ပိုးထိုးလောက်ကိုက် (ဧ့) ကိုက်နီသော ကဗျာများ
===============================
မော်ဒဲယ်မချေတယောက်
ဇာလောက်လှလှ
ဖာလောက်နွဲ့ပျောင်းနွဲ့ပျောင်း
(ဧ့) ကိုက်နီမှန်း
ပရိသာတ်က သိထားကေ
စင်မြင့်ထက်မှာ
အခါတရာ လမ်းလျှောက် လမ်းလျှောက်
မပြောချင်လို့ရာ ဟိလီဖို့
(စိတ်ထဲမှာ)
မသထီ နှလုံးပျို့မိဖို့စွာ အမှန် --။
ထိုနည်းလည်းကောင်း
အသင်၏ကဗျာ
ဂန္ဓဝင်မြောက်လောက်အောင်
နုနုရွရွ လှလှပပ
ဇာလောက်ပင် ဆွဲဆောင်မှု အားကောင်း အားကောင်း
ရွှေရည်လောင်းထားကေလည်း
ရသမမြောက်
အလင်္ကာမမြောက်
စာပီ၏အညှီအဟောက်
ပိုးထိုးလောက်ကိုက်
မြောင်းထဲကို
ဝေးပစ်လိုက်ရဖို့စွာဗျာယ် --။
သမိုင်းမှတ်ကျောက်တင်ရေခါ
မျက်စိကြက်တက်နန့်
ငယက်ချေပိုင်ဖြစ်ဖို့ယေ --။
(သာလှဦး)
Thursday, February 26, 2015
No comments:
Post a Comment