတြက္
ပင္ပန္းလားခပါဗ်ာယ္ --။

အခ်ိန္တန္ေက အခ်ိန္မွန္ထုတ္ျပန္ေရ
လံၾကဳတ္သတင္းတိကို

ေရဒီယိုဖြင့္တိုင္းၾကားနာရ
ကၽြန္ေတာ့္မွာ ေတာ္လွန္ေရးအတြက္
ပင္ပန္းလားခပါဗ်ာယ္ --။

ရခိုင္တခြန္းမပါ
ရခိုင္အမ်ိဳးသားျမန္မာသတင္းစာကို
လစဥ္ပံုမွန္ စာမ်က္ႏွာလွန္လွန္ဗ်ာဖတ္ရ
ကၽြန္ေတာ့္မွာ ေတာ္လွန္းေရးအတြက္
ပင္ပန္းလားခပါဗ်ာယ္ --။

မျမင္ခ်င္ မၾကည့္ခ်င္အဆံုး
မ်က္ႏွာတိကို
ျမင္ရျပံဳးျပရ ဘ၀ဒုကၡမ်ားစြာနန္႔
ကၽြန္ေတာ့္မွာ ေတာ္လွန္ေရးအတြက္
ပင္ပန္းလားခပါဗ်ာယ္ --။

ရန္သူကို ေတာ္လွန္ဖို႔အခ်ိန္မရ
ေရႊလဒတိကိုက်ည္း တိုက္ခိုက္နီရ
ကၽြန္ေတာ့္မွာ ေတာ္လွန္ေရးအတြက္
ပင္ပန္းလားခပါဗ်ာယ္ --။

(သာလွဦး)

ယခိုင္ပ်ည္က်ီး သီးခ်ားလြတ္ေမ်ာက္ေယး (သို႔မဟုတ္) မ်န္မာစကားသိပ္ေပတာဘဲ ေမာင္မင္း

ယခိုင္ပ်ည္က်ီး သီးခ်ားလြတ္ေမ်ာက္ေယး (သို႔မဟုတ္) မ်န္မာစကားသိပ္ေပတာဘဲ ေမာင္မင္း
===================================

၀မ္းေရးအတြက္
အသက္ဆက္ဖို႔
မရွက္မေၾကာက္
ေဖာက္ပါရသည္
ကတိဟူေသာ က်ိန္သစၥာ --။

ထြက္လာခါစ ရဲရဲေတာက္
ပါးစက တေပါက္
အခုက ေလးငါးေျခာက္
ခြံ႕ရေကၽြးရမေလာက္
(ေျဂာက္ေျဂာက္) နန္႔
ေဂ်ာက္ထဲကို ေက်ာက္သီးက်ေယွာင္ --။

စားလည္း ကေကာင္းစားႏိုင္ကတ္ေတ
စာသားျပင္းေခ်တိကိုၾကည့္ --။

တိုင္းျပည္အီးအီး မအီးအီး
အေရးမႀကီး
၀မ္းမီးအီးဖို႔ အေရးႀကီး --။

တိုင္းျပည္ေကာင္းစားစား မေကာင္းစားစား
သတိမထား
မယားေကာင္းစားဖို႔ အဓိကထား --။

လူမ်ိဳးေခ်ာင္းက်က် မက်က်
ကိုယ္ဂြမက်ေက က်ီ --။

(ယခိုင္ပ်ည္က်ီး သီးခ်ားလြတ္ေမ်ာက္ေယးအတြက္
လက္နက္ကိုင္ေတာ္လွန္တိုက္ပဲြ၀င္က်)
ငုတ္ယင္းေပၚ ေပၚယင္းငုတ္
ျမဳတ္ယင္းေလွာ္ ေလွာ္ယင္းျမဳတ္
စင္းျပတ္ျပဳတ္ --။

ငပ်င္းေလာင္းေလွာ္ပိုင္ေယွာင္
ႀကိဳးကမျဖဳတ္ ေလွာ္ယင္းစစုန္းျမဳတ္
ေတာ္လွန္ယင္း
အမ်ိဳးျပဳတ္ကတ္လိမ့္မည္သတိထား --။

(မ်န္မာစကားသိပ္ေပတာဘဲ ေမာင္မင္း)

(သာလွဦး)