ကျွဲသာခြင်း
========
ကျွဲမရာလည်း ဂုတ်ပီ
ပင်လယ်နားမှာ သားတရွီနှင့်
ဂုတ်ပီဂုတ်ပေါင်း အလုပ်ကောင်းကို
မြက်ကောင်းပီးမေ
ဒေတလယ်ကို ညက်အောင်လားကေ
လည်လားကျွဲရို့ လားကျွဲရို့။
ခုံးတိုင်ခုံးတိုင် တလုံးတိုင်လေ
ခုံးတိုင်အကြား ထိပ်ကွက်မေကို
အလယ်ထားလို့
လားရာက လည်လည်
လည်ရာကလေ လားလား
အေတလယ်ကို ညက်အောင်လားကေ
လည်လားကျွဲရို့ လားကျွဲရို့။
ကျွဲမရာလည်း ဂုပ္ပီ
ခုံးတိုင်ရင်းမှာ သားတရွီနှင့်
ဂုပ်ပီမသား
နပိုင်းမောင်ကို
အတိုင်ထားကေ
လားလေး ကျွဲရို့
လည်လေး ကျွဲရို့။
ပဒုန်းရာလည်း သွယ်သွယ်
ခွါချေရာလည်း ပုပု
နင့်ထိပ်ပြင်လေ ထိပ်ပြင်လှမှာ
ဂြိုနှစ်ခုနှင့်
အလုပ်ကောင်းကေ
မြက်ကောင်းပီးမေ။
ရီကောင်းရာမှာ
ရှာပျာတိုက်မေ။
သွိ သွိ ဖုံ ဖုံ
မြီတလင်းမှာ
အိပ်ရမေ။
ကျုပ်များကျွံ
အင်းဒင်လှမှာ
လူးရစီမေ။
တလင်းလည်ကေ
လည်ရာလေး ကျွဲရို့
လားလား။
(ကြက်တောပြင် ဆရာတော်)
No comments:
Post a Comment